|
فايز المالكي زودها... ويجب ان يعتذر للهلاليين سكتم بكتم خميس ابن جمعه تغييرت اسماء المسلسلات وبقى فايز في اساءته للهلال ندري انه هلالي لكن هل مجاملة النصراويين تكون على حساب الاساءه للهلال من خلال تصويره ان التعصب مرتبط في الهلاليين واستخدامه ( كلمة الزعيق) في اكثر من مشهد سؤال لفايز ولمثاله : من اين اتت كلمة* زعيق؟ اطلقها واخترعها ( نصراويين متعصبين ) واساليب وكلمات اخترعوها الاصفرين كلها اساسها التعصب لم يكن للهلالين الا ( ردة فعل فقط ) فجمهور الهلال في الكثير من المواقف حاول ان ينهي هذا المرض من قلوب النصراويين ومدينا يد التسامح والروح الرياضيه للاعلام النصراوي والجمهور النصراوي وغيره ولكن لاحياة لمن تنادي فمرض التعصب مستحيل ان يشفى منه النصراويين للاسف فايز المالكي فهم كلمة ( امون ) غلط صحيح نحبك لكن استخدامك كلمات مسيئه للهلاليين تحتم عليه الاعتذار وماهو كذا تعالج مشاكل المرضى بالتعصب ( على حساب الاساءه للهلال) ويجب ان تتدخل ادارة الهلال في المطالبه بعتذار المالكي وروتانا الراعي الرسمي لتعصب |
حبيبي فواز السلام عليكم وكل عام وانتم بخير وتقبل الله طاعتكم خلك مثل أخيك الغى العربية والام بي سي وطقتها وروتانا وطقتها وابوظبي وطقتها وقناة الدانة وكل من مس كيان الزعيم وريح دماغك حفظك ربي من كل شر |
إقتباس:
اذا انت سكت وانا سكت القناه مستمره وهذه السخافه مستمره وبيشاهدها الملايين .. السكوت عن الخطا اكبر خطا شفنا ام بي سي كيف صارت ذليله بعد ماتدخل اهل الخير ووقفو مسلسلات الخزي والفجور وتم منعها من العرض فايز اذا مصدر رزقه روتانا ويجب ان يسب الهلال عشان يعيش نقول لا معليش .... دور رزقك بعيد عن الاساء لزعيم اسيا وجمهور زعيم اسيا اللي يعطون دروس في الروح الرياضيه والاخلاق وعيييييييب تستغل حبنا لك وتسرح وتمرح في مشاهد مسلسلاتك بكلمة (الزعيق) وعلى العكس لم يقول اي كلمة مسييه لنصراويين .. |
فايز المالكي نصراويي صميم ما جبت هذا الكلام من كيسي هو ابن حارتنا ونعرف ميوله |
إقتباس:
صارت ذليلة بعد ماذا بعد دعوة المقاطعة من غيورين وهذا ماعملته انا منذ ثلاث سنوات وليس امس او اليوم أي قناة تتعرض للزعيم حذفتها ولعلمك يوجد رصد آلي لعدد المشاهدين وعليه تقوم القنوات بتغيير سياستها من عدمه وأهم شي الإلغاء حتى تقل نسبة المشاهدة ويعرف السبب تقبل ودي |
إقتباس:
لاتقوم تالف ياخوي الناس كلها تدري ان فايز المالكي هلالي لكن ماهو معناتها يستغل محبتنا له ويصير يسقط على الهلال ويسيي له في مسلسل حكم على نفسه بالفشل من البدايه ولايوجد مصداقيه في موضوع الحلقه ابدا لانه هو من اثار نار التعصب من جديد وللاسف استخدم الفاظ مسييه جدا للملكي الهلال ولجمهوره ومن حقنا ان نطالب بعتذار http://download.mrkzy.com/e/3014_613e3241aa2a1.jpg |
مع احترامتي لك ولفايز بس مسلسلاته سخيفة وما ادري مين يتابعها ملاحظ الاعلاميين كلهم طايحين بالاسائة للهلال علشان يكسبون بعض الناس علشان بس يكسبون جمهور لانهم يدرون لو مدحوا الهلال جماهير الهلال عاقله وواعية وما تمشي عليهم الامور هذي زي بعض الناس فايز لو الشعلة يصير نادي كبير وتصير له قاعدة جماهيريه قعد يمدحه ويشجعه بثلاث مواسم شجع الهلال والاتحاد والاهلي والشباب والنصر وكل الاعلاميين يمشون على نفس النظام ... |
الهلال اكبر الفرق جماهيريه بالمملكه... واكيد بيواجه تفاهات مثل ما تفضلت... لكن مب معقوله نحارب ونقاطع الجميع.. الي صدق يحارب الهلال نقاطعه وبالجزمه القديمه على راسه..مثل/بتال،خط الستات، تركي العجمه هذولا الي يستاهلون يتربون.. لانهم فعلا ناس وسخه.. وتتفنن في تهييج جمهور الهلال.. والتستر على غلطات الفقر.. |
اخوي فايز المالكي نصراوي صميييييم ٫ وانا برضوا اعرفه قريب من بيتنا مثل الاخ اللي فوق ٨ ٨ وهذا مقطع يقول انه نصراوي https://www.youtube.com/watch?v=WmRK3zxQhwU وبالنسبه لاساءته اللي تتكلم عنها، انا اشوف ان الموضوع ودي وفايز انساني جدا ولايغلط على احد . لكن كونه ممثل يبي يجلب المشاهدات لحلقاته من حيث انه يتكلم بالواقع وش جالس يصير في المجتمع. لانكون حساسين لهدرجه يالغالي. لو انه شخص ثاني مثل بتال القوس انا باقولك صح لان النيه بينهم واضحه وفارقه . فايز يحب النصر ولكنه لايكره الهلال. وبتال يحب النصر ويكره الهلال. اتمنى وضحت. اختصارا "فايز المالكي انسان يقدر الانسانية ويعمل لصالح الجميع ويحب الخير للجميع واعماله خير دليل" كل عام وانتم بخير. |
إقتباس:
يقول انا نصراوي بس يطقطق على الفقراويه |
فايز فقراااااااااااااااااااااااااااااااااااااااااااااااااااااااوي خسيس |
مسلسل بأيخ وكيف نقول انه هلالي وهذي اسقاطاته على الزعيم !!!! هو فقط يريد إرضاء جمهوره ويلعب ع الحبلين ( هلال ونصر ) وأخشى ان يكون هدفه ماااادي !! تحياتي |
انا ماشفت الحلقه لكن إذا صحيح أنه قال زعيق فيها فهذه كارثه وخصوصاً أن فايز هلالي وتم تكريمه بدرع من قبل ابن مساعد في نادي الهلال في اكثر من طريقه تقدر تضحك الناس وتجذبهم لكن مو على حساب الأساءه لـ نادي الهلال زعيم القاره الاسيويه !! الوليد بن طلال نايم بالعسل وقناته روتانا تبث سمومها ع الهلال من بررنامج كوره إلى مسلسل فايز !! امحق عضو شررف بس |
اذا صدق مكرمينه بدرع فهذي كااارثة بحق بن مساعد !!! |
ما طقينا خبر لفايز وأشكال فايز من السامجين نصيحة قاطعوا المسلسلات ولو برمضان فقط التلفزيون الحمدلله لكأس العالم فقط أجل تبينا مثلك نترك دور الـ16 ونتابع فايز السمج ؟؟ هزلت |
| الوقت المعتمد في المنتدى بتوقيت جرينتش +3.
الوقت الان » 02:56 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd