بصراحه كفيت ووفيت واثلجت صدورنا

خصوصا لما تطرقت عليه بالفتره الشتويه

اقسم بلله 3 سنوات والهلال يعاني والجمهور يحضر ويقدم كل مالديه

ولكن للاسف حتى وان فزنا نفوز ويدنا على قلوبنا

اي هجمه فينا احسها قول

الهلال فقد هويته بكل امانه ماهي هوية الفريق البطل

امام الاهلي كان سيء + الرائد + الاتحاد بالشوط الاول + التعاون + نجران + واخيرا النصر

بصراحه اسوأ انطلاقه للهلال حتى وان كان بالمركز الثاني

الهلال لم يهزم بالجوله الاولى مرتين منذ زمن

لن نسمح بالتلاعب بتاريخ الهلال خصوصا واننا لا نملك الاعب المحلي المتمكن لا بالمحور ولا بالدفاع ولا بالهجوم

ناصر لاعب متمكن ولكن ادواره فقط بالتسجيل لا يساند ويضيع العديد من الفرص

وش اقول وش اخلي ما اقول غير آآآآخ بس

يجب على الاداره ان تكون شفافه مع الجمهور وتوضح لنا الامور وما سيحدث من تطورات في الهلال

ويجب ان نعرف مصير الاجانب وخصوصا الكوري وكاستلو

إقتباس الرسالة الأصلية كتبت بواسطة YaSeR Bin FaiSaL ما قصرت اخوي تركي ولا هنت.. انا اوافقك تقريبا فكل ما قلت الا في نقطة المحاور.. هرماش ممتاز بالهجوم والدفاع المشكله عندنا مو بالوسط ولا بالهجوم والدليل ان زعيمنا اقوى هجوم بالدوري.. المشكله عندنا بخط الدفاع والحراسه ،، متى ما انحلت هاذي المشكله الهلال راح يكون في قمته وان شاء الله ما راح ينقصه شي.. الكل شاهد المباراة والكل شاف ان النصر كان يلعب على الكرات الطويله خلف المدافعين استغلال بطئهم وسرعة السهلاوي والراهب .. طبعا حارسنا الله بالخير كل مباراة لازم فلم فلمين ولا ما ينبسط .. نبي دفاع وحارس قوي مثل وسطنا وهوجومنا .. جايبين فايز السبيعي عشان السديري يعلب اساسي ؟؟؟ اوكي السديري صغير وقاعد يتعلم بس تبيه يتعلم خله يكون احتياط كم مباراة لين يثبت نفسه من جديد وبعدها لكل حادث حديث .. دمتم بود،،،

اقوى هجوم بالدوري اجل ؟؟

قلي وش سويت قدام نجران ؟

قدام الاهلي ؟

قدام الرائد ؟

قدام التعاون ؟

مو كل الفرق ترا تلعب معاهم بالسرعه تسجل ؟

فريقنا بالهجوم ضعيف الى متووسط .. قفل على نيفيز راح فيها الهلال

تبينا نقولها بالمختصر كذا قلناها

لابد اجنبي بالامام يكون مهاجم او مساند لنفيز مثل ويلي

إقتباس الرسالة الأصلية كتبت بواسطة الهاديو تتمة القول لا نُريد هلال جريتيس و لا أي هلال أخر .. نريد أن نقول بعد زمن قريب : هلال سـامي !!

الهلال يحتاج فقط الى محور دفاعي من طينة عزيز او رادوي ومنح الفرصة للسبيعي في الحراسة وعودة الشهراني للجهة اليسرى والبيشي لليمنى والحافظ بجانب المسلم تدريجيا . اعتقد سيعود الهلال لبريقة .

كلام من ذهب

لافض فوك

وانا مثلك عندي احساس ان هلال سامي سيعود قريب

تحياتي

يعطيك العافيه اخوي وانا اوافقك تماما ماشاء الله عليك كفيتت ووفيت
وثقوا تماما ان سامي استفاد من الاخطاء وراح يعالجها باذن الله
بالتوفيق للملكي

بسم الله الرحمن الرحيم

كلامك صحيح إن الهلال فقد قوته بالوسط لكن الحين الهلال قوته على الاطراف يعني انت تشوف الموسم هذا إن التبديل اللي يصير بالشوط الثاني ويلعب الهلال بالشلهوب والدوسري ويطلع العابد و سالم الدوسري يكون الرتم بطي وما يفيد الهلال كثير,

المشكلة عندنا في المحور في البداية وقلوب الدفاع والحارس يعني المرتدة على الهلال خطيرة وتكون في أغلب المبارايات أهداف على الهلال أتمنى تكون الانتقالات الشتوية تصحيح للاوضاع وجلب أجانبي مكان كاستلو وقلب غير هوان , عادل هرماش اشوف انه يبقى لان في الموسم اللي راح طلع هرماش وجانا جوستافو .ويجيبون لاعبين محلين مثل كريري ويصًعدون أكثر من لاعب من الاولمبي .

وأهم شيء السديري ( أخذ فرصته بما فيه الكفاية وحرام باقي نشوف حتى بالأحتياط )
فايز السبيعي يستأهل فرصة .

الله عليك كفيت ووفيت بالفعل يجب للخطأ أن يُتدارك لعشقنا لـ هذا الكيان ولإهتمامنا بـ أحد أبناءه المُحبين ودعماً له

كلام رائع يحتاج التوقف عنده كثير
اثق تماما ان المحاور الهلالية
هرماش صانع لعب ولايقوم بأي دور دفاعي
كاستيلو متعالي ويخشى الاصابة ستزداد حالة الخوف عنده في الدور الثاني مع اقتراب
نهائيات كأس العالم
الدفاع بسبب ضعف المحاور يجد نفسه في مأزق بسبب سوء عمل المحاور
اعتقد الهلال بحاجة لمحور دفاعي بمستوى عالي جدا والفرج يقوم بأفضل من هرماش
والحارس اقل م مستوى الزعيم على الاقل بسبب صغر سنه
الشهراني يعود لليسار والبيشي افضل في اليمين اللاعب الاجنبي الوحيد الذي يستحق البقاء نيفيز
هرماش جيد في مركزه لكن الفرج افضل كاستيلو لايقوم بدور فاعل في مركزه وبطيء
اشكرك مجددا
دمت بالف خير

يا سامي المحور المحور المحور المحور المحور المحور ثم الدفاع حل عاجل وغربله سريعه ليعود هلالنا

ياخي انت من الاخر فنااااان

تسلم يمينك وعز الله ما قصرت



الله يصلح الحال



يارب وفق الزعيم ~

من زمن عنك وعن كتابتك انت مبدع لا تغييب
فمنتدى الهلال بحاجة كتاااب ورجال كفو انا متابعه لك بتويتر واتشرف طبعا
نرجع للموضوع انت قلت 95بالميه من كلام جمهور عااشق ولخصته كلامك يمثلني
😍😍😍والذيب ساامي نثق به لحد الكبرياء الله يوفقه مع زعيمنا لحصد البطولات💙💙💙💙💙💙💙

السلام عليكم ورحمة الله وبركاته جميعا

سعدت بكلامكم المقنع والصحيح والملموس على أرض الواقع لكن في اعتقادي أنه هناك فرصه بالتعاقد مع محور محلي قياااادي في ناديه وهو اللاعب كريري ومن ثم التفكير في أحد الاستغناء على أحد محوري الإرتكاز (( هرماش أو كاستيلو) مع أنني أرشح ذهاب هرماش وكاستيلو لاعب منتخب بلاده ويميل للدفاع عكس اللاعب هرماش خصوصا في الثلاث مباريات الأخيره في بعض الهجمات نرى مساندة كاستيلو لمنطقة الدفاع وان كان يعاب عليه البطء في بعض الأوقات إلا انني أرى انه لاعب جيد جداً ويجب إعطاء الفرصه على الاقل لنهاية الموسم واتوقع نجاحه .
تخيل : عزيزي الكريم.
بمنطقة محور الإرتكاز ((( كريري ــ كاستيلو ))) اعتقد انه امر جيد على حسب نظرتي المتواضعه والشخصيه تبقى صناعة اللعب ممتازة جدا مع اللاعب الخطير تياقو نيفز اما الأطراف الزج بالعابد في بداية اللقاءات خصوصا انه لاعب مستواه ضعيف جدا في الفترة الأخيره اعتقد ان مكانه ينادي للاعب زيزو لمراجعة حساباته اقصد اللاعب نواف العابد اما اللاعب سالم لاعب صغير موهوب فنان يجب توجيهه فقط والزج به أساسياً


منطقة الدفاع بالنسبه لياسر الشهراني ياسر لاعب مبدع وفنان بالجهة اليسرى والاستمرار في وضعه بالجهة اليمنى أكبر غلط ويجب إعادته للمركز الاساسي المحبب لهذا اللاعب واللاعب الفرج لايصلح أن يكون بصفه دائمة من الجهة اليسرى وأن يكون لاعب ظهير أيسر في معظم الأحيان واللعب به في مركزه بمنطقة المحور أفضل بكثير من إختراعات لاتجدي نفعا ً مع فلسفة بعض المدربين انا عندي لاعب ((( جوكر))) فكيف ألعب بلاعب وهو لايجدي نفعا بالخانة المتواجد فيها الاعب
بالنسبة للسناتر الكوري يظهر قليلا في بعض الأوقات ولكن جاره بمنطقة السنتر ضعيف جدا فكيف لايكون سيئا وهي لاتوجد لغة التفاهم بينه وبين جاره المسلم يتوجب على سامي عدم مجاملة لاعب على حساب الكيان والحافظ استقطبته لأجل ماذا ! من اجل تدعيم صفوف الأولمبي أو الفريق الأول . وأخيرا بالنسبه للحارس الاخ السديري من الموسم الفائت وهو لاينفع للفريق واعطي الفرصة كاملة وفي اعتقادي جلب الحارس التعاوني فهد الثنيان اصبح امر ملح للغاية في ظل استحقاقات الفريق القادمة بأسيا وغيرها من الاستحقاقات .
ونقطة مهمة جدا في السنوات الفائته كنا نرى تصعيد لاعبين متميزين من الفريق الأولمبي ولكن هذه الظاهره اختفت تماما ..لماذا! معقوله لايوجد لاعب صاعد متميز بالأولمبي
اتمنى لي ولكم التوفيق والسداد ًوأن يكون الفريق فريقاً ملازما لمنصات التتويج العالمية والمحلية



شكرا لكم جميعا

والله العظيم كلامك عين الصواب خصوصا
عن يوسف السالم وعن الدفاع والمحاور
فعلا هلالنا هيبته مو مثل قبل فعلا يا سامي لم يظهر الهلال بعد
تكفى واتمنى واطلب من الله التعديل ومعالجة الامور

لن نسمح بالتلاعب بتاريخ الهلال خصوصا واننا لا نملك الاعب المحلي المتمكن بالمحوروحيث يوجد لاعب المحورالمميز بجامعة الملك سعود يسئل عنه المدربين عبد العزيز الخالد وهذال ومدربه الحالي هاني انور والاستفاده من خدماته وعاجل