ظلم لاهل بريدةة خاصة والجمهور الي بيحظر حرامم الي يصير ! - نادي الهلال السعودي - شبكة الزعيم

هلالي مضيع · #1 22/12/2013, 12:26 AM

السلام عليكم
بدخل بالموضوع ع طول
انا مادري وش الظلم الي يصير لنا الحين
معقوله تذاكر المباراة الي راحت مع التعاون ببريده كانت 40 والحين مع الرائد 30 مادري 40
قسمم يحسسوني ان الملعب اوربي ومجهز للحضور راس ماله كراسي وتقوم وظهرك يطنب من الوجع \40 ريال ع ايش !
قسمم اني حظرت مباراة التعاون الي راحت عاني احححبب الهلال من قلب وعشان الزعيم
لكن المره هذي مسخوها طولوها
عيب كل ذا طمع !كل ذا حب للفلوس
قسم حتى 20 ريال كثيره عليهم هم وملاعبهم بس 40 قسسم وييين 40 اعبي فيها بنزين واحظر المباراة واتعشى فيها
انا مب معنى كلامي انا مامعييي فلوس او اني ابخل ع الزعيم بالحضور بس فيه ناس ودهم يحظرون بس من وين لهم الفلوس والطمع ذا بزياده الله يستر السنه الجايه مايخلونه ب 50
مع التعاون الجوله الي راحت الملعب كان ممتلئ والجمهور حظر مع ان التذاكر مرتفعه اسعاره ومع ذلك يقولون الحظور 8 الاف مشجع فقط ! يعني المصيبه مصيبتين
اخاف المره هذي نحظر ويقولون الف شخص بس الي حاظرين وياخذون فلوسنا ع الفاضي
ع العموم بالتوفيق للزعيم
والله يعيننا ع ادارة الرائد والتعاون والملعب الي مادري وش يبي بالحياة

α7мє∂ αℓ-ѕнαяєєƒ · #2 22/12/2013, 12:30 AM

تعبنا واحنا نتكلم فساد في كل شيء من زين ملاعبهم عشان يخلونها 40 حرام فيهم ال20 حقهم 5 ريال لاخدمات ولاشيء

بنو هلال · #3 22/12/2013, 12:33 AM

لاتنسى أن للاندية مبالغ مالية متأرخة لدى الرعاية
وتحاول التعويض مع فريق كبير كالهلال
يجب على رعاية الشباب صرف مستحقات الأندية
كي لا يقع المواطن ضحية الفساد كالعادة
والفساد المقصود هو تأخير المستحقات

عاشق YASSRE · #4 22/12/2013, 12:34 AM

يرجال وش ترجي من الاتحاد السعودي الضعيف

اتحاد فاشل اسعار التذاكر يتم رفعها زي مايبون

ومن زين هالملاعب الحين بس الشكوى لله

متى تتحقق الامنية ونسير زي قطر ولا الامارات يحترمون المشجع ويقدرونه وملاعب تفتح النفس

الله يصلح الحال

ويعطيك العافية يالغالي

وبالتوفيق لزعيم اسيا في مباراته مع الرائد

عاشق YASSRE · #5 22/12/2013, 12:44 AM

بدر الهبدان ‏@Bader_S_H36

نصيحه لوجه الله من عزم الحضور لمباراة الهلال والرائد بعد غد الإثنين في بريده لايشتري تذكرة منصه منصه بدائيه جداً جداً جداً لاتستحق ١٠ ريال

سعودية كوووول · #6 22/12/2013, 02:23 AM

واللهـ المفروض ما ينسكت ع هالموضوع !

الجمهور جاي يستمتع ويساند فريقهـ ولا يفلس وينهان !!!
( أتكلم عن جميع المباريات بشكل عام ) يعني من جد أنا مستغربهـ ليش يستغلون خلق اللهـ ؟!
وإذا ما حضر الجماهير إزعلوا وإن حضروا ما حترموهم ولا قدروهم !!

اللهـ يعينكم وتشكروووون ع صبركم وإصراركم ع مساندهـ الهلال ~
وبـ إذن اللهـ ما تخسرون فلوسكم ع الفاضي ،، ويتطلعون مبسوطين بفوز الهلال بالمستوى
والنتيجهـ ^_*

أبوحسام الحربي · #7 22/12/2013, 02:56 AM

والله ملاعبنا تفشل لاتطور ولاجديد شوفوا ملاعب قطر والامارات اه يالقهر

الباراتون · #8 22/12/2013, 03:00 AM

٤٠ ر.س قيمة تذكرة ؟!!!
على أيش يا بابا ؟!!!
و الله لو أنه الدوري الأسباني
و ملاعب أوروبا

lahe · #9 22/12/2013, 03:02 AM

عشاق الملكي قادرين على الحضور ومساندت فريقهم في كل الظروف

بـــســـام · #10 22/12/2013, 03:45 AM

يارجال آخر مباراة للهلال كنا بنحضرها تقريبا 6 اشخاص

وراحو 2 ياخذون التذاكر العصر على انها مثل كل سنة 20 ريال

لكن لما عرفنا انها بـ 40 حولناها عالاستراحه وبهالقيمة جبنا أحلا عشوة

الهلال يستاهل لكن الملاعب ماتستاهل واذا دفعنا مره ومرتين بيرتفع زيادة مع كل سنة

alzkriat · #11 22/12/2013, 05:09 AM

نصب وفساد .. ليه الحرام !
مشجع مغلوب .. من شلة حرام !

azooz بريده · #12 22/12/2013, 07:53 AM

الله يعين بس ليتنا بس نضمن كرسي بالدرجة الاولى

بنو هلال · #13 22/12/2013, 08:27 AM

إقتباس

الرسالة الأصلية كتبت بواسطة الباراتون


	٤٠ ر.س قيمة تذكرة ؟!!! على أيش يا بابا ؟!!! و الله لو أنه الدوري الأسباني و ملاعب أوروبا

40 ريال على الهلال ياعزيزي
أما الدوريات في أوربا فهي اضعاف أضعاف أضعاف هذا المبلغ
وبعضها تشمل العديد من المزايا مثل الوجيات ورحلات القطار ... ألخ
وين حنا ووين ملاعب أوروبا لكن مين يقدر يدفع 150 يورو كاقل سعر تذكرة ؟

al_wafeeeee · #14 22/12/2013, 09:32 AM

الهدف من السماح للأندية الي تلعب ضد الهلال برفع قيمة التذاكر
هو تقليل نسبة الحظور لدى شريحة كبيرة من الطلاب غير الموظفين
وهم النسبة العظمى ممن يحظرون المباريات

السؤال هل حدث هذا الشيئ مع الاهلي والنصر والاتحاد
حينما لعبوا بنجران والجوف والدمام وبريدة

bredawy · #15 22/12/2013, 11:30 AM

لحد يحضر ويرجع الامر على ماهو عليه