المستدلخون في الأرض ... ؟؟




هلاااااا .. مساكم الله بالخير


اشتقتلكم


المهم ... قبل فترة .. جالس افكك غرفة النوم .. استعد اني ابيعها .. طبعا غرفة نوم من أيام الفراعنة .. وانا اخذتها عقب جدتي ( حصيصة ) الله يرحمها


طبعا .. طلعلي مع التعزيل اشياء تخووف

1 ـ عدد خمسة صراصير .. من الموديلات القديمة .. مهوب صراصير هالأيام اللي الواحد كبر اظفر اليد الصغير .. لا .. اعوذ بالله .. عجزت اعرف هو صرصور ولا ضب


2 ـ عدد زقارتين ( أبو بس ) < دخان الهنود ... طبعا من زمااان من أيام اولى ثانوي .. يوم كنت آخذ الزقاير من ( عرفان ) اللي بالكفتيريا اللي جنب مدرستنا .. وكنت أدخنها في ال الله يكرمكم كح كح ( دورة المياه الأولمبية ) < على وزن دورة الألعاب الأولمبية

3 ـ عائلة كاملة .. جرذ .. ومرته .. وعيالهم .. ميتين بالزاوية .. أكيد من الجوع .. اذا كان راعي الغرفة بكبره .. عايشن على النواشف .. ما تبونهم يموتون من الجوع ؟؟

4 ـ اخيييرا .. دفتري المصون .. القدييييم . اللي كنت أكتب فيه مذكراتي .. مثل ما يسوي ( هتلر ) و ( هربرت جيرج ويلز ) <=--- ولا هتلر احسن مني ؟؟
المهم .. الدفتر لقيته متيبببس .. وشكله مصاب بتصلب الشرايين .. يوم فتحته .. طلع صوت . مثل صوت باب الحوش اللي قدام بيتنا ..

ويطلع في وجهي موضوع ..

27/5/1998 م
... موضوع .. كوميديا اجتماعية ساخرة


( المستدلخون في الأرض )


هم جماعة من البشر .. حباهم الله بخاصية قلّما تتواجد عند غيرهم من الناس .. خاصية الاستدلاخ المقنّن .. الاستدلاخ الموجه .. الخارج عن نطاق علوم النفس ..
البعيد كل البعد عن أدوات وأقلام أطباء النفس .. وما تسطره دفاترهم ذات الأسيام

دعوني ـ في محاولة يائسة ـ أحاول أن أعرّف المستدلخ وأحاول فهمه قبل أن تفهموه أنتم .. وقبل ذلك .. كان لزاما علي أن أبدأ بشرح ماهيّة الدلاخة .. كفعل .. كمتلازمة نفسية .. كأطروحة فكرية .. وكرد فعل عصبي عضلي . متطابق لا يحيد عن توجيه استثنائي من المستدلخ نفسه ..

الدلاخة .. في وجهها العام .. وقشرتها الخارجية .. ومفهومها الاجتماعي .. هي ( الغباء ) .. ولكن .. هل تساؤلتم من قبل .. هل الغباء .. هو غباء حقا ؟؟؟


في أمثلة كثيرة من التاريخ .. نجد البشر في مراحل من حياتهم .. قد فضلوا الغباء على الذكاء .. الذي لم يكسبهم إلا الخسارة ..

فكم من ذكي لم يستطع النوم ليلا .. وكم من مستدلخ نام قرير العين .. وخرير جدول السعابيل يشق خدوده شقا

نعود للمستدلخ
ذلك الذي يعرف تماما مواقيت الدلاخة .. ويدرك متى يسدل الستار على عقله الذكي الجبار ..

هل سبق وسألتم شخصا عابرا .. أو صديقا .. أو حتى زوجا أو زوجة .. فجائكم الجواب دلخا ..؟؟
هنا تكون ضالتنا من المقال .. قد عٌرفت ..

( مثال )



أبو خالد : ما تدري وشلون أجد جواز سفري ؟؟



المستدلخ : ( بعد فترة صمت طويلة .. لكي يرسم علامات الدلاخة على وجهه ) هااااااااااااه ؟؟


أبو خالد : أقول ما تدري وشلون أجدد جواز سفري ؟؟

المستدلخ : لييش ؟؟

أبو خالد : ( خشمه صار أحمر تسننه خيارة ) ياخي وش عليك مني انت .. تعرف ولا عض على حشمة ؟؟

المستدلخ : متى بتجدده ؟؟


أبو خالد : الحين تكفى .. بأسرع وقت .. لأني بسافر ضروري


المستدلخ : ( في قمة دلاخته المعنوية .. وبعنفوانه كاملا ) طيب هو منتهي ؟؟




أبو خالد : ( عيونه قلب لونها كستنائي ) لا ما بعد انتهى .. بس اني ودي اسولف معك بعد صلاة الظهر في صكّة هالقايلة .. يا جعله وجهن يلحس


المستدلخ : ( جواب في قمّة الروعة الاستدلاخية ) طيب مدامه ما انتهى .. وشوله تجدده ؟؟

أبو خالد : ( خشمه بدت تطلع منه حاجاتن مهيب زينة ) أقول الشرهة مهيب عليك والله .. الشرهة على اللي سألك الله يـلع****************** أقول بس يا جعل ************* اصلا انت *******************

( صوت لزخة باب موتر ... وخرطة قير على ( دي ) .. وفحطة حمقان )

المستدلخ .. رفع الستار عن دلاخته .. وأزال المساحيق عن وجهه الذكي ... وقال

( الفكّة من جحا غنيمة )

هذا المستدلخ .. بتصرفه ذلك .. قد اتقى شر اسداء الخدمات للآخرين . وقد أوهم أبا خالد .. بأنه دلخ .. وهو لا يعتمد على دلاخته في هذا الموضوع فقط .. بل وفي أي موضوع مستقبلي ... بوصف عام ( قد يكون دلخا ) وقد يتحول إلى مسخ اجتماعي دلخ .. ولكنه من جهة أخرى ( لا تخلو من الدلاخة أيضا ) قد وفر على نفسه جهدا .. وكسب راحة البال .. مقابل أن يضيف هما إلى همومه الكثيرة ..

إذا ... من الذكي ... المستدلخ أم الذكي ؟؟؟

سؤال صعب .. انقسامي الجواب ..

فهناك فئة من الناس .. يفضلون راحة البال .. وهدوء الأعصاب .. ويحبونها .. ولا يهمهم أن يقول عنهم الناس في المجالس ( والله فلان رجال ) و ( تصدق فلان إنه راعي فزعات ) و ( يعجبك فلان .. صدق انه زقرررت ) لأن المستدلخ .. يدرك أنه رجل .. وهو لا يحتاج إلى تزكية الناس وثنائهم عليه . لأنه يعتبرهم دلوخا ؟؟

وهناك فئة أخرى .. من قوم يبحثون عن مدح الناس لهم .. وتزكيتهم وثنائهم عليهم .. يحتاجون رأي الناس .. أكثر من ما يحتاجون الهواء والماء .. يحتاجون إلى تلك القشور الهلامية الاجتماعية .. يحبون أن تصنفر أسماؤهم بألقاب كثيرة .. حتى ولو كان يجني من جراء تلك الفزعات .. أو من خلف تلك المدائح .. كل الهم والتعب والشقاء ...


هنا عزيزي القارئ .. عليك أن تسأل نفسك .. بعد أن تشرق الشمس مباشرة

لا تسألني لماذا اخترت هذا التوقيت بالذات .. لا تكن دلخا وتفعل ...

فقط اسأل نفسك ... هل أنت دلخ .. أم مستدلخ .. أم ذكي ؟؟

انتهى هذا المقال .. الذي يحمل نكهة استدلاخية واضحة ... ولكني دائما ما أقول ..

( هناك احتمال ضئيل .. بأن لا يكون ما كتبت .. من أسوأ ما قرأتم )


أكــــــــــــره الإستدلاخ

اشترى مواطن سعودي لوحة سيارة في مزاد، هو الاول من نوعه في السعودية، بمبلغ قياسي تجاوز المائتي ألف ريال سعودي (الدولار الامريكي يعادل 3.75 ريال تقريبا).


فقد بيعت هذه اللوحة المميزة التي تحمل حروف "ل ل ل" وأرقام "111" في المزاد الذي نظمته الادارة العامة للمرور في الرياض الاثنين/بمبلغ 210 آلاف ريال.

وشهد المزاد حضوا كبيرا وتنافسا شديدا من جانب السعوديين من هواة لوحات أرقام السيارات ذات الاحرف والارقام المتشابهة، وبلغت حصيلته النهائية 756،000 ريال لخمس لوحات فقط وهو سعر لا يشمل رسوم رخصة السير.

وكان أقل سعر للوحة في مزاد الامس هو 130 ألف ريال، وذلك للوحتين اللتين تحملان أحرف وأرقام ل ل ل ،333 ل ل ل 444 على الترتيب.

يذكر أن سعر هذه اللوحات الخمس سابقا وقبل تطبيق المزاد كان 500 ريال فقط للوحة الواحدة.

بسم الله الرحمن الرحيم

(( ابيكم تتخيلون السالفه ))


تعرفون الواحد لا صار توه متخرج من الجامعه مهب زي


منول وين هو عند روحه



لا هالحين لا تخرج قالوا يحول تخرج ، لكن المهم يوم قالوا لي


تراك تخرجت فرحت شوي همن ضاقت بي الدنيا ما ادري


وين اوجه لا راحوا العيال شرق معهم وغرب معهم ما


هنا جخر ما قدمت به .


المراد مره صارت لي هالسالفه اللي ابقوله ..


به رفيق لي قعد كمن يوم يقولي ويقص ان مديره بالشغل


ينتحر به انتحار ( مهب عادته ) ولا قلت له وين انت ؟


قال المدير عازمن على العشاء . ما شفناك ؟ مسافر


انا ومديري بالشغل .



قلت يا ولد ما بدهاش ابقول للرجال خل مديرك يذمرن


بوظيفه عنده أي وظيفه بس خل يجينا دراهم . تجيزمت


وقلت له امر يفرح قوّه قوّه انا قلت له تقل انا اللي


موظفّه قلت والله ياهو خوي هذولا الخويا والا

بلاااااااش …


يوم صار من بكره امر يتصل علي بالليل تقريبا عقب


المغرب ويقول تعال اني هارجته ويقول يجي ابشوفه

قلت وين بالاستراحه حقت المدير قال بالشغل حقي


المدير جاي يشرف شوي وخله يشوفك ازين من تقوم


الصبح ، قلت يا سلام رفيق فاهم ومدير رهيب وين ذا


به ..



رحت لمه لابس ابو الشياكه واتصل على رفيقي قلت انا


برا جاء ودخلن وقال اناظر هو به والا لا انتظرت شوي


وقال لي تعال ادخل بس شف تراه يبي يختبرك يعني لا


تحمق وخلك طبيعي قلت افا عليك ازهل الموضوع


دخلنا وهذا ما صار ::


انا : السلام عليكم مساك الله بالخير . ولاه شنب


وسكسوكه والشخصيه حقّت وزير اللي العقال ورا شوي


وطايح بعض سنونه !!!


المدير : هلا هلا


انا : وشلونكم


المدير :هلا هلا


انا اسكت وهو اسكت ويناظرن قوّه همّن يدور بالكرسي .


قلت بقلبي عسى ما اختبار وانا ابتسم همّن اناظر

المكتب فوق وهو يناظر .


قال وش تبي جاي انت


انا : هاه جاي طال عمرك ابي وظيفه اذا فيه امكانيّه .


قال : وش نوظفك تعرف شي انت .


انا : طبعا ما ادري وش جوابه السؤال امر اسكت .


ناظرن وقال وش معك سياره ؟


انا : قلت جمس الوالد ..امر ينقز علي ويسلم ثانيه


ويقعد بجنبي ويطحلن مع ظهري ويقول قسم انك عارف


له ..

بنفسي قلت هذا مدير مديعه شوي بس ميخالف .


امر يقول لي شف شف وهو ينغّزن مع بطني ويبدا

تكرمون (( يتفل بالارض )) ويقول زين مثلي


قلت بنفسي ابعتبر هذا امر عمل (( وش اسوي لا زم


ازيّن يمكن تبع الاختبار )) امر اقول بس اخاف اسقط


قلت مره ثانبه طال عمرك .


قال تصدق انك رهيب ازين من ذولا ويغز على باب

المكتب .


انا : تسلم هذا من ذوقك .


قال طيب اتحداك تزيّن زيي قام وبدا يقلد الطياره


وانا اناظر قلت وش طيرانه انت وش سالفك ؟


قال اجل تراك منتب صديقي .


ناظرته وقلت خاووك الشياطين انت ووظيفك وسبيت و

…......وطلعت .


واثر رفيقي بالباب ميت من الضحك امر احس انهم


لعبوا علي ( توّه يفطن ).



قلت وش السالفه وانا طبعا اطبخ .


قال رفيقي هذا اللي معك نزيل عندنا بالمستشفى

( طبعا مستشفى الصحه النفسيّه ) وهو ميت من الضحك



ويقول ما عليك يبي يدبّرك .. امر يمر من عندي ذاك

الخبل (( الله يشفيه وكل مسلم )) فشقه ويفحّط

بالاسياب .

طبعا رحت وانا مهنا تلعين ما لعنته بخويي

وخوياي اللي معرفينن عليه الى آخر هك الشلّه ..


قضت السالفه وله سنتين وانا الى هالحين ودي ارده


ولا ادري وشلون كا ما جت براسي فكره احس انّه مهب قد

ذيك …يعني ابي اقوى


وتراي ماطعنه اقلد الطياره ، صدق .. صدق ..

والسلااااااااااااااااااااااااااااااااااااااااااااام

--------------------


--------------------------------------------------------------------------------
المشاركات: 311 | من: الرياض | تاريخ التسجيل: مارس 2003 | رقم الآي بي: مسجل

الـحـاتـــمـــي ........


مــر مــن هـــنــــــــا ......


ويقول : آه يالقهر ...... أجل لوحات سيارات بهالقيمة .... بس صدق ان المظاهر بدت تطغى على

المجتمع ......