إدارة الهلال تقرر إنهاء تعاقدها مع مدرب الفريق الأولمبي "ستامب" لرغبتها في توحيد المدرسة التدريبية في الفريقين "الأولمبي ، الأول"

وهذا الطلب جاء من مدرب الهلال "ريجيكامب" .

يعني مدرب محقق كاس فيصل

وتروحون تشيلونه علشان ريجيكامب الي توه جاي.

ماعتقد يوحد المدرسه التدريبيه

يسمسر بالنادي على كيفه


من يوم شفته يبي الاجانب من الدوري الروماني

وانا غاسل يدي

الشغله كلها سمسره

احس موسم الهلال هالسنه مايطمن ابدا

تخبط كبير جدا

الله يعين على هالاداره الي غيرت 10 مدربين خلال 4 سنوات

شف ونا خوك الاجانب اذا جو عندنا بالسعودية الود وده يجيب ربعه كلهم انا شغال ببشركة فتره كان المدير العام جنوب افريقي غير جميع الادارات وجلب ابناء جلدته الشركة الان جلبت الماني وللاسف مرتباتتهم عالية ولايفقهون اي شي سوى التحدث باللغة الانجليزية فغير جميع الكوادر الادارية المهمه وجلب المان , هنا الروماني جديد وعقد كبير وامر طبيعي انه بيجلب رومانيين في امكان شاغره ر او بالامكان احداث شاغر فجميع الاجانب يعتبرون بلدنا البقرة الحلوب فاحلب باكبر قدر ممكن وفي وقت قصير جدا..

اول شي كل مدرب له سياسة خاصه افضل مدربين العالم مورينهو وجوارديولا يأتون بطاقهم الخاص
بغض النظر عن انجازاتهم

هذا البايرن حقق ثلاثيه التاريخيه وغير طاقم التدريب كامل من اجل تحسين الفريق اكثر واكثر

تدري وين المشكله اننا ننتقد ونكتب مواضيع سابقه لاوانها ولا في شي اكيد

وانت قلت سمعنا يعني اشاعات وبعدين المدرب صرح ونفى الشي ذا بالمؤتمر الصحفي
وبالعقل هو توه جاي ماله كم يوم مسرع عرف وش يبي عشان يجيب لاعبين
وحتى ان احضر لاعب روماني خلنا نشوف وش وضعه وامكانياته... بس انتقاد سريع

اتركوكم من الاشاعات ودعو العالم تشتغل بدون ضغوطات

انتقد بس تكون مستند على شي رسمي او اكيد وليس شائعات

انا ماني ضد تغيير مدرب الاولمبي طالما انه راح يجيب معاه مدرب يكون متفاهم معاه وهذا شي ايجابي

انا كتبت موضوع بخصوص ستامب بس الضاهر المشرفين بالواسطه اتمنى رحيل اداره الهلال ومشرفين المنتدى جميعا اللي مو قد المسئوليه لايتحملها لأنها امانه

هذا البايرن حقق ثلاثيه التاريخيه وغير طاقم التدريب كامل من اجل تحسين الفريق اكثر واكثر

الله يستر ويسهل أمور الزعيم الموسم الجديد ..

البايرن اللي حقق الثلاثية , عشان المدرب اعتزل فشي طبيعي بيغيروا الطاقم كامل .

ولا ماهو عشان سواد عيون قوارديولا .

..


ودي أبعد فترة عن الهلال .. احس هالايام صار سلبي بكل شي والسبب أخبار تخبطات الهلال اللي دايم اسمعها ويضيق صدري منها .
وتأثر سلبا على نفسيتي وعاداتي اليومية .


لاحول ولا قوة الا بالله بس ... الله يبدل همنا وحزننا يسر وسعادة يارب العالمين .

وش القصه اليوم راد على الموضوع وردي اختفى فجأه

حتى المواضيع اللي اكتبهن يختفن فجأه


وبالنسبه للبايرن المدرب قرر الاعتزال قبل لايأخذ البطولات

مافيها كلام بدأ شغل السمسره

ريجيكامف مهمته الفريق الاول
غير الطاقم على كيفك
ستامب في الاولمبي
ايش دخل ستامب في الطاقم

سامي فهمنا ما جاب بطولة
رغم ان عبدالله بن مساعد
قال
هذا ليس هو السبب في الاقالة
طيب ستامب ليش ؟!

تدرون عاد
اعملوا ما تريدون
لكن
يجب ان تكونوا شجعان عند الاخفاق

ااتوقع اشاعات المدرب قعل شيء كبير للهلال واذا راح بيروح نادي كبير

انتظروا الاسواء
في ظل هذا التخبط الإداري
فعسى ان تهب رياح التغيير وتتغير الإدارة
الهلال صار ملكــ لهم
الجاسر بلباسه المخجل يتمخطر وكانه في منزله
والادارة تتصرف وهي بعيده كل البعد عن الواقع
ونحن كالابناء نتصارع في غياب الاب ونحاول ان نصلح ما افسده غيابه ..
تفككـ أسري فضيع سيهوي بنا للهاويه ..

الحين كل ما سوت الإدارة شئ ،، ما عندكم إلا الانتقاد فلذلك ادعموا الإدارة ، مو معقولة كل ما بغوا يصدروا قرار يسوون عليه استفتاء علشان يرضون الجماهير (و مستحيل يكون كل الجمهور متفقين على رأي واحد ) ،، فلذلك نعيد و نكرر ادعموا الإدارة ادعموا الإدارة ،،