|
مع احترامي لسامي كان بالامكان افضل مما كان من خلال المحافظة على التفوق فالشمرا ني في الشوط الثاني غير موجود الشهراني لم يكن هناك من يغطيه في حالة الهجمة الزوري تائه تمنيت ان يحافظ سامي على تقدمه من خلال دعم الوسط بالشهراني من خلال اخراج الشلهوب وادخال سلطان وتثبيت الزوري هو وسلطان وعدم السماح لهم باسناد الهجمة والاعتماد على سلمان والشهراني والابقاء على ياسر بجانب الشمراني الحارس يحتاج لاعادة تاهيل تمنيت ان يكون الهلال يتعاقد مع حارس الزلفي فهو يملك الشجاعة والتمركز الجيد بالعربي اافضل خطه لمقابلة الفرق هي ناصر وياسر هجوم خلفهم نيفز الوسط سلمان والشهراني وقلب دفاع والدفاع سلطان وتياغو والكوري والزوري الحارس شيعان |
الارضيه كان لها تاثير والتشكيله لم تكن مناسبه للاجواء الممطره معوضين خير لازال الامل كبير فوز على السد يعدل النقاط |
الشهراني والسبيعي. مكانهم دكة الاحتياط. الفريق مايلعب بروح وحماس. نيفيز اناني. |
هاردلك على النتيجه اخطاء دفاعيه مشتركه اقول بس يالبى الاتحاد هو الفريق الي يرفع الراس |
هااااااااااااااااااااااااااااردلك عشاق الززززززززززززززززعيم معوضين ان شاء الله اسباب الخسارة: السبيعي والزوري والدعيع حارس فاشل ودفاع فاشلين ما فيه الا ديجاو فقط |
السلام عليكم يازعماء وزعيمات هارد لكم على الخساره الغير متوقعه عطفن على مستوي الفريق في الشوط الاول وعدد الفرص الضائعه الهلال قدم مستوى كبير في هذه الشوط الاول ما شفنا مثل هالمستوى من زمان كنا نستحق على الاقل التعادل وهذي الكوره فوز وخساره الامطار اثره في مستوي الشوط الثاني ولم يستطع الاعبين السيطره على الكره بشكل صحيح ياسر الشهراني اتمنا مراجعه مستواك في المباريات الاخير السبيعي الهدف الثاني تتحمل مسؤوليته مع الشهراني اما الثالث فتتحمله لوحدك بصراحه مدري في ايش تفكر وانت تحاول الامساك بالكره بدل ابعادها عن مرماك باقي الاعبين لم يقصرو والله يعطيهم العافيه على المجهود الكبير الذي قدموه تحياتي للجميع |
بكل اختصار الدفاع سيئ الحارس السبيعي اي كوره يمينه يصدها ببراعه اي كوره يساره هدف بنسبة 80 ٪ وارجعو لكل الاهداف اللي سجلت عليه كلها يساره اما اذا جت يمينه بنسبة 90 ٪ صادها الاظهره والنص مايعرفون يرفعون الشي الوحيد الجيد اليوم ان الهلال على الأقل استفاد من ضربتين زاويه ومن زمااااااااااان والهلال مايستفيد من ضربات زاويه |
بغض النظر عن الخساره وكثره الفرص الضائعه والاحوال الجويه اللي كان لها تأثير كبير المستوى اللي ظهر فيه الهلال جميل جدا جدا جدا السيئ اليوم الحارس والدفاع نتمنى معالجه المشكله بااسرع وقت_نبي اسيا :) |
السبيعي له نصيب كبير في الخساره والتقدم الي ماله في الهدف الثاني اما الهدف الثالث حدث ولا حرج |
نتيجه محبطه لآن الآمل كان كبير ف الشوط الاول فريق سابهان ضعيف والاجواء ضده الشوط الاول ومعنى .. الشوط الثاني الاجواء معهم ..الفرق انهم حاولو ضد الاجواء وسجلو هدف واستطاعو والاجواء معهم تحقيق هدفين وفوز .. الله سهلها بس مره فوق ومره تحت الله يستر من هالموسم تخبطات حتى ف مجريات المباراه احس الثقه انعدمت مره نمجد ومره نتذمر.. بالتوفيق للزعيم ف باقي استحقاقاته.. |
أرجو ملاحظة النقاط التالية على اداء الهلال : 1- الأهداف 90% منها تأتي بنفس الأسلوب وهو استغلال تمركز المدافعين السيء وبتمريرة واحدة يجد المهاجم نفسه امام المرمى. رغم ان الأسماء في دفاع الهلال رائعة ولن التنظيم التكتيكي سيء<<< ما عاد نبي كشف تسلل فلماذا لا نلعب بليبرو خلف المدافعين. 2- محاور أصبحت تحركاتهم مسالة اجتهادات شخصية 3- في الوسط لا يوجد لدينا لاعب يجيد الاحتقاظ بالكرة تكتيكيًا ... ومن ثم توزيع ادوار اللاعبين لصنع هجمات منظمة ... كل لاعب يستلم الكرة يفكر بهجمة مرتدة بسرعة ... لذلك تلاحظ ان اغلب اهداف الهلال من كرات ثابته ... او كرة مقطوعة من دفاع الخصم وتلاحظ ايضًا ان الهلال لا يستطيع لاعبوه ان ينقلوا اكثر من ثلاث تمريرات في ملعب الخصم في كثير من المباريات إلا في حالات قليلة... بعض العناصر تحس ان تملك مهارات ولكنها لا تملك مؤهلات تكتيكة وساتحفظ على الأسماء |
الحمد لله وقدر الله وماشاء فعل النفسيه مصدعه :ranting: الله يحسن حاال الزعيم وبس s13s:rose: |
اخطاء متكرره دفاع سيء مدرب مايعرف كيف يغير نزول يوسف السالم في الثواني الاخيره معجزه تدريبيه |
... السلام عليكم ورحمة الله اخوي ابي ابداء من حيث انتهيت اولاً / انت وضعت ( 11 ) بند للضوابط لا يوجد بها مسموح الا بند واحد وهذا مجحف بحق من يشارك بموضوع رغم اهميته خصوصاً في هذا التوقيت واختارك لعنوان يميز رقي الفكر والوصول الى افضل وانسب الحلول ( الحوار المفتوح ) ثانياً / نظراً لعدم مشاهدتي للمباراة حتى الآن سوف اتكلم عن الهلال بصفة عامة سوف اتكلم عنه كـ سعودي محب النجاح لكرة الوطن ليس كـ مشجع هلالي . الهلال / نادي عريق بتاريخه الحافل بالبطولات هجومي من الطراز الاول والجميع لا ينكر عدم قدرته على الدفاع بشكل مستمر وذلك من وجهة نظري لعدم عمل التشكيل المناسب في الوقت المناسب . سامي الجابر / مدرب من ذهب محارب بكل الطرق من الهلايين قبل ان يكون محارب من المنافسين تعرض ( للسب ولعن وسخرية ) وما اقول الا حسبي الله ونعم الوكيل في كل من تعرض لسامي كـ شخص مسلم مثابر طموح يحب الخير ومشهود له بافعاله ان شاء الله . التشكيلة / ليش لا ليش ما نلعب بالطرق الاوربية الفريق الهجومي له تشكيل والدفاعي له تشكيل وهناك المتوازن هجومياً ودفاعياً انا مقتنع ان فريق الهلال هجومي هجومي بحت ليش ما يكون التشكل 3-2-2-3 او 4-3-3 او 3-3-2-2 ليش ما نستغل الاجنحة وللمعلومية هناك فرق اوربية الغت من تفكيرها شي اسمه ظهير صار الاعتماد على الاجنحة بشكل كلي وهذا مجدي جداً للفرق المتكتلة دفاعياً ولنا في الدوري خير دليل اتوقع يجي واحد ويقول اللياقة وهذا اوربي وهذا سعودي انا ارد واقول كل شي قابل للتعديل كل شي ممكن مع الاصرار والعزيمة وحب النجاح ولو استخدم الهلال هذا النمط لما تجراء اي فريق على دخول منطقة الـ 18 للهلال وذلك ليحافظ على شباكة والخروج بأقل الخسائر . اللاعبين / ما رح اتكلم بالاسماء لان هناك من يتوقع انني اتمنى سقوط لاعب معين او خروجه من النادي بشكل كلي كل ما اطلبه منهم الاحتراف الاحتراف الاحتراف بشكل كلي ادي الي مطلوب منك ولا تتفلسف انتهى عهد الاجتهاد الشخصي لا يوجد من هو بمقدوره فعل هذا الشي راح ابو يعقوب الله يذكره بالخير . ادارة الكرة الاحترافية / يجب ان تكون كذالك ( احترافية ) في اوربا هناك من يدون الملاحظات اثناء المباراة الايجابية والسلبية يوزع عليها مرتب اللاعب الشهري ( عدم تنفيذ المهام المناطة للاعب يحاسب عليها ) تخيل لو فاز الهلال في مباراة وجاء هذا الفوز بمجهود ( 8 ) لاعبين وخصصت مكافئة للفوز هل يحق للـ ( 3 ) الي نايمين الحصول عليها لا والله بالعامية ( ما يشمها ) اتمنى ان تبتعد ادارة الكرة عن المجاملة واعطاء كل ذي حقٍ حقه علماً ان هذه الطريقة تحفيزية اكثر مما ان تكون عقوبة . العذر منكم على كثر القرقر والاخطاء الاملائية في خفوقي للهلال الشي الكثر ... شيٍ طلع مكتوب وشيٍ لبو يعقوب اخوك / عبدالله |
الحمدلله على كل حال...وباذن الله سوف نتاهل .. كنت اتمني من المدرب سامي الجابر ان لا يخرج ياسر القحطاني وكان الاجدر من بدايه الشوط الثاني ادخال الغنام واخراج الشلهوب .. وتدعيم الوسط بلاعبين يساندون الدفاع يعني لو لعب الغنام بيصير نلعب 3 محاور وسوف يريح الزوري والشهراني .. اتمني ان اعرف تاريخ مدرب الحراس في الهلال ....من بدايه الموسم ونعاني ونعاني من اخطاء الحراس |
| الوقت المعتمد في المنتدى بتوقيت جرينتش +3.
الوقت الان » 05:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd