بسم الله الرحمن الرحيم والصلاه والسلام على نبينا محمد وعلى اله وصحبه اجمعين وبعد
انا الان في شهر العسل وعنيتي من عبدالرحمن بن مساعد ابي كاس البطوله طبعا انا ما اقدر اتابع المباراه لظروف الطيران .
عموما من خلال خبرتي الكرويه القديمه احب اوضح بعض النقاط الفنيه التي اتمنى ان تصل لسامي الجابر التي باذن الله سوف تجيب البطوله بنسبه 100%
وهي كالتالي :
اولا:الضغط على حامل الكره
ثانيا:التمرير الدقيق
ثالثا:التحرك بدون كره خاصه في الهجمه من الاطراف والوسط
والله ما في فريق طبق هذه النقاط الا انتصر بعد توفيق الله
ملاحضه والله اتمنى من القريبين لسامي يوصل هذه الرساله
تحياتي للجميع

اجازة سعيدة و الف مبروك
و روح واستانس و لا تخاف على الهلال
و راه رجال و جمهور ما يقصر
و الي كاتبه الله بيصير
و ان شاء تفرح بفوز الهلال

الف الف شكر وعقبال لكم بس ودي تكتمل الفرحه بكاس البطوله

الله يوفقك وترفقو لا تسرعون وص السواق حق الطياره قله ارفق وانتبه للحفر والمطبات وساهر اهم شي ساهر ترا مخالفة الطياره ثثلين الف

مبروك الزواج

منك المال ومنها العيال ،،، مع ان الجمله هذه صارت تزعل بعض الناس المتمـ طورات

ومن الهلال البطولات اللي تفرحكم بإذن الله

انا بأتزوج اذا فتحوا رحلات شهر عسل للمريخ مثل ماوعدونا اذا اخذ الفقر بطولة بيفتحونها

كان أول يقولون اذا حجت البقرة ،، بس اكتشفوا ان حج البقرة أسهل من ياخذ بطولة

حسيت فيك... ههههه... صار لي نفس الموقف السنه اللي فاتت.... مبروك الزواج.. والله ييسر لك ويوفقك.. وادعي ربي يوفق الهلال.. افيد من الطلب..

الف مبرووك الزواج و اجازة سعيده ان شاء الله
والفوز ان شاء للهلال

الله يوفقك
وانشاء الله الهلال بكرة عريس البطولة

الله يبارك فيكم جميعا ويارب ينتصر الهلال

وفقك الله في زواجك
واكيد سامي
على علم بنقاط الضعف
والقوه لدى النصر

الف مبروك الزواج


والله يوفق الهلال يارب

الف مبروووووك الزواج وإن شاء الله الزعيم يكمل فرحتك

ألف مبروك ياعريس والله يتمم لك على خير والله يرزقك بالذرية الصالحة وعقبال أخواني وأخواتي الزعماء والزعيمات

والله يرزقهم بلي يتمنونه ,,

ويالله يارب تجعل البطولة من نصيبنا

وبأذن الله الأمير عبدالرحمن بن مساعد والكوتش سامي والاعبين والجمهور الهلالي نهدي لك هالكأس عينية بمناسبة زواجك