|
التغيير .. للأفضل أو للأسوأ ؟..! , ورحيل سامي !! بسم الله الرحمن الرحيم الحمد لله على كل حال .. فبعد كل شيء هذه هي كرة القدم فوز وخسارة وتعادل ..!! الاتحاد حشد كل الهمم للفوز على الهلال لإيقافه وتعطيله وتقديم البطولة للجار ..!! ولكن نقول الدوري مازال باقي ولو ان الفرق 6 نقاط - بعد كل مباراة يخرج مجموعة من الجماهير اسميهم " المدرعمين " أو "العاطفيين " ( أخرجوا سامي - سامي ما يصلح - اللاعبين ما يصلحون - غيروا نص الفريق ) هذه نفس الاسطوانة اللي يرددونها في كل مره يتعثر الهلال بداعي ان التغيير سيكون للأفضل . - كيف تطالبون بصناعة الفريق البطل وانتم لا تبحثون عن الاستقرار الفني فالإستقرار الفني هو اهم عوامل صناعة الفرق البطلة والتي تنافس على البطولات فالفتح والنصر مثال واضح . إمكانتهم الفنية أقل بكثير من الهلال ولكن الاستقرار هو من جعل لهم كلمة في الدوري - سامي في تجربة تدريبية حقيقية يعتبر حتى الان مقدم أداء جيد إلى جيد جدا فبعد عبث كومبواريه بالفريق ولخبطة الاوراق أصبح الهلال فريق مهلهل ومتفكك سلم هذا الفريق لسامي لإصلاحة وإعادة ترميمه ومحاولة بناء الفريق للمستقبل . - أنا لا اطالب سامي ببطولة فهذه التجربة الاولى ويجب ان تكون هناك اخطاء فالإنسان لا يكسب الخبرة إلا من أخطائه , فالصبر على سامي فـ41 هدف سجلها الهلال . يعتبر عمل سامي في الهجوم من أميز ما رأيت إذاً سامي استطاع خلق خلطة هجومية مميزة ولا تقهر وب حوالي 7 اهداف في اخر الدقائق تدل على الروح الموجودة في الفريق . - هناك الجانب الدفاعي فسامي خانته الظروف بإصابة كواك وعدم سرعة التوقيع مع البرازيلي وخانته الخبرة في وضع كاستيلو في السنتر , هذا في مباراة الاتحاد ,,, أما بالنسبة للدفاع بشكل عام فهو يحتاج عمل كثير وأتوقع بنهاية الموسم يكون الهلال قد وجد التشكيلة المناسبة التي ستستمر معه 5 سنوات وفوق - فالفرق الكبيرة تستمر على تشكيلة واحدة طوال سنوات وتحصد البطولة خلف البطولة هذا هو السر "الإستقرار " -اعطني استقرار واعطيك اسيا ........ - لو مشينا على اللي تقولون فنغير جلد الفريق كل مره نتعثر بيتدمر الفريق تدريجيا ونصبح من اضعف فرق الدوري وهذا اللي انا خايف منه - بالنسبة لرحيل سامي : أحد أقاربي (وهو ماله علاقة بالكورة لا من قريب ولا من بعيد ) حلم بحلم بما معناه أن سامي سيسافر لبلد بعيد ( خارج السعودية ) معناه ان سامي سيترك الهلال ويذهب لإكمال طموحه خارج أسوار الوطن وهذا ما اخشاه , فبهذا سوف نخسر كفاءة تدريبية ستفيد الوطن فيما بعد , ولكن اعتقد ان هذا الافضل لسامي فإذا خرج من هذا الوسط الرياضي النتن فالنجاح سيكون من نصيبه لا محالة تحياتي :ba::ba: |
شكرا للمشرفين على الرفع ... |
سامي يبيله وقت سنه وحده وبعدين نار ياحبيبيي نار انا اشوف ان سامي يسير في الطريق الصحيح واول التصحيح ابعاد المرشدي بدون مجاملة احد والتصحيح قدام بس الصبر والدعم (الذيب مايهرول عبث) |
الله يعطيك العافيه على الموضوع الجميل وكل مفرداته جميله ومثل هذه الموضوعات هي المطلوبه في الوقت الحاضر وليست الموضوعات اللتي تنتقد نقد غير هادف وليس لأصحابها خلفيه فنيه فقط هي العواطف التي تدفعهم الى النقد الجارح . |
بكل الود لماذا تستكثر على الاخرين المطالبه بابعاد سامي وتذكرنا بمطالبتك بابعاد كمبواريه . انا مع إعطاء أي مدرب كامل وقته واتفق معك بأهمية الاستقرار التدريبي للجميع ولكن مع المناقشه والمتابعه وتعديل وإصلاح الأخطاء الموجوده تدريبيا او إداريا ولكن يا حبيبي الهلال يحتاج لاعب للظهير الأيمن وادارتنا (تخترع) كل مره عذر اما عدم وجود لاعب مميز او مبالغه او نفاوض ثم ينتهي الموسم وعلى هذا الحال نكلف لاعب ونخسره(الشهراني مثلا). اذا كان لا يوجد لاعب مميز محليا (وهم كثر)(القميزي والحسن والجيزاني وبرغش والمحيسن ووووو) فهل لا يوجد ظهير ايمن مميز بجميع اندية العالم(ممكن) اذن امنح البريك والبقعاوي والحوطي فرصة اللعب كي أرى عملا واصبر على عدم تحقيق البطوله هذا العام ولكن أرى عملا يخدمني أعوام مقبله وبطولات مقبله نريد لاعب وسط ايمن بديل لسالم الزقعان مثلا او منح كعبي او العلي فرصة المشاركه كي نقول لدينا لاعبين اثنين لكل مركز ويكون الظم والابعاد بناء على المراكز وقس على ذلك بقية المراكز الفرج لعب بجميع مراكز الفريق لماذا تطالبون بحارس والفرج موجود طالما المراكز غير مهمه المباراه القادمه نريد ان نرى ياسر محور وناصر قلب دفاع والسبيعي مهاجم طويل وقدمه قويه وسجل من ضربات ثابته مع الاتفاق وشكرا |
لبى قلبك على هذا المووووضوع هذولا الهلالين الصح لبى رووووووووووووحك ياشيخ |
الله يعطيكم العافية على الردود الجميلة الصبر على الفريق هو المطلوب , فالنصر صبروا على فريقهم لسنوات واعطوا كارينيو الفرصة وتحقق بهذا استقرار الفريق وكذلك الفتح مع فتحي الجبال استقرار لمدة 5 سنوات جلب لهم الدوري اللي ما توقعوا يحققونه ولو في افضل احلامهم والله يوفق هلالنا في قادم الايام |
للأسف الذين يطالبون بإبعاد سامي لا يفقهون في كرة القدم أي شئ انا أقول ان صبر الهلاليون على سامي وإنشاء الله هذا المتوقع فإن آسيا ليست بعيده عن الزعيم لأكن يجب الاستقرار الفني |
للأسف سامي خذلته الظروف يعني زي مباراه الاتحاد لو كان الكوري موجود كان تغيرت النتيجه عالعموم أن شاء الله مباراه الأهلي نشوف روح من اللعيبه زي روحهم قدام مباراه الفتح الماضيه واتمنى من الأعضاء يفيدوني ديجإو والكوري بيكونون جاهزين لمباراه الأهلي ولا لا ؟ |
إقتباس:
هذا هو الهلال لازال المرشح لكل بطولهـ يلعبها !! 1)- الدوري لازال منافس عليهـ والفرق 6 نقاط فقط ،، يعني مبارتين وحدهـ منها بيدين الهلال إن شاء اللهـ إنهـ يفوز فيها ! 2)- كأس ولي العهد هذا الهلال ما شاء اللهـ لازال مرشح لأخذهـ ،، ورح يأخذهـ إن شاء اللهـ ~ أبي أفهم وين المجاملهـ والتلميع اللي تقول عنهـ ؟! الهلال مب الموسم الماضي كان مع زلاتكو بالمركز الثاني ومنافس للفتح إلى آخر لحظهـ ع الدوري ،، ونفس الشيء هالموسم الهلال مع سامي منافس للنصر إلى آخر لحظهـ !! وإن شاء اللهـ رح يأخذ الهلال الدوري مع سامي ~ أنا ما أقولكـ إن سامي ما عندهـ أخطاء بس بعد عندهـ إيجابيات وإعتراضي عليكـ ،، لأنكـ تقول إنهـ موجود مجاملهـ وقاعد يعبث بتاريخ الهلال !! ليش ما تقارن بينهـ وبين أقرب مدرب وبتشوف إن الهلال فـ الموسمين لا زال منافس قوي !! فـ بلاش تعلقون ع شريط مجاملهـ ومجاملهـ !!! بالتوفيق لهـ إن شاء اللهـ مع الهلال ،، ولازلت متفائلهـ خصوصا بعد إكتمال صفوف الهلال ولكن باقي الظهير الأيمن + مدرب الحراس ويصير الهلال ناااار فـ جميع خطوطهـ إن شاء اللهـ ^_* |
أخوي o0o7LMo0o طرح مميز وجميل ~ وأنا مع الثبات ع مدرب ( سواء سامي ولا غيرهـ ) لأن يوم تثبت ع مدرب رح تعطيهـ فرصهـ إنهـ يعرف الفريق وأخطائهـ عدل ،، وعندنا أمثلهـ كثيرهـ ع أنديهـ إستقروا ع مدرب واحد رغم إن أول موسم لهـ لم يحقق النتايج المرجوهـ منهـ ولكن الموسم اللي بعدهـ أبدع معهم وحقق بطولهـ للفريق مثل : فتح الجبال جاب الدوري الموسم الماضي !! وأتوري مع الريان القطري جاب كأس ولي العهد !! ،، بالتوفيق إن شاء اللهـ لهلالنا ~ تشكرااات ع طرحكـ الكووول ~ |
نصبر على سامي وندعمه لأنه يقدم عمل جيد جدا بالنسبة لسنة أولى في التدريب , مباراة الاتحاد لو كان خط الدفاع مكتمل لشاهدنا مباراة ثانية !!! الحمدلله على كل حال و إن شاء الله القادم أجمل |
ساندوا الجابر والصبر زين سااااامي محتاج دعم و صبر عنده أغلاط لكن ربي يصبرنا يا جماهير زعيم |
انا صراحه ماشفت احد يطالب برحيله ،، واذا كان صحيح الي يطالبون برحيله ماعندهم سالفه لان بهالوقت ما في مدرب افضل من سامي بفترة الانتقالات مافي الا المدربين الفاشلين والعاطلين "،،،، اتمنى بقائه الى نهاية الموسم وبعدين لكل حادثا حديث |
بالنسبه للي يحكم على سامي الوقت هذا أكيد عقله في شئ ياجمهور ساندو سامي يكفيكم حاجه وحده مستوانا طايح ولازلنا الوصيف وشكرا |
| الوقت المعتمد في المنتدى بتوقيت جرينتش +3.
الوقت الان » 12:54 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd