بالفعل كلامك في محلّه سامي ذكي ولمّاح لكن كما يقولون ( غلطة الشاطر بـ 1000) عندما استلم الدفه الفنية في بداية الموسم اعتقد انه ملك النادي وبدلا من ان يستغل ذكائه الفطري بكسب المؤيدين والمعارضين لتوليه المسئولية الفنيه .. قام (وبتهور غريب) بنشر الغسيل كاملا وهاجم محمد بن فيصل و العمل في الفئات السنية ... الخ . وحيث أن رجالات الهلال (الذين هاجمهم وانتقص من قيمتهم) اكبر منه (ورغبة منهم في عدم الاضرار بالفريق)كتموها في انفسهم وتجاهلوا هجومه وآثروا الكيان على أنفسهم وتركوا له المجال ليعمل ويثبت كفائته داخل الميدان , وهذا من شيم الكبار . ولو نجح سامي في الميدان وحقق أي بطولة لأسكت الجميع بل لكسب احترام حتى من كان ليس مؤيد له في البداية ولضمن تكملة عقده كاملا . الآن بعدما أثبتت التجربة الميدانية فشل سامي وخرج من الموسم خالي الوفاض قام محبوه بالبحث عن مبرر (غير فشله ميدانيا) ليبعدوا الانظار عن فشله الذريع فلم يجدوامايدافعون به عنه ويثيروا به الجماهير المغلوب على أمرها غير الهجوم على كل من انتقد الكوتش سواء اعلام او مشجعين وركزوا اللوم على من لم يدعم بقائه من اعضاء الشرف متناسين ان جزء من اعضاء الشرف هؤلاء هم الذين هاجمهم وأساء لهم ولعملهم سامي في بداية الموسم . اخيرا : بعيدا عن الاراء الشخصية يبقى الامر بيد رئيس النادي فهو من سيتحمل المسئوليه في النهاية , وسواء بقي سامي او غادر .. نتمنى التوفيق للهلال |
سامي خط احمر للجمهور الهلالي . اذا كان الدعم الشرفي لن يتحقق الا بازالة سامي ف ايضا الدعم الجماهيري سوف يقل كثيرا بسبب عزوف الجماهير عن الملاعب . انا عن نفسي ساترك التشجيع ليس لاجل سامي فقط ولكن لاجل اننا سنفتقد المتعه الكروية التي قدمها الفريق مع سامي. مدرب جديد و سباك جديد مثله مثل هاسيك و ماسك و فاسك و ملهم نص الدوري يتغيرون. هالمدرب اللي بيجيبونه فقط ل سد العيون و لكن سيرجع الهلال لعادته القديمة فريق يلعب بلعبين يطبقون الخطة و لا يهمهم الجمهور اللي حاظر. يا ريت يطلعون الخبر رسمي باقالة سامي و ينهون السالفة و ساودع المنتدى لغير رجعه لانني خلاص فهمت لماذا كنا ننهزم من ام صلال و الجيش و غيرهم و نطلع من فرق اقل منا في اسيا. كان فريق محترفين للكرة ولكن الجانب النفسي معدوم بسبب المادة. و سامي الجابر بعد قصة تأديبه للعابد الكل انظبط و عرف اللاعبين انه مطلوب منهم الروح قبل اللعب. العنيد |
إقتباس:
شكلك ماتعرف سامي زين :ranting: |
إقتباس:
|
انا اللي اتمناه ان ذولي الامراء يفكونا من شرهم خلاص النادي صار ملك لهم. ما دمر الكره السعودية الا هل الاشكال خلاص ماكفاهم متملكين الارض ومن عليها |
إقتباس:
مدري ليه احسك من شلة عادل الملحم اترك عنك الهرج الي لايودي ولايجيب وترا رد واحد يكفي وياليت تحط كلامك في مكان ثاني واذا ماتعرفه تعال خاص واعلمك على مكان يحبه قلبك وبعدين وش دخل عائلتك في الكورة ترا نهايتك تراب ياسبايدر مان وبلا مهايط وبعد وش دخلنا فيك انت مدرس ولا سباك هذا وانت مدرس وجاي تتعنصر هنا بكلامك والله لو اني مدير مدرستك لأخليك مشرف على باصات الطلبة اقضب ارضك وبلاش ردود مثل وجهك |
اقول الاسطوره الخالده اصلاً من ردك الاول كاتب سامي له اخفاقات واضح انك ماتفهم كوره وبعدين انت اعترف بنفسك انها امور شخصية مو فنيه انهم مايبون سامي مدرب انت كاتب سامي انتقد الفئات السنيه وبعدين سامي نجم الجماهير الهلاليه لاعب واداري ومدرب. سامي واعضاء الشرف مجرد اسامي |
اذا وجهة نظرك صحيحه واعتقد ذلك معناها ان اعضاءالشرف مع احترامي الشديد لهم عقولهم صغيرة |
إقتباس:
عمو شوف فيه منتديات تخدم منهم مثل عقليتك تقدر تنثر فيها ابداعاتك |
اعضاء الشرف ، نيتهم بالغاء عقد سامي ليس كره فيه وانما من اجل الهلال وسامي الجماهير عاطفيه تريد سامي ، والاداره تريد ارضاء اعضاء الشرف والجمهور وهذي مشكلة التردد الى هذه اللحظه |
بصراحة مثل هالمواضيع مع احترامي لشخصك الكريم المفروض ماتكتب... لأن نحن كجماهير هلالية لابد أن نحسن الظن بأي شخص يعمل في الهلال لأنه يعمل للهلال.. فأعضاء الشرف وإن اختلفوا في قرار بقاء سامي الا انهم اجتمعوا على مصلحة الهلال فكل واحد يرى مصلحة الهلال من خلال وجهة نظره..ولا ننسى إن الفضل بعد الله يعود لهؤلاء الرجال وشكرا عزيزي :) |
العضو اللي اسمه الاسطوره الخالده مريض الله يشفيه وعنده مرض وهو التعصب لياسر !! متعصب للاعبنا ياسر لدرجة انه حقد على تاريخ سامي ! وايضاً يحاول يقلل من ناصر الشمراني بسبب تعصبه لياسر يازعماء مالكم داعي تطقطقون عليه والله حرام قلبي مايتحمل ^_^ |
سامي ان شاء الله باقي والمواقف بينهم سبق وصار اكبر منها وتجاوزوه الهلاليين ويا ليت وحنا نكتب عنهم ما ننسى ما قدموه لهلالنا خصوصا بندر بن محمد يا ما قدم وخرجت المدرسة تحت اشرافه اجيال اولهم سامي كلهم لهم الاحترام |
اذا كان في شي من اول سووه لسامي لكن الي ينرفز ان بعض الناس حاطين سامي فوق كل شي لا سامي داج وهبل فينا موسم كامل خبط وبربس لين داخ على اخر مباراتين خلاص صار احسن مدرب ولا تنسون ان لولا الله ثم ناصر هالموسم ولا كان الهلال في مركز مايتخيله احد |
ليرحل غير مأسوف عليه الهلال يمتلك عناصر لو لعب بهم من غير مدرب لحقق نتائج افضل من النتائج التي تحققت هذا العام ويكفي من عيوبه اشراكه للدعيع الي هزمنا في مباراة النصر وما تحسن وضع الدفاع الا لما رجع كواك وافتكينا من الدعيع |
الوقت المعتمد في المنتدى بتوقيت جرينتش +3.
الوقت الان » 08:45 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd