خدمة التاكسي الفخمة Uber بالرياض -رصيد مجاني 80SR بالداخل- السلام عليكم ورحمه الله وبركاته الإسبوع الماضي كنت بالرياض والصراحة بحكم خبرتي بشوارع الرياض معدومه والزحمة الصراحة تجيب المرض ( الله يعينكم ويآجركم ) وعندي كم مشوار تافه ودي اخلصهم سريع سريع أول يوم مشيت حالي بـ تاكسي عادي ومتوسط المشوار كان يطلع علي 35-SR45 بعد المكاسرة من شرق الرياض الى غربها المهم بنفس اليوم كنت ادور على شركات تجيني بالسيارة بمكالمة مثل تاكسي لندن وغيرهم وبالصدفه لقيت اعلان لشركه جديدة عالمية لها فروع في امريكا واوروبا تواجدهم بالشرق الاوسط بدبي والدوحة ولسى مشغلين خدمتهم من شهر بالرياض اسمها Uber والخدمه عن طريق تطبيق خاص فيهم على الـSmartPhones والدفع عن طريق الكريدت كارد على طول بعد ما توصل لوجهتك.. والسيارات اللي عندهم بي ام الفئة الخامسة واودي...، وكمان يوكن اكس ال المهم كل سياراتهم فخمة و 2014 بجلد وشغل مرتب وعلى حسب كلام السواقين اللي طلعت معاهم، رح يضيفوا سيارات جديده اقتصاديه ارخص من هالاسعار بالاضافه الى بنتلي وكم سياره فارهه ثانيه خلال شهر باذن الله http://store2.up-00.com/2014-04/1397192544965.png توكلت على الله وسجلت بياناتي وبطاقتي وطلبت سيارة عن طريق التطبيق حقهم للايفون وقلت خل نسير على الرياض جاليري طلعلي بالبرنامج صورة السائق مع نوع السيارة وارقام اللوحات وتقدر تتواصل مع السائق عن طريق التطبيق ، مع العلم ان التطبيق نفسه يعرض لك مكان السائق الفعلي على الخريطه (يعني مافي داعي تنزل وتنتظره بهالحر ) http://store2.up-00.com/2014-04/1397192544491.png السواق نزل فتح لي الباب الخلفي وركبت ورا بالبي ام الجو كان يومها غيوم والسواق كان سلس جدًا بسواقته واول ما بدأ المطر ينزل هدأ سرعته وصار يسوق بحذر شديد طبعاً من الصدمة اللي كنت فيها، ماتوقعت الخدمه بهالمستوى الراقي ، مثلي مثل اي شخص غيري طول المشوار كان بالي مشغول بحساب القيمه اللي رح يخصموها من بطاقتي بعد شوي عشان كذا ماصورت وانا بالسياره ، كنت جالس احسب اول ماوصلت للمول بالجو الماطر الرهيب، نزل فتح لي الباب بكل هدوء حسسني وحسس الناس اللي عند البوابه ان المول مسجل بإسمي http://store1.up-00.com/2014-04/1397193627961.png القيت نظره خاطفه على جوالي عشان اشيك على المصيبة اللي رح تنخصم مني! طلعت 59 ريال بالتمام والكمال بس صراحة كنت متوقع 120-200 ريال على اقل تقدير ، بعدها صرت اطلع معاهم بشكل دوري ، اغلى مبلغ طلع علي 69 ريال بمسافه 22 كيلو وكانت مدته نص ساعه.. هذي المبالغ اللي طلعت علي معاهم http://store2.up-00.com/2014-04/1397192544914.png عيوب الخدمة ، لازم كريدت كارد فيزا او ماستر كارد، عن نفسي استخدمت فيزا تسوق الراجحي وممكن باي بال لكن ما اعرف طريقه ربطه مع الاسف و بنفس الوقت ميزتهم اذا الاهل عندهم مشوار بعيد ولا شي تقدر تتابع السيارة من اول ماتحرك لحد ماتوصل للوجهة http://blog.wellesleytoyota.com/Port.../uber-logo.jpg لتحميل التطبيق والحصول على العرض مباشرة قم بالتسجيل عبر هذا الرابط :d http://sh.st/wnFOQ او قم بالتسجيل عن طريق تحميل التطبيق وادخال الكود الخاص فيني uber80sar من خلاله.. بهذا الكود رح تحصل على رحلتك الآولى معاهم مجاناً إن شاء الله، شرط انها ماتتجاوز 80 ريال :17: للأيفون / http://sh.st/wnFSg اندرويد / http://sh.st/wnFFV # مهم ، تحديث : - اخر موعد لتفعيل الرصيد 80 ريال هو 25 ابريل، التفعيل يكون بطلبك السياره والركوب معه ، ادخالك للكود فقط مايكفي ومارح ينضاف الرصيد بشكل فعلي الا لما تركب السياره .في حال طلبت السيارة قبل 25 ابريل رح ينضافلك 80 ريال وتسخدمها بنفس الرحله آو اكثر من رحله ، يعني معاك اسبوع كامل من الان تقريباً الى 25 جمادى الاخره في حال طلبت السيارة بعد 25 ابريل ايضاً رح ينضاف لك 40 ريال فقط وممكن ماتكفي رحله وحده الرصيد ماله تاريخ انتهاء ، فقط لازم تفعله بطلبك للسياره لآول مره باستخدام الكود Uber80sar منقول ( @Baderetti_4 ) |
خدمه ممتااازهـ من وجهة نظري،، تحسسگ انك فاايف ستاار ^~* وحتى العاالم تلقااهم يطاالعون فيك ولساان حالهم يقول هذا ولد نعمهـ ^~* ويكفي انك رااكب ونت مرتااح نفسيآ،، |
إقتباس:
أجل أكيد بيكون معك .. تجربه معهم :ap::ap::ap::ap::ap: |
الوقت المعتمد في المنتدى بتوقيت جرينتش +3.
الوقت الان » 11:13 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd