والله شوف يالغالي
انا واعوذ بالله من كلمة انا ... ماعمري تجرأت على مدرب درب الهلال بتدخل في طريقه اللعب ... مثلا ( المفروض سامي يلعب فلان ويلعب فلان ويلعب بالطريقه الفلانيه )
او حتى انتقاد مدرب لسبب انه خرج من بطوله
لكن بالنسبه للي جالس يصير شي خطير ترا
راح الخص لك عده نقاط ماتبشر بخير وللأسف تنافي كلامك
لازم نتفق على انه
التدريب موهبه ... واعطاء المدرب فرصه في جميع الانديه حتى يتمكن من التعرف على عناصر الفريق ونقاط ضعفه وقوته ... ومن هالباب .. هالعمليه ماتستغرق اكثر من 15 جوله وبعدها تبدا لمسات المدرب بالظهور ... على اعتبار انه المدرب بطئ في التأقلم
سامي الجابر حتى الان له اكثر من 15 جوله ... والاوضع كل ماله يسوء ولايتحسن واتحدى احد يثبت غير هالكلام .
ثاني شي
ابي اثبت لك انه علة دفاع الهلال في المدرب وليست في الافراد ... الهلال حتى الان لعب بـ 8 قلوب دفاع من بداية الموسم !!!
ياساتر ..والله لو انه منتخب
1- المسلم
2- المرشدي
3- الحافظ
4- الدعيع
5-هوان
6-كواك
7-الغنام
8-ديقاو
وحتى الان الدفاع تعبان ... هل يعقل انه كل هاللاعبين مستهترين والمشكله فيهم وليست في مدربهم !!؟
ثالث شي ... الهلال منذ بداية الدوري حتى الان لعب بت 3 حراس مرمى !!
1- السديري
2- شيعان
3- السبيعي
معقوله اللي جالس يصير ؟؟ والله قالها محمد الدعيع .... اكبر غلط يسويه سامي انه اذا شاف لاعب غلط ... طلعه !؟!
تذكر عمر هوساوي لاعب الفقر ؟؟
تذكر شلون سالم الدوري جرره على وجهه وكان سبب في خساره فريقه بأكثر من مباراه .... الحين وشو عمر هوساوي ؟؟ موب من افضل قلوب الدفاع السعوديين ؟؟؟ موب معقوله كل لاعب يغلط تلزخه في الاحتياط !؟
رابع شي
الهلال دائما عندما يتقدم بأكثر من هدف .. يضل دفاعه متقدم بشكل يحسسني انها الدقيقه 94 والهلال مهزوم 4-2 !!؟
وين تدخلات المدرب !!؟
هذي اساسيات يتعلمها الواحد في اي شهاده تدريبيه ياجماعه
اذا تبي تعرف قوة اي مدرب في العالم .... انظر الي اللمسه قبل الاخيره
الحين رح شف احصائيات الهلال وشف كمية صناعة اللعب
سامي يلعب في غالب الاوقات ... على حسب ماشفت .. على الاطراف وع العرضيات
بالله عندك لاعب يعرف يلعب اوفر زي الناس !!؟ اسألك بالله جاوبني بصراحه
انا اشوف انه لا مافيه ولا لاعب يعرف يرفع الكره .... طيب ليه مصر تلعب ع الاطراف !!؟
70% من اهداف الهلال اما من فاول لنيفيز او الشلهوب ... وين صناعة اللعب !!؟ مالوم الشمراني اذا انقهر في كل مباراه ... ماحد يمرر له الا اذا الكره رجعت من دفاع الخصم بالغلط !!؟
اخيرا وليس اخراً ....
مدرب تبحث عن الاحتراف ... وتعرف طينه اللاعب السعودي بحكم انك كنت لاعب معهم ... تخلي التدريب حصه واحده ووقت المغرب بس !؟
لاتقولون لي الجو حار ... لو الصباح يلعبون لياقه او في صالة الحديد وفي الليل تمرين في الملعب .. المهم اللاعب ينربط انه يحضر في الصباح وفي المساء ... كذا تضمن انه اللاعب مايسهر ... مايسافر ... مايسربت ولايشرب ولايحشش لانك بتصيده في الصباح
نقاط بديهيه وانا اخوك المفروص تكون في اي مدرب يسمي نفسه "محترف"
وارجع واقول ... التدريب موهبه وليس تمرين او تعلم
اذا منت موهوب ... لو تمسك مليون فريق ماراح تفلح
رح شف بيسيرو .... مدرب قديم ... وحتى الان موب عارف يجيب بطوله بأي فريق يمسكه
وشف زلاتكو مدرب شبه جديد مقارنه بتاريخ بيسيرو في التدريب ... جاب من ثاني مباراه بطوله مع الهلال
في كره القدم ككل .. الموهبه اولا
شف يوسف السالم من جهه ... وشف ناصر الشمراني من جهه اخرى
يوسف السالم
اطول
امهر في ضربات الرأس
جسم اقوى من ناصر الشمراني
اخذ فرصه مع الشباب والاتفاق والهلال
ولامره جاب حتى وصيف الدوري
ناصر الشمراني
قزم بالنسبه لجسم مهاجم
قدمه ليست قويه
ليس قناص بضربات الرأس
ومع كذا سجل اهداف بالراس اكثر من السالم
وجاب هداف الدوري ماشالله تبارك الله اكثر من 5 مرات
الموهبه اولا ....
اسف اني طولت بس حبيت اطلع شي في خاطري للأمانه
وفيه كلمه قالها واحد في تويتر والله حسيته جابها بالجرح
سامي لاعب لايختلف عليه اثنان
سامي مدرب لايتفق عليه اثنان
تحياتي للجميع