من لندن أبارك للجميع
 

اولا ابارك للجميع بمناسبه ها الشهر المبارك واعاده الله علي الامه بحال أفضل
أحبائي واخواني عنري اخوي تعبان الله يشافيه ومتولع جدا في نادي الهلال كما الحال معي
وحاب اسويله مفاجأه وتغير جو وذالك بأن نسافر للنمسا وأخليه يتابع تمرين من التمارين ومقابله
اللاعبين وان شاء الله يكون لها تاثير ايجابي ويتحسن
سؤالي /وين مكانهم واي فندق لان مانبي نروح ونضيع وكمان ما معنا وقت فقط يومين
احبائي اذا احد عنده اي معلومه فالرجاء اخباري
جزاكم الله خيرراااا

شاكر لك ومقدر وجزاك الله خير
المشكله مقدر ارسل رسائل خاصه واتواصل معاهم

.. الله يشافيه و يعافيه و يرجع لـ البلد سالم غانم بإذن الله تعالى .. و أظن أن فكرتك جداً رائعه ..
أتمنى من المشرفين يساعدونك ..

كل عام و أنت بخير

الله يشفي أخوك وجميع مرضى المسلمين بسيطه مره فيه شي اسمه سفاره الو او إيميل وانتهينا موتابع اخبار الزعيم في المنتدى وتعرف بما ان لك في الكوره وتحب الهلال !!! صراحه موضوع ماله دخل في المنتدى مشرفين المنتدى نووووم والمواضيع الي نطرحها تهم النادي مانشوفها!!!

طيب انت ليش زعلان ! الرجال قاعد يستفسر . عندك معلومه فيده فيها
ماعندك ادع لاخوه بالشفاء و الله يجزاك خير
غريب امرك صراحه ..
,,,

عسى الله يشفي مرضانا ومرضى المسلمين , والله يكتب لك الاجر باسعاد اخوك باذن الله

وين يا حبيبي.. ترى الرجال ما جا للمنتدى يبيع ابو فاس!! جا يساعد اخوه الهلالي..
وللمعلوميه.. ترى اسمه منتدى الجمهور الهلالي... وهذي مسأله تهم جميع الهلاليين..
واخونا هلالي مريض الله يشفيه.. ووده يشوف الفريق حقه.. واحنا جميع بنساعده..
وانا متاكد ان هالموضوع اهم من مواضيعك الي تطرحها.. لان من ردك باين منت مستوعب اهميه هذا الموضوع..

اول شي الهلال تحت اسمه مكتوب نادي : رياضي - ثقافي - ((اجتماعي))..

ثاني شي مكتوب منتدى جمهور الهلال ،، يعني لكل هلالي محب يحق له يكتب اللي يبي بالمنتدى دامه داخل حدود الادب ،،

ثالث شي انت مانت مجبور ترد. اعجبك الموضوع علق عليه ،، مااعجبك بسيطه اضغط زر العوده للخلف وانتهينا ،، !!

((اخر جمله بعد الفاصله على وزن كلامك اللي فوق)) ..


.::.
.::.

اللهم اشفي اخوك ورده لبلاده سالم غانم بأتم الصحه والعافيه ومرضانا ومرضى المسلمين ،،

وفكرتك جميله جدا اعجبتني اعجاب شديد لانه طبيعة اي مريض يشوف شي يحبه تتحسن حالته وبإذن الله يقوم بالسلامه ..

وياليت اقدر ساعدك ، ان شاء الله الاخوان (الهلالليين) يساعدونك ..

تواصل مع ابو فهد بالرسايل الخاصه
نادي الهلال السعودي - شبكة الزعيم - الموقع الرسمي - مشاهدة الملف الشخصي: ابو فهد الهلالي