|
سامي ......الاظهره ورعب المرتدات السلام عليكم مالي في المقدمات عشان كذا راح ابدا على طول ياشباب :d الهلال في اخر مباراتين كان مقدم مباراة هجومية روعه لكن من يوم تنقطع الكوره من لاعبين الهلال يبدا الرعب والسبب انه من يوم ماتبدا الهجمه الهلاليه نلقى الاظهره يتقدمون لاخر شيء وليت يكون فيه فايده ...:cry: الهلال يلعب بالعمق عشان كذا ماله فايده الاظهره تتقدم واجد يعني يكفي لمين نص ملعب الخصم المفروض اذا تقدم يلعب عرضيات لكن اللي يلعبها لاعبين الوسط معنى هذا انه الاظهره متقدمين بدون اي فايده الا مع الزوري امس مرتين دخل ال18وبغا يسجل الشهراني والزوري امس انا ملاحظهم مالعبو اوفرات الا مره او مرتين لما الظهير يتقدم معناه انه بيلعب اوفر او بيساعد بالهجمه بس مع الهلال الاظهره تتقدم وماتشارك بالهجمه الاباستقبال وارسال الكوره وبدون اي اوفر بالمختصر الاظهره مايتقدمون مع بعض لانه لو تنقطع الكوره ماراح يكون بملعب الهلال الا قلبي الدفاع والمحور يعني 3 بس وغير كذا راح يتعبون الاظهره بسرعه لانهم يتقدمون ويرجعون مثل ماصار مع الزوري في مباراة الاتفاق في الرياض والدمام ختاما ... اتمنى اني ماطولت عليكم :naughty: ودعواتكم لنا بالاختبارات :s5s: وشكرا :ap: |
١٠٠اللي قرو الموضوع ومافيه احد رد؟؟؟! |
الاوفرات فاشله معقول هم ما يتدربون عليها وبعد مبالغين بالتقدم |
الاوفرات + الركنيات لنا عدت مواسم ما ابدعنا فيها كل لعبنا ارضي يغني اي ركنية تعتبر هجمة مرتدة علينا ما اعرف ايش السبب بالضبط الاندية الثانية تستغل الركنيات وفرصة لهم هل هم يجيدون التمركز اما ماذا |
أرجو إن الكابتن سامي ينقل ياسر الشهراني لليسار خانته الأساس، في اليمين ضايع ومهوب اللي نعرف، واليمين ياسلطان البيشي والا البريك ، وراح نشوف أظهرة عال العال، وأتمنى أن يمنح خالد الكعبي فرصة تمثيل الفريق فهو خطير وسريع الحركة ويخلخل الدفاعات. |
الشهراني ضايع في الجهه اليمنى ماله اي فايده في اليسرى عرضياته سم كان اكبر خطر على الانديه دايم يسجل الهلال من عرضياته بالمقاس غير ذلك يخترق ويسدد باليمنى |
بالامس اشاهد مباراة الشعله والاتفاق ورايت الاظهره الشعلاويه متمركزه في اماكنها واذا خرج الظهير يصرخ على البقيه بتغطيته لاحساسه ان مسؤليته الاولى الدفاع وفعلا انتصروا بالاربعه واما لدينا فالخروج ومزاحمة المهاجمين حتى من المحاوريتركون مراكزهم بحث عن الهدف على حساب احراج خط الدفاع باكمله ملاحظه مهمه وطالما تكلمنا عنها لكن لامجيب لنا الاظهره ستهاجم وتهاجم وتهاجم على قولة رئيس النصر سنسجل ونسجل ونسجل وهذا هو يسجل لاعبين رغم الديون واظهرتنا ستهاجم رغم الاحراج للدفاع |
إقتباس:
أتمنى توازن في تقدم الاظهره اذا تقدم واحد يبقى الاخر قريبا من المحور وقلوب الدفاع وهذا عمل جميع الاعبين والانديه وشكرا |
بالعكس اخالفك عزيزي فبسبب تقدم الزوري كسبنا البلنتي الهدف الاول وبسبب تقدم الزوري كاد يخطف الهدف الثاني لولا العارضه واكملها القناص ناصر باختصار مباراه صعبه امام الفيصلي بسبب اللعب باكثر من 5 لاعبين بمناطقهم امام الحارس , الخطأ هو وجود المهاجمين من طرف سامي امنيتي المباراه القادمه يرجع 451 بوجود سالم و عزوز او العابد عالاطراف وفتح الحريه لنيفيز بالعمق ومستقبلا اتمنى ارجاع الدعيع ظهير يمين والشهراني يسار بعد التوقيع مع البرازيلي |
المقصد ان التوازن والعمل الفني هو ما يحدد متطلبات اللعب وهذا الفرق بين مدرب واخر لكن نرى كاستيلوا يهاجم والزرى داخل السته والشهرانى في الوسط ياتى دور وقوف المدرب لملاحظة هذا الاشكليات |
إقتباس:
أنا أتفـق معـك كليـــــاً |
إقتباس:
وماهي الاسباب لان ياسر الشهراني لايجيد العب الا في الظهير الايسر |
رعبين وزيادةسامي كلما اراد ان يحل مشكلة جهة اوقع في الجهة الاخرى كارثة امام الفيصلي كان الهلال يلعب بطريقة غريبة وغبية بنفس الوقت كان الفريق يلعب بـ2-2-4-2 فأصبحت الاظهرة متقدمة بجانب صناع اللعب لدرجة ان كواك كان يتقدم الى منتصف فريق الخصم ليلعب باص لأقرب لاعب له. جلبنا كواك وكريري والاهداف تلج مرمى الهلال ما السبب؟ وبتواجد المدافع الاجنبي الاخر ستلج المرمى الهلالي الاهداف، وسنستمر على هذا المنوال ونضع ثقلنا على لاعبين او ثلاثة لتسجيل الاهداف بكمية اكبر حتى نخرج فائزين. يا سامي 4-2-3-1 لا تتعدى عنها ابدا اذا استمر سامي على المشاركة بالمفلسين عزوز وياسر فليثق كل هلالي ان الدوري نصراوي وكأس ولي العهد شبابي وكأس الملك داوي بين الاهلي والاتحاد ولن يتعدى فرق مجموعته في الآسيوية، والبوادر تقول ذلك. مع سامي كلما قلنا فرجت قام وخربها في جهة ثانية. هل الدعوى عناد او ماذا. المغامرة التي تعتمد عليها يا سامي في وضع الثقل في الشوط الثاني ونسيان الشوط الأول هذه كارثة والدليل ما حصل مع الفيصلي بخروج كواك مصاب واخراجك لكاستلو! |
| الوقت المعتمد في المنتدى بتوقيت جرينتش +3.
الوقت الان » 04:29 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd