انا من وجهة نظري اشوف انه غلط الي يصير يعني رفعوا السعر 50% والله فيه ناس يالله تدبر مصروف عشاء مع اخوياهم وانا اتكلم عن الطلاب لأن اغلبهم يحب الهلال ويبي يحضر ويساند لكن لما يجي يبي يشتري تذكره وينصدم بالسعر بيدق ريوس وع اقرب مقهى وكذا راح يقل حضور الجمهور الهلالي والله العالم !

نحن نسمع عن تبرع النادي ل الجمعيات وغيرها اتمنى تكون صحيحه ولله .....طيب الاولى جماهيركم هالغلبانه ارحموها والا يابن مساعد ............او ترفع السعر والتبرع اجل من هالمسكين الجماهير ماهي منكم

مستغرب من اللي يقول ماراح ادفع 40 عشان الملعب مافيه مطاعم
لو كان فيه مطاعم كان دفعت ضعف الـ 40

إقتباس الرسالة الأصلية كتبت بواسطة hilalicanada استحو على وجيهكم.. جمهور الرائد والتعاون يدفعون دبل من السنه الي فاتت ولاقعدو يصيحون زيكم وياليت لو يحطونه ٨٠ ريال بعد... اقل شي نسويه دعما لنادينا.. والي يبخل ب ٤٠ ريال على الهلال... ابركها ساعه لايجي للملعب... وعسى يحظرون مكانكم جمهور يحبون ويقدرون فريقهم... وجمهور يشرفنا بالملعب.... *والي فعلا لا يستطيع شراء التذكره... ينسق مع اعضاء الهلال مايقصرون.. يوزعون آلاف التذاكر كل مباراة..

ياليت تتعلم كيفية الرد ياحلو

والله حاله ادارتنا تعطي الشعله لاعبين بالمجان وتجي على هالجمهور الضعيف تدور من وراه 10 و20 ادارة اخر زمن وتناقظ ما بعده ؟؟؟؟؟
وعجبي

اتمنى ان يكون هناك تنظيم لحملة ويتم ايصال صوتنا للادارة
#لا_لزيادة_اسعار_التذاكر

إقتباس الرسالة الأصلية كتبت بواسطة hilalicanada *انا قلت من لا يستطيع ان يدفع قيمه تذكره ينسق مع اعضاء الهلال الي يوزعون آلاف التذاكر كل مباراة مجانا *والي يدعي ان ما بيحضر جمهور عشان حظرته مب دافع 40 ريال... اقول له تبطي.. جمهور الهلال ملايين مب نفرين.. عشان تجي تقول لنا الكلام هذا !!!

يا اخي انت تناقض نفسك تقول جمهور الهلال ملايين ثم تقول الي مايقدر يدفع 40 ريال

ينسق مع الاعضاء و يحصل على تذكرة من الف تذكرة

اكثر من الف شخص مايقدر يدفع 40 ريال مو بس واحد ولا اثنين

لا تفكر بنفسك بما انك تقدر تدفعها

الي حاصل يسمى استغلال و مو بس جمهور الهلال جمهور الاندية كلها

ليش زيادة غيرو شيء بالملاعب جددوها عملو شيء عشان يزيدون الاسعار ؟

مالها اي داعي زيادة فيه ناس 40 ريال تكفيه لمدة ايام كيف اجل تبيه يدفعها ب 3 ساعات

حرام

ي إخوان ﻻتشوشون ع الفريق ونحن في منعطف آسيوي خطير

جميع اﻻنديه بترفع قيمة التذاكر وتستفيد منها حتى اﻻنديه الكبار

والهﻻل ﻻزم يرفعها ويستفيد اسوه باﻻنديه اﻻخرى

يعني حتى جماهير الاتحاد والنصر والشباب بتدفع 40 للتذكره مافي أحد احسن من احد

وبالنسبه للجمهور اللي صعبه عليه سعر التذكره : اكيد بيكون فيه تذاكر مجانيه في أغلب المباريات كما جرت العادة يوزعونها عند البوابات

اما المباريات اﻻسيويه أغلبها بيكون الدخول مجاني ويتم تخفيض سعر التذكره فيها لأهميتها

اذا ما تقدر تدفع خلك بالبيت لين توفر 40 ريال وبعدها تعال الله يحييك بالنسبه لي انا اتمنى يرفع سعر التذكره لمائة ريال
ما دام فيها فايده لزعيم اسيا ونادي القرن النادي الملكي واللي ما يقدر يرتاح في بيته ؟؟؟

اللي يقول يارب يرفعونها ل 100 ريال واللي يقول اللي مو قده لايحضر ياخي تحسب الناس كله مثلك

ترى اغلبية الجماهير طلاب وصعبه شوي وانا ضد رفع التذاكر 100 % لانه كذا بيقل الحضور الجماهيري

والرعاة ماتعاقدوووا مع الهلال الا علشان جماهيريتة وبكذا بيقل الحضور الجماهيري وبتبدأ الرعاة بالهروب

والخسران الاكبر الهلال من ناحيه اقتصاديه ، وفر ملاعب زي الناس وخدمات بمستوى ممتاز بعدين فكر ترفع

اسعار التذاكر ؟!

والله انا اشوف الموضوع هذا حمله لتحفيز الناس على مقاطعه مباريات الهلال عشان سعر التذاكر صار ٤٠ ريال
واشوف ان الغالب من الي ردو جدد بالمنتدى وشاركتكم ما تزيد على ٣٠٠
وبما انكم جديدين على الهلال.. احب اقول لكم ان جمهور الهلال اعدادهم بالملايين...
ولا تعتقدون ان عدم حضوركم بيأثر على الحضور الجماهيري..
الحمدلله الهلال قاعدته الجماهيريه كبيره... يغيب الف ويجي ١٠٠ الف بدالهم....
وللمتربصين الي يحاولون زرع هذا الشعور بالجمهور عشان ما يحظر... اقول لهم تبطون تجابهون الجبال..

أشكر للجميع مرورهم وتفاعلهم

وأتمنى من الادارة الأخذ في الحسبان ظروف الشريحة العظمى من الجماهير وخصوصا مع تحسن وتنوع مصادر الدخل

إقتباس الرسالة الأصلية كتبت بواسطة hilalicanada والله انا اشوف الموضوع هذا حمله لتحفيز الناس على مقاطعه مباريات الهلال عشان سعر التذاكر صار 40 ريال واشوف ان الغالب من الي ردو جدد بالمنتدى وشاركتكم ما تزيد على 300 وبما انكم جديدين على الهلال.. احب اقول لكم ان جمهور الهلال اعدادهم بالملايين... ولا تعتقدون ان عدم حضوركم بيأثر على الحضور الجماهيري.. الحمدلله الهلال قاعدته الجماهيريه كبيره... يغيب الف ويجي 100 الف بدالهم.... وللمتربصين الي يحاولون زرع هذا الشعور بالجمهور عشان ما يحظر... اقول لهم تبطون تجابهون الجبال..

عزيزي من الأفضل النضر للموضوع بشكل ايجابي بحيث أن الادارة تدعم جماهيرها بالسعر المناسب والجماهير تدعمها بالحضور والتفاعل ولن يضر الادارة شئ والمستفيد الأكبر الكيان الهلالي وجماهيره

وبالنسبة لتهميشك لمن تقل مشاركاتهم عن 300 وتسطيحك لارائهم فأحيل الموضوع الى مشرفي المنتدى للتقييم

وما أحب ايضاحه أن الحكم على المشاركة ليس بالكم ولكن بالكيف

فهناك من تتجاوز مشاركاته الألوف ولكن مع كل أسف لاتخرج بفائدة (ماعندك أحد معاهم معاهم عليهم عليهم)
وهناك من هو مقل في المشاركات ولكن حينما يكتب لاتمل طرحه وكتابته
لأنه بكل اختصار يحسب حساب كل مشاركة ويحاول ماستطاع الافادة والاستفادة

أخيرا
لم نشارك في المنتدى من أجل التطبيل للادارة أو بعض أعضاء الشرف أو بعض كتاب النتدى
ولكن شاركنا محبة للكيان ولكي نتبادل الرؤى فيما يعود بالمصلحة للكيان
مع السعي الحثيث على نعزيز النواحي الايجابية والحد من النواحي السلبية

واختلاف الرأي لايفسد للود قضية

وفال جماهير الزعيم جميع البطولات

@@@@@@@@@@@@@@@@@@@@@@@@@@@@@@@@@@@@@@@@@@@@