|
( الملعب مليان يجب ان يكون العدد فوق 60الف..! يجب محاسبة المتسبب في هذا الخطا شفنا كيف كانت المدرجات ماتلقى فيها محل تحط رجلك يعني العدد الحقيقي للحضور المفروض فوق 60 الف ويمكن اكثر!!! لكن لهذه الدرجه يغضبهم منظر الجمهور الهلالي عشان ادارة الملعب تقلص العدد وتعلن عدد غير صحيح !! اللي مايشوف ان عدد جمهور الهلال يفوق الستين الف بصراحه اعمى !!! يجب التحقيق في الموضوع يادارة الهلال ماهو معقوله ملعب يشيل ثمانين الف ممتلي عن بكرة ابيه يطلع العدد 49 الف !! مانقول الا حسبنا الله ونعم الوكيل عن المسؤل كله عشان شركات الرعايه تروح للجار |
والله انا اشوف ان الرقم مو صحيح والله اعلم لكن الملعب شبه مليان واخرتها 49 الف ؟؟؟؟ |
اخي الكريم هناك فراغات بين الكراسي فالحضور لم يجلس على جميع الكراسي وكان هذا واضح تماماً النصر كان يضغط اعلامياً ويشتري ذمة صلة للاعلان عن حضور جماهيري ضعف الواقع وقد كانت مساحات كبيرة من المدرجات خالية وبين كل مشجع والاخر كرسي فاضي في كل الاتجاهات وكذبوا الكذبة وصدقوها نحن نختلف فنحن واقعيون وصادقون مع انفسنا قبل غيرنا فلايمكن لعاقل ان يرى حضور اليوم مساوي او مقارب لحضور الجمهور في اسيا قبل عام وعامين شخصياً اعتبر الرقم مقارب للحضور بشكل كبير عطفاً على الفراغات الموجودة والمقاعد الفارغة القريبة من ارضية الملعب في كل الدرجات مبروك الفوز |
إقتباس:
اترك المثاليه اللي بتقضي عليك وارجع للاعاده اذا ماكنت حاضر المباراه .... العدد المعلن للاسف غير صحيح لكن اقسم لك ان حتى لو يحضرون اضعاف اضعاف هذا الجمهور ادارة الملعب بتنقصهم وتحط عدد من راسها وقلتلك مانقول الا حسبنا الله على المسؤل عن هالشي |
إقتباس:
اطرح وجهة نظرك ورأيك بدون القاء دروس او تعليمات في كيفية ابداء رأيي |
ممكن اخذوا الرقم بعدد تذاكر المباراة |
نظرتي ثاقبه قولو ما شاء الله انا من نظرتي اللي متخطي اتحدى يكون اقل من 60000 متفرج |
إقتباس:
مثاليتك ليس على حساب الحقيقه طلبت منك ان ترجع للمباراه ماعطيتك دورس او تعليمات اخي الكريم |
إقتباس:
تخرج من دروس وتعليمات الى ان الحقيقة ماتقوله انت فقط عموماً مبروك الفوز حتى لوكان الحضور 1 افضل من حظ أوفر والحضور مليون دعوة للفرح |
اللي مايلعب في اسيا لايزعجنا وسرى الليل ياابو خمسه:yes: ابو اربعه ابو ثلاثه الهلال ختم كل الارقام في الاصيفر |
إقتباس:
المهم اللي يقول عدد الحضور اقل من 60الف اما اعمى او حاقد جمهور الهلال اوفو بالوعد وحضرو لكن مانقول الا ... شركات رعايه مافيه يا... |
اذا ماكان هذا الحضور تعدا 60الف واكثر فأنا اعتزل تشجيع الهلال ‫تيفو الهلال امام سباهان تصوير من المدرجات‬‎ - YouTube |
إقتباس:
كيف حالك ياراعي الموضوع يعجبني دفاعك عن الهلال بأي طريقة وهي اثبات عدد الجمهور اخي استاذ الملك يشيل 67 الف مشجع طبعا الهلال وجمهوره مغطي 90٪ من المساحه ولا تنسى ان هنالك جهه مخصصه لجمهور الخصم وتقريبا تشيل 6 آلاف مشجع ارجع للمباراة ستجد هنالك فراغات واضحه خلف المرمى الخصم والهلال اذا كان هنالك خطأ فأعتقد ان الخطأ بالرقم لن يكون هنالك فرق بعيد الف او الفين اذا افترضنا ان هنالك ناس دخلوا من دون تذاكر ويكون بعلمك ان موبايلي طبعت 50الف تذكره ارجع للخلف قليلا مبارات ذوبهان كان الحضور الجماهيري اكثر بكثير من هذه المباراة لدرجة ان كثير من الجماهير جلست بالدرج من بين كل مدرج ومعا ذلك كان الرقم المعلن 69الف وانا بتلك المباراة توقعت اككثر بكثير |
انا اشوف ان العدد صحيح وخاصتن ان الي تحت الساعه موب مليان مره وفيه الجهه حقة الجمهور الايراني كانت فاضيه والاستاد يتسع اصلن لـ 62 الف وكسور http://dc03.arabsh.com/i/01324/q0newry081xf.jpg لاتقعد تلعب على نفسك وتقول فوق 60 شف يوم يملى الهلال الاستاد قدام ذوب اهان كان وقتها عدد الحضور 62 الف و 800 |
اللي يقول ان العدد صحيح ويقول فراغات ومدري ايش طيب لنحسبها حسب وجهة نظره ونقول : الحضور حسب الاحصائيات يقول 49 الف طيب كم المتبقي هل يعقل 21 ألف كرسي فاضي يعني ربع الملعب فاضي حدثونا بالعقل قسم بالله بيصيبني انفصام شخصيه من اللي اقراه ههههههههههههههههههههههههههههههههه |
لا ما اتوقع انه 60 الف !! لان سعة الملعب 62 الف فقط مب 80 الف !! انا اتوقع الحضور 55 الف وليس 49 الف !! وصدق العضو اللي فوق !! مباراة الهلال مع ذوبهان في 2010 كان الحضور فوق 80 الف لان الملعب كله فل مافيه فراغات والناس جالسه على الدرج وزحمة وفيه الاف برا الملعب واخر شي طلع ان عدد الحضور 68 الف !! اللي يقهر ان مافيه عدد حقيقي للحضور على العموم مبروك الفوز والتاهل وعقبال البطوله بأذن الله |
إقتباس:
شف الرسم التوضيحي يقول انه يكفي لـ 62 الف وكسور يعني لو امتلت كل المدرجات وما بقي ولا كرسي فاضي هذاك الوقت قل ان الحضور فوق 60 الف اما مبارات اليوم كان هناك فراغات واضحه تحت الساعتين ومكان الجمهور الايراني |
إقتباس:
حاول تقنعهم اذا قدرت ههههههههههههههههههههههه ملعب مليان يحاولون يغالطون الحقيقه ويمشون مع ادارة الملعب اللي طلعت رقم غلط للحضور مستحيل مايكون العدد فوق ستين الف مستحيل |
لاتستطيع حصر الجمهور والسبب الحضور المجاني وعدم بيع التذاكر . والاتحاد الاسيوي يجبر المستضيف بعرض عدد الحضور . فكان 49 الف عدد تقريبي |
فواز البقمي لا تزعل وخل عندك روح لتقبل آراء الآخرين ويكون بعلمك مباراة اتلتيكو مدريد وتيشلسي بأبطال اوروبا الاخيره عدد الحضور كان 50الف ومباراة نص النهائي هذا يدل على ان جمهور الهلال يضاهي جماهير الفرق الاوربيه ولو قارنا هذه مباراة بالمجموعات ومباراتهم في نصف نهائي ابطال اوروبا راح تشوف الفرق كم انتم كبيرين ياجماهير الزعيم وانا كمغترب اقولها لك بالفم المليان ملاعبينا غير مهيئة للجمهور بل بيئه جافه بمى تعنيه الكلمه يعني انا حضرت بيوم من الايام مباراة سلة وفريقين غير مشهورين ورأيت عجب العجاب مطاعم تسوق كأنك داخل سوق يعني وفقرات ترفيهيه بين الاشواط انا كنت اذهب لاستاذ الملك فهد بشكل مستمر عن مالا يقل 15 مباراة بالموسم حتى العصيارات لا تتوفر والببسي نصه مويه ولا تستطيع ادخال المشروبات بالملعب الله يصبرنا.......المفروض انهم اذا خايفين من الرجم على اللاعبين وسلامتهم يطبق الانظمه على اي شخص يرجم بحيث لا يظلم الاخرين صدقني لو توفر اللي ذكرته فوق كما الملاعب الاوروبيه سيكون بمعدل لا يقل عن 30الف مشجع بكل مباراة للهلال وهذا سيرجع بفائدة لنادي بشكل كبير... وشكرا |
إقتباس:
|
والله انه شي عجيب كل هالحضور ماشاء الله ويقولون 49 حسبنا الله ونعم الوكيل |
ي الله ....! ألحين انتم جالسين تتهاوشون عشان رقم الجمهور ماطلع صح ؟؟؟؟؟! الزبدة ان الجمهور حضر والتيفو كان اوك والهلال فاز وتأهل وتصدر والحمممدلله ي رب وماشاء الله تبارك الله والف مبروك لزعيمنا اتركوا ذا الامور وخلو الليلةة فرحتنا |
اخوي فواز لو انك حاضر المبارات في الملعب كان تشوف الاماكن الفاضيه بوضوح وكان اقتنعت بكلامي |
إقتباس:
بالنظرة المجرده من العواطف لا يمكن ان يكون المتبقي يصل لربع المساحه مهما حاولوا التضليل اما من يقول إن فيه فراغات نقول بكل تاكيد ولكن ستجد من يمشي في الممرات يبحث عن كرسيه او يبحث عن أصدقائه او ذهب لقضاء حاجة كإحضارماء او خلافه |
انا استغربت من الرقم اللي أُعلن ... يعطيكم العافية الجمهور الحاضر. |
وانتم مصدقين ان ملعبهم يشيل 70 الف حده 60 وبما ان امس الملعب مفلل تقريبا فالعدد فوق الخمس وخمسين الف مشجع الله يكرمنا بملعب دولي خاص بالملكي ونفتك منهم هم وملاعبهم واحصائياتهم المريضه يعطيك العافيه |
يالغالي الملعب مو 80 ألف الملعب 62 ألف مقعد وأرى ان الحضور كان إذا قلنا تقريبي، فهو من 48 ألف إلى 51 ألف متفرج .. |
الحسبه تتم بعدد التذاكر المباعه .. كثير داخلين بدون تذاكر . |
ياجماعة الخير الحمدلله على الفوز والتاهل مايهمنا العدد المهم الفوز والتاهل وخلوكم من ادارة الاستاد اللى ماتعرف التشديد الا في مباريات الهلال ولو يحضر كل جماهير الهلال قالوا 49 الف يعني الناس اللى من مكة واللى من القصيم ومن حائل وأبها وكل مناطق المملكة و49 الف بس ..... عدوها يازعماء وان شاء الله مباراة الهلال الجايه بيكون الملعب مليااااااااااان بأذن الله تعالى |
اتمنى اخر مره يكون فيها الحضور مجاني حضور مجاني واخرتها 49 الف وفي حال الهزيمة تلقاهم بالمنتدى الحين انت احضر وساند وسو اللي عليك وبالاخير انتقد وهاجم |
إقتباس:
عشان تشوف زين ؟؟؟؟؟؟؟؟؟؟؟؟؟؟؟؟؟؟ |
الحضور أكثر من هذا الرقم حسبي الله عليهم |
مبارة ذوبهان كان الحضور فيها اكثر من مبارة الامس . هناك كراسي فاضيه فعلا ... لكن العدد 49 الف اعتبروه كعدد تقريبي ولم يكن منصفاً . |
من يقول المكان المخصص لمشجعي سابهان هل يعقل أن هذه المساحة تشيل 20 ألف ....!! أو حتى 10آلالاف أجل لو كررتها على طول ما دار المدرج صار استاذ الملك فهد يشيل 100 ألف !!!!!!! إذا الحسبة تكون كالتالي أن الملعب يتسع 65 ألف وبالنظر لكل المساحات التي ملأها الجمهور ...... ثم قارنها بالنسبة ستجد أن الجمهور وصل 55 ألف بالراحة ...!! ومن يقول خلف الساعة تراها 3 أرباعها تم ملأها !!!وبقي أمام الشبك !!! ليست أول مرة حصل أن الأرقام تعلن بهذا الشكل .... تكررت بعدة ملاعب وكان عليها مثار التساؤل |
اللهم لك الحمد كما ينبغي لجلال وجهك وعظيم سلطانك المهم التأهل بشق الأنفس ونترك الاحصائيات لهم . |
العدد بناء علي التذاكر لكن انا وغيري كثير دخلوا بدون تذاكر |
إقتباس:
|
كم عدد المقاعد بالملعب ؟ ثم لماذا هذا التخلف في ادارة الملاعب لدينا بالامكان ايجاد جهازمرتبط باللوحة الاليكترونية للملعب ويتم تمرير التذاكر من خلاله لتظهر الأرفام الصحيحة على الشاشة على ان لا يسمح الجهاز بتمرير التذكرة مرتين وبكذا يرتاح الجميع |
من ارض الحدث* ماكان فيه عد للجمهور والدخول بدون تذاكر كيف حطو رقم من رؤسهم ان الحضور49الف فقط؟؟؟؟؟؟؟ صوره اكبر دليل ان العدد المعلن غير صحيح والاكيد كان اكثر منه http://cdn.top4top.net/i_5ec15e8cd01.jpg |
المباراة وانتهت والزعيم وتأهل والجمهور الحريص والمحب حضر خلاص انتهى الموضوع المباريات الجايه كل واحد يعد الجماهير :s2: |
اهم شئ الجمهور يحضر بفعاليه انا اشوف لويجي الف مشجع ويحمسون اللعيبه افضل من 60 الف ساكتين البارح معظم هجمات الفريق الايراني جمهورنا ساكت طبعا اخر الدقائق تفاعل الجمهور لكن معظم المباراه مايصيحون على الفريق الايراني اذا ارهبنا الفريق الاوزبكي بالتصفير وبهتافات راح يتلخبط الفريق الاوزبكي |
أنا دخلت مع الآلاف مع البوابة التي على يمين المنصة وما كان فيه أحد يوزع تذاكر حتى يحصون العدد الرقم المعلن غير صحيح أبدا |
أتوقّع الحضور كان 55 ألف تقريبًا ! أهم شي فُزنا وتأهلنا القادم أحلى يارب :rose: |
العدد من النظر راح يقول أنه فوق 60 الف لكن ادارة أستاد الملك فهد معروفه من أيام محمد بن فيصل إداره حقيره وتحارب كل مايتعلق بنادي الهلال وحفل إعتزال نواف التمياط أكبر دليل أخرجته بمظهر هزيل وباهت وحسستنا أنه حفل عادي مو كرنفال أسطورة أسيا في وقت أخرجت أحتفال نادي النصر بالدوري وكأنه محقق بطولة كأس العالم؟! سلمان النمشان مازال يتنيعل لين اليوم ولو مافيه قنوات آسيويه تنقل لقاء الهلال في أسيا كان ما أخرج التيفو الهلالي بالمنظر الي شفناه الي قاهرني ليه للحين ساكتين إدارة ابن مساعد؟! محمد بن فيصل كان يطلع ويغسل شراع النمشان في كل مباراة هلاليه مايخرجها بالطريقه المقبوله ولوبي أصفر في كل مكان تروح له بيجي اليوم الي تلقا جمهور النصر يعبدون ناديهم بسبب الغلو اللي هم فيه حسبي الله ونعن الوكيل بس. |
والله مافكرت بعدد الحضور اللي كتبوه في الشاشة واهم شي عندي تفاعل جمهور الزعيم مع اللاعبين في المبارة |
وش فيكم مكبرين الموضوع يا جماعة؟ الرقم غير دقيق لأن الناس دخلت بدون تذاكر!! بالمنطق عدد الجمهور في حدود الـ 50 ألف ارجع للمباراة، سعة الملعب 62 ألف وكان في فراغات خلف المرميين بالتحديد في أسفل المدرج لأن المكان هذا غير مرغوب (منخفض وبعيد عن المرمى بسبب مضمار الجري) عموماً، بإذن الله جمهور الهلال يملى الملعب عن آخره في إياب دور الـ 16 |
انا داخل واخوياي معي 4 بدون تذاكر كيف حسبونا ؟ |
| الوقت المعتمد في المنتدى بتوقيت جرينتش +3.
الوقت الان » 03:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd