السلام عليكم
في خضم هذه الاحداث الغريبة من اصرار على تغيير مدرب فين حين اننا ننتظر دور 8 في اسيا ونتوقع اقتحام السوق الصيفية بدعم الفريق باميز اللاعبين نصطدم برغبة في تغيير المدرب وعدم جلب لاعبين محليين !!!
ماعلينا الاهم في نظري اذا كانو مصرين على تغيير مدرب اتمنى ان يكون مدرب ذو طريقة تعتمد عالمرتدات ويجيد التكتيك الدفاعي البحت الهلال دائما يخسر البطولات بالاندفاع الغير منطقي ومحاولة فرض السيطة على ملعب الخصم في حين ان الكرة تعتمد التوازن في اللعب واحترام المنافسين
اللعب على المرتدات بوجود ناصر وياسر وسالم ونيفيز افضل حل وافضل طريقة لجلب البطولات ...
هذا والصلاة والسلام على خير الانم نبينا محمد وعلى اله واصحابه وسلم ....

انا اتفق مع كل الي قلته


وقلت الي في خاطري

تعرف نادي بتروجيت المصري ؟

طيب شرآيك لو تدربهم ؟

تخيل ان هالنادي مقبل على دور مهم في بطولة قآرية

..

كم يبي لك على شان تتعرف على اللاعبين , وكم يبي لك على شان تفهم عقلية اللاعب المصري, ؟
معسكرشهرين مع اندية ماتلعب بقوتها كاملة , تظن بيكفيك؟

-
نظرة المدرب الجديد لللاعبين السعودين
غير عن نظرتك للاعبينا لانك تعرفهم ,

مانبي اسيا ولا كاس العالم نبي سامي اللي تعب على الفريق وجهزه وهو الأحق بتحقيق اللقب وليس المدرب الجديد لاحد يقول انت تحارب الاداره لا انا احب الهلال اكثر من الاشخاص واكثر من سامي بس الحق يقال الهلال ليس بحاجه مدرب جديد الهلال بحاجه شخص يعشق الكيان ويهمه نجاح الكيان وشخص تعب واسس الفريق بشكل صحيح وهوا سامي وهوا اكثر شخص عارف الخلل في الفريق وعارف كيف ينتصر وفي الاخير يتم التخلي عنه لاسباب شخصيه لافنيه وين دورنا حنا يالجمهور بن مساعد كان يطالبنا بالحضور ودعمناه وتخطينا المليون مشجع في سنه ويوم طالبناه باستمرار سامي تخلى عنا وانا اجزم وأكدلك انك ماراح تشوف جمهور الهلال كعادته في الحضور لأن بن مساعد هدم اللي بناه وعلى كثر ماكنا نحبه على كثر مانكرهه الحين ونتمنى رحيله غير مأسوف عليه

ياشماتة اافقراوين فينا كل ذا من عبدالرحمن بن مساعد بالله مو لوقعد يكتب شعر احسن بدل ماهو قاهرنا على سامي

والله انا متخيل شكل سامي واعضاء الشرف قاعدين يتناقشون حوله قمة في قلة الحيا والله عيب عليهم بغض النظر عن سامي قعد او راح سامي انسان عنده كرامة ماهو لعبه خلوه لا ماتخلوه لو الرئيس هذا عنده دم يطلع يقول شي تارك الاعلام الفقراوي يسرح ويمرح وشغال على حساب النادي والمدرب والجمهور وهو ابرد من الثلج مو هو اللي قال في اكشن يادوري ماراح نسمح ﻷحد يتطاول على الهلال يلا ورينا وش بترد ولا بتروح تسدحنا بقصيده من قصايدك حسبي الله فيك ياشيخ السكر عندي وصل 400 من الغبنه والقهر ماتبي سامي قولها بطريقه محترمه عشان نحترم رايك ياسمو رئيس النادي ولاتخلينا مسخره الاندية وجماهيرها