|
تعال اقنعك بوجهة نظري لمباراه النصر !!! السلام عليكم ورحمة الله وبركاته حبايبي وجهة نظر من مشجع بسيط ولا لي في عالم التدريب ولا شي بس في نقاط واضحه في نادي النصر وفي طريقة كارينيو الكل ملاحظها الا مدربين الفرق كلهم بختصرها في نقاط اولا :- النصر يلعب بطريقة الظغط على حامل الكره خاصه امام الهلال واللعب ب 3 محاور ارتكاز كلهم يراقبون نيفيز ثانيا :- عندما يلعب الهلال كور بينيه وسريعه لاستغلال سرعة الشمراني يكون العنزي طالع من مرماه اصلا ويكون اقرب للكورة ويخلصها ثالثا :- اول ماتنقطع الكوره من لاعبي الهلال ترسل كور طويله غالبا عن طريق حسين عبد الغني الى ايلتون او السهلاوي اللي يكونون مركزين تماما ولا يقفون في موضع تسلل وتشكل خطر رابعا :- الكرات الثابته ولعبها بطريقة لولبيه في منطقة السته خطره جدا اي لمسه ولو بالغلط هدف موكد يجب على سامي من وجهة نظري عدم الاعتماد على ايصال الكرات ل نيفيز لانه محاصر من 3 محاور اتمنى ينزل الشهلوب ويتقدم نيفيز للامام او يفتح اللعب عن طريق الاطراف والاظهره العرضيات مهمه خصوصا عندنا ناصر هداف بالراس اللعب والاختراق من العمق ماينفع لان النصر مضيقين المساحات والعنزي طالع من مرماه يخلص اي كوره (اتمنى من نيفيز استغلال تقدم العنزي) ثانيا الضعط على حامل الكره 90 دقيقه والهلال دايم يلعب في هالاسلوب من ايام قريتس يعني مو صعب عليهم ثالثا اللعب ب 5 مدافعين واحد قشاش متراجع عشان الكور الطويله او اللعب ب 4 مدافعين واحد متراجع يعني اللعب على خط واحد ماينفع مع النصر ابدا انا حضرت مباراة النصر الاخيره ضدنا تابعت السهلاوي وايلتون عيونهم على المدافعين ويمشون معهم وينضرون اول مايرسل الكورة حسين يركضون كذا يسبق مدافعنا ومايكون تسلل اتمنى ينتبهون العيال لها وشكرا ارجو اني ما طولت عليكم حبايبي هذي وجهة نظر واحترم ارائكم جميعا والله يوفق زعيمنا ياااااارب . |
اتمنى الرفع يا اروع مشرفين ف الدنيا |
يعطيك العافيه وكل مانتمنااه ه التوفيق من الله واذا حضرت الروح الهلاليه تأكد ان كل تخطيطات مدرب النصر ماراح تقدر توقف بوجه الروح الهلاليه |
الزعيم لابد انه يضغط عل حامل الكرة ويكون نيفيز خلف الزلزلا |
سنفووووز باذن الله فاعتقد ان سامي واللاعبين حفظوا الدرس جيدا تقبل مروري اخي الكريم واشكرك على كلامك الجمييل جدا والمنطقي والسلام خير ختام |
إقتباس:
|
اتمنى اللعب بالتشكيلة التالية السبيعي الشهراني ـــــ ديقاو ــــ الدعيع ــــ البيشي الفرج ـــ كاستيلو نيفيز الشهلوب ــ الكعبي الشمراني 4/2/1/2/1 اتمنى من نيفيز النزول للخلف كثيرا حتى يفتح المجال للشلهوب بالتقدم وتمرير الكرات للمنطلق الشهراني او الفرج ولايستسلم للرقابة المفروضه عليه وبكذا انا استفيد من نيفيز بالكرات الطوليه المتقنه في حالة المرتدات اما اذا تقدم نيفيز للامام راح يسهل مراقبة |
يا رجال سامي بيلعب نفس طريقة نجران بالضبط المفروض على سامي بعد مباراة نجران يتابع مبارايات النصر اللي يتوهق فيها ثلاث مبارايات لنصر كانت قاب قوسين او ادنى من الخسارة الاولى مع الشباب عندما خلوهم يلعبون بعدين انقضوا عليهم وسجلو هدفين والثانية اما العروبة عندما فاجاوهم وسجل الهدف الاول والاخيرة ضد الفتح جسوا نبضهم واتعبوهم لولا مساعدة التحكيم النصر واضح جدا اعتمادة على الكرات الثابتة والطويلة سامي المفروض سالم الدوسري يعمل ضغط على حسين عبدالغني ومايخلية يعلب كرات طويلة ابد |
كلامك عين العقل ولا ازيد عليه ولا *تـــه* بس اللي اتمناه الزج بالشلهوب اساسي ..! وصناعة الكور مقارب لنيفيز ان لم يكن الافضل ..! ولا ننسى ان نيفيز راح يكون محاصر من جميع الجهات ..! واتمنى تكون المبارايات اللي فاتت درس جيد وقوي للاعبين ! |
اسعد الله ايامك ياسامة والله منت بسيط انت لخصت طريقة لعب النصر بالملي ماشاء الله يفوز الهلال ان شاء الله بتطبيق النقاط الاتيه : 1- اداري محنك يعطي اللاعبين كم كلمة في عظمهم ويقول لهم عيب اللي يصير منكم في الملعب وحرام جماهيركم الوفية تخرج مرتين مكسورة الخاطر 2- لا يهاجم الفريق ويتم قفل المنطقة والاعتماد على الهجمة المرتدة 3- انسو لعب الكرة لنيفيز لانه ان تقدم يراقبه مدافع وان تاخر يراقبه احد المهاجمين واتوقع السهلاوي يعني اتركوا نيفيز مجرد طعم 4- حسن العتيبي انظلم مع المدرب كمبواريه وتم تسريحه واتوقع انه يدعي على الفريق ودعوة المظلوم مستجابه والمفروض تعتذر الادارة له لانه خدم الهلال وماقصر 5- لا تطلبون حكم اجنبي واتمنى حكم نصراوي عشان تظهر فضايح التحكيم اكثر واتوقع لو الحكم محلي لن ينحاز للنصر وسوف يجامل الهلال حتى يحفظ عمر المهنا وجه التحكيم ويقول حتى الهلال استفاد من اخطاء التحكيم ضد النصر ويقوم الاعلام الاصفر بشن حملة على الحكام للتغطية على الفضايح السابقة 5- اصبروا يازعماء االعام ذا عام الرماده للهلال ونتفائل خيرا العام القادم |
أهم شي الرووووووح لازم ينحرقووووون بالملعب لازم يحرثون الملعب حرث علشان نكتسحهم |
مشكورين حبايبي نورتوني وشرفتوني واحترم ارائكم الله يوفق الزعيم |
نفس السيناريو بيتكرر بيقفلون على نيفيز وبيقفلون على سالم والشلهوب وبيلعبون كور خلف المدافعين قلت الشلهوب لان سامي بيلعب بنفس التشكيله حقت نجران |
مشكلة دفاع الهلال الكرات العالية خلف المدافعين وهي أيضاّ مشكلة النصر شاهدنا هدف القادسية اليوم على الهلال ؟ وهدف الفتح والعروبة على النصر من قبل ؟ لازم تحل هالمشكلة عندك وتستخدمها كسلاح ؟ من رأيي عندما يلعب النصر ب3 محاور نحاول سحبهم للخروج من خانتهم والهجوم عن طريق الاطراف !! وللتخلص من مشكلة الكرات العالية محاولة عدم اللعب بخط دفاع واحد أو طريقة كشف التسلل .. ويكون الهجوم عن طريق الزوري ويغطي خانته الفرج ونلعب ب 3 محاور كاستيللو وكريري والفرج |
اشكرك على الطرح وحاب اضيف نقطه مهمه الروح لو حضرت روح الزعيم حضر الفوز تمنياتي للزعيم التوفيق |
| الوقت المعتمد في المنتدى بتوقيت جرينتش +3.
الوقت الان » 11:17 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd