السلام عليكم ورحمت الله

بعد نتايج الهلال و الاخيره باسيا وبالدوري خرج لنا جمهور متبلد يخرج من هزيمه وهو يضحك ويقول الهلال في السنه الفلانيه خسر و و و و ، وكانهم يحاولون ايقاف غضب الجمهور على اشباه اللاعبين الي ب الملعب حتى اصبح الجمهور غريب هذا الموسم يخرج من هزيمه وكانه شيء عادي !

مفردات التعزيز

سامي في اول موسم له تدريب ..........
عيال الذيب
الشقرديه

والله مايحرقني الا التعزيز الي يصير وعلى اوادم مايستحقون ولا يقدرون الشعار
مباراه يلعب زين ومباراه مزهريه ولا سامي صبرنا عليه خلاص اكثر من كذا لاااا تكفوون

بعد كل مباراه يجي واحد ويقول وش ذنب سامي يجماعه !!
سامي المدير الفني على الفريق مساول عن كل شي بالملعب !

اتمنى رحيل سامي من الهلال الموسم القاددم
سامي حنا شجعناك كل مباراه ووقفنا معك لكن للاسف مهما تسوي الهلال يبغى مدرب وليس متدرب نبي مدرب يجيب اسيا موب الدوري الي عجزنا عليه وحنا معك
ياخي مستواء اول مره اشوفه يفشل الله يرحملي امك اطلع خلاص اذا انت تحب الهلال اطلع ياخي علشان الجمهور الي يحضر لك اطططلع

رجاءء اي واحد يجي ويعزز لسامي لايرد على موضوعي لان لايمكن اقتنع كلامك يضر اكثر ماينفع انا واحد وقفت معه الى اخر مباراه وبوقف معه الى اخر مباراه بالموسم اما المووسم القادم ارجو انه مايستمر اوكي سامي اسطوره هلاليه واحبه واقدر تاريخه لكن الهلال كيان حنا هنا نشجع الهلال مانشجع لاعب !

اكررر قسم بالله اني كنت موايد لتدريب سامي للهلال لكن للاسف انخذلت ماتوقعت ان هذا بيصير انا ابغى مدرب يجيب لي اسيا فريقي كامل مايوقفه فريق قطري وضيع ولا اماراتي !!!!!!!!!!!

الاداره المفروض تتفاهم مع اللاعبين المزاجيين ويعاقبونهم اقسى العقوبات خصم راتب غرامه توقيف
منهم
نواف العابد المركز الاول بلا منازع
ياسر القحطاني كالعاده من ٤ سنين
سالم الدوسري مباراه يلعب ومباراه يضيع فرص
الزوري صراحه اللاعب غريب جدا يعني لاعب ماعنده اساسيات كورة قدم اببد بس بعض الاحيان يقطع كور ويخلصها ويفيد يعني ١٠ كور يضيع ٩ وينجح بوحده اتمنى ينسقونه فريق السباحه
نيفيز حركات ابي فاول تطيح على اي شي هذي ماتسويها بفريقي وتضيع مجهود لاعبين

الحراس اتمنى يجمعونهم كلهم ويوزعونهم على اندية الدرجه الثانيه لان انديه ركاء ارقى من كذا لاعبين

واعيد واكرر نبي مدرب الموسم القادم ضمن افضل ١٠ مدربين بالعالم صمنا ٤ سنين بمدربين سواليف من بعد جريتس ماشفنا احد
ياخي اهمم خانتين بالفريق الحارس والمدرب شف انديه العالم كيف صار حالها افضل بعد مادربهم واحد ناجح مثل اتلتيكو و ليفربول ماعندهم لاعبين بس عندهم مدرب

الحراسه الحراسه بكل موضوع اتكلم فيها انها اهم خانه وانه ممنوع تجيب حارس اجنبي لاهميت الخانه بالمنتخب !
يعني اهم خانه بالفريق ي اما تجيب لي حارس صح واحتياطي حارس صح ومدرب حراس عالمي من افضل مربين الحراس او اقعد وانهزم من الانديه الوضيعه باهداف مضحكه

حراس بارزين اتمني يتعاقدون معه

الكسار ، الثنيان ، رافع الرويلي اتوقع مافيه افضل من هالحراس تقدر تتعاقد معهم خصوصا انهم يلعبون بانديه ضعيفه نوعا ما يعني تقدر تجيبهم !!!!


نقطه اخيره
اشوف اللاعبين بعد كل مباراه يطلعون وهم يضحكون سوا انهزمو او خسرو واضح انهم مايحسبون على اخطائهم اتمنى بعد كل مباراه المدرب يجتمع مع اللاعبين ويشوف اخطاء المباراه بفيديو ممع اللاعبين ويحاسبهم على خطا خطا علشان يحسون ب الجمهور الي وراهم قاعد يعاني وهم يضحكون
وبالنهايه حالنا مايسر ياما ننتقد نقد لاذع علشان المزهريات الي بالملعب تحس فينا ووتحرك !

و صلى الله على نبينا محمد
اعذروني من لخبطه الكلام لاني متنرفز كالعاده من اللاعبين و المدرب

سامي للامانه بعد تغيره للسالم امام سبهان الدقيقه 93 وفريقه مهزوم غسلت يدي نهائي ما اتوقع اخطاء غريبه مثل اخطاء الحارس المخضرم ..

سامي مبارتين ويثبت انه لا يملك شي ولا راح يضيف شي مهما عطوه من فرص خلاص فريق ماهو قادر يحافظ علي تقدمه اخر ثلث ساعه وهو متقدم ... ليه مافيه ثقافة فوز بالفريق لهذا الدرجه انهزاميه.



يطلع رئيس النادي يفول سامي مستمر .....




مواسم للنسيان كما كان موسم اخوه قبل كم موسم وهي الانتكاسة في اسيا في رئاسة عبدالله بن مساعد.

إقتباس الرسالة الأصلية كتبت بواسطة كاتب بالصميم سامي للامانه بعد تغيره للسالم امام سبهان الدقيقه 93 وفريقه مهزوم غسلت يدي نهائي ما اتوقع اخطاء غريبه مثل اخطاء الحارس المخضرم .. سامي مبارتين ويثبت انه لا يملك شي ولا راح يضيف شي مهما عطوه من فرص خلاص فريق ماهو قادر يحافظ علي تقدمه اخر ثلث ساعه وهو متقدم ... ليه مافيه ثقافة فوز بالفريق لهذا الدرجه انهزاميه. يطلع رئيس النادي يفول سامي مستمر ..... مواسم للنسيان كما كان موسم اخوه قبل كم موسم وهي الانتكاسة في اسيا في رئاسة عبدالله بن مساعد.

للاسف لنا كم موسم وحنا نقول موسم للنسيان من بعد جريتس !

نحن كيان ماتوقف على سامي ولا بن مساعد اطلعو نبي اسسيا الى مته الجمهور متحطم دايمما !
للاسف مع سامي راح يكون املنا الدوري موب اسيا

..

سااامي اصبح شمااعة كل خسااره والسبب هو لانه يتعامل مع اشبااه الاعبين و يتحمل عنهم الخسااره وليس لديهم القدره على رد الجميل وذلك بتكرار الاخطاء الفردية
ذنب ساامي انه عنده قنااعه عجيبه في الحاارس النكبه السبيعي و اتمنى ان لا اشااهده في المباريات القادمة
ذنب ساامي انه لا يستفيد من دروس بعض المبااريات وعدم القراءه الجيده اثناء سير المباراه

اتمنى من ساامي تدارك الوضع و التغير التغير التغير
هنالك لاعبين متخاذلين يحتاجون لشجاعة مدرب صاارم منحهم ساامي الفرصه و خذلوه للاسف

تعب الكلام اتمنى رؤية الهلال

لك تحية

سامي ماراح يطيره غير الاخطاء الفرديه


كل التوفيق للهلال ..

اتمنى من الاعضاء والاداره يشوفون حسابي ما اقدر انز مواضيع

إقتباس الرسالة الأصلية كتبت بواسطة Dُِo7H أول مره أشوف فريق يندفع على أرض الخصم وهو متقدم واذا سجل فيه التعادل يلعب بتوازن !

والله هذي اخطآء بدائيه مايخطئ فيها ولا مدرب

والمشكله ان الدلائل تقول انه بيكمل موسم ثاني

إقتباس الرسالة الأصلية كتبت بواسطة فكر سامي سامي ماراح يطيره غير الاخطاء الفرديه كل التوفيق للهلال .. اتمنى من الاعضاء والاداره يشوفون حسابي ما اقدر انز مواضيع

ياغالي كل الفريق اخطآء فنيه واخطآء فرديه

ساميَ الجابر .. ومن هو الخطر الاول الي يهدده .؟

منذ مواسم كوزمين وقيريتس لم ياتي مدربَ يفي بَ الطموح .. مع بدايه الموسم وقع الهلال مع المدرب وابن النادي سامي عبد الله الجابر <3 .. بدا بدايه جيده بجلب لاعبين محليين على مستوى عاليَ .. لاكن لم يوفق باختيار اللاعبين الاجانب بالشكل المطلوب .. او ان الاداره لاتستطيع دفع صفقات عاليه للاجانب ..

بدا بدايه موفقه ووقف ضد كل الاعلام الاصفر والمشككين به وقفه ذئب ..

(( الاخطاء الفرديه هي من ستزحزح سامي من مكانه ))
1/في المباراه الاولى ضد النصر وكانت في الجوله العاشره كان الهلال متصدر خطأيين فادحين من المدافع يحيى المسلم والحارس السديري ولج منهما هدفين في مرمى الهلال وانتهى اللقاء بخساره الهلال وضياع الصداره ..

2/في الجوله الحاديه عشره يلعب الهلال ويستبدل السديري بالسبيعي ضد الشعله ويتقدم بهدف ولاكن خطاء السبيعي بالتقدم وولوج هدف التعادل .. ليصبح الفارق 4 نقاط عن النصر ..

3/ وصل الهلال للنهائي وسجل الهدف الاول وكاد يسجل الثاني والثالث بالدقائق الاولى وسرعان مَ اخطاء الدعيع وسجل هدف في مرماه وعدّل النتيجه واكملها الحكم باحتساب ركله جزاء غير مستحقه وخسر هلال سامي كاس ولي العهد ..

4/ لعب الهلال امام الشباب في الدور الثاني وكان الفارق 6 نقاط وقبيل انتهاء اللقاء اخطاء الحارس الثالث شيعان خطاء فادح امام حسن معاذ من فاول بعيد جداََ ليصبح الفارق 9 نقاط ..

ناتي للاسيويه وهي حلم كل هلالي بعد الغياب الطويل عن ذهبها ..

1/الجوله الاولى لعب ضد الاهلي الاماراتي بالرياض تسبب السبيعي بالهدف الثاني وهو عدم التحرك ولو لخطوه للامام مع امكانيه المضايقه واغلاق الزاويه على المهاجم لياتيَ الهدف الثاني على الهلال ..

2/الجوله الثانيه طار الزعيم لايران وعازم على العوده للوطن بالثلاث نقاط الهدف الاول اتى من الجهه اليسرى للهلال وكان الزوري غير متواجد وليس بالقريب على مسجل الهدف الهدف الثاني والثالث يتحملها السبيعي 100%..

3/الجوله الثالثه امام السدالقطري بالدوحه بدا الهلال وبدات الاخطاء الفرديه معه كره محمد الشلهوب تقطع من نصف الملعب تلعب للطرف اليسار لفريق السد يسددها اللاعب وليس بالقويه ليعجز السبيعي عن مسكها وارتدادها للبلوشي معلناََ الهدف الاول ..

كل التوفيق لـ مدرب الزعيم سامي الجابر <3

والله ليست عاطفة ولا مجاملة للجابر.
سامي تعرض لضغط من عدة نواحي سأقولها بالتفصيل لو تعرض لها مورينهو شفتوا الفريق أسوأ من هالحين بمراحل.

1- افتقار الهلال للبديل.



2- بُعد الإدارة عن الفريق



3- ضعف الحراسة وشفنا الفريق يسجل كم هائل من الاهداف ومع هذا ما يفوز الا بشق الأنفس.




4- ضعف الدفاع الدور الأول وقدر يرممه الجابر ولو ما الدور الاول والكوارث اللي كانت فيه كان يمدينا محققين الدوري من مبطي.



5- ضغط عودة النصر وعلى حساب الهلال سبب ضغط كبير على الجابر وعلى اللاعبين وخلت الجمهور ما يرضى ما يتنازل عن اي بطولة هالموسم.



6- الغيابات اللي ما ندري وش سرها العابد والقرني



7- الجابر انهى ثلثي الموسم بثلاثة أجانب ومع هذا وصيف الدوري ولاعب نهائي ومرشح لنهائي آخر.




8- الضغط الاعلامي الموجه ضد الجابر قبل النادي.



يا ناس جبنا قيريتس مدرب عالمي وجبنا لاعبين عالميين والفريق كان مكتمل الصفوف ويزخر بأفضل اللاعبين المحترفين والمحليين ومع هذا خرجنا من الآسيوية و كانت العالم تتطالب ببقاء قيريتس. عكس اللي صاير هالحين الله المستعان.



والله الذي لا اله الا هو لو كان مدرب غير سامي لتشوفون فريق مفكك واسوأ بكثير من المهازل اللي صايرة هالحين.



اللي يقول لي الفريق بدون هوية وبدون تكتيك اسمح لي أقول لك انك تتابع الهلال بعين وحدة اللي هي عين الخسارة.



اذا فاز الهلال وشفناه مرعب قلنا اجتهادات لاعبين واذا خسر قلنا سامي.





فيه مباريات فاز فيها الهلال على فرق صغيرة وبصعوبة وهذا كان ديدن كوزمين لعامين وما كنا نشوف هالانتقادات.



وفيه مباريات شفنا فيها هلال مرعب يسحق الفرق بالخمسات والاربعات وجيرناها لاجتهادات لاعبين.
ليه ما يجتهدون هاللاعبين طيب في هالمباريات اللي أثارت غضبكم.





مشكلة اذا الواحد جالس قدام الشاشة وحاط رجل على رجل ومجهز وش يقول في حالة الفوز ووش يقول في حالة الخسارة... ولا اهتم لناس افنت اعمارها في خدمة الزعيم.

��������������


انا ما زلت ولا راح أتغير اتمنى تعطى الفرصة كاملة للجابر حتى ولو ما حقق اي بطولة رغم اني احيانا من الضغط النفسي اللي صرنا نعانيه بسبب هالجابر اتمنى يرحل.

لكن المنطق يقول اني اشوف الجابر تعدى مرحلة مدرب جيد الى مدب جيد جداً وبيصير ممتاز باذن الله بس يُعطى فرصته كاملة.


��������������

ولا يعني هالكلام ان الجابر ماله أخطاء بالعكس عليه أخطاء وعنده نقص خبره ولكن اللي نشوفه انه يتطور تطور كبير.. وقادر انه ينجح بعون الله وقوته.

هذا الموضوع حاولت انزله بس ماقدرت ما ادري ليش .. سامي ملله ذنب بشي

إقتباس الرسالة الأصلية كتبت بواسطة فكر سامي هذا الموضوع حاولت انزله بس ماقدرت ما ادري ليش .. سامي ملله ذنب بشي

ي غالي فيه بمنتدى اخر الاقسام قسم تقييم مواضيع قبل تنزيلها لقسم جمهور الهلالي اظن تكتب الموضوع هناك والمشرفين يرفعونه

لي رجعه للموضوع

ياخي ابي افهم اليه يدخل عبدالعزيز الدوسير لاعب شبه ميت والهلال فايز اليه مايعلب محورين ميشوف السيبه في الدفاع والهدف الثاني السد مايدخل في نادي محترف العب منفرد الحاله من نص الملعب ؟؟؟؟؟؟

إقتباس الرسالة الأصلية كتبت بواسطة الزعامه لاهل الزعامه للاًسف اذا قلت الصراحة قالو مندس مارادونا جاملوه عشان تاريخه وشف الحين وينه مو اي لاعب مدرب ومو اي مدرب لاعب

يبونا نقول سامي في اول موسم تدريب المركز الثاني و ينافس على جميع اللبطولات و و و وو و و و لمين يشوفون الهلال ينافس على الهبوط ويقتنعون انه وينه وين التدريب اجل
فيه مدرب يهجم والفريق فايز وموب بملعبه ولوم تعادل وازن لعبه

ولا يغير الدقيقه ٩٠ اخخخخخ ي القهر بس

إقتباس الرسالة الأصلية كتبت بواسطة الخالدي 911 ياخي ابي افهم اليه يدخل عبدالعزيز الدوسير لاعب شبه ميت والهلال فايز اليه مايعلب محورين ميشوف السيبه في الدفاع والهدف الثاني السد مايدخل في نادي محترف العب منفرد الحاله من نص الملعب ؟؟؟؟؟؟

نفس الخطا يطلع مهاجم بوسط وينفرد لمين يخسر