حسن معاذ ياهو لاعب فنان ماشاء الله

ما اعتقد ان طلب المقايضه بسالم الدوسري
لان سالم لاعب اساسي في التشكيله و يعتبر من لاعبين الصف الاول
عكس معاذ اللي موب ضروري يلعب اساسي حتى لو انتقل و يعتبر من لاعبين الصف الثاني

بكل الود لا اعلم صحة مصادرك من عدمها لكن الشباب طلب المرشدي والسالم فقط وتم رفض الطلب من الهلال وعرضوا القرني والبيشي ورفض الشباب وطلب اما السالم او المرشدي ومبلغ ويكون كواك من ضمن الصفقه ورفض الهلال وتم انهاء موضوع المقايضه التفاوض بمبالغ ماليه فقط وبعدها ممكن التفاوض على بيع عقود اذا رغب الشباب اما الفرج وسالم والعابد وياسر فهذا طرح المافيا الاعلاميه الصفراء وللعلم البلطان واضح وقال عند طلب وليد لا يمكن واذا ترغبون في معاذ فادفعوا وهذا من ابسط حقوقه وللعلم لو لم يكن لمعاذ اختلافات مع الشباب لما فكر البلطان في بيعه
وشكرا

حسن معاذ تصرفاته لا تليق باي لاعب لانه لا يحترم العقد اللي بينه وبين الشباب .. , اذا مايبغى يلعب للشباب يروح يشتري باقي عقده .. هذي نقطة لان الهلال يكفي انه استخلص من اللاعبين المزاجيين

النقطة الثانية .. فيه مثل يقال الحاجة ام الاختراع , بعالم كرة القدم اشوف الحاجة ام الموهبة ,

نجومنا الصغار اللي بالنادي .. بالذات اشير للسالم الدوسري , الحاجة لخانته بذهاب ويلي هي اللي خلته يبرز مع ان كانت بداياته "بالفريق الاول" شوي مرتبكة وانطلاقته من مباراة النصر

فإن شاء الله نفس السيانريو يتكرر بالظهير الايمن .. اشوف نعطي لاعبين الاولمبي فرصتهم ..


من المنطق من بين 153 نادي على الصعيد الاول والاولمبي .. هل لا يوجد فيه ظهير ايمن متميز؟؟!! ..

المحور قدرنا نسد الحاجة لمدة سنتين ونص لكن من الان لازم يشوفون لهم محور صغير يمسك المكان من بعد كريري ,

لنا شهرين وحنا ود حسن معاذ جب حسن معاذ كأن مابه ظهير إلا هو
خلاص فكونا منه ويكفينا الكوري وسعود كريري

حسن معاذ أفضل ظهير أيمن انجبته الملاعب السعوديه آخر 20 سنه بلا أي مبالغه ..

وقادر على العطاء لثلاث سنوات قادمه بكل اقتدار ...البلطان عارف إن نقطة ضعف الهلال

الظهير الأيمن بعد رحيل الدوخي واللي اعتبره أقل مستوى من معاذ ومع ذلك لا يريد أن تكتمل

صفوف الهلال حتى لا يكون قوه ضاربه ويكون هو السبب في هذه القوه الضاربه ..

فلذلك هو يشترط شروط تعجيزيه حتى لا يقال بأنه غير متفهم ..والبلطان ما عنده مانع

بانتقال أي لاعب للهلال ما عدا معاذ ... اعتقد بأنه هذه فرصه سانحه للهلال بالظفر

بمعاذ بشرط أن يكون معاذ بصف الهلال وألا يستمع لكلام البلطان بالعربي يقول للبلطان

أنا طالع طالع وإن ما طلعت ما راح أقدم ولا ربع المستوى بالطريقه هذي البلطان ما راح يفوت

الفرصه هذي وراح ينفذ شروط الهلال يعني على الأقل بدل ما يخسر معاذ يكون ربح لاعب

أو مبلغ مادي ....

الخلوق حسن معاذ قدومة للهلال جدآ سهل ولكن إدارتنا تجامل البلطان والمفروض ماتجاملة

المسألة بسيطة يشتري حسن عقدة ونتعاقد معاة وكذا بالنظام نتعاقد معاة ونعوضة باللي دفعة وكذا لاخسرنا لا لاعب شاب ولا أي شي

وباقي الاعبين المستهلكين نقوي الفرق المؤخرة اللي شارفت على الهبوط ولا نعطيهم البلطان لأن مزودها ويعتبر فريق منافس ...

مثل ماتعاقدنا مع ناصر الشمراني وكان باقي في عقدة 3 سنوات تقريبآ برضو نجيب معاذ بنفس طريقة الشمراني

يحلمون بسالم لا وهذا وهو الاعب الوحيد بخانته وعارفين ان الهلال وجمهور الهلال ماراح يرضى بهالشي

لذلك نصيحه مني لسامي وللاداره لاتقعدون تترجون فلان وعلان عندكم الاولمبي في كل الخانات لاعبين مميزين

وفي الظهير اليمين بالذات عندنا البريك والبقعاوي اعطوهم بس الفرصه وبإذن الله انكم منتم خسرانين والا ريال وحفظتوا كرامتكم بعد

يعطيك العافيه

اولاً نشكر خالد البلطان على تعاونه ووضوحه في هذه الصفقات ثانياً من حقه الابقاء على لاعبيه بالطريقه التي تحفض له حبه لدى جماهيره . اماحسن معاذ فهو يستطيع ان يشتري عقده من الشباب ويرحل غير كذى لا اعتقد ان الشباب بيفرط فيه خوفاً من هجوم الاعلام الاصفر المسيطر على جميع الوسائل الاعلاميه ولذا البلطان يريد الابقاء على شعرة معاويه بينه وبين الانديه وهذا هو الصح

معصي ياخذون سالم الدوسري معاد الا هي بعد
خل معاذ يخيس بدكة الاحتياط
ثم بيجيكم على رجوله
وماتوقع الأداره يخفى عليها هالأمور
ادارتنا وتعرف كيف تلعبها صح
بتوفيق لزعيمنا الملكيي

إقتباس الرسالة الأصلية كتبت بواسطة محامي بندر بن محمد الخلوق حسن معاذ قدومة للهلال جدآ سهل ولكن إدارتنا تجامل البلطان والمفروض ماتجاملة المسألة بسيطة يشتري حسن عقدة ونتعاقد معاة وكذا بالنظام نتعاقد معاة ونعوضة باللي دفعة وكذا لاخسرنا لا لاعب شاب ولا أي شي وباقي الاعبين المستهلكين نقوي الفرق المؤخرة اللي شارفت على الهبوط ولا نعطيهم البلطان لأن مزودها ويعتبر فريق منافس ... مثل ماتعاقدنا مع ناصر الشمراني وكان باقي في عقدة 3 سنوات تقريبآ برضو نجيب معاذ بنفس طريقة الشمراني

بهالسهوله يشتري عقده !!!
لازم موافقة الشباب على بيع عقدة مو بكيفة يشتريه ويمشي والا كان صارت الدنيا فوضى وكل لاعب انتقل وهو مرتبط بعقد وهو ماراح يخسر شي يشتري عقده بالاسم والنادي المنافس يدفع
لا تضرب المثل بكريري لان الاتحاد لم يسدد كل حقوقه وهنا يختلف الوضع الاتحاد هو من اخل بالعقد مو الاعب
ترا السالفه عقود ميب سواليف ضحى جيبو فلان وحطو فلان