أولاً صباح الخير طبعاً

ثاني شي وهو أول طرق الفشل هو التركيز على عمل غيرك ..
الهلال للأمانة فريق لا يستغل الفرص المتاحة له ..
طيب لو سألتك سؤال مثلاً , ما ذنب النصر إذا لم يكن لاعبوا الهلال يستغلون الفرص أمام المرمى ؟
أهداف محققة بنسبة مليون في المية فقط تحتاج إلى "إنهاء" للهجمة ليس أكثر .. وما يصير اي شي!
فريقنا فاشل في تخليص الفرص والاستفادة من الرفعات والركنيات من الأساس .

تعرف لو ان الهلال فاز في مباراة الشعلة والرائد وأمام الاتحاد اللي هو في اسوأ حالاته كان الحين متصدر وبفارق كبير بعد
نتعادل بأساليب غريبة .. والهلال ما يحس ويبدأ يشتغل في المباراة الا لو جاء فيه هدف .. كأن احد طعن في كرامته
لا والمصيبة الأهداف في اغلب المباريات صارت تجي بآخر الدقايق .. ومرات ما تجي!!

عموماً أنا متفائل يتحسن المستوى .. ولا النصر والله ما همني , انا يهمني الهلال ينهض ويفكر في مصيره القادم
فيه مثل يقول "وجع ساعة ولا كل ساعة" أنا أبغى أفراحنا تكون مستمرة ما ودي افرح في مباراة او بنتيجة مباراة
او ببطولة وحدة وبعدها اغييييييييب عن المنافسة بشكل كبير .. ابغى فريق اقدر اثق فيه

اللاعبون والحكام بشر يصيبون ويخطئون عدا المتطرف مطرف ولكن انا اعلم ان لدى الهلال نقاط ضعف لن تمكنه من تحقيق الدوري والعلم عند الله أهمها عدم وجود ظهير ايمن بالفريق وعدم وجود بديل لسالم بالوسط الأيمن واللعب بالفرج ظهير والشهراني باليمين وعزوز بالوسط وهو مهاجم ثاني يعني ثلاثة لاعبين الى الان لم يتم توظيفهم في أماكنهم الصحيحه ولو حقق النصر الدوري يستاهل ومع ذلك سنردد على مسامع النصراويه ما كانوا يقولون لنا لماذا يزعلون بالتأكيد استفادوا من التحكيم والرئاسه يراسها نصراوي والاتحاد السعودي يراسه اهلاوي الأخ غير الشقيق للنصر
وأيضا اذا سيطعنون في شرف المنافسه اعطوهم الدوري ودعوا الفرق تلعب لتحديد المراكز الأخرى ...
وشكرا

الهلال هو من فرط بمباريات سهله اضعناها من ايدينا
بغض النظر عن الامور الاخرى

والله عيب نتكلم بمثل هالمواضيع ، كلم العاقل بما لا يليق فإن صدق فلا عقل له !

كل العالم تحصل فيها أخطاء حكام ، كل العالم يحصل فيها حظ لفريق ويتنازل لفريق
هذي هي اللعبه بس مسألة لعيبه بالواسطه وفلفسة زيادة عن اللزوم
ودفاع أبو ركبه وينكرها مدربك هذا اللي يجب تناقشه لاتتهم وتدخل في ذمم خلق الله

النصر من العام الماضي يطبخ فوزه بهالسنه بالترتيب بتجارب لعيبه أجانب ولو تلاحظ العام تصر جولة
كان يعمل ويعمل ويسقط وسيعمل ، وكل شغلهم بربسه بس حالفهم الحظ باللعيبه الشيبان

ولا قصروا تعاقدوا مع الأغلبيه وهذا رأأي الشخصي ,

اخطاء الحكام شي طبيعي في كرة القدم

وجهة نظري الى الان الهلال الاتحاد الاهلي الشباب الاتفاق ليس بمستواياتهم المعهودة

يعني النصر لو يقابل احد هذي الاندية وهي بمستواها المعروف بيترقع وبيرجع لترتيبهم الطبيعي الخامس ولا السادس

انا اشوف ان فالموسم الحالي النصر لم يجد المنافس الحقيقي له

كل الاندية وضعها تدهور ،النصر لم يصل للصدارة إلا عبر الفرق الصغيره

اما الهلال نزل مستواه حقيقه ، وضغط الجماهير على السديري والكوتش سامي

وبعض المدافعين كان له دور ف اثباط اللاعبين ، محاباة الرؤساء للنصر واضحه وضوح الشمس

وكثير فيه تجاوزات خاصه للاعبين النصر ، ماراح نتجاهلها ومستحيل اصلاً .

الحكام يمكن تكون لهم اخطاء تحكيميه وممكن عن قصد ، لكن اذا اخطأ الحكم ف مباراة للهلال تصايحو وقالو " فريقكم فريق حكام "

ونشوف حرب كبيره من الاعلاميين وجماهير الاندية الاخرى وحتى للاسف البعض من جماهير الهلال

تحارب الهلال نفسه وتحارب جماهيره .. وتخليهم يتشتتون .. الهلالي الوفي لن يكترث

بكلام اعلاميين هابطين هدفهم تدمير الهلال روحا وفريقا وجماهيريا ..

لن يطالب بإقلة مدرب تتمنى عقولهم الصغيره أن تجاريه ، ويتمنون مثله وبروحه وبتاريخه في ناديهم

لن يطالب بفسخ عقود لاعبين يحملون شعار الهلال !!! بسسبب ان اعلامي صاغ الاحرف لأغبياء قد يصدقونها

ويتأثرون بها .

في الاخير كجمهور ليس عليكم الا الدعم .. دعم الكيان الاازرق ، دعم الهلال كفريق كإداره كمدرب

واللي يشوف نفسه تستصعب عليه يروح يشجع النصر أبرك

30% عوامل تحكيمية.
50% تعاقدات النصر مثل الشهري والحوسني والجيزاوي.
20% تعاقدات الهلال السيئة مع اللاعب الأجنبي أو المحلي ماعدى نيغيز.
اتمنى الزج بعطيف والحافظ وفهد غازي والسالم فهم نجوم بحاجة ل فرصة مباريات وليس دقائق محدوة من غير نفس.

الدوري احنا من البدايه تساهلنا فيه

والنصر اجتهد ونـــــال الجزء الكبير من الحظ والمساعده التحكيميه

هو النصر صحيح مدعوم من كل اللجان تقدر تقول دفع رباعي لتحقيق الدوري لكن صدقني ماهو بقوة الهلال

ولو كان الهلال يملك مدرب نفس مدربهم ماكان هذا حالنا

يعطيك العافيه

،

كافة اللجان هذا الموسم ، تدعم نادي النصر
واستغرب لياقة بعض لآعبي النصر
وأخرهم اللآعب / عماد الحوسني
في ظل أيقاف عمل( لجنة المنشطات ) !!!
.
.

وبطولة جميل هالموسم ، مو مفصلة للنصر وبس
ألا مطبوخه له ،
وبالتوفيق للزعيم

جدول الدوري مفصل بالمقاس وخدم النصر 100%
والتحكيم خدم النصر في مباراة الشباب بشكل فاضح وواضح وكانت مباراة مفصلية

ولكن الهلال هو من فرط بالدوري فقد فرط الفريق في 7 نقاط كانت في متناول اليد مع الرائد والشعله والاتحاد

جدول النصر سهل جدا من الاسهل للاصعب مافي ضغط كبير عليه يعني النصر ماصار متصدر الا بسبب لعبه مع الفرق الصغيره بدايه + تمجيد الاعلام له ونفخه + الخطر الاكبر مساعده بعض الحكام له بمباريات حاسمه + دعم الفرق للنصر المدلل ومساندته له ضد الملكي الهلالي + غياب مستويات الفرق ماسهل للنصر التصدر ع حسابهم وهذا الدوري يعتبر اسوا دوري لغياب الفرق الكبيره عن الدوري امثال الشباب والهلال والاتحاد وهو ماساعد النصر العبور بسهوله

ما فيه شئ مفصل هذه حجة البليد
فريقنا سئ شوف اما من فقدنا 12 نقطه بعدين تعالي قول تفصيل
المدرب الى ما يعرف يقراء المباريات ما ينفع يقود الفرق
المدرب الخواف لا يمكن ان يستمر
المدرب الي ما عنده خطط لا يقود الانديه ذات التاريخ
هذا لعب في تاريخ الهلال

هو من ناحية مفصل على النصر ايه مفصل
بس بإذن الله بيطلع وسيع عليهم ولا يليق ثوب البطوله الا على الزعماء
هذا ما يمنع ان تذبذب مستوى الهلال هو من سمح للنصر بالتقدم
هم يدعون النصر لكن لن يستطيعوا ايقاف الهلال لو كان في يومه ( ويعمل صح )
وهنا المشكله في عملنا مو فيهم