|
ي المسلّم وينك من زمان؟ زبدة الموضوع تحت في آخر 3 سطور. للي ماله خلق يقرأ كل شيء بغض النظر عن مستوى الهلال في موقعة الديربي. لكن لولا وجود يحيى المسلم لأختلفت الأمور. هدف السهلاوي في الدقيقة السابعه أنهى المباراة.. وكان يحيى المسلم هو نجم الهدف. الهدف اعطى النصر الثقة وبالجانب الآخر أربك لاعبين الزعيم.. خطأ جدا فادح من المدافع يحيى المسلم. اسم على مسمى. المسلّم سلّم المباراة للنصر. ولولا ولوج هدف نصراوي في الدقيقة السابعه لما رأينا النصر بهذا المستوى. وربما كان الفوز من نصيب الهلال. تمنيت وجود المرشدي المتهالك. عالأقل ما يخطي هالخطأ ويسلم المباراة على طبق من ذهب للنصر. والحارس المستهتر السديري لا يمكن أن ينقذ الفريق أو يكون سبب في فوز الفريق.. لا اعلم ما سبب وجود الخبير فايز السبيعي في الدكة؟ عالأقل يلعب بكل روح زي ما شفناه في مباراة الاتفاق. و كلي ثقة بأن المدرب سامي الجابر سيستفيد من الخسارة ويصحح أخطاء اللاعبين. وقد يغير بعضهم. حل مؤقت ( زبدة الموضوع ) : الحافظ بديل ليحيى المسلم.. لو يلعب الحافظ مارح يكون اسوأ من المسلم وراح يستفيد كثير بحكم صغرة في السن. وقد يثبت نفسه ويحل لنا مشكلة الدفاع. ويجني ثمار احترافة في البرتغال. السبيعي لازم لازم لازم يكون الحارس الاساسي في الهلال إلى أن تنتهي فترة توقف خالد شراحيلي.. أتمنى ان توافقوني الرأي وأتمنى أن ينتبه سامي من هالنقاط ويصححها. ويارب يا كريم وفق الزعيم فوق كل أرض وتحت كل سماء. |
لاتقسون عليهم كل لاعب يخطي المشكله الاستمرار علي لاعبيين نفس الخطاء لايتعلم اللاعب والمدرب مصر علي اشراكه |
إقتباس:
والله وانا اخوك السديري صبرنا عليه وااااااااجد لكن لا حياة لمن تنادي لكن بإذن الله سامي يتدارك الامور ويشرك السبيعي خصوصا ان مباريات الهلال القادمة ليست قوية ومو مشكلة لو يغير في التشكيل شوي |
السديري مجامل من سامي الجابر للمعلومية : سامي الجابر هو من طلب بالتوقيع مع فايز السبيعي ومع عبدالله الحافظ وه هذا مايلعبهم ما ادري ليش هل هو تدمير لههم او هييياط اعلامي من سامي انن وقعنا مع لاعبين . |
إقتباس:
سامي مدرب كبير وفاهم لكن يحتاج يغير في الخطه عشان اللاعبين يحسون بأن مراكزهم ماهي مضمونه واللي ما يقدم مستوى مصيره الدكه... وايضا عشان يحسسهم ان الفريق يعاني |
المسلم تعامل مع الكرة وكأنة يلعب في نزهة برية مع الشلة ولو عندك حارس صح كان تدخل بقضبتة وابعد الكرة قبل أن تصل للمسلم الزبدة أن الدفاع ما عاد دفاع والمرمى بليا حارس |
وينهم وين اللي كانوا يبون المسلم ودبلوا كبودنا هنا المسلم المسلم يا ناس صدقوني المسلم ولا شي وما لعب الا بسبب قرققكم هنا |
|
اطالب بالمرشدي والحافظ بدال الكوري والمسلم كذا راح نطمئن ولو بقليل .. |
قبل فترة كان جماهير الهلال يطالبون بتنسيق المرشدي ولا يمر يوم إلا وتلقى موضوع نازل عن المرشدي والزوري وضرورة إبعادهم وووو... رضخ سامي لمطالباتكم وغير الزوري والمرشدي وحط المسلم لي كنتوا تطالبون به،، وش سوا المسلم !!! الحين رجعتوا تطالبون بعودة المرشدي.. الحين قلبتوا الموجة على السديري ولازم يتغير السديري ويجي واحد مدرعم يطالب بتنسيقه وبيع عقده وووو بعد فترة بترجعون تطالبون بعودة السديري مادري وش يبي الجمهور بالضبط؟؟!!! صحيح هناك أخطاء دفاعية قاتلة في المبارة ولكن لماذا التركير على الدفاع... شفتوا كيف المدافع يضطر انه يرجع الكورة للحارس كذا مرة في مباراة النصر الأخيرة.. وش السبب برايكم؟؟ لأن الوسط والأطراف ماقامو بدورهم في صنع المساحات وطلب الكورة.. حتى لو شات المدافع الكورة قدام مايلقى الضغط الكافي من لعيبة الوسط لاستلام الكورة وتوزيعها بالشكل السليم الفريق كان سيئ بالكامل والسبب نفسي والله العالم ... ماشفنا الحماس والرغبة العارمة بالفوز اللعيبة كانوا يؤدون أدوارهم فقط بدون أي حماس هناك أخطاء وهذه لابد منها وكم شفنا لعيبة عالميين أخطأوا أخطاء كلفت فرقهم بطولات موب ثلاث نقاط فقط ولاشفنا هالهجوم الشرس من جماهيرهم. بالله ياشباب النقد يكون بناء. طالبوا مثل ماتبون بس بدون تجريح واللي يرحم والديكم. سامي والهلال بشكل عام يحتاج وقفتكم ودعمكم في الفترة الحالية.. يكفيه مواجهة الهجوم القذر من الإعلام المضاد والقنوات الصفراء والإعلاميين المقهورين من الهلال واسطورتهم سامي. ترى هذا يؤثر على المدرب وعطاء اللاعبين فما بالكم لو شاركهم جماهير الهلال في اللي قاعد يصير صدقوني إذا بقيتوا كذا راح تشوفو الهلال في انحدار وتلقونه يقاتل على المركز الخامس والسادس في الدوري ونصير نكتة للنصراويين لسنين طويلة... النصر صبر سنييييين ولاخذلوه جماهيره والحين بدأ النصر يتعافى ويرجع لقوته. والهلال قاعد يحقق إنجازات وبطولات ولاتمر سنة إلا وهو محقق بطولة على أقل تقدير وفوق هذا مافيه شي يرضينا!! سامي مشروع مدرب ناجح بإذن الله وراح يثبت لكم ذلك بس المطلوب من الجماهير الهلالية أنها تقف بجانبه وجانب فريقها في الأحزان قبل الأفراح. الله يوفق هلالنا في المباريات القادمة |
عبدالله الحافظ جايبه من اوروبا وحاطه احتياط من كان اساسيا في منتخبنا والهلال اسامه هوساوي ذهب لاوروبا ووضع احتياط الاحتياط يعني ثالث لاعب ومن كان يلعب اساسيا في اوروبا عبدالله الحافظ لدينا يكون ثالث لاعب؟؟؟ عجبي من المخطيء نحن ام الاوروبيين |
ما احترامي لبعض المشجعين هنا ما عندكم سالفه تقولون وتعيدون في حلقه مفرغه مره تطالبون نشيل لاعب ومره رجعوه ومره ليه سامي وليه الاعب فلان ما يسوي سبب نزول مستوى لعيبه الهلال انتم يا جمهوره نعم انتم يا جمهور الهلال تنتقدون وتجرحون وتطالبون بأزاله لاعب واحضار لاعب وكلها قناعات من قبلكم سببتو مشاكل للمدرب سامي بدل ما تساندونه وتساعدونه على الشد من ازر الفريق واللعيبه شكرا لك تقبل مروري |
الحافظ يلعب مكان الكوري مو المسلم اتمنى انا ان يعطى الدعيع فرصه بدل الكوري على صغر سنه افضل من هالكوري الفاشل بعدين أي مستوى اللي تتكلم عنه قدمه النصر الهلال على مستواه السيئ ما قدر النصر يلعب هجمه صح كلها ثنتين كور طويله وهدايا من الحارس الهلال استحوذ ع الكوره وع التسديد بفارق كبير الامور راح تتعدل ان شاءالله يعطيك العافيه |
سبحان الله عندما كان المرشدي يخطي ويخطي طالبتو بالمسلم وعندما اخطى المسلم طالبتو بعودة المرشدي !!! فمن فعل ذلك الارتباك هو انت واشكالك نعم تنتقد اللاعبين وتجرح بهم على اخطائهم وتريد ان لا يكونو تحت الضغط النفسي .اتحداك اذا فيه لاعب مايخطي ...نعم انا معك مع من يكرر الخطى فهاذا لا حل له ولاكن مانريده الان الى زرع الثقه للعبننا وتشجيعهم ونسيان مامضى ولسنا في اخر المطاف فلا زال امامنا الكثر لكي نثبت وجودنا |
ع العنوانهههههههههههههههه من أين لنا هذا المسلم !!!!! ابحثوا عن صفقات الماضي ستجدون : أبناء الدعيع، عبدالله الشريدة ، ياسر القحطاني، سليمان الرشدي ووووو ودنا بصفقات من هذا العيار الثقيل( ماني ناسي الشمراني ) لكن بيدنا أسماء كثيرة في متناول اليد بقوة المال منهم ( كريري وثنائي الحراسة الثنيان والرويلي حارس العروبة ). |
| الوقت المعتمد في المنتدى بتوقيت جرينتش +3.
الوقت الان » 03:45 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd