السلام عليكم ورحمة الله وبركاتة،،،
كلنا يتذكر الهلال في عهد (جيرتس)،، جيرتس ليس معجزة بذاته لكن كانت خيرات اللاعبين الاجانب حسب أسم الفريق وتوجهه الهجومي حيث كان هنالك 2 صناع لعب وهما نيفيز وليهامسون(وليهامسون يفرق عن سالم الدوسري بأن سالم لعب مهاري في الطرف غالباً اما وليهامسون اضافة لذلك يعتبر صانع لعب)،و رادوي كمحور ثقيل.
إذاً الهلال عاكس احتياجه الان لك ان تتخيل 2 محاور اجانب وتنظيم دفاعي ركيك!
لذلك يجب إعادة تقدير الاحتياج للاعبين الاجانب بحيث يكون كتالي:
1- عدد(2)صناع لعب يعني جلب صانع لعب آخر بجانب نيفيز(أتمنى صديقة رونالدينوا لانه هناك إمكانية لجلبة بحيث يقنعه نيفيز).
2-محور دفاعي متمكن.
3-قلب دفاع قيادي.
بهذه الصياغه لايجراء أحد على مهاجمة الفريق فقط نظم الدفاع. وكلنا لزعيم آسيا.

نيفيز - كاستيلو-هرماش يبقون فقط يستبدل الكوري بمحور آسيوي مع عودة كاستيلو قلب للاستقرار انت في نصف الموسم

كلامك صحيح - لكن من ( يفـــطم ) الهلاليين عــن ( حب ) هــــرماش الله يعجل بفرقاه والله انه نكبة الهلال

هرماش لزق لنا لزقة جونسون في الهلال - سأحتفل في اليوم الذي يلغى عقده ويفارق الهلال

الثلاثه الاجانب ( الكوري - هرماش - كاستلو ) مفروض خروج بدون عوده واستبدالهم بلاعبين اوادم تفهم كوره وتستطيع تتحرك داخل الملعب مهب مثل ( السلاحف ) الثلاثه

كلامك 100%

الهلال محتاج كل من:
١-سعود كريري محور
٢-محترف محور دفاعي
٣- مدافع 100%
٤-المحور الشاب الجبرين
٥-مثل ماقلت انت رونالدينو

اتمني التوفيق للهلال باذن الله بالانتقالات
الشتويه والله يكتب الخير يارب

صدقوني اذا فيه صانع لعب ثاني راح يساعد نيفيز ويحرر كل واحد الثاني وبتالي يتحرر الفريق كامل وبتالي يقل الهجوم عليك والضغط.
جبنا ثنين محاور ماستفدنا شي واحد بس واحد متعوب عليه يكفي.
وقلب دفاع يقود وينظم محتاجين تنظيم دفاعي أكثر من نقص عناصري.
وشكراً لكل من مر على الموضوع وكل من شارك،،،كلنا لزعيم.

كلامك عين العقل حنا بحاجة وسط زي ويلي لحاله كان مشكل خطر هجومي من جهة اليمين وواحد محور دفاعي ودفاع وحارس وتكتمل المنظومه

ونشوف بعدها دك الانديه الصغيره امثال الرائد والنصر والشعله

يعطيك العافيه

ويلهامسون صانع لعب ؟

ويلي مهاجم أطراف كما هو سالم الدوسري تماما
مع ذلك اتفق معك بأننا بحاجة للاعب مثل ويلي وليس مثل رونالدينيو بحيث يكون على الطرف اليسار
ويصبح اجنبي ف اليسار وسالم في اليمين

باستثناء نيفيز لايوجد ولامحترف يستحق البقاء في الزعيم
دمتم بخير

اتفق معك ومن خلال مشاهدة مباريات الهلال من المدرج وانتشار الاعبين وتحركاتهم كاستيلو لن يفيد الهلال بالمحور وأتمنى بديله باستوس النصر اذا رغب او ايلانو او لاعب مشابه (يلعب بالقدم اليمنى ويجيد تنفيذ الكرات الثابته ويملك السرعه) اما البقيه عادي لو بقوا او ذهبوا نفيز جيد وهرماش والكوري تحس ان تحركاتهم تحركات لاعبين كبار حتى لو لم يكون دورهم واضح للبعض
رونالدينيو لا اتمناه
محليا كريري ومعاذ او نايف هزازي محور القادسيه وعبدالرحمن الحسن ظهير ايمن الطائي
أي لاعب لا يمكن ان يلعب يتم بيع عقده او اعارته الشلهوب تجديد عقده وتكليفه بالعمل الإداري تصعيد البريك او البقعاوي للظهير الأيمن والعلي او كعبي للوسط الأيمن والفضل والمرشدي وعطيف وعبدالكريم للمحور والواكد او الصالح للحراسه واشراكهم بشكل تدريجي باللعب
(الشمري الغنام البيشي القرني المسلم السالم) مقايضه مع معاذ والهلال المستفيد وشكرا

صانع اللعب المتحرك والمزعج هو اللاعب البرازيلي اللي راح يقابل الهلال فريقه في الادوار

التمهيديه في بطولة آسيا مع نادي أهلي دبي واللي تعبت من كثر ما أنادي بالتعاقد معه

وهو اللاعب سياااو وراح تشوفونه كلكم مره ثانيه وتتمنون لو تعاقد معه الهلال بأي ثمن

وأتمنى سامي يخطفه قبل ما تبدأ بطولة آسيا ويتعاقد معه في الفتره الشتويه ..

وإن كان ليلة العيد تبين من عصاريها ولن يتعاقد الهلال معه بس على الأقل

نحلم والحلم حق مشروع لكل انسان ...

رادوي كان محور ارتكاز ويجمع بين الادوار الدفاعيه والهجوميه ويسجل لك اهداف ويغير الرتم قيادي كل هالصفات مايملكها هرماش
عندك ويلي هامسون يخترق يفتح شوارع في اي ظهير قدامه عنده عرضيات بالمقاس ولاعب ذكي عنده حلول كثيره يمين او يسار
بما ان فلومينزي هبط اتمنى الهلال يفاوض فاغنر جناح عندهم نفاثه مهب صاحي
ونجيب محور ستيوبخارست امس متابعه ضد تشيلسي محور بنصف فريق ولانرجع رادوي بما انه مختلف مع العين
في المحور كريري وبجانبه اجنبي يجمع في الادوار الدفاعيه والهجوميه يمسكون لنا النص
قلب دفاع صلب اسيوي في الخلف صاحب طوول
الاعب السعودي مايمكن نعتمد عليه نحتاج مع نيفيز لاعب اخر جناح يحرر نيفيز
ويقلق الانديه الي تواجهنا منها يتحرر نيفيز ويصير مساند لراس الحربه على طول

كلنا نتذكر أيام هلال جيرتس كنا نعطي الفرق الصغار والمتوسطه با الخمسة لماذا؟
لانه كان لديه الشجاعه ويلعب معاهم بمحور واحد وثنين صناع لعب في المنتصف كان نيفيز ومعه الفريدي او الشلهوب .
ما كان أحد يجراء يهاجمك من الفرق الصغيرة بس يبون يقللون الخسائر.

إقتباس الرسالة الأصلية كتبت بواسطة بالثمنيات صانع اللعب المتحرك والمزعج هو اللاعب البرازيلي اللي راح يقابل الهلال فريقه في الادوار التمهيديه في بطولة آسيا مع نادي أهلي دبي واللي تعبت من كثر ما أنادي بالتعاقد معه وهو اللاعب سياااو وراح تشوفونه كلكم مره ثانيه وتتمنون لو تعاقد معه الهلال بأي ثمن وأتمنى سامي يخطفه قبل ما تبدأ بطولة آسيا ويتعاقد معه في الفتره الشتويه .. وإن كان ليلة العيد تبين من عصاريها ولن يتعاقد الهلال معه بس على الأقل نحلم والحلم حق مشروع لكل انسان ...

اتفق معك في هذا اللاعب سياو لاعب يحتاجه الهلال مع نيفيز بس مايصلح لأدارتنا اللي تحب الرخيص