بــســم الــلــه الـرحـمـن الـرحـيـم
********************
@@المدرب والفلسفة الزايدة@@
صحيح ان في الهلال نجوم كثار ، لكن المدرب زودها شوي،ما تلاحظون؟! يمكن أربع مباريات وما قدر يوجد التشكيلة الصح!!بالله يا جماعة وأسألكم بالله،هذي تشكيلة فريق يبي يفوز؟!! والله لأ لأ لأا ومليون لأ ، ليش؟ يا حبيبي لأنه لاعب بثلاثة قلب دفاع!!كأنه يبي يلعب بخطة دفاعية!!وكأن ما عنده طاري يفوز!!لا يطلع لي واحد يقول "بس هو بدل ونزل الكاتو وغيره" أقول لك يا حبيبي متى نزلهم؟! بعد ما تحطموا اللاعبين (هو أصلا ناقصهم تحطم؟!الغرور مسوي سواياه معنا) ومتى نزلهم؟ بالشوط الثاني؟!بعد ما صار اللعب اتحادي؟
@@اللاعبين!!@@
ولا واحد منهم داخل المباراة على اساس انه يبي يفوز،ولا واحد،من أولهم لين آخرهم،غرهم الفوز وخلاص،اعتقدوا ان المدرب معه عصا سحرية تخليهم يفوزون غصب،وهذا سبب تدني المستوى،خلاص اللاعبين أصابهم الغرور وكأنهم (مافيه منهم) ومن قدهم؟!فازوا سبع مباريات مع هذا المدرب!!أكيد لازم يفوزون بكل المباريات الجاية!!كأن المدرب يبي يسوي شي!!نسو (أو تناسوا) ان الهلال هو اللي يصنع المدربين ومهوب المدربين اللي يصنعون الهلال،آآآآآآآآآآآآآه أقولها بكل أسف وندم ، كم مرة مر علينا هذا الدرس ولا استوعبناه؟! كم مرة نغتر وبعدها يجينا (كف) داعس ويصحينا؟!
@@مباراة الرياض هي السبب@@
البعض (واكرر :البعض) يعتقد ان السبب وراء تدني المستويات هو الفوز الأخير على الرياض بسته أهداف,خلاص اللاعب حط في باله انه في فريق لا يقهر (بضم الياء وفتح الهاء) يعني خلااااااااااص مافيه أمل ننهزم!!والله مصيبة ان كان هذا تفكير اللاعبين!!
@@الروح الهلالية@@
معدومة ولا أثر لها بالملعب،والسبب (أو الأسباب) :
1-الغرور من الفوز المتتالي.
2- الثقة العمياء أو الطائشة بالمدرب مع اعتقاد انه معه لا خسارة.
3-عدم حماس اللاعبين وتراخيهم.
ولعلاج هذي الأسباب، يجب وبسرعه عقد اجتماع مع اللاعبين وأعضاء الشرف أو رئيس النادي حتى لو بالتلفون ودعوتهم الى نسيان كل شيء وكأننا لم نحقق سبع انتصارات، ودعوتهم الى نسيان جميع النتائج السابقة،وإلا,,,,,,,, يصير علوووووم ما يدري بها الا ربي
@@هذا جزء بسييييط@@
من اللي بقلبي،ليش؟مهوب علشان الخسارة، لا، لأننا ما نفهم من الدروس اللي مثل كذا،ولا ننسى مباراة جبلة السوري اللي اعتقد اللاعبون انه فريق سهل جدا بل أسهل من السهل،و(بالموت) حققنا معه التعادل،وياما وياما دروس،لكن هل من مستفيد؟!!
@@أرجو تدارك الوضع@@
قبل لا تصير مشاكل ربي أعلم بها،،،
@@العالمية جننتنا@@
خلاص صار كل طموح اللاعبين العالمية..ونسوا كل البطولات..وصار هاجسهم الوحيد هو العالمية..وتخيلوا معي الوضع:
ضاعت مننا بطولات عديدة بسبب الاعلمية لعدم جدية اللاعبين،يدخل الفريق العاليمة وهو في حالة يرثى لها من الهزائم،ولا يحقق المستوى المأمول, وتصير كارثة،بيتعقدون اللاعبين،وتجيهم حلالت نفسية،والله هذي العالمية نقمة وليست نعمة،لكن ان شاء الله يراجعون اللاعبين انفسهم،والجهاز الاداري,,,يا رب,,,
@@سافيت!!@@
والله لو انه قدامي (توطيت) ببطنه،وش هذي التشكيلة اللي مثل خشته؟!والله لو اجيب كامبوس حط تشكيلة أحسن!!يا ناس معقولة هذا يلعب بالفريق ولا جاي يدرب؟!! لا حول ولا قوة الا بالله
@@اللوم مهوب على المدرب وحده@@
لكنه على المدرب وعلى اللاعبين،اللاعبين والمدرب والجهاز الاداري كله يتحمل هذا الوضع،،ليش؟اسألو انفسكم،،معقولة ما تنبهنا من المباراة الأولى؟وتركنا المدرب يمرح ويسرح ويلعب بالتشكيلة بدون ما نحرك ساكن؟!شي عجيب!!
@@الله يخلف علينا@@
لو ما تحرك الفريق مرة وحدة وصارت (انتفاضة هلالية) والله ما نجيب الا الأخير،،وقولوا ما قال شنترّ!!
@@الاختراعات تدّهر!!@@
المدرب يبي يطلع اينشتاين أو نيوتن ويبي (يخترع) تشكيلة ما ادري منين جاية؟!والله سالفة!!