|
بسم الله الرحمن الرحيم أنا أقول لازم ننسى مباراة الإتحاد ونفكر في فرصتنا بالفوز على بيروزي لازم التشكيلة تكون كالآتي محمد الدعيع للحراسة الدفاع قلبي الدفاع لازم خليل وشريدة ففريق بيروزي من الملاحظ عليه ما يضرب راس كتير ومراوغاتهم كتيرة فأحسن إثنين هم خليل والشريدة والشريدة يحبس علي كريمي لأن عنده أساليب الإعتراض الإحترافية أحسن من أحمد خليل وفي الظهير الأيسر محمد النزهان والأيمن أحمد الدوخي والمحور عمر الغامدي ولازم يميل ناحية النزهان لأن علي كريمي يجنح على الطرف الشمال كثير ويراوغ بمهارة وممكن يعدي من النزهان بسهولة والوسط الأيسر يكون الشلهوب وأيضا ما ينسى يرجع مع الهجمة الإيرانية والوسط اليمين نواف التمياط ويصلح كور في العمق أو للدوخي ويدخل في المنطقة مع الهجوم والمحور الهجومي وصانع اللعب هو الثنيان الذي تترك له حرية الحركة وفي قلب الهجوم الكاتو لأنه يقنص الفرص الصعبة ودفاع بيروزي بطيء فأحسن للكاتو انه يلعب وسامي الجابر لأنه مراوغ جيد ويحرص على عدم الرجوع للخلف أبدا لأن ذلك يقلل خطورته وبيروزي لا يميل الى التكتل فلا حاجة للجمعان وينزل هو أو حسين العلي في الشوط الثاني اذا اضطر الأمر والمسعري ولطف لا يقربو الملعب أساسا وترى المدرب لا يقال بهذه السهولة وأعطوه فرصة <br><font size=1 color="#000080" face="tahoma">[عدلت بواسطة ولد المدينة التاريخ:10-03-2001 الساعة: 12:44 AM]</font> |
ولله تشكيله رايقه ... و كانت نفس فكرتي تقريبا " ... و اتوقّع انه حماس و اصرار اللاعبين على انهم ينسو جماهيرهم اللي صار في مباراة الاتحاد .. بيزيد من نجاح اي خطّه .. حتى لو كانت (فاشله) زي اليوم .. والله يوفق هلالنا |
والله هذي أفضل تشكيلة مناسبة يا أخي العزيز ولد المدينة ومافيه غيرها |
أهلا أخوي ولد المدينة التشكيلة حلوة لكن لو أبعدت النزهان وخليته برا القائمة نهائيا والبديل يكون لطف رغم إنه لك عليه شوي لكن أحسن من النزهان . |
حبيبي ولد المدينه ياليتك ياخي مساعد المدرب او حتى في ادارة الكره ,تشكيله رائعه وخطه حلوه مين يوصلها للمدرب تكفون,,,,, |
لازم الشلهوب أساسي أعتقد يا جماعة أنه من المفروض انا يكون محمد الشلهوب أساسيا في المباراة .. |
كل التشكليه تمااام ولا احلى بس انا لي رأي يمكن يكون مختلف والله يعيني على الطماط اللي يرجم على راسي : انا اقول ان الشلهوب ما ينزل الشوط الاول ،، لحظه لحظه لحظه لا تهاوشون اسمعوا وجه نظري اول شئ . اسمعوا في عده نقاط لازم نأخذها بعين الاعتبار : 1 / الشلهوب جسمه صغير شوي ( ومهارته فاااائقه ) والايرانيين اجسام ولعب جفس شوي . 2 / الشلهوب عمره صغير يعني لو يكون الشوط الاول او جزء كبير من الشوط الاول احتياط بيدب فيه الحماس بشكل كبير وينزل وهو متحمس مررره ويمكن يسوي الهوايل شلهوبنا ( الله لا يحرمنا منه ) الحين وش رايكم ؟؟ ادري في ناس بتقول تكفى يا نجد فكنا من شرك والحمدلله انك منتب مدرب ادري بس هذي وجه نظر تحتمل الصواب والخطأ ويعلم الجميع ان كل ما نطرح هو كله من حبنا في زعيمنا . والله من ورا القصد اخوكم نــــجـــد |
اهم من التشكيله الشي الاهم من التشكيله هو الاصرار على الفوز والعزيمه والروح لان كل هالعوامل كانت غايبه اليوممع الاسف ): |
لهلال والله يااخي تشكيلتك واراءك مناسبه لكن المشكله ليست في مين يلعب لكن المشكله في انعدام الروح لدى اللاعبين لكن عندي امل انها سوف تعود ان شاء الله |
افضل تشكيلة مع بيروزي النزهان النزهان النزهان النزهان النزهان النزهان النزهان النزهان النزهان النزهان النزهان لان النزهان جوكر الهلال و يحضر بدري ونشيط وواسطته قوية وهذا اللي يبيه المصيبيح (ولو كان مايعرف وش الكورة ) المهم شروط المصيبيح متوفرة ......... |
الأخ هلالي شقراوي كلامك صح الروح أهم شي بس روح مع ناس زي المسعري ما تنفع ---------------------- الأخ نواف شكرا لك ---------------------- الأخ مخاوي الزعيم النزهان في الفترة الأخيرة أنشط من لطف شوي لطف حالته النفسية سيئة جدا وبالقوة بيجري فما ينفع لمباراة زي هدي --------------------- الأخ حبي تيماوي مو مرة وحدة أنا مجرد محب للزعيم وما أظن إن المدرب تغيب عنه الحاجات هدي --------------------- الأخ بندق الرياضة معاك حق --------------------- الأخ نجد بالعكس الجسم الصغير يفيد معاهم لأنه يستطيع التعدية منهم بسهولة والشلهوب من متابعتي له عندما لا يشارك أساسيا تحبط معنوياته لأنه لاعب صغير فيحس في نفسه أنه لو شارك بيفيد الفريق فلو ما شارك لن يقدم المستوى المنتظر منه --------------------- الأخ عاشق الموج والأخ كمبيوتر الهلال الروح من أهم الأشياء ولكن التشكيلة ايضا مهمة فلو حطينا المسعري والاسماء المستهلكة المعروفة لديكم لن تفيد معها الروح ابدا --------------------- الأخ خلوق مو لازم نحبط النزهان لان مستواه انخفض قليلا اللاعب اجتهد وحاول خدمة الهلال في اي مركز وابدع في بعض المراكز أنسيت سامي الجابر قبل أربعة أعوام عندما صام عن التهديف موسما كاملا أيعني هذا ان سامي ما يعرف يلعب ما أظن |
تشكيلتك ماسبة جدا بس المدرب من يفهمه او يقف في وجهه التيماوي مطلوب في التشكيلة . المحور اهم شيء . |
مع التحية اخي ولد المدينة اجتهادك جيد ولكن الا ترى ان المدرب وادارة الكرة اقرب مني ومنك لوضع التشكيلة وعلم بظروف اللاعبين والتكتيك المناسب لهذه المباراة فقد يكون لاعب اقترحه انايكون لديه ضرف ما او لاينسجم مع احد االاعبن في الميدان والمشكلة الحقيفية شيئان اولآ ارضية الملعب ثانيآ وجودمجموعة الدوليين والفريق السابق ولا يمكن لأي مدرب ان يوجد بينهم انسجام بسرة كبيرة تحياتي وبدون زعل |
الأخ أسير ما أظن انه ضروري يلعب ولكل وجهة نظر --------------------- الأخ basam101 أنا في ردي للأخ حبي التيماوي ذكرت أن المدرب لا تخفى عليه مثل هذه الأشياء وإلا لما كان مدربا وانا ما اقول إني أحسن منه أو العكس ولكن أقول وجهة نظري وإنت تتكلم عن ظروف اللاعبين طيب لاعب واحد لاعبين أما 6 أو 7 لاعبين عندهم ظروف !! واللاعبين الدوليين والفريق الحالي صار لهم أكثر من 3 أو 4 شهور مع الهلال فلو غاب اللاعبين وفقدو الإنسجام لن يكون صعبا عليهم إسترجاعه |
رائعه بصراااحه تشكيله رائعه ولكن يجيب ان يكون فيها بعض التعديل مثل اللي يشوف اخر المباريات للهلال يلاحظ شيء وهو ان الثنيان قليل يلعب خلف المهاجمين (صانع لعب) اللي يلعبه الثنيان اما جناح ايسر او جناح ايمن وهو يبدع فيها يعني لو يبدل نواف مكان الثنيان يكون احسن ولا ننسى ان خطوره سامي ما تصير الا اذا رجع سامي مكان صانع اللعب وتقدم صانع اللعب مكان سامي طبعا هاذي مو كل المباراه بعض الهجمات وصانع اللعب من الافضل ان يكون نواف شريطة ان يتحسن لعب نواف ويراااجع نفسه وفي حاله تقدم الهلال في الشوط الاول انشاء الله عليه ان ينزل محور ثاني يالمسعري يالتيماوي ويخرج الشلهوب او الثنيان اذا حس بتعب في المباراة طبعا اذا خرج الثنيان او الشلهوب بتنقلب الخطه الى 4/5/1 مع مسانده من سامي ونواف للكاتو اتمنى ياشباب ان يظهر لاعبوا الهلال بما عهدناه منهم يعني نواف سامي الدوخي في المباراة الاولى الكاتو كلهم والله ياشباب لو يلعبون بمستواااهم المعهود لابيروزي ولا غيره يوقفه انشاء الفوز لنا بكره قولوا امين |
| الوقت المعتمد في المنتدى بتوقيت جرينتش +3.
الوقت الان » 04:02 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd