بسم الله الرحمن الرحيم

يالله الخيره يالمجلس العام جئتكم مع هلال العيد والعيد فرحه .. فرحه فرحه
الحلقوم جاي الله وكيلكم اكثر واحد كلى حلقوم ورماه وراه الكنب انا
لو تدخلون بيت جداني من اول وتشوفون ورى الكنب كأنه جدار معتّق من كثر
ماحط هالحلقوم ورىآ هآلكنب لا ولايجيك بالبردقان الله وكيلكم يتعفط وجهك
ويتغير ويصير كأنك وحده بتولد قبل شهرها .. ماعلينا شلون رمضان معكم..
الله يعيده علينا اعواما وحنا بافضل حال ان شاءالله احتمال بكره عيد ان شاءلله يقولون
من اول نحتري سليمان العيسى الله يرحمه يطلع يعلن لكن من كم سنه صار سليمان العيدي ويجي برنامج العيد والنآس وصواريخ وشروخه عموما من كم سنه ماتعيد ف السعوديه وحتىآ هالسنه بعد الشي الكويس ليله العيد انك تفطر مع اهلك آخر يوم برمضان والاوضاع طبيعيه واذا أعلنوا بكره العيد تدخل للبيت مستحي وتسلمون على بعض انت واهلك كانك وآحد معزوم على العشاء
10 دقايق والبيت ريحته حنا كأنك في عطاره بن منقاش .. على كل حال يازيننا من اول عاد تامنون بالله بقولكم شغله ,,!
عرفتوا فديو كليب نجوىآ كرم .. انا مافيي حبك اكتر من عيني ..
من اول لاجاء هالكليب اجي انا وولد خالتي نجلس مع اهالينا ونستحي وانا احط سعابيل وازين حواجبي الظآهر احسبها تشوفني داخل قصه حب مخفيه بيني وبين نجوىآ كرم لو تشوفني اللحين عطتني ذاك [ x ] حق قوت تالنت
مير الشكوىآ لله من بدى رمضان لين خلص وانا مانوم الا 8 الصبح
وان نمت كل شوي اصحى مدري ليه .. كأني وحده تقوم ترضع ولدها الشكوىآ لله بس ..
جالس أكتب هالموضوع وحاط السماعات بأذني واسمع انشوده فرشي التراب يضمني ..
على كل حال يامشرفنا لاتغير عنوان الموضوع نبي نجمع العالم ف المجلس

سبحانك اللهم وبحمد أشهد أن لا إله إلا انت استغفرك وأتوب إليك ..

@meshal_s9

مسلخير يا مشعل

كل عام وانت بخير يا مؤرخ برامج الإعلان عن العيد في التلفزيون السعودي

وأبشرك .. بنت الاجاويد نجوى بنت طوني ال كرم من فخيذة الشحرورة تبلغك التهاني والتحايا وتقول لك : انها لا زالت على العهد والوفاء وهذا السيف وهذا الميدان .. ومن شان هيك بدبكلك ها الدبكة يا دلي

يعطيك العافية

نجوى كرم عيّت تعجّز ..
الظاهر ما راح تعجّز إلا إذا ماتت صباح !

سبحان الله ما يمديني أحب وحدة إلا وتطيح من عيني .. كنت أحب
نجوى كرم لأنها محترمة .. صح شوي من صدرها كان باين بس كنت
أقول اختلاف ثقافات
لكن بعد كليباتها الأخيرة كرهتها كره لا يعلم به إلا الله ..

اكتشفت إن الشيبان دايم على حق !
حتى خقتهم على حق .. ما فيه فنانة محترمة غير سميرة توفيق !
بس يعجبني فيهم يهايطون علينا قلوبنا صافية ونحب على وضح النقا ..
وهم غمزة من سميرة توفيق تجيب روسهم وشلون لو قالت لهم هيت لكم؟


على العموم .. أبارك للعضو النصراوي عالمي وعزومي قوية المنصب الاستشاري بالمجلس العام ..
وأخيراً مجلسنا صار مخترق .. بكرة منار الرياض تلقونها تكتب عندنا