الى السير سامي الجابر مع التحيه
 

سامي عبدالله الجابر

السلام عليكم ورحمة الله وبركاته


بدخل بالموضوع على طول وبتكلم معك بالعاميه

انا واحد من عشاق الكيان الكبير الزعيم ومنقهر من اللي جالس يصير بفريقي وللاسف انت السبب،،انت ياللي بسنين كثيره اسعدتنا وساهمت في بطولات كثيره للزعيم صرت مصدر زعل لأغلب عشاق كيان الزعيم اللي مايرضيهم للحال اللي وصلنا له،،صحيح أول سنه تدريب وثاني الدوري ووصلتنا لنهائي الكأس اللي خسرناه لكن هذا ماهو طموحنا

بنهائي الكأس للأسف ومع ضياع فريقنا من نص الشوط الاول والكل توقع انه تتغير طريقة اللعب ولكن للاسف أخرجت مصدر الضعف العابد ودخلت عبدالعزيز الدوسري اللي يقدم أسوئ مستوياته هالموسم ومايحتاج أشرح لك أنه يفترض تدخل ياسر عشان يفك عن ناصر ونيفيز المكبل غير انك لعبت مع النصر الدور الاول ولعبوا بمحورين والثالث عوض خميس شغلته بس نيفيز وفازوا علينا بهالتكتيك وللاسف الدوسري بعد مادخل صار عاله اكثر من العابد،،واستمروا لاعبينا بالعرضيات السقيمه واللي يقابلها محمد عيد وعمر هوساوي طوال القامه بالتشتيت وبرضوه مايحتاج اقولك انه يفترض بعد الكم الكبير من العرضيات الضايعه تصيح على الاعبين وانهم يشتغلون على العمق،،وطار الكأس والسبب انت

مباراة الشباب اللي يفترض من البدايه تلعب بمهاجمين اثنين صريحين لانه ماعندنا استعداد نضيع نقطه من كل المباريات اللي باقيه بالدوري وللاسف كثفت الوسط واللي قابلك مدرب الشباب بنفس طريقة مدرب النصر ولعب بثلاث محاور وقفل عليك وانتهى الشوط الاول بهجمه او هجمتين فقط للهلال وشبه خطره،،توقعتك في بداية الشوط الثاني تسحب عزيز الدوسري وتدخل ياسر القحطاني ولكن للاسف انتظرت الى مابعد الدقيقه 70 والفريق لايزال ضايع ومع ذلك تدخل الفرج !! وبعدها تخربها زود وتدخل يوسف السالم !! اللي يشوف هالتغييرات يقول متصدرين الدوري ومحتاجين نقطه وحده بس وناخذ الدوري،،وصار اللي خايفين منه وخسرنا بعد 90 دقيقه ماشفنا الا 5 هجمات ممكن نقول خطيره

يابوعبدالله اللي جالس يصير منك ماهو طبيعي خاصه وانك خبير وعندك قدره تقراء المباريات
ياسامي اغلب الهلاليين استبشر خير بعد توليك تدريب الزعيم لكن للاسف المباريات الاخيره فريقنا ضايع

تعذرنا ان كل الفرق تلعب مباريات نهائي قدام الهلال ويقفلون لكن للاسف بعد مباراة النصر بالنهائي والشباب أكتشفت ان فريقنا بدون هويه وفنايل تتحرك بس


تكفى يالذيب لاتخيب ظننا فيك اكثر من كذا وانت اللي اخترت الاعبين الاجانب وخترت مساعدينك واخترت كل شي،،يعني مالك عذر

ماعاد بقى لنا الا آسيا تكفى برّد خواطرنا فيها ومابي اسمع منك بس كلام بالمؤتمرات الصحفيه



متأكد أن كل هالكلام اللي قلته فوق مايخفى عليك وهذا اللي مهبل فينا،،لكن لازال عندنا أمل أننا نشوف لمسات الذيب اللي ماعمره خيب ظننا


وآسف يابوعبدالله على الإطاله وصدقني كل اللي كتبته مامسحت منه ولاكلمه وقلت كل اللي بخاطري ولاني مراجع الكلام مره ثانيه واشوف وش انا كتبت وكل اللي بسويه بسوي كلك على نشر الموضوع.

تقبل تحيات شخص يعشق تاريخك ويعشق كل ماقدمته للزعيم s13s:smilie47:

سامي للاسف مو دمر الهلال وبس سامي للاسف حتي الجماهير خلاها تكره الهلال لان الجمهور الهلالي مو متعود يشوف فريقه ضايع وسامج لا لون ولاطعم بكل شي لادفاع لاوسط لاهجوم بسبب خطط الدجه (دجو) . أنا من شفته كان يحلل زمان في بعض القنوات وشفت تحليله وأنا غاسل يدي منه سامي متحدث نعمسامي إداري نعم
مدرب لا لا لا وألف لا

اكثر جمهور ماعنده ثفافه الهزيمه هو الهلال .. مب مدحه ذي ترا . الكوره فوز وخساره وعليك تقبلها وانت تبين الاسباب الحقيقه .. ليس ان تكون امعه تتبع كلام الحاقدين وتمشي معهمم في مايقولون .. قدر الهلال انه يحقق بطولت وكل سنه بطوله .. منها نتج جمهور شافو الفريق البطل وشجعوه .. بالعربي مبزره .. ياتفووووووز ياقلب عليك .. تعلمو من الاتحاد .. شوفو مدرب الاهلي مدرب عالمي .. ونفس ضروف واااااااااااااااخخخخخس من الهلال ضروف الاهلي لكن التركيز والحقد على سامي والكره الي زرعووووه فيكم الاعلام الحااااقد الاصفر وانتم امعااااات الجاهل بيروح مع المعمه .. هااا كلهم على سامي يالله معاهم .. قبل مجي سامي .. جاء يقال عنهم عالمين او مدربين .. وسامي متدرب .. شوفو وش سوا المتدرب الي تنقصون من قدره يامعااات .. جاء هامسيك ودول وكامبوريه .. خلال ثلاث سنوات الهلال ماجاب الدوري معهم وفي اسيا يخرج بسهوووله جداا .. ليش لنهم مايقدوم عمل .. مريحين انفسهم يشمون بالموجودين ماعندهم خطه طويله المدى .. قدر سامي انه يحب الشي على اصوله .. اي مدرب بيسمك الهلال بدايه الموسم اتوقع اكثر مركز بيحصله 4 .. سامي مسك الفريق وهو متهاااااااالك لاحارس مرمى ولا قلوب دفااااع وحتى الوسط .. والهجوم مافيه راس حربه هداف .. ياسر الي قرب يعتزل ويقال اسطوره ولا مره جاب هداف الدوري وشوفو المضلوم ناصر وش يسوي بموسم .. المهمم ذي هيكله كامله فريق متهاااااااااااالك .. وتعرفون من جاب في كل مركز ورمم الفريق .. دخل الموسم بحل مشكله الهجوم فقط لاتطلب من مدرب في اول سنه مستوى مثل غيرتس المهم هي النتايج .. وذا الي صار مع سامي يفوز ويفوز ... تاريخه مع الهلال .. 19 فوز 3 تعادلت 4 خسارات .. لو ناخذه بالمنطق كمدرب سنه اول تدريب يعتتتتتتتتبر انجااااااز محد سواه قبله .. وثاني ولى العهد .. ووصيف بالدوري .. لله دركك يسامي .. حاول يرمم الفريق بنص الموسم .. سواا الي يقدر عليه .. خذله عبدالله بن مساعد بعدم احضار حاااااارس كفو اقصد حارس االرايد ومحور الجبرين .. جاب لاعب عاث عليه الزمن كريري .. الفترررررررره القادمه هي اسيا وساااااااااامي بطولات الهلال وعزه مع سامي ... تذكرو مقالي هاذا الموسم القادم والي متووووقع تغير جذررررررري بالهلال .. الجميع ممن تكلم على سامي سوووف يخرس ويصفق له بحقدد ....... اما العقلا فابشرووووووووو بهلال قاااااااااادم غيرررررررررر ومع سامي بالذات

أنت كرهت انت حر ودور لك على نادي ثاني تشجعه لا تتكلم عن لساني لو تكرمت .

أنت أنسان ما تفهم بالرياضه لا تدخلها وتعور قلبك طلع الرياضه وكرة القدم من راسك ولا تحرق دمك .



الرياضي لازم يكون واعي وغير متعصب ولازم يفهم كل الامور اللي يتأثر فيها الفريق مو بس يختزل كل شي ويركز على اللاعبين والمدرب .!!!!!!!!!



صاحب الموضوع أشكرك على غيرتك وأهتمامك بالفريق وتفائلك بالكوتش سامي بأنه أن شالله بالمستقبل يسعدنا كا محبين مخلصين مخلصين مخلصين للكيان الهلالي . ولا عزاء للكارهين

الي يقول سامي خذلوه اللاعبين مع نفسك
وين دورة في اعادة مستوى اللاعبين و تطويرهم
انا اتوقع هبوط مستوى اللاعبين بسبب تكتيك سامي
ويش كان العابد السنة الماضية و سالم وياسر الشهراني الفرج
وليش ما ابقى على المرشدي و اعطاه الثقة لان ماجد كان تنقصه الثقة مثل عمر هوساوي كانت تنقصة الثقة و اعطاه كارينيو الثقة و هو الان افضل مدافع سعودي وكلنا نعرف المرشدي افضل لاعب في الخليج قبل 5 سنوات

اسمح لي اختلف معك،،بالنسبه للتحليل سامي من افضل المحللين

لكن سالفة ان الجمهور كره الهلال بس المستوى الحالي اعذرني اقولك ان هالنوعيه من هالجمهور مانحتاجه بيننا لان اللي يعشق الهلال اذا فاز واخذ بطولات واذا انهزم في مبارتين وخسر بطولتين يكره الكيان مصيبه

ننتقد ايه نكره لا،،لان اللي يعشق الكيان مايكرهه بسبب هزه ومشكلة سامي الوحيده في المباريات الاخيره انه يفتقد قراية الاحداث خلال المباراة ويفتقد اجراء التغيير المناسب اللي يأثر بالايجاب على الفريق وهذا اكثر شي تطرقت له في موضوعي

كلامك جدا جميل خاصه بجزئية ان بعض جمهور الزعيم هداهم الله ينجرفون مع مايقال بالاعلام من ناحية الانتقاد

والاحصائيه اللي قلتها في اول سنه تدريب لسامي جداً واقعيه وتستحق الاشاده

لكن مثل ماانا ذكرت عيب سامي الوحيد في المباريات الاخيره مايستفيد من التبديل الاستفاده المثلى،،صحيح ماعندنا دكه متكامله لكن في بعض المباريات تغيير مركز بمركز مايجيب نتيجه

صحيح انه كثير من المباريات يحسمونها لعيبة الوسط لكن نحتاج المهاجم الصريح بأحيان كثيره

مشكور على مرورك ونختلف في وجهات النظر ولكن نتفق في عشق (كيان) الزعيم

وهبوط مستوى الاعبين من اهم مسؤوليات سامي لانه اقرب للفريق

وياسر الشهراني بعد ماكان مصدر امان وخطوره للفريق عليه اكثر من علامة استفهام على بعض الاخطاء البدائيه

وكذلك الكلام على نواف العابد

تبي تقوم لكل الصلاوات، وتصلي بوقتها ...؟


حط المنبه على كل صلاه وجرب وشف بعد كذا كيفك مع الصلاه ،،،

اخي العزيز :

بعد التحية والاحترام

لا تزعل علي اخي العزيز بس صراحة انا من شفتك تمدح المرشدي وانا ادري ان خلفيتك بالكره لك عليها
اخوي الكوتش احسن ما سوى انه شال المبتدئين وعقبال ما يشيل ياسر القحطاني اللي صار عله على الزعيم
اصبروووووو على ساااامي
ولن تندموووووو

اخوكم /

صــ الود ــادق

يجب الصبر حتى الاخير ونشوف ماهي النتائج