|
عبدالله الزوري يستحق الأنصاف بسم الله الرحمن الرحيم اللهم صل وسلم على سيدنا محمد وعلى اله وصحبه أجمعين ــــــــــــــ عبدالله الزوري لاعب الهلال والمنتخب الوطني طاقة كبيرة - جهد - فعالية هجومية مؤثرة مساندة حقيقة لقلبي الدفاع ـ ظهير هداف صاحب مبادرات هجومية متنوعه ـــ في نظري ان عبدالله من أميز اللاعبين الذين لايمكن الأستغناء عنهم عبدالله يملك المواصفات التي تجعله افضل ظهير ايسر ـــــــــ سبحان الله تقييم هذا اللاعب عند المدربين يختلف عن تقييمه عند الجماهير ـــــــــ الجماهير تنتقد الزوري بشده وهو يستحق النقد احياناً للبرود الذي يلاحظ عليه واحياناً لعدم قدرته على تطوير بعض المهارات مثل الأوفرات وبالذات الطويله لاينكر احد ان لعبدالله اخطاء ولكن تسليط الأضواءعلى اخطائه كبير جداً ولكن مميزاته كبيرة جداً وعندما يصعب التسجيل على المهاجمين يكون الزوري هو جزء من الحل اكتب هذا الكلام وانا اتابع بعض الهلاليين الذين يطالبون بابعاده او بتحويل لاعب أخر لمركزه رايي المتواضع ان الزوري خامة لايوجد مثلها في الملاعب السعودية واعتقد أن علينا ان ننصف اللاعب خاصة ً وهو يقدم نفسة بشكل مميز هذا الموسم استبعد ان يكون الزوري على دكة الاحتياط مع اي مدرب ولكن إن حصلت مع سامي الجابر او غيره فهذا شأن فني لابد ان نحترمه وصلى الله على نبينا محمد |
ياكاتبنا القدير سليمان الزوري بطيئ يا اخي وحتى وهو يركض تقول فية بلى عموما انا واثق من الاسطورة انة راح يخلي خط الدفاع ياسر الشهراني - كواك- ديجاو - سلطان الدعيع وباذن الله بتشوفون اللي يسركم في الدفاع شكرا لك وتقبل تحيتي |
رأس حربة سوف يبدع أيما ابداع |
ياحبيبي ، اول شيء تشوف اوفراته الصحيحه ؟ تشوف تمريراته الصحيحه ؟ ولا اوفر صح ، في مباراة الاهلي ولو بحسب اخر اووفر صحيح له يمكن يكون من الموسم الماضي ! كفاية تطبيل |
لاعب لابد ان يسجل او يتسبب بهدف لان تواجده في الهجوم على حساب واجبه الدفاعي وعودة الى الشوط الاول مع الاهلى تعرف كم تركه لمركز الظهير احرج المحاور والسناتروكانت منطقته مسرح عمليات على مرمى السبيعي اعتقد الزورى ممكن يكون وسط ايسر اما ظهير فلا اعتقد واتمنى ان تثبت الايام عكس ما اراه في الزورى وان يوفق مع زملائه في ترجمة جهود الاداره الى انجاز مستحق |
لاعب كبير بنادي كبير ..... |
الزوري لاعب كبير صاحب اختراقات وخطير جدا في اي لحظه يخترق ماتدري عنه كانو ينتقدونه يوم كان المرشدي خلفه مايغطي خانته في مباره الاهلي ماقصر بدع والدفاع خلفه يغطون خانته |
الزوري فيه عيب .. عيب قوي بالحيل .. هو صحيح يخترق .. بس بدون أي فايدة .. لو يخترق 80 مرة بالمباراة .. مافادك بشي .. وش فايدة اللاعب اذا عدّى من 5 و دخل كبري بالسادس والسابع سوى به حركة زيدان ودقدق بالكورة زي هنري 20 متر .. بالاخير أوفر برجلين المدافعين والا بالشبك الجانبي ! الزوري لو يخترق الليل والنهار ماعطاك أوفر محترم ولا صنع لك شي .. وش ابي باختراقاته انا !؟ خل اختراقاته له .. حط مكانه واحد يعرف يسنّع الكورة .. يايسحب اللاعب ويرفع راسه يمرر للاعب .. والا يحط اوفر زي الاوادم |
لاعب سريع مهاري بعض الاخطاء يمارسها في بعض المباريات ولاننسى انه يخلص مباريات اما الجمهور الهلالي البعض صاير الفتره الاخيره بس ينقد مايعجبه العجب ولو انتقل او استبعد الزوري راح يقولو خساره ليتنا مافرطنا من المسؤول عن التفريط فيه الخ ادعمو فريقكم عبدالله الزوري ابن الهلال يستحق الاشاده وكل اللاعبين ادعموهم واتركوكم من الكلام اللي لايفيد |
جميل جداً ان نجد الأعضاء بدأت إنصاف اللاعبين الذين يجتهدون في الملعب هذا ثاني موضوع بعد موضوع الأخ المبدع ثائر الهميجان حول ابداع الزوري من الظلم ان تجد لاعب جماهيري تفرد له مواضيع كثيرة تمتدح كرة لعبها بالكعب وتتناسى او تتغافل عن أخطاءه الكثيرة في المباراة لمجرد ان بعض المشجعين يحبونه الزوري لاعب رائع ولان الكمال لله تنقصه الدقة في الكرات العرضية وأتوقع ان يتفادى هذا العيب بالتمارين وتطوير هذه المهارة الزوري يضاف لمهامه الدفاعية والنجومية كظهير قدرته على اللعب كقلب دفاع عند الضرورة لاسمح الله نتيجة طرد او إصابة لاعب يعطيك العافية اخي سليمان وهكذا المبدعون يتتبعون الإبداع وينصفون المبدعين |
الزوري يبي دعم والفريق والمدرب ف الوقت هاذا الله يوفق الزعيم الملكي وشكرا لك |
اهم شي يتدرب على الاوفرات لانها نقطة ضعف واضحه لكن مستواه في المباريات الآخيرة كان ممتاز |
الزوري من وجههـ نظري لاعب مميز جدا ولا أتمنى الإستغناء عنهـ ~ ومستواهـ ما شاء اللهـ في تصاعد ملحوظ من بعد تجديد عقدهـ ~ وخصوصا فـ مباراهـ الإتحاد والأهلي ما شاء اللهـ عليهـ ~ إن شاء اللهـ يواصل تألقهـ ،،، واللهـ يعطيكـ العافيهـ ع الطرح الجميل ~ |
عمري ما انتقصت من الكابتن عبدالله الزوري ومايقدمه وش ذنب الشريحه العاقله من جمهور الهلال ، ان تتحمل تحليلات الجهله منه ؟! عبدالله لاعب خطير وكبير وممتاز والله يعطيه العافيه |
كلمة حق تقال .. الزوري اثبت نفسه بالموسمين الاخيرين ولازم ننصفه ونعطيه حقه .. اللاعب تحسّن كثير وهالشي شايفينه |
| الوقت المعتمد في المنتدى بتوقيت جرينتش +3.
الوقت الان » 11:09 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd