السلام عليكم ورحمة الله وبركاته

كيفكم ياشباب ويابنات وعلومكم والله من زمان عن الكتابة بهالمنتدى الغالي لبى هالمنتدى وايامه ايام حلوة عشناها فيه

الله يذكر الايام ذيك بالخير والله ايام حلوووووة

طيب انا عاوز اخش دغري بالموضوع

السالفة اني انا قدر الله علي وانتقلت لابها للعمل الى نهاية شهر 7 القادم ان شاء الله

طبعا بما اني عزوبي يستوجب علي انا انسق الوضع مع اخوياي اللي اعرفهم عشان نسكن سوا وتكون قطة وتخف علينا
التكاليف

طبعا اقتنعت حاليا اقتناع واعتقاد وايمان ان الانسان مهما كانت معرفتك فيه ماتعرفه ع حقيقته الا بالسفر ومعاشرته والجلوس معه مدة طويلة وعيش يومك معه

اكتشفت ان صدري مو شمالي هع هع هع

بالله كيف يكون صدري شمالي ووسيع صدر ويكون خويك معه اغراضه وستخدم اغراضك بدون استاذان ( توهقت ماعرفت اكتب كلمة استاذان مدري هيك صح ولا لا )

ماخلوا لي شيء الا واستخدموه اللابتوب حقي اللي ماارضى لحد يقربه مدري الا وهو جاي فاتحه وداخل من gust

ويدخل برامج المحادثة ويحمل برامج بروكسي خيير ان شاء الله يبوو واللي رفع ضغطي زود ذاك اليوم جاني وقال ترا بأخذ لابتوبك لمحل الجوالات بخليه يركب برنامج البلاك بيري عشان يشبك جوالي عليه ويطلع الملفات اللي انحذفت من جوالي بالغلط

قم انقلع بس ع كيف ابو امن جابتك هو

طبعا هذا غير شاحن جوالي اللي اشحذهم يعطوني اياه عشان اشحن جوالي اللي بيطفي مع انه شاحني ويسابقوني عليه عشان يشحنون جوالاتهم

وكله كووووم واني اصحى من النوم والقى سيارتي مو موجودة اخونا بالله ماخذها يبووي سيارتي توني اقساطها مابعد اخلصها وانت تعتبر السيارة سيارتك تاخذها وانا نايم

صراحة قمت اعتبر هالأشكال قليلة حيا مو وساعة صدر والخوي لخويه يابوي اقل شي استح ع وجهك

ع العموم انا أـكلم من وجهة نظري الشخصية وكل انسان له وجهة نظر وحرية شخصية


النقطة الثانية من الموضوع

انا ابشركم ولله الحمد والمنة نويت نية جادة لاعودة منها أني اتزوج ان شاء الله بعد رمضان ان شاء الله

طارت فلوسي ع السفر والله ومابقى بالعمر كثر مامضى وصلت 25 وللحين ماتزوجت

طبعا محدثكم ماشاء الله عليه حتى الان مابرأسه اي فتاة ولا يدري وين سعيدة الحظ الله يطول بعمرها وين اراضيها

طبعا ماأبي منكم الا دعواتكم اني اطيح ع صالحة الدين ومزيونة ومحترمة قسم بالله لا أعيشها عيشة احلى كلام

أمي الله يحفظها ويخليها دايم لا قلت لها قبل مااجي لابها ابي اتزوج كانت تقول لي انت ابد جمع فلوسك وخل السربتة والسفرات عنك وابشر باللي يزوجك
اوما انك تطلع البنت من بيت ابوها معززة مكرمة وتعيش معك بفقر والله ان تبطي (طبعا امي ماقالت تبطي )

فحاولت مرارا وتكرا باميمتي ولكن باقية صامدة مافي زواج لين تجمع راتبك

عشان هيك بديت أجمع الحين وربي يعين دعواتكم بس


بانتظار ردودكم ووجهات نظركم

والسلام عليكم

والله صرت استانس اذا دخلت هالقسسسم ولقيت موضوع جديد مفتوح ^~*

يااخي ماادري وين العاالم اختفت،،

الولد اذا توظف اختفى من هنا،،

والبنت اذا تزوجت اختفت بعد،،

هو في اي ياقماااعه الله ^~*

نرجع لموضوعك الحلو خفيف الظل،،

انا اعتبر مايقوم به صديقك من زود المياانه عليك ولكنها للأمانه تعدت الميانه الى الشي الغير مرغوب فيه ويضيق الصدر،،

ماعاد باقي الا يستخدم فرشاة اسنانك كخخخخخخ

اللوم يقع عليك انت المفروض من الأول تفهمه ان الوضع هذا لايعجبك ولاترضى بهذا الاسلوب ابد ولو عن طريق المزااح،،

لكن ماصاار شي:

امسكه هالحين ع جنب وقله ياصديقي الصدوق اغراضي الشخصيه فيها اسراري واشياء لاأحب احد ان يطلع عليها فأرجوك لكي لاتخرب العلاقه لنضع كل شي له حدود،،

وصدقني رااح يفهم الوضع ون شاء الله تزين الامور،،

......

اجل نويت تسسسويها وتعرس عقب مااشبعت ياالذيب^~*

والله احسس ان العرس ونااسه وفله وكذا وبعض المراات احس ان الوااحد يعيش طليقآ بهذه الحيااة الجميله احسسسسن،،

انا سئلت بعض المتزوجين عن حيااة القفص الذهبي وهل فيه احتكاار من العصفوره التي تعيش معااك في القفص؟؟

ويأتيني الجوااب بأن الحيااه سعيده وعيشه هنيئه واذا قلت طيب تخاااويني نبي نساافر قاال ياولد والله مشااكل البيت والورعاان وهالنسره اللي عندي ومشاكلها اللي ماتخلص< طيب يانصاب توك تقولي عصفوره وحياه جميله كخخخخخخ

بس بالنهاايه هي سنة الحياااه لازم تتزوج عااجلآ ام آجلآ،،

وماداام الوالده الله يحفظها تبيك تتزوج جمع اجل فلوس هالسفرياات والدشره ^~* وصكلك بنت مزيونه تعيش معك العمر كله وماتفكر تطالع في بنت ثاانيه غيرها،،

والاهم ونا اخوك النظره الشرعيه لاتقولك الوالده انا لقيتلك وحده احلى من هيفاء وهبي وتدخل عليها وتنصدم في اوباما،،

واحد من ربعي يقول تزوجت وحده من اختياار أختي ويوم دخلت عليها شفت ولد عمي ابراهيم قاعد قدامي ^~*

يوم سألهم ليش سويتوا فيني كذا ؟؟ قالوا اهم شي الاخلاق!!!

طيب ماقلنا شي الاخلاق لابد منها ولكن بعد الجمال له دور بالموضوع ،،

مقاابل وجه العنز اربع وعشرين ساعه ع شان اخلاقها حلوووه ؟؟؟

المهم اسبوعين وطلق الرجل وكسر القفص الحديدي ع رأس اخته،،

اتمنى اك حيااة سعيده يااصديقي،،

صراحة احب اصحابي يكونوا كذا علشان آنا مو كذا ^_^

لكن اذا انت شايف ان تحولت هذي الصداقة لاستغلال

قولهم ان خصوصياتك خط احمر .. اذا يبغوا شي لازم " بأستئذان"...

حط باسورد للاب ....

مفتاح السيارة تحت المخدة ...

احم احم آنا بهدي النفوس مش اكتر *_^

الله يوفقك ويسهلك امورك ويحقق لك ما تتمنى ...


....

إقتباس الرسالة الأصلية كتبت بواسطة بن جبله اللوم يقع عليك انت المفروض من الأول تفهمه ان الوضع هذا لايعجبك ولاترضى بهذا الاسلوب ابد ولو عن طريق المزااح،، لكن ماصاار شي: وصدقني رااح يفهم الوضع ون شاء الله تزين الامور،، ...... اجل نويت تسسسويها وتعرس عقب مااشبعت ياالذيب^~* والله احسس ان العرس ونااسه وفله وكذا وبعض المراات احس ان الوااحد يعيش طليقآ بهذه الحيااة الجميله احسسسسن،، ،، وماداام الوالده الله يحفظها تبيك تتزوج جمع اجل فلوس هالسفرياات والدشره ^~* وصكلك بنت مزيونه تعيش معك العمر كله وماتفكر تطالع في بنت ثاانيه غيرها،، والاهم ونا اخوك النظره الشرعيه لاتقولك الوالده انا لقيتلك وحده احلى من هيفاء وهبي وتدخل عليها وتنصدم في اوباما،، اتمنى اك حيااة سعيده يااصديقي،،

شكرا ع مرورك يابعد تسبدي انت والله

والله وانا هذا اللي ناوي عليه اقفل لابتوبي برقم سري واحذف حساب الجوست وراح اجتمع معه وافهمها اني لا اشوفه يقرب شيء بدولابي او يخصني

لان النوعية هاذي احس لازم تتكلم معها ماينفع تلمح

إقتباس الرسالة الأصلية كتبت بواسطة ملكه في مملكه الزعيم صراحة احب اصحابي يكونوا كذا علشان آنا مو كذا ^_^ لكن اذا انت شايف ان تحولت هذي الصداقة لاستغلال قولهم ان خصوصياتك خط احمر .. اذا يبغوا شي لازم " بأستئذان"... حط باسورد للاب .... مفتاح السيارة تحت المخدة ... احم احم آنا بهدي النفوس مش اكتر *_^ الله يوفقك ويسهلك امورك ويحقق لك ما تتمنى ... ....

احمدي ربك ان اصحابك مو من هالنوعية لان كل شي له حد مو لدرجة ان اغراضي الشخصية وممتلكاتي تستخدمها وكنها ملكك كل شي له حدود

شاكر لمرورك وتشريفك لي

طالما هؤلاء أصدقائك .. فمن الطبيعي ان تفر منهم بالزواج
اقلها بنت الناس ما تقدر تاخذ سيارتك وانت نائم


حياك الله يا غالي

ونحن ايضا اشتقنالك

ونتمنى لك التوفيق ،،



بخصوص قاطعين الطريق اللي ساكنين معك

ما يمارسونه هو نوع من الحرمنة بغطاء الصداقة ! .. والحقيقة هذا استغفال مع مرتبة الشرف

انا لا اتعاطف مع طريقة بن جبلة وعبارات صديقي الصدوق اللي تسرق سيارتي وتعتدي على خصوصيتي !

ولا طريقة ملكة واسلوب دس المفاتيح تحت المخدة كأنها رسالة من حبيب ومخبيها من أهلك لا يصيدونك

خذ علوم أهل اليمن في التعامل مع لصوص الصداقة

تنادي صديقك للغرفة .. أول ما يدخل الباب اطرقه مخمس لين يلصق في ركن الغرفة .. وكلمة مختصرة : هذه المرة كف .. المرة الثانية في حجز الشرطة

ولا تنسى ان تكون هذه المعركة امام من يشاركونك الغرفة .. حتى لا تضطر لتكرارها مرة اخرى

واذا صلحت احوال صديقك الحرامي وتاب من السرقة .. بعدها ممكن تكونوا اصدقاء وتعزمه على شاي عدني


واذا كنت تظن انك لن تستطيع ذلك .. فأنصحك بسرعة الزواج واشتري نفسك



بالتوفيق ،،،

إقتباس الرسالة الأصلية كتبت بواسطة هلالي من ارض اليمن طالما هؤلاء أصدقائك .. فمن الطبيعي ان تفر منهم بالزواج اقلها بنت الناس ما تقدر تاخذ سيارتك وانت نائم حياك الله يا غالي ونحن ايضا اشتقنالك ونتمنى لك التوفيق ،، بخصوص قاطعين الطريق اللي ساكنين معك ما يمارسونه هو نوع من الحرمنة بغطاء الصداقة ! .. والحقيقة هذا استغفال مع مرتبة الشرف انا لا اتعاطف مع طريقة بن جبلة وعبارات صديقي الصدوق اللي تسرق سيارتي وتعتدي على خصوصيتي ! ولا طريقة ملكة واسلوب دس المفاتيح تحت المخدة كأنها رسالة من حبيب ومخبيها من أهلك لا يصيدونك خذ علوم أهل اليمن في التعامل مع لصوص الصداقة تنادي صديقك للغرفة .. أول ما يدخل الباب اطرقه مخمس لين يلصق في ركن الغرفة .. وكلمة مختصرة : هذه المرة كف .. المرة الثانية في حجز الشرطة ولا تنسى ان تكون هذه المعركة امام من يشاركونك الغرفة .. حتى لا تضطر لتكرارها مرة اخرى واذا صلحت احوال صديقك الحرامي وتاب من السرقة .. بعدها ممكن تكونوا اصدقاء وتعزمه على شاي عدني واذا كنت تظن انك لن تستطيع ذلك .. فأنصحك بسرعة الزواج واشتري نفسك بالتوفيق ،،،

هلا هلا والله باليمني الغالي امس كنت بجيزان اتمشى مع أحد الأصدقاء الجيزانية وصراحة لزم علي البس الوزار حقهم
والله ياهو وناسة خفيف وتحس ببراد اهني أهل الجنوب واليمن باللبس اللي اظنكم تعتبرونه زي رسمي عندكم بكل مكان تلبسونه
بس الشيء الثاني اللي هو التاج اللي فيه ريحان وحبق ومدري ايش اللي ينلبس ع الرأس هاللي مدري وش وضعه غير انه تحس انك شجرة تمشي ريحة نباتات براسك احلى مافيه الريحة بس من تحرك راسك طاح عليك ورق النبات من راسك كنك نخلة في فصل الربيع

المهم قبل ارجع لموضوع انت مكانك بين الاسوار والحلم وش معناه انا اللي اعرفه اللي يحلم يوصل الصين وهو ع فراشه انت كيف قصدك تحلم انك مسجون ولا وش وضعك
ياليماني
وصراحة حكمتك اليمنية ممتازة مرة لكن فيه مشكلة ان الشباب اللي معي كلهم عيال عم ومن قبيلة وحدة

شكلي بأستعين بشاهي نعناع عوضاً عن العدني لانه يروق البال وابدا افاتحهم بالسالفة هع هع

اوما الزواج اللي يقربه بس والله العزوبية طفش تحس انك مطلقة كل شوي وانت بمكان ولا شغل ولا مشغلة

ودي كذا اتزوج تجيك الانسة وتقول لك رح حلق وجهك يازوجي العزيز وخل الحلاق يحدد لك من هنا ويخفف من هنا
يااخي والله حماس وتروح تخش الصيدلية تجيب الله يعزكم حفايظ وبودرة وسيريلاك وصامولي
تحس انك انسان عندك مسؤوليات

شاكر لك مرورك ياليمني الغالي