|
قصة زوج وزوجته المدرسة وبالاخير قصيدة رهيبة اتنمى تعجبكم [ALIGN=CENTER] قبل كل شيء السلام عليكم ولأني من زمان عنكم حبيت ابدأ بالقصة الزينة ماطول عليكم هذي الله يحييكم ويسلمكم ويخليكم لعين ترجيكم قصه زوج وزوجته كانوا عايشين في قمه الرومانسيه والحب وكانت الزوجه مدرسه وراتبها زين (مع الإعتذار لجميع الإخوة ممن زوجاتهم مدرسات) . وهذا الزوج جاء يوم من الايام وهو طفران .. ماهنا زود دراهم الله يخلف وحصل زوجته توها مستلمه المعاش و هو اللي ينبسط و يوم طلعت من البيت . نقز للدرج اللي فيه الدراهم .. والقط سبعه الاف ريال فقط لا غير المهم درت زوجته .. وازعلي واطلعي لبيت اهلها ونادت اخوها وتمردس ببطنه وماخلى فيه عرق صاحي والله لا يوريكم .. لكن الزوج بعد ماصحى وصحصح و استصح قال هالقصيده اللي كلها شجن وعاطفه بعد ما هجرته زوجته بدون عوده اتمنى تنال اعجابكم و لكم تحياتي لي زوجة حبه يتــل المعــاليق عرسي عليها العام باول شباطي من روحته والزاد بالبيت ماذيق ولا اميز العلم القوي والخراطي بياض وجهه من بياض الغرانيق وخدودها ياخوي مثل الطمــاطي والصدر يزهابه عذاب العشاشيق والردف زامي فوقة الخصر واطي ومدرسه مع زين كل التخاليق وزود على هذا تعـرف الخياطي وجابت رويتبها وصفـقت تصفيق تسـعة الاف كلهن بالمــغاطي وصكت عليه بغرفته بالصناديق وغطت على صندوقهن بالبساطي وديتها تشري قدور واباريق وانا انطلقت للبيت يم الشناطي واخذت سبعة الاف معهن تلاحيق وخليت انا الف وخمس معهن افراطي عرفت وقالت عندك اليوم ماليق واللة لوتربط برجلي ارباطي وانا عرفت اني توهقت توهيق يااللة يارب اتهديـن الصراطي وقالت لخوها كل شي بتوثيق وجاني حلال القوم راع النشاطي ثمن ضربني ضربة تييبس الـريق وقام وفرشني فرشتة للــسماطي وقام يتوطاني بليا ترافيق و! يرجد علي ويمسحن بالبلاطي وا وجس بصدري عقب ضربه حشاريق قمت اتنفس عقبها من اباطي لي تسعة ايام وانا بي تشاهيق عجزت اسولف كن فيني اصقاطي براسي صعارير اسواة الزرانيق ومضارب بالبطن مثل المقاطي ولا ضاق صدري قمت اجمع طوابيق و الى توسع قمت اجمع قــواطي انا احمد اللة بدّل الضوق بالضيق والهم من راسي نزل للمواطي وسلامتكم [/ALIGN] |
ما شاء الله عليه وصف زوجته من خلال القصيدة المزيونة |
مشكوووووووووووووور يعطيك الف عافيه |
تسلم أخوى على ها السالفه مع القصيدة اللى طبطبة على رأس الزوج أسمحلى أقول يا كثر اللى يخون زوجته من ناحية الرويتب ( الدراهم ) مساكين الزوجات أحيانا تكون الثقه عميا ولا فيه رجاجيل عقب ما تجمع المسيكينه الرواتب على شأن تشترى فيلا أو اى مشروعتخطط له يقوم تخيمان وينهب الفلوس ويعرس عليها بااللة هذا رجل ؟؟؟ لا أريد الأطاله ولكن من كثر ما نسمع يشيب الرأس شيب تحياتى لك أخوى |
مشكووووووووووووووورووووووووووووووون على الردود الجميلة |
مشكور . ووتسلم والله . |
مشكووووووووووور الله يعطييييك العافيه............. |
ررررررررررائعه جدا مشكوووووووور وتسلم يديك اخوووووووووووي جرررريح الشمال |
مشكور .. ويستاهل ماحصل له !! |
صح لسانك....... .بس والله انها خاينه هذا جزاته موديها السوق.؟؟؟؟؟ ومشكور اخوي. |
مشكووووووووووور الله يعطييييك العافيه والله يعينه... |
الفلوس تروح وتجي .. لكن الحب صعب يروح ويجي !! |
إقتباس:
|
مشكووووووووووووووورووووووووووووووون على الردود الجميلة |
| الوقت المعتمد في المنتدى بتوقيت جرينتش +3.
الوقت الان » 05:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd