فرطت هذه الادارة في المدرب الشاب المتحمس سامي الجابر وهو على بعد خطوات قليله من اسيا واعترضنا وقلنا الافضل استمرار سامي لاجل اسيا ولاحياة لمن تنادي..تقبلنا القرار على مضض..واستقدمت الادارة المدرب الروماني الجديد..
للاسف اول قراراته هي طلب الاستغناء عن المدرب الرائع ستامب!
هل تعرفون من هو ستامب؟
هل تعلمون انه هو وسامي الجابر من حقق بطولة كاس ولي العهد قبل موسمين في اروع مستويات للهلال وبطريقة اللمسه الواحدة دكينا النصر بالاربعه والحقنا الاتحاد بالنصر في مباراة رائعه جعلت الاتحاديين يدافعون عن مرماهم باخر المباراة وهم خاسرين !
ستامب من حقق بطولة الاولمبي بجدارة..يتم الاستغناء عنه لاجل ان يستقدم هذا المدرب الروماني احد ابناء جلدته؟!
ولم يقتصر الامر الى هنا...
تعداه الى الاستغناء عن مدرب الحراس الرائع -ومن امتدحه كثيرا محمد الدعيع-...المدرب الوطني منصور القاسم ومن ساهم بتوفيق الله في بروز موهبة الحارس الواعد الواكد!...كل ذلك لاجل رغبة هذا المدرب الجديد لكي ياتي بمدرب حراس من ابناء جلدته...
سنتقبل هذا القرار وعلى مضض ايضا لاجل ان نعطي المدرب كامل الحريه لكي تتم محاسبته عند اي قصور...ولكن لماذا يتم الاستغناء النهائي عن هذه الكفاءات؟؟
لماذا لا يحول ستامب لمدرب لفئة الشباب او الناشئين وكذلك منصور القاسم؟
لماذا يتم تفريغ الهلال من الكفاءات؟ فبعد عبداللطيف الحسيني مدرب اللياقه الرائع هاهو الدور على بقية الكفاءات...هذا خطاء اداري كبير..

ياخي مشكله والله ستامب ماشي مع فريقه كويس واخذ الدوري ليش يقال الاداره عليهم شطحات

توقع كل شي ممكن المدرب يقول ماابي نيفيز وماابي ياسر الشهراني ومابي الشمراني بيقولون

سم طال عمرك ويبيعونهم على اقرب فريق لاننسى كارثة تنسيق فيصل الجمعان ورجعوا يشترونه

6 مليون وكارثة التبديل بين عمر الغامدي ووليد الجيزاني اكبر صفقه غبيه في عالم كرة القدم

اول معلومة خاطئة بموضوعك ان اللي درب الهلال مع سامي في كاس ولي العهد هو الألماني هيكو بونان وليس ستامب ،،،،. ثانيا ستامب درب الهلال قبل مجيء كالديرون وقدم الهلال معاه مستويات سيئة جدا ،،،،، ثالثا المجموعة اللي دربهم ستامب اغلبهم لاعبين منتخبات شباب واولمبي وبعضهم احترف خارجيا وكانوا مهيئين ليلعبوا للفريق الاول ماهو الأولمبي ويكفي منهم عبدالله الحافظ وعبدالله عطيف فماهي غريبة اذا حققوا كاس أولمبية ،،،،

من جد هالاداره ما ادري وش اسميها

انا لولا معرفتي بإنتماء الرئيس كان قلت انه يريد هدم الفريق الله العالم وش يدور بباله

اكبر شي محبط انك تطالب بالقاسم يكون مدرب حراس للفريق الاول تلاقيهم ناويين على اقالته حتى من الاولمبي

يعطيك العافيه

والله ماننكر ان الادارة مو عاجبتنا بتصرفاتها
لكن سامي راح الله يوفقه وهذا هلالنا مالنا غيره ولو عوروا قلوبنا لازم نصبر
المثل يقول مالك الا خشمك لو انه عوج
الصبر زين يازعماء والله سبحانه يقول ان بعد العسر يسرا
كل ادارة لها سياستها وهذي الادارة شفنا لها عده سياسات صراحه
الله يكتب الخير الهلالنا لازم ندعمه سواء مع هالادارة او الادارة القادمه مع هالمدرب او غيرهـ
راح نتقبل اجرائتها ع مضض والشكوى لله ..

إقتباس الرسالة الأصلية كتبت بواسطة هلاليه زي القمر من جد هالاداره ما ادري وش اسميها انا لولا معرفتي بإنتماء الرئيس كان قلت انه يريد هدم الفريق الله العالم وش يدور بباله اكبر شي محبط انك تطالب بالقاسم يكون مدرب حراس للفريق الاول تلاقيهم ناويين على اقالته حتى من الاولمبي يعطيك العافيه

حتى القاسم ستتم اقالته
وجلب مدرب حراس اجنبي

إقتباس الرسالة الأصلية كتبت بواسطة ahmed al-enizi اول معلومة خاطئة بموضوعك ان اللي درب الهلال مع سامي في كاس ولي العهد هو الألماني هيكو بونان وليس ستامب ،،،،. ثانيا ستامب درب الهلال قبل مجيء كالديرون وقدم الهلال معاه مستويات سيئة جدا ،،،،، ثالثا المجموعة اللي دربهم ستامب اغلبهم لاعبين منتخبات شباب واولمبي وبعضهم احترف خارجيا وكانوا مهيئين ليلعبوا للفريق الاول ماهو الأولمبي ويكفي منهم عبدالله الحافظ وعبدالله عطيف فماهي غريبة اذا حققوا كاس أولمبية ،،،،

ياعزيزي ارجع للمباريات اللي ستامب درب الهلال فيها بداية من مباراة الرائد وانتهت 2-4 وبنهاية بقدوم كالديرون وشوف النتائج كانت سيئة ام ايجابية

أعتقد والعلم عند الله أن المدرب يريد توحيد الفكرالتدريبي للفريقين الأولمبي والفريق الأول حتى لو تم تصعيد أي لاعب من الفريق الأولمبي للأول لن يجد صعوبه في فهم تكتيك المدرب هو يريد إختصار الوقت من فهم التكتيك والتجانس والتوظيف يكون اللاعب على درايه تامه بطريقة المدرب لأن المدرسه وحده
لانستبق الأحداث وربما يكون المدرب القادم لن يقل عن ستامب مع يقيني أكثر نجاحات الزعيم مع المدربين الرومان وهذا الشيئ يجعلني متفائل

على كثر مافرحت بالحمد وجيته للهلال على كثر ماصدمني القرار الي مادري وش يبي ستامب مدرب نااجح تشيلة ليش ؟ الله يستر

لازم التشكيك والتحلطم

ستامب جايه عرض من قطر قبل ان يفكر الهلال بانهاء عقده

وجت الامور ممتازه للادارة الهلاليه ولم يدخل في مزايدات مع وكيل المدرب
والفريق القطري والضحيه الهلال
واما القاسم مع احترامنا له راينا مستوى السديري والاخطاء المتكرره التى تحصل منه وحاجته الى مدرب متخصص والدعيع لابد ان يمدح القاسم لانه لم يكن يتجرأ ان يوجه الدعيع وش جاب مستوى وخبرة القاسم للدعيع
لذلك يعلم الدعيع انه ماخذراحته مع القاسم
والدليل اخر ثلاث مواسم اهداف تدخل في الدعيع لاتدخل في حارس مبتدء
ان اتينا الى هدف ضياء هارون وهدف حسين عبدالغنى وبلنتى نور اللوب وهدفي نجران وهدف حسنى عبد ربه مع الوحده الاماراتى وهدف بختاكور في طاش كند الهدف الثالث والدعيع لازال عند الكورنر
وهدفى الكاس للمولد ومنتشري في الرياض
اخر المواسم الحمد لله ان جرتس حفظ تاريخ الدعيع بالابعاد ليحفظ المكانه العالميه التى حفرها الدعيع في قلوب الرياضيين

المهم ان الهلال كان مطالب مدرب للحراس لماذا القلق الان ؟
من يحكم على الاعمال قبل ان تبدأ فهذا جنون وتجنى

دعو الرجل يعمل وادعموه واحكموا بعد ان ياخذ فرصته ولو في دوري واحد

طيب من ابعد المدرب الرائع الحسيني

الله يستر من القادم
الزعيم يسير بدون معالم واضحة
..........