☆ شعراء الهلال يقفون مع الأمبراطور النعيمه ☆ - نادي الهلال السعودي - شبكة الزعيم

FaHaD.D · #1 03/05/2014, 04:37 AM

,

هـذا اتحاد " البربسه " و المصالح
جابـو لنـا بــ افعالهـم وصمـة العــار

المجد لو ينطق .. نطق باسم ( صالح )
و هم من رداياهم جلس خلف الاسوار

-

ما تعرف توطي .. ولا لك مصالح
وتقول كل اللي .. فـ بالك ولا تخاف

وإلا إنت تاريخك مشرف يا صـالـح
للحيـن مجــدك بين الأجيال ينشاف

-

كلنـا صالح .. و صالـح كلنـا
و المعذره يا زعيم المملكه

و أنت دايم يابطل بـ قلوبنا
كيف وانت المجد بايدك تملكه

-

بعض المواقف تجرح الطفل ويشيب
وشلون جرح الرجل لا صار شايب

اللي حصل في صالح البارحه عيب
وشلون تعزم ضيف وتكون غايب ؟

-

وجهك اللي امتلى الليلة هموم
كان يعني للوطن شـيء كبيـر

قوم يا صالح طلبتك .. قوم قوم
قلوب عشاقك ( منصة ) يا أمير

-

في وطنا ينحرم صالـح و يعطى طالح
و النعيمه شيخ من قبل العبيد تشيخ

و ان تناسوا ماصنعته للوطن ياصالح
ما نسينا مـوت أبوك و وقفة التاريخ

-

في زمانك جبت لخصومك متاعب
و أنـت دايم كاسب الرقم الصعب

لا أتضايق و أنـت أكبر من ملاعب
وكل نهائي وكل منصه وكل ذهب

-

مادام يا نعيمي عزمت .. النعيمـه
لا تقفل البيبان يا صاحبي عيب !

لا وصلت الدعـوه و جـات العزيمـه
واجب على الرجال يوفي المواجيب

-

يا حضرة التاريخ فـ القلب غصّة
وشلون مانحزن ونزعل عشانك

رقيت بأحلام الوطن لـ المنصّة
دار الزمان و صار هذا مكانك !

-

الا يا بعد حي يالنعيمة فداك اللاش
الي مايقدر صاحب المجد و افعاله

نحبك نردد عاش صالح عاش وعاش
نتوارث غلاك و جيل يحكيك لجياله

-

جميع الأبيات منقوله من الحساب الشعري لـ نادي الهلال بـ تويتر

77_HFC@

,