|
بارك الله فيك ع طرحك الأكثر من رائع فعلا اغلب جماهير الهلال انجرفت خلف مايقوله اعلام ندى عموما لو لم يكن سامي يعمل عمل منظم وناجح لما شفنا هالحرب التي لاتزال تمارس عليه حتى وهو الا الان لم يحصل ع بطوله لأنهم يدركون ان الموسم القادم لن يدع سامي لهم بطوله الركاده زينه ي جمهور الهلال ولا تبون كل موسم مدرب مثل الفقر الفقر اول ما استمر مدربهم سنتين حصل ع بطولتين وانا اشوف سامي انه الموسم القادم قادر ع اكتساح البطولات الصبر ثم الصبر نريد الاستقرار اولاً حتى نحقق البطولات والانجازات |
اخي عبد العزيز موضوع قمه وسامي الجاابر بااقي وماقدمه مايقيمه الا العقلاء - سامي الجابر -هو البطل الحقيقي كنا نطالب بالبطولات وجميعها سامي كان في الواجهه - بعض الامور التي لايعرفها البعض ان سامي الجابر سلبت منه البطولات بفعل فاعل وكان مخطط لها بعنايه وللعلم كاس الملك من ضمنها لكن الله ستر -والله ثم والله اني لست مطبل لسامي لكن كبار مدربي العالم تخطئي نعم سامي ينقصه الكثير لكنه افضل مدرب في دورينا ومن يقول غير ذلك فهو واهم-مباراتنا مع الشباب ظلمنا ظلم عيني عينك ومتعمد هذا الظلم لكن حسبي الله ونعم الوكيل موعدنا في دبي يوم الثلاثاء |
إقتباس:
+1 |
ياعبدالعزيز انت تغرد ضد التيار الموجه عكس ماتقوله الي بالمناسبه اتفق معك 100% ولكن فيه حالة تنفيس مالها تعلق عليه الا مشجب المدرب والاداره ولا تكلمو عن اللاعبين الي خسروا الفريق مثال مواجهة الدوسري والفرج وياسر للمرمى مفتوح من ضيعها وطلع هالزمبليطه المدرب والاداره والا اخواننا اللاعبين ابو 400الف مرتب شهري للهم لاحسد |
موضوعك مميز مشكلتنا كل من هب ودب بدا يقيم وللاسف فيه ناس تنساق مع الاعلام يعني مع الخيل ياشقرا |
خيطي بيطي خيطي بيطي .......... انـــــــــــــــــــــــــــــــــــــــا ماعندي خيطي بيطي ^^ ^^ ^^ ^^ ^^ ^^ غنوا اللي فوق على وزن اغنيه المحبوب فايز المالكي تيري ري ري تيري ري ري تيري ري ري ري ري ريتا |
انا احب سامي وماسبق واني انتقدت عمله قبل المباراه الاخيره كنا متكين باستراحه وحلفت يمين واجري على الله لو اني مدرب الهلال بذيك الليله لافوز على الشباب كان واضح ان الشباب مايشكل اي خطوره من العمق وكانت كل محاولاته صناعة الكور من جهة حسن معاذ واللي وقفها سامي بكل اقتدار ومسك الشهراني رافينها اللي كان يروح معه من خانة اليمين لليسار ونجح سامي فيها ايضا بس كان محتاج انه من بداية الشوط الثاني نغير كريري وننزل العابد مكان الفرج ونرجع الفرج شوي كمحور متقدم وصانع لعب بنفس الوقت كان ممكن وقتها نفوز بالثلاثه باختصار سامي كان يجرب تشكيله يلعب فيها قدام الشباب والاهلي الاماراتي بنفس الوقت يعني نقدر نقول سامي ركز على ان الشباب مايسجل ونسى انه ضروري يسجل هذا مالدي اخوكم المدرب ابو الميش |
احب اشكر واقدر كل من شارك بالموضوع سواء بتعقيب او انتقاد او تأييد .. ولي عودة على بعض التعليقات اتمنى ان تجد صدوركم متسع لقراءاتها |
والله ياصاحب الموضوع مع احترامي الشديد لك انت لم تحترمنا كمشجعين ، انت تتكلم باإن من انتقد سامي من محللين ومشجعين لا يحق لهم الإنتقاد لاأنهم لايفقهون في التدريب ، يالغالي حنا من ايام ماكان سامي الجابر لاعب وحنا نتابع الكورة ونتابع الاستديوهات التحليلية ونتابع الدوريات الأوروبية والعالمية وصرنا نعرف في التدريب أفضل من بعض المدربين ، وبالنسبة للكوتش سامي انا احبه كشخصة لكن كا مدرب انا ماشفت منه اي تكتيك .. تبي تقولي سامي وصل الهلال للمباراة النهائية ضد النصر ؟ تبي تقولي سامي اخذ الثاني بالدوري ؟ بقولك ان الهلال في اسوء حالاته كان ياخذ بطولة وكان ينافس على الدوري ، عمرك شفت الهلال في موسم ماينافس على بطولة .؟ مع اسوء المدربين كنا ننافس على البطولات بااسوء اللاعيبه كنا ناخذ بطولات ، على الأقل في اسوء مواسمنا كنا نشوف تكتيك واضح بالملعب لكن السنه هذي اسألك بالله شفت تكتيك معين لسامي .؟ بعدين مايعاب على سامي انه كل فتره تغييرات في الفريق بالتشكيلة في الحراسة في مراكز اللاعبين ، واذا انجحت تشكيلته مع فريق صغير جلس يلعب فيها جميع مبارياته حتى لو ماتنفع ونفوز بمجهودات لاعب يبقى مصر على التشكيلة وبعد ماينهزم يغيرها ، بعدين بصراحه فيه مدرب مهزوم ويحاول يجيب التعادل ، يطلع مهاجم ويدخل وسط .؟ اترك سالفة سالم الدوسري على جنب وانه مصاب وعلشان كذا استبدلة سامي بس انا مستغرب ياسر يطلع ويدخل العابد وسط .؟ ويجلس ناصر الشمراني اكثر من 7 دقايق وحيد بالصندوق حتى دخل السالم مكان الدوسري .؟ شفت النصر لما يتأخر بالنتيجة بكم مهاجم يلعب .؟ ب 4 مهاجمين لدرجة انك تلقى الفريق الخصم كله دفاع حتى مهاجمينه ، واللي رافع ضغطي بصراحه تصريحات سامي بعد كل مباراة لمن يقول ( ماكنا نستحق الخسارة ) يا كوتش حنا نتابع المباراة ونعرف انك ماتستحق الفوز وتجي تسكتنا بالكلمة هذي ماكنا نستحق الخسارة .؟ اما بالنسبة للي يقول ان الإعلام هو من ضيع سامي لانه سعودي ويقرى صحف وكلها نفس اللغة .، ياحبيبي انا ماشفت مثل الصحافة الإنجليزية وتصريحاتهم المثيرة على كل مدرب وكل مدربين الدوري الإنجليزي يقرون الصحف واكثر واحد مورينهو ليش ماتأثر وضيعوه .؟ ع العموم انا كنت معارض قدوم سامي للهلال الا بعد اخذ الخبرة ومن بداية الموسم يوم استلم سامي تدريب الهلال صرت اسانده حتى وانا ضد قدومه بس كنت اساندة احضر المباريات واشجع ولا كتبت اي موضوع بالمنتدى ينتقد سامي او رديت على اي موضوع وانتقدت فيه سامي لان اغلب الإعضاء بالمنتدى دايم يقولون خلوا الإنتقاد لنهاية الموسم وهذا الموسم انتهى ولي حق اني انتقد سامي وانتقدته ، ومع هذا كله إذا بقى سامي مدرب للهلال بالموسم الجاي بساندة وبوقف مع الفريق ومراح انتقد الا نهاية الموسم ، لكن أذا انتهى الموسم الجاي بدون بطولات للهلال فعذراً سامي لن ارحمك |
بعض الجمهور يرفع الضغط يبون مدرب عالمي... بعقد مدته سنة ولازم يجيب بطولة خلالها.. والا فانه مدرب فاشل..؟!!! الغرب يدعمون المدرب حتى ينجح ... ولذلك نادرا ما يتم اقالة مدرب من اول موسم اما ربعنا ... تلعب نهائي وتكون الثاني بالدوري وتلزخ اقوى الفرق بالاربعة و بالخمسة وتنافس على اكثر من جهة وكل ذلك برغم الاصابات.. والحرب الاعلامية الموجهة ضدك من الداخل والخارج و يشهد لك مدربين ممتازين بان ما تقوم به عمل جبار ... وكل هاذا وانت ما قضيت نصف عقدك ومع ذلك ما يعجب حضرة الجمهور اللي كلهم عندهم شهادات تدريبية وخبرة عالمية ويعرفون اسرار الفريق.. ؟؟؟!!!! والادهى والامر ان كل كلمتين والثانية ... الهلال كان والهلال اكبر وسامي اصغر من ان يدرب الهلال والاعب الاجنبي الفلاني الهلال اكبر منه ...... وكان الهلالي تحول الى نصراوي... اذا سالته عن فريقه قام يتغنى بالماضي نعم فيه اخطاء... ونعم الموسم الماضي واللي قبله فيه تخبطات ... وفعلن الهلال وضعه ما يسر اي مشجع هلال لكن الحق يقال.... سامي نجح بنسبة 80 فالمية بناء عالمعطيات الحاصلة مستوى الفريق في تصاعد وتجانس اكثر .... نحتاج فقط تطعيم بلاعبين اجانب بالاضافة الى دياقو ونيفيز... لاعبين واحد دفاعي وواحد هجومي وصانع مثل نيفيز اتمنى ان الادارة ما تغير سامي هالسنة وتحط اموالها فالتعاقد مع لاعبين اجانب اقوياء... فالنهاية اشكر صاحب الموضوع على هالفكر الراقي وارجو من الجماهير اللي ماعندهم صبر عالبطولات ... انهم يتعلمونه من الحين.. ويصبرون على سامي لازم الجمهور يتعلم الصبر عالمدرب خصوصا اذا كان فيه تذبذب... لان التذبذب مرده يختفي ويا يبقى الفريق عالمستوى اللي فوق او يبقى عاللي تحت.. |
الف الف شكر على موضوعك الرائع اخي الكريم .. نحن مع سامي الجابر بطل بطولتي الدوري والكأس المنتزعه من الهلال وتم اعطاءها للنصر .. سامي لم يقصر ونحن معه للنهايه .. نتمنى دعم الفريق ببعض عناصر الفريق الاولمبي ومحترفين اجنبيين على مستوى عال مثل نيفيز بالموسم المقبل .. لايهمني جمهور الفقر وهجومه القذر مع اعلامهم النجس وقنواتهم .. |
من يحرب سامي هو جمهور الفقر الحاقد الحاسد الحقير القذر ويغذي ذلك الجمهور اعلام لايخاف الله وهدفه الأول والأخير هو فشل سامي كمدرب بعد ان اذاقهم الويلات كلاعب واداري ومن يحارب سامي هو جمهور الهلال الذي تأثر من حملات الاصفر الواطى للاستهزاء ورفع ضغط الجماهير الهلاليه من يحارب سامي هو ابتعاد بندر بن محمد ونواف بن سعد والناقور من يحارب سامي محمد بن فيصل وتصريحه مع القذر بتال من يحارب سامي رئيس النادي الذي ابتعد عن الفريق في احنك الظروف من يحارب سامي لاعبين هبط مستواهم فجأه دون سابق انذار من يحارب سامي احمد عيد وشلته ودلالهم للفقراوي وخبيلان من يحارب سامي نواف بن فيصل وآمل اشعاري وتصبح لعبه على المكشوف مع عشقه الاصفر الصغير من يحارب سامي قنوات وبرامج شحذت هممها لاسقاط ابن الوطن لو كان غير سامي ومورست عليه الضغوط هذه لهبط بديلا عن الاتفاق لا اطبل لسامي له اخطائه التي يقع فيها اي مدرب ولكن الحرب الشعواء ضده وانسياق البعض خلفها من اهم اسباب خروج الهلال بلا بطوله لهذا الموسم أخونا عبدالعزيزالعمران شكرا لك على موضوعك وصحيح أن من يقيم سامي هم الأساطيرأمثاله فقط أما النكرات في تاريخ الهلال والرياضة السعودية فدافعهم الحسد وخشية نجاح سامي في مجال التدريب أي والله الكل صارناقد والكل صارفاهم كورة بس يوم صارسامي مدرب وهم أكثرهم مدرب من محلات أبوريالين لاوإلايجيك لاعب هلالي سابق لم يفلح حتى في التحليل الرياضي ويستغله مذيع نصراوي لمهاجمة سامي نرجوا أن تكون إدارة الهلال واعية وقوية كفاية للمضي قدما في برنامجها لدعم المدربين الوطنيين متمثلاذلك بتجربة تدريب سامي الجابرللهلال في عقد مناسب ومعقول حدد بموسمين التخبط والعبث هو إقالة المدرب أياً كان بعد مرورموسم واحد فقط فكيف إذاكان هذاالمدرب هوأسطورة النادي إذا أردنا أن نتتعد عن ردات الفعل العاطفية والوقتية ونصغي لصوت العقل فيجب أن يكمل سامي عقده الرسمي |
سلمت وسلم فكرك قسم بالله كتبت واجدت حبيت اقول للبعض اللي يقول ان سامي طلع مهاجم ولعب وسط ورجع طلع وسط ولعب مهاجم ياحبايب ياحلوين سامي اوكل لياسر مهام صناعة اللعب خلف ياسر ولما طلع ياسر فهو طلع لاعب نص ولم يطلع مهاجم ياجماعه ورب الكعبه لن تجدوا مدرب مميز مثل سامي الجابر حرووووووووب شرسه عليه من الاعلام الاصفر حتى قبل ان يستلم مهام التدريب لم تسألوا انفسكم لماذا ؟؟؟ تحياتي |
إقتباس:
|
إقتباس:
فعلا .. اسئلوا أنفسكم لماذا ..؟ |
| الوقت المعتمد في المنتدى بتوقيت جرينتش +3.
الوقت الان » 06:23 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd