|
ياناس انا الي اشوف الدعيع فقط! ولا انتم تشوفون بالله فهموني ســــــــــــلطان الدعيع والله ان هذا اللاعب انه ماخذ في نفسه ثقه مو قدها وانه اليوم كاد يسجل في مرمانا ثنتين ولايعرف يقطع ولاعنده تكتيك عالي كمدافع وفيه كبر على الكوووووره النعيمه وهو النعيمه ماتكبر ع الكوووره الحافــــــــــــــــــــــــــــــــظ وبس |
ههههههههههههه ياليت السالفه على سلطان الدعيع الموضوع اكبر مما تتوقع يا عزيزي .. الكيان بحاجه لصيانه كامله .. اللاعبين يلعبون بدون اي خطط بدون اي تكتيك .. الطاسه ضايعه يا صديقي . الله يهونها وانا اخوك . |
اليوم الدعيع ماكان في يومه وأستحق هو وسعود كريري لقب أسوأ اللاعبين وكل كلمة قلتها عنه ياصاحب الموضوع صحيحة وكلنا شايفين اللي شفته الله يسترلايصيرفقاعة صابون يبرز موسم ويختفي بعدها وينخفض مستواه |
وصانع الهدف ديقاو وشهو من لحيه ؟ وناصر الي يلعب بدون نفس والياسرين والفرج فقط السديري وسالم والزوري لعبوا جيدا وشكرا |
لعيبة آلهلآل كلهم عدآ نآصر ونيفز مستوآهم متذبذب وهذآ شيء مآهو جديد للأسف وخآصةة هآلمووسم !! |
نحنا نلعب ببركات الاعبين مع احترامي لسامي الهلال اكبر منه ...... اتمنى يرجع اداري او على الاقل مساعد مدرب .... |
سلطان الدعيع في بداية ظهوره توقعنا أنه هو ضالة الهلال في قلب الدفاع لكن مع تتالي المباريات إتضح أنه لاعب أقل من عادي وفي كل مباراة له أخطاء كوارثية وأغلب الأهداف عن طريق خانته يا متقدم وتارك فراغ خلفه أو متمركز خطاء أو ترجيع الكره بشكل خاطئ للحارس وفي مبارة الشباب عدة أخطاء واضحه أتمنى إبعاده والإستفاده من لاعب المسقبل عبدالله الحافظ |
السديري اليوم هو اللي لعب لا تظلمونه ،،،، كوره عطيف قلت هدف وجابها ماشاء الله عليه ،، |
كله كوم و كريري كوم والله مدري ليه متعاقدين معه دافعين ذا الملايين على لاعب تعدى الثلاثين ياخي عندنا القرني و الله لو نعتمد عليه يصير افضل محور في السعوديه و بالنسبه للتكتيك حق الهلال يقول سامي عقب المباراه اضعنا الكثير من الفرص اي فرص اشوا انها كلها عرضيات تعبانه الهلال ذا الموسم كل لعباته اطراف و ارفع اطراف و ارفع و ياليت رفعات كويسه |
تبون الصدق اسباب الهزيمة اولاَ واخيرا سامي الجابر يا أخي فريق الشباب كل لعبة على الاطراف مافيه هجوم من العمق ومدربنا العزيز منزل 3 محاور والله لو لعب بالعابد وعزوز من بداية المباراة وخلى كريري والفرج جنبه كان احسن بس مدرب ماعنده سالفه وش سوى كريري ولا كوره خطاها وفي الاخير هو سبب الهدف يعلب بدون روح |
كل ما يحدث للزعيم بسبب هذه الادارة العقيمة هم من جلبوا سامي لإبعاد الضغوط عنهم وفي النهاية يخرج زعيم آسيا خالي الوفاض كارثة نتمنى من أعضاء الشرف الضغط على عبدالرحمن بن مساعد للاستقالة من الادارة وعودة بندر بن محمد او محمد بن فيصل تحياتي للجميع |
لابد أن يوجه اللاعب الصغير حتى لا يصبح مغروراً غداً .... شف سالم الدوسري هل هذا اللاعب هو اللاعب قبل 4 سنوات .!؟!؟ لا و ألف لا ... ليش أنا أقولك الفلوس تعمي النفووووس " سيارات و سفريات و ......................إلخ " يا أخي هذا شبه مراهق لابد أن يوجه توجيه منطقي يعني يقول مالك ومال التكبير و الغرور و الثقة الزايدة ألعب لعب كويس ومالك ومال التفنن داخل الباب ........................إلخ أنا لست موجهاً نفسياً ولكن لابد أن يكون هناك واحد يؤخذ منه الكلام من هذه الفئة التي إن تمردت والله يا يتمرد عليك بشربة موية ................ والأمثلة كثيرة " الفريدي و عزيز و الغشيان و عبدالله الجمعان ................إلخ لابد من من له شأن تربوي و أنا أخص بالإدارة الهلالية أن تأخذ بمدربين سعوديين لهم ثقل وشأن مثل الدكتور الحربي لابد أن يأتي للهلال كمستشار للهلال يؤخذ برأيه و الدكتور العواد أيضاً و أبو ثنين ........................إلخ ولا يمنع أن يأتون بالمبدع الخلوق يوسف الثنيان يدرس فئة معينة على التحسيب و الفن الراقي مثل سالم الدوسري لازم يدرسه الثنيان وفي الختام ... هذه السنة الهلال سئ جداً وكم مرة نقول كاستيلو كاستيلو ما ينفع ماينفع من أول الدوري ولا حياة لمن تنادي .... ياسر لابد أن يستريح و يحترف في الدوري الأماراتي و السالم مع كريري يحطونهم في صفقة تبادلية مع كنو حق الإتفاق يسيبك من الجبرين والله ما ينفع... الرجال قال ما أبيكم خلوه يروح لحال سبيله وخله ينفعه الفقراوية .....والله فيه كلام كثير لكن أختصرت لكم رأيي .................... وشكراً للجميع |
هاردلكم يازعماء. كله كوم وكريري كوم ولا لاعب شيب بالاتحاد وش نبي فيه. لا ويلعب بدون روح اترك عنك الدعيع توه صغير باقي عليه يتعلم ويصير محل ثقه. اه تعبنا هالموسم واجد |
إقتباس:
هذا الكلام السليم نبي كنو ولاعب صانع لعب يمين وكل النقاط اللي ذكرتها اتفق معك فيها |
إقتباس:
وصلت المعلومه يا زعماء ولا نشرح اكثر |
| الوقت المعتمد في المنتدى بتوقيت جرينتش +3.
الوقت الان » 05:45 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd