نادي الهلال السعودي - شبكة الزعيم - الموقع الرسمي - دورة الروضان : تقرير يوسف الثنيان .. شاب الزمن فيني - تصفيق الفرنسي بيريز لمهارات الثنيان ( فيديو )

لاعب كنت أعتقد إنه ماراح يعتزل أبداً .. لأنه ماشاء الله كل ما كبر بالعمر كل ما صار مستواه أفضل ..
سقى الله أيامك يا أبو يعقوب .. لاعب داخل الملعب تحسه ممكن يسوي لك أي شيء .. يقلب نتيجة .. يجيب الفوز ..
ظلموه مجاملة للاعبين ما يسوون جزمته وأنتم بكرامة يوم أبعدوه عن المنتخب ..
أوقفوه في أكثر من مناسبة لأنه لاعب هلالي .. ومهب أي لاعب .. الكل يعرف إنه أسطورة حتى من أول مباراة يلعبها ..
مثل ما الإيقاف مر على أغلب أساطير الهلال .. كأنه تطعيم ضد الحمى الشوكية .. كل لاعب هلالي يمر بهالتجربة ..
النعيمة أخذوه لحم و رموه عظم .. 10 سنوات قائد المنتخب ويلعب تحت ظروف صعبة من إصابات و غيرها .. يتم شطبه مدى الحياة بسبب إعتراضه على هدف صحيح للهلال ألغاه الحكم النصراوي ..
سامي الجابر راح ضحيّة في بداياته و تم إيقافه فترة .. مع إنه ماله علاقة بالهزيمة وقتها و أغلب وقته إحتياط للاعبين أقل منه مستوى
عبدالله الجمعان .. ياما و ياما أقفوه .. لعبوا فيه لعب بالإيقافات .. غير المكائد اللي صارت ضده من البلوي و العويران وغيرهم ..
خميس العويران .. شطبوه مدى الحياة .. رجال الهلال وقفوا معه و انشال الايقاف .. بعدها راح للإتحاد ..
خالد عزيز .. يتأخر عن حضور معسكر المنتخب .. ينرقع إيقاف ست شهور .. غيره يجي ويروح على كيفه ..
قائمة تطول .. وبالأخير يقول لك الهلال نادي الحكومة :)

على العموم طلعت عن الموضوع .. موضوع أبو يعقوب .. لكن رجعت بي الذاكرة شوي ..
وضاق صدري كيف لاعب مثل الثنيان .. بمواصفات الثنيان .. ما يلعب كأس العالم 94 .. أكبر ظلم للكرة السعودية ..