السلام عليكم،
بالبداية ابي أقول أنا تعنيت ما اكتب شي لين تهدى الأعصاب.
نعم خسرنا بطوله لكن مهما كان ردت الفعل كانت غير عادله ضد سامي
لا تنسون ان ضربة الجزاء هي هديه للنصر حتى يأخذ البطوله
والله ماني قاعد اطبل لسامي لكن أنا ضد الي يصير في هذا الوقت بالتحديد، سامي لازم نصبر عليه أقلها الى انتهاء الدوري،
بنسبها لمباراة النصر الي أشوفه بالهلال ولازم سامي يعدلها هي
الشهراني لازم يرتاح شوي في الدكه
الدعيع يكون ظهير أيمن وكواك والبرازيلي سنتر،
سامي لازم يختار يا كاستلو يأكريري محورين مع بعض بس يضيع وسط الهلال
سامي لازم يستفيد من لاعبين الخبره منهم الشلهوب وياسر لان الاعتماد على الشباب جداً صعب وعندنا الاتحاد مثال ، بغض لنظر عن مستوا الشلهوب بس محمد لازم يكون حاظر اقل شي شوط واحد لان لاعبين الخبره ممكن بخبرتهم يفوزون فريقك حسين عبدالغني أقوى مثال هنا، صح انه ما عنده سالفه بس قدر يصنع فارق كل كوره جت هدف فينا حسين عبدالغني داخل فيها
سامي لازم يركز على السيطرة على الكره، لاعبين الهلال هذا الموسم جداً سيئين يوم تجئ السيطرة على الكره ودائما نسخرها بسرعه عكس أيامنا الجميلة مع المحنك جيريتس،
تشتيت الكره الي ماله داعي تجئ من سببين
الاول تمريره سخيفة من لاعب غير مبالي في منطقه حساسه
او لاعب ماعرف يسيطر على الكوره وخاف تجئ مرتده
هذي لمشكلتين حلهم بسيط
الاول حطه دكه
الثاني تمرين كامل على السيطرة والمراوغه والتحرك بدون كره الاعبين الوحيدين الي بالهلال يتحرك بن دون كره هم ياسر، الشمر أني ، الشلهوب
ارجعو للمباراه وشوف وكم مره لاعب تنقطع منه كوره ويضطر يسبب فأول او يشتتها لان مافي لاعب تحرك وفتح له ، أكيد فيه كم كره صار فيها تحرك، بس مو كلها وهذا الي ضعف الهلال،
اخيراً كثرت العب بالأطراف يقتل الهلال ويخفي هويته

هذا الي عندي أتمنى تقبل وجهه نظري ويستفيد الهلال
خلو عنكم العصبية كلنا مقهورين بس الخيره فيما اختارها الله

تقبلو تحياتي