|
لأجل الهلال ... (العقل وليس العاطفة) نعم أقولها وبدون مقدمّات ولا مجاملات وبكل تجرد وبالعقل المغلف بعاطفة الحب والعشق لهذا الكيان!!!! وبعد أن انقضى موسم عصيب عانا فيه الجميع الامرين.... الكل دون استثناء من متصفح للمنتدى وما يطرح فيه من غث وسمين ....كلنا نتذكر تأييد ينقلب الى رفض وحب يصبح كره !!! حتى اللاعبين أنفسهم .... كان طموح الجميع (موسم خارق للعادة) ولكن تجري الرياح..... ماراح أطول عليكم لكن هناك نقاط كثيرة تستحق التوقف وإعادة النظر فيها الا اني لن أتطرق لها في هذه الأيام لحساسية المرحلة المهمة والقصيرة ..... لذلك سوف اوؤجلها لنهاية الموسم لكن مالا يسكت عنه ولا يحتمل التأجيل للمباراتين القادمتين ....اسمحوا لي سأدع العاطفة جانبا . أقول الشلهوب لا يلعب ماينفع ياكوتش مع الأوزبك والله واضحة ضعيف جدا جدا روقونا.. السديري أحسن المجموعة اقصد مجموعة الحراس وإذا اخطأ على الأقل صغير فيه رجا يتعلم شبيتو فيه من بداية الموسم وجا غيره وليتنا من حجنا سالمين الجمهور ياعيني ابداع.... كاستلو وياسر مو وقت الكلام عنهم ..... ياليت الجميع يفكر في كلامي يا جماعة الشلهوب حبيبنا وحبيب سامي وبن مساعد بس مو وقته.... ولا احد يقولي نسيت وش سوا للهلال .... ما نسينا اجل نجيب الثنيان.....، |
اتفق معك تماماً في مباراة الذهاب كوننا نحتاج الاداء المتوازن ومساندة الوسط للدفاع والشلهوب لايناسب هذه الادوار واتمنى اللعب بياسر الشهراني في الوسط الايسر مع الفرج امام كاستيلو وفي الوسط الايمن سالم الدوسري وفي الهجوم ياسر وناصر اما الاياب كلامك صحيح لو نيفيز موجود لكن مع اصابته فان الشلهوب هو الانسب لصناعة اللعب اما البنية الجسمانية فلم تضر الشلهوب في بداياته حين سجل ٤ امام اوزبكستان في كاس اسيا ٢٠٠٠ في لبنان اتفق معك |
بدينا في الحرب النفسي للاعبين اتمنى انك ما تكتب اي موضوع في هذا الوقت الحساس انت ما تبي تكتب عن الشلهوب انت تبي تبدا في الحرب النفسي لياسر القحطاني انت بس تبي الهلال يخرج من اسيا ويالله وين ياسر الفاشل والله من هذا الكلام االي تعودنا عليه منكم صرنا نسمع الكلام من جمهور الدفع الرباعي عن ياسر ونزله هنا هذي شغلت بعض جمهور الهلال او المندسين 😠 |
الشلهوب من اسباب تأهل الهلال لدور ال16 ماننكر تعبه لانه جا في وقت ماكان يلعب اساسي وفي اهم المباريات واصعب الظروف وماقصر صحيح ان اهم عيوب ابو بندر انه مايدافع مضبوط لكن صانع لعب درجه اولى |
اتمنى الضغط اول 15 دقيقه واحراز هدف ثم التقفيل واللعب على المرتدات الهلال في المرتدات فريق فظيييييع يجيدها بطريقه فظيعه وكلنا شاهدنا نتائج الفريق الكبيره اتت من هذه الطريقه الي تريح الدفاع وترهق الخصوم ماراح اتكلم عن التشكيله لانها اختصاص الكوتش وكل التوفيق ان شاءالله للشقرديه بحسم المباراه من ملعبهم |
يا سادة يا أفاضل شكرًا لمروركم ولكن ما طرحته لايتعلق الا بشئ واحد وهو البحث عنالتأهل وليس حربا على احد ولن ادخل في التفاصيل سواء ياسر او الشلهوب... |
| الوقت المعتمد في المنتدى بتوقيت جرينتش +3.
الوقت الان » 10:04 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd