|
السبب الرئيسي في الخساره هم الدفاع والحارس الغبي الي مايستفيد من اخطائه والسبب الثاني سامي الحين العابد من بداية الموسم وهو ماعندك احد امس يالله يمشي بالملعب والي قاهرني اكثر معطينه الكابتنية والله مايدري وين الله حاطه الشلهوب المفروض من بداية الشوط الثاني لاكن مو معناته اننا نهاجم سامي والمشكله بسامي يجامل الاعبين الي يخطؤون والعذر كرة القدم لابد ان ترتكب الاخطاء فيها ماقلنا شي بس مهو تستمر على الاخطاء المباراة القادمه يجب اللعب بفايز السبيعي وتغيير الدفاع ماعدا الشهراني معنه ماكان بيومه امس لاكن اخطائه قليله واتمنى اننا مانزيد الحمل على سامي بس هذي المباراة الي مالعبنا فيها صح لابد من دعم سامي ختاما بالتوفيق لزعيم في المباراة القادمه |
الهلال أمس كان ماشاء الله في مستواه كان ممتاز بالمقلوب وأفضل واحد كان المسلم إلي طير علينا الصدارة كل ماجاته كورة ماشاء الله يرد للحارس حسسني إنه أول مرة يلعب والسديري كل ساعة وثاني خارج منطقة الجزاء بس الحمد لله أمس بكل شفافية النصر كان منظم .... ولعب بثلاث محاور لتعتطيل وسط الهلال ولهذا السبب خسرنا المباراة ولا كان الهلال ظهر بمستوى جيد رغم تكتيك النصر الجيد هو الذي أطاح بنا ........ لاتقولوا اللعيبة هم ماهم في الفورما ماقدموا شئ لو لا الله ثم تكتيك المدرب لاكان فزنا ....... |
ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟ التنظيم الدفاعي سىء ومهزوز. ومستحيل يتنظم وخلفهم حارس مثل السديري والهدف الاول حتى لاعب في براعم الهلال كان تعامل بشكل الجيد مع الكوره على كل الاحوال افضل من تعامل المسلم .. سرعة بناء الهجمه بطي جداً هذا اذا كان فيه هجمه ابتدت من الدفاع ف ما شهدناه كان ضغط من النصر على قلبي الدفاع اول باول وعدم ترك الهجمه تبداء من الخلف للهلال ... والتبديلات فيه ماكان صح وفيه ماكان لم يوفق فيه ... ماهي أبرز السلبيات والإيجابيات التي دونتها على أداء الفريق خلال المباراة ..؟ الارتباك الواضح من الحراسه الى الهجوم وهذا يعود الى ضغط النصر على قلبي الدفاع ...اقفال المناطق بشكل جميل من الامام .. ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟ ومن اللاعب الذي ترى أنه لم يقدم المستوى المأمول ؟ تقييمي لاداء لاعبي الهلال فيه ناس ماقصرو . وفيه ناس ماكانو في يومهم نجم المباراة ناصر الشمراني ..واللاعب الذي لم يقدم المستوى الحارس عبدالله السديري وانا لا الومه حارس صغير .. ماهي رؤيتك الخاصه عن المباراة (( مساحة حره للعضو ))؟ مباراة جميلة تكتيكيه من الطراز الاول غلب على اداء النصر الروح القتاليه وحب الانتصار وهذا يعود الى القائد النصروي حسين عبدالغني في بداية المباراه حسين عبدالغني يطلب شرحيلي بالهدوء عندما حاول الاستعجل ومجارات الهلال ..والنتيجه صفر صفر فالقائد كان موجود في النصر ولم يكن موجود في الهلال مع احترامي للعابد ولكن فرق الخبره ... الهلال لم يستطيع ايجاد حلول لطريقت النصر وهي الضغط على حامل الكوره في نص ملعب الهلال بين قلبي الدفاع وهذي حلها بصيط ... ولكن لم يوفق الهلال في ايجاد الحل كان من المفترض في مثل هذي الحاله دخول الاظهره في المنتصف ونزول محور الارتكاز بين قلبي الدفاع وايقاف المحور الثاني في المنتصف ..وبناء الهجمه بشكل مريح الا اذا نزل المحور وتم الضغط عليه فسوف تكون مساحه في منتصف ملعب الخصم ..ولكن قلبي الدفاع مهزوزين وينقصهم عدم التوقيت للكوره مثل الهدف الاول للنصروهذي حلها بصيط وحده من ثنتين اما ان تاخذ الكوره قبل ان تنزل واذا نزلت فعليك التحضين ووضع المهاجم في ظهرك بالشكل الجيد وليس السباق على الكوره ... الهلال ما كان في يومه واشكر ناصر الشمراني على الهدف اعطاء الكوره نيفيز واكمل الهجمه ووضع الهدف .... كان يجب اشراك عبدالعزيز الدوسري وسحب احد المحور والعب بمحور واحد تغير ياسر لم يكن موفق والشلهوب كان تغيير جيد ولكن كان بالامكان افضل مما كان واشراك عبدالعزيز... السديري يجب ان يتغير فايز السبيعي سىء مثل السديري لكن السديري مايتعلم من اخطأة ... وهذا احد امرين اما مايشوف اخطأة بعد المباراة واما مدرب الحراس مفلس ولا عنده اي شي يقدمه ف الحارس يعود في نفس الاخطاء وهي الخروج دون مبرر من المرمى ..كل التوفيق للهلال ان شاء الله |
[QUOTE=الدوﻻر;21578734]هل كﻻمك كﻻم هﻻلي ام كﻻم مندس خﻻص واضح يامندس الحين انت من عشان تتكلم عن ابن مساعد ﻻ وكمان تقول اوﻻد مساعد وووش هالوقاحه فيك انت تتكلم قاعد عن رموووووز الهﻻل الناس هذي هي الي موقفه الهﻻل من جيوبها لاحظت تاريخ تسجيلك في المنتدى والبون الشاسع بيني وبينك أما رئيس الهلال لم أتكلم عنه ولكن قرار تدريب سامي للهلال قرار ثنائي واقصد هنا الأميرين عبد الله وعبد الرحمن وبسبب الدعم المادي منهما اجبر البقية على الموافقة أجبارا أما من أنا أنا محب للهلال عاصرت بطولاته ومبارياته في الصائغ والملز والصبان وساحة إسلام شجعته قبل أن يصبح زعيما للأندية سامي مازال وسيضل نجمي الأول كلاعب أما تدريبه للهلال مجازفة أتمنى ألا نتحسر عليها الهلال كيان لا نختزله في لاعب حتى وان كان نجم كبير كسامي |
السديري .. OUT حرام يمثل الهلال .. لاعب لايمكن يطوّر مستواه .. متردد .. انهزامي .. غير واثق .. امكانياته عادية .. ولا يهون المسلّم .. أحد يعيد الكوره بهالطريقة . عموما الفريق سيء ككل عدا ( الفرج - الشهراني ) وبدرجة أقل نيفيز وناصر ..! كنا متفائلين بسامي .. وسالم والعابد .. بس ماااااش ..!! أنا عندي سؤال ؟ مالفائدة من استقطاب فايز السبيعي ويوسف السالم ؟؟؟ |
الله يعطيكم العافيه وهاردلك للجميع أنا من وجهة نظري هذا المستوى من بداية الموسم لم يكن الهلال هو الهلال فهناك اخطاء واضحه الجميع بامكانه معرفتها دون ان يكون لديه الخبره فالحراسه كم لنا ونحن نقول هذا الحارس ضعيف لايرضي طموحنا كمشجعين مع العلم اننا نحن نقف معه في جميع الاوقات الا انه كل مره يرجع والاخطاء هي هيا لاتطوير في المستوى ولا تصحيح في الاخطاء الارتباك الخوف عدم الثقة والدفاع ما أدري كيف اصفه هل هو يعرف ان مابعده الا الحارس وان فيه مهاجمين عنده بكل امانه لم يكن دفاعنا كما هو مأمول منه فيجب النظر فيه ويجب النظر في مستوى كاستيلو الذي يجب أن يكون خارج أسوار النادي وذلك لعدم معرفة مركزه لاننا نحتاج صخره في المحاور يعرف وين يتمركز ويعرف كيف يركض لاني أشوف كاستيلو ثقيل ولايتمركز صح مع العلم ان هالمكان لازم يكون فيه واحد يساعد المدافعين ويكون حلقة الوصل معهم ومع الوسط وبخصوص الوسط لم يكونوا في يومهم من ناحية العابد فهو غائب لفترة ليست بالقصيرة يجب النظر فيه ومناقشته من قبل الكوتش سامي ومعرفة أسباب نزول مستواه والهجوم لاغبار عليهم ومن ناحية أسوأ لاعب في المباراة فكان قلوب الدفاع والحارس والمحور والافضل كان هو سلمان الفرج مع تمنياتي لزعيمنا بالتوفيق وهي مجرد ثلاث نقاط لكن الاهم هو التصحيح |
ياشباب ما في فريق في العالم ما ينهزم .......والدوري طويل وصاحب النفس الأطول هو اللي يحقق الدوري ... السديري لازم يراجع نفسه ....... وإعطاء فايز السبيعي فرصة ...الكوري طول وقته معصب ومع المباريات سار ما عنده شي يقدمه للفريق كبر السن وبطيء....وكاستيلو مهما كان مميز مع منتخب بلاده الى الان لم يثبت نفسه مع الفريق .....وعادل هرماش من وجهة نظري مكانه في المحور الدفاعي افضل.....اما نصيحتي لباقي الفريق اللي هما صغار في السن لازم يحترموا شعار الفريق ولازم تكون روح الهلال موجودة ولازم يحسوا بالمسؤولية تجاه الجماهير اللي حضرت ....وشي مهم اتمنى من الشباب تلافي تلقي الكروت الصفراء من دون حاجة . |
// ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟ التنظيم الدفاعي كان سيء ولم يوفق في استخلاص العديد من الكور اضف الى ذلك نجاح لاعبين النصر بلعب الكره الطويله خلف المدافعي والاستفاده من المسافه الكبيره مابين حارس المرمى وخط الدفاع ,,,بناء الهجمة الهلاليه كان بطيء لحد ما ويعيب على خط الدفاع ارجاع الكوره المتكرر لحارس المرمى مما احرج الحارس واربكه في العديد من الكرات ,, الكابتن سامي كان موفق لحد كبير بالتبديلات مما ادى الى تسجيل هدف التعادل بعد دخول ياسر القحطاني حيث تحرر نيفيز وناصر . // ماهي أبرز السلبيات والإيجابيات التي دونتها على أداء الفريق خلال المباراة ..؟ ##- السلبيات : *اخطاء الدفاع المتكررة في كل مباراة يلعبها الفريق مما يمسح مجهود الفريق . **ايضاَ اخطاء الحارس المتكرره وخروجه من مرماه بطريقه غير محسوبه . ***هبوط مستوى بعض اللاعبين بدون ذكر اسماء . الإيجابيات : *لم تكن الايجابيات كثيره في هذه المباراة او بالاصح لايوجد . // ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟ ومن اللاعب الذي ترى أنه لم يقدم المستوى المأمول ؟ تقييمي للاعبين بشكل عام 7 من 10 ,, اعتقد ان افضل لاعب من فريق الهلال هو نيفيز ومن النصر ابراهيم غالب ,, واللاعب اللذي لم يكن في يومه عبدالله السديري . // ماهي رؤيتك الخاصه عن المباراة (( مساحة حره للعضو ))؟ المباراة كانت جيدة ومثيره في كثير من فتراتها , الهدف المبكر اللذي احرزه النصر يعتبر هو نقطة تحول في المباراة , مدرب النصر اجاد التعامل مع المباراة , اصرار الكابتن سامي على اشراك السديري مع تكرار اخطائه يعتبر نقطة سلبيه على المدرب , اتمنى عدم التجريح في حق اللاعبين فهم بشر يخطئون ويصيبون , اتمنى من الجمهور الكريم الوقوف مع الفريق ونسيان مباراة النصر فهي من الماضي , الوقوف مع الفريق مطلب لكل عاشق لهذا الكيان ودمتم بخير ...:rose: |
تحية طيبة هاردلكم يازعماء . خسارة مباراة . صحيح انها من المنافسة لكن اذا تبعها تعديل وتصحيح فهي خيرة لنا . سامي يجب ان يراجع نفسه بالتكتيك او الاسلوب اللي منتهجه . يجب احضار قلب دفاع صخرة مثل اسامة المولد . يجب احضار محور متمكن مثل سعود كريري . يجب ترجيع ياسر الشهراني ظهر ايسر . الهرماش و كاستيلو لا ينفعون الهلال . ويجب ابدالهم بمن هو افضل منهم . الكوري عالة علينا . طوال المباراة كان يبحث عن الكرت الاحمر على كل كورة يشترك فيها . ويضرب بدون كرة . الهرماش ضايع طوال المباراة . العابد يجب ان يقف وان يحاسب على هبوط مستواه . يجب التصحيح قبل اسيا . وبالتوفيق لزعيمنا |
فشيله اول مره اشوف مدرب يبدل الاطراف كلهم وبعدين دفاع خرخاره وحارس نكبه تغير كامل الدفاع والحارس او مع سلامه ياسامي بان المتخبي |
قدر الله وماشاء فعل بالنسبه للاسئلة :- السناتر مضروبين ويحيى المسلم رجال نقدره وعلى العين والراس لكن ماشوف انه لاعب يستاهل التي شيرت اللي هو لابسه. السديري من زمان ملحوظ عليه انه يفتقد للثقه بالنفس وعليه قرارات دايم خاطئه وانا اشوف السبيعي هو الحارس الامثل. اللي ضيعنا النص كان تعبان والنصر ماسك مواقعه بشكل منظم وماقدر الازرق يلعب براحه وارتداد الهجمه واللعب يعتبر بطيئ لحد كبير بمباراة امس عقب المبارايات اللي قبل. سامي اشوف خطأه بانزال الشلهوب ماضاف اي شي لو كان عزوز الدوسري اصرف. وعالعموم هي راحت والله يعوضنا خير |
السلام عيكم يازعماء ابيكم ترجون قبل 3 مواسم تذكرون يوم يقوول الامير عبدالرحمن بن مساعد مافي لاعيب يستاهل نشتريه لعيبه الهلال هم الافضل في دوري سعوديه راح اقووله مخلافات الانديه فازو عليك بدون محترفين راح فلوس رعايه موبايلي ع اسوء اجانب والله لو اشترا نص لعيبه الانديه ثانيه مثل يحي شهري او غالب او اي لعب كان حقق دوري وابطال اسياء لاجديد مع عبدالرحمن بن مساعد خلاص طفشنا من الامير عبدالرحمن بن مساعد ياالربع هو رجل مثالي واخلاقه عاليه بس برياضه صفر ع شمال اخطاء متكرره |
بصراحة اسوء نباراة شفتهاللزعيم امس وكأنهم خايفين او اول مرة يلعبون ضد النصر عجزوا عن فك الدفاع النصراوي ياسادة المشكلة الوحيد التي تؤرق الهلال هي ضعف خط الدفاع وخاصة منطقة قلب الدفاع ولاننسى ضعف الحراسة |
بسم الله الرحمن الرحيم السلام عليكم ورحمة الله وبركاته اشكر جميع محبين الهلال الذين سبقوني بارائهم اولا قدر الله وماشاءفعل والحمدلله ع كل حال ثانيا نتكلم عن المباراة النصر لعب بطريقة الضغط ع حامل الكره وانتهز اخطائنا الدفاعيه يوجد لدينا دكة بدلاء مميزه اضافة على الاساسين ولكن الخلل في تطبيق الخطه كماينبغي اعتذر من الحارس عبدالله السديري ولكن اتمنى ان يبتعد عن الحراسه بشكل نهائي لانه وللاسف لايمت لحراسة المرمى باي صله قلة خبرة يحيى ال مسلم للاسف سببت الهدف الاول وجود المرشدي في الاحتياط احباط للاعب وحتى لولعب راح ترجع اخطائه لانه بعد ماكسب الثقه من جديد اعاده المدرب سامي لدكة البدلاء المحاور للاسف تباعد كلي بينهم وبين المدافعين ودون ادنى فاعليه في الهجوم سلمان الفرج لايلام لان الهلال من دمر موهبته محور وصانع العاب ولاعب طرف وظهير كيف يتأقلم مع كل هذا !!!! ياسر الشهراني ع الطرف الايسر افضل من يمثل الهلال قلب الدفاع الكوري سيء جدا وعصبي وقد يخرج من كل مباراة في اي لحظه بكرت احمر نيفيز لايلام لان النصر لعب بثلاث محاور واجاد في الضغط ع حامل الكره نواف العابد كالمؤشر مباراة متميز ومباراة للاسف هبوط رهيب في المستوى مهما قلنا اعتقد الخلل واضح ومجاملة السديري هي اكثر ملاحظه مالفائده من التعاقد مع السبيعي ّ!!! اتمنى ان يركز سامي الجابر وماضاع شيء باقي 16 جوله والدوري هلالي باذن الله اعتذر عن عدم ترتيب الحوار وبالتوفيق للزعيم |
* الهلال لم يكن في يومه ولم يوفق والدفاع لم يكن متجانس خصوصا في منطقة قلب الدفاع * يحيى المسلم مركزه الأصلي ظهير أيسر مع الرائد ثم قلب دفاع بعد إعتزال فارس العمري * خسارة الهلال يتحملها السديري 100 % أتــــمنى من المدرب سامي إعطاء الفرصه لفهد الشمري أو فايز السبيعي ( |
فيه لاعب أتمناه حسن معاذ أووووف لو يجي لنا ظهير يمين وياسر الشهراني ظهير يسار 3> قلوب الدفاع نتمنى قلبي دفاع أجانب بأي سعر ولو تكون ضربة حتى تنحل المشكلة الخطوط الباقية كلها تمام ماتحتاج أي تغيير عدا المحور لو جاء كريري بيكون عال عال |
الى متى ياكابتن سااااااااامي ؟ انت تقول ان الهلال يعاني من مشاكل ... والدوري الاول يقرب على نهاية ولا جديد نفس الاهداف تتكرر في كل مبارة الى متى . |
السلام عليكم احبتي: الحمد لله على كل حال... وخسارة 3 نقاط لاتعني خسارة الدوري خطئين من حارس المرمى(الخروج من خط السته دون لازم) والسديري بطل وصدقوني لوتعالج بس النقطه هذي بيكون افضل حارس . تعبت وانا اكتب هذي النقطه وكررتها بكذا موضوع بس ما احد يقرئ كتاباتي .. والهلال قادر على الرجوع بقووة ... والدوري نفسه طويل |
بسم الله الرحمن الرحيم الحمدالله على كل حال مبروك للنصر هاردلك للهلال و الجايات افضل انشاء الله يا زعماء أولاً التشكيله ماهي عدله عبدالله الحافظ المفروض يكون موجود في بداية الموسم وفي التشكيله ،و فايز السبيعي المفروض يكون موجود ،و الشلهوب المفروض يكون موجود، و سلطان البيشي المفروض يكون ضهير بدال سلمان الفرج والزوري صحيح ان الزوري مالعب المباراه لكن سلطان قدراته الدفاعيه في مركز الضهير ممتازه،، سلمان الفرج كويس لاكن لمن يلعب ضهير ماعنده قدرات دفاعيه ما عنده الا هجوميه و بالتالي انا اشوف لو سلمان يكون وسط بدال كاستيلو افضل لأن كاستيلو ما ستفدنا منه في المباراه لو سلمان وسط في الباراه كان ضغط على الاعبين. وهذا اللي ابي اقوله.،،،، واحب أقول أيضاً اصبروا يا زعماء على سامي لأن مو معقوله. يجي مدرب يبدع على طول و بالتالي اصبرو على سامي وانا راضي على سامي مهما يصير |
هاردلك لكل الهلاليين ..ونضع ايدينا في ايدي اللاعبين ويد سامي والجهاز الفني ..ونقولهم : الفرصة مازالت موجوده لاخذ الدوري وايضا رد الاعتبار من النصر ..المهم هو البطولات .. ولهذا يجب ان نكون اكثر صراحه الان لكي نعدل الاخطاء ونكون اكثر تحمل في النضر في نقاط ضعفنا ... الهلال يلعب بمصيدة تسلل .. ويلعب بدفاع مهزوز ..وبحارس مهزوز وبمحاور وان كانو في نظر البعض جيدين الا انهم ليسو محاور يصلون الى الرضا المقنع بالنسبة لي .... اي كره مقطوعه مشكله على الهلال هناك ضعف هائل لشك فيه ...(والكوري ) متوتر ومرتبك وبهذا يزيد توتر زملاءه الآخرين ... والحارس الذي حقيقة يتحمل الكثير من المسئولية في الاهداف في مباريات عديده لكن لا ننتبه له ....وسبق ونبهت عنه .... كاستيلو فيه تراخي كما انه لايجيد صناعة اللعب صناعة الهجمة الاولى ...كما ان المدافعين لايجيدون صناعة الهجمة الاولى والحارس ايضا معدومه هذه المهاره عنده .. تورط الهلال كثيرا في الشوط الاول بسبب هذا ... هرماش اصلا بطيء صحيح مكافح وجريء وثقه ومساند لكنه بطيء ..كما ان هرماش هذا الموسم مستواه هابط ..وتمريراته اكتشفت انها تصطبغ بطابع التمريرات المقرؤه ...فعنصر المفاجئه والحلول في التمرير عنده ضعيف جدا ... الهلال ينقصه محاور قتاليين ..كم تمنيت المغربي الذي لعب في الغرافة ( العساس ) هو دفاعي بحت ...صحيح ربما لايجيد صناعة اللعب لكن على الاقل حصلنا على موهبة دفاعية واضحه وليس كاستيلو ..؟ !! ...او هادي ابو هشهش في المحور ..او الجبرين ... والشيء الآخر ... هجوم الهلال الآن متواضع جدا ...ودفاع الهلال قوي ...لكن يعيبه الادوات ( اللاعبون ) وسيصبح بأذن الله تعالى اقوى واقوى مع ترميم المحور والدفاع بلاعبين آخرين ... يعني الهلال الآن مشكلته الكبيره في هجومه .. ليس هناك نهج واضح ... ورئينا هذا امام نجران والتعاون وودية الاتفاق رديف قطر حيث انه يصعب عليه الوصول والتسجيل ... عندما استطاع سامي يقوي الخطة الدفاعية ضعفت الخطة الهجومية ...كلام المحلليين ان النصر بقوة دفاعه والهلال بهجومه كان عباره عن تاريخ فقط ..وليس صحيحا الآن ... لكن يجب الآن على سامي واللاعبون النضر بشكل اكبر لمشكلة الخطة الهجومية يحتاج الهلال اذا افترضنا ان سامي يحتاج وقت طويل ليطور الوسط الهجومي ويحل الكثير من مشاكله المستعصية والكبيره حقا ..... عليه بلاعب وسط مايسترو قد يفك الكثير من الضعف ...انا لا اعتبر نفيز لاعب وسط انا اعتبره مهاجم ثالث او ثاني .... وقلت هذا اول الموسم ...واقترحت لاعب مايسترو وسط ..وقلت لم ارى افضل من كماتشو مهندس للوسط ... والهلال الآن بحاجه ماسه لكماتشو ..ليفك هذه الحيره في وسط الملعب الهلاللي التي تكررت في اكثر من مباراة .... كماتشو ميزته عقل مدبر للوسط ... عنده قدرات رائعة مثل صعوبة افتكاك الكره منه ..وقدرته على التسجيل المفاجىء ...وتمرير كرات متقنه وتحريك الفريق .. كما انه مخلص في اداءه داخل الملعب .. ويتحمل المسئولية في كل المباريات حتى الحساسة منها ولايرتبك ولا يتوتر ... ويدخل اتيا من الخلف ويسجل دائما ...قائد بحق . فرط فيه الشباب ..وهو بلاشك نادم الآن .؟.. الشلهوب قدر يكون حل جيد لحد ما لان فيه صفات قيادة الوسط ..لكن الشلهوب مستواه الآن ضعيف وتمريراته كثيرا مقطوعه ومع ذلك رغم ضعفه المذكور الا ان حالة وسط الهلال تستوجب اشراكه وقت اطول ...وارى ان جلب عبدالله المطيري لاعب الفيصلي سيقوم بدور الشلهوب يوم كان في اوج عطاءه بل ربما افضل( من ناحية التمريرات البينيه ) بحكم التمريرات الرائعة جدا التي يجيدها المطيري ... وبهذا ممكن ان نقول ان نصف مستوى كماتشو جاء ليحل الازمه ... كما ان مشكلة الوسط اذا اخذنا الامر بشكل عمومي على اي فريق في العالم هي ( التحرك من دون كره ) هذا بشكل عمومي لكن كيف وكم ؟؟؟؟ وهل تطبق التعاليم فعلا عملياً ؟؟؟ هذا ايضا مشكله لابد ان سامي يدركها جيدا اقصد التطبيق في المباراه ...لهذا تجدني احاول حل المشكلة من كذا اتجاه....لهذا فكرت بمهندس الوسط الموهوب الذي يسعف الوسط ان كان لا يؤدي ادواره ... او مغلقه عليه المداخل والمخارج ..او النهج التكتيكي لايناسب ...لانه هو من يقود الوسط ويحركه ... فكماتشو وعبدالله المطيري سيكونون دعامه كبيره جدا للهلال ... كما ان تغيير الدفاع الكوري خاصة وبعض المحاور مثل هادي ابو هشهش او الجبرين لاشك انهم اظافة ولو ان الامر يبدو صعباً على الاداره الهلالية لكن يجب التحرك ... |
مبروك للنصر وهاردلك للهلال الشي الاول ماخذ السبيعي ليه.... يشخص في الفريق كيف ي اخي السديري اغلب المباراة نكبه .... والشي الثاني الدفاع ي اخي دفاع الرائد احسن من دفاع الهلال امس المهم ... تونا في بداية المشوار باقي بدري يعني شدو حيلكم شوي من ناحية الدفاع ومن الحارس اماا سامي امس تغيراته مثل وجه حسين عبدالغني يجيب المرض... :s5s::naughty: ب التوفيق للهلال في الجايات ..:alzaeem: |
انتو من جدكم تتكلمون ترا سامي مايملك عصا سحريه وبعدين منو قال لكم انو الهلال البارح لعب مع الفقر ترا البارح لعبنا مع المنتخب محمد نور ,عبدالغني , الشهري ,جيزاوي, الراهب, ناقص بس وليد عبدالله ويصصير المنتخب وبعدين ترا اول مباراة لجريتس خساره قدام الفقر وسامي لابد ان يبتعد من المثاليه اذا يبغى يفوز التصريحات والمعسكرات ماسوت اي شيء واذا انا بعتب على احد راح اعتب على الاداره الفقر حاطين مكافأة 50 الف للفوز على الزعيم اما الزعيم ماحط اي جائزه تحمسهم انتو شفتو كيف لعبو يحرثون الملعب حرث عشان المكافأة انا لما يكون خصمي عنده شيء يحفزه للفوز مبلغ وقدره وانا مالي شيء راح العب بدون نفس مثل ماصار بالامس في الختام اتمنى هالاشخاص يجلسون على الدكه لين يكون عندهم دم هذيك الساعه يرجعون نواف العابد المسلم المرشدي افضضل منه بمليون مره سالم الدوسري السديري اسمح لي ماقدمت اي شي وفوق كل هذا تستفز الجمهور بخروجك من المرمى مثل اللي يقول 2 ماكفتني ابي زياده (خربانه خربانه) كاستيلو شطب هرماش شطب الكوري شطب |
بصراحة مشكلة الهلال في الحراسة والدفاع والمحاور يجب على المدرب سامي إجاد الحلول الجذرية المناسبة بأسرع وقت ممكن وكذلك يجب يتجدد في خططة قد اصبحت معروفة لدى جميع المدربين الخصوم أبوغــــــــــــــــــــــــــــــــــــــــــازي |
هارد لك الخسارة قدر الله ماشاء فعل نسطيع التعويض 1- تغيير الحارس الحالي عبدالله السديري وتأهيل الشمري او السبيعي او احضار بديل 2- عمل تكتيك خاص للدفاع بالتعاون مع المحاور 3- تغيير كامل المحاور واحضار صخرتين في الوسط 4- احضار ظهير ايسر أو ايمن محلي 5- تغيير نواف العابد ووضع سلمان الفرج او عبدالعزيز الدوسري الى ان يعود نواف لمستواه |
مع احترامي لسامي وتاريخه الهلال لايلعب بتكتيك الهلال يلعب بجتهادات نفيز وناصر الشمراني بس اصاب رمز الهلال الامير بندر بن محمد يوم قال بدري على سامي انه يدرب الهلال في الوقت الحالي لان تنقصه الخبره الكافيه ثانيا ي كوتش سامي اي شخص يتابع الكره يعرف ان السديري ما يصلح يصير حارس عماره كيف يصير حارس للزعيم |
الزعيم زعيم كبوة جواد وكل شيئ يرجع احسن من اول ..،....،، |
كلمة حق وبﻻ تهكم افضل من لعب هو نيفيز والشمراني بغى ينجلط من برود الوسط ليت التشكيله تتغربل اﻻحتياط احسن من اﻻساسي |
الحل بختصار ضخ اموال وجلب سعود كريري واسامة المولد والكسار وصدقوني النصر جلب الكثير من اللاعبين وهذي النتائج ولكم شكري وتحياتي |
المطلوب من المدرب سامي تصحيحة في الفريق 1- تغير الحارس واشرك فايز السبيعي . 2- اشراك عبدالله الحافظ و اصلاح اخطاء الدفاع . 3- اشرك ياسر الشهراني في الظهير الايسر و سلطان البيشي ظهير ايمن . 4- ارجع نواف العابد على الخط من اجل مراجعة حساباته . 5- التركيز على المحور الدفاعي واشراك محمد القرني لانه فعلا خليفة خميس العويران |
قناعات او مجاملات حظرت مبارة الهلال امام النصر وقطعت مسافة 900ك ... كنت متفائل بالفوز لكن للاسف سقط الدفاع الهلالي بسهوووووولة ..... وزاد اسفي بالتغييرات و التكتيك .... من ينظر في حال الهلال امس يحزن على حاله .. سلاح فوزا كان بالضغط على الاعبين طبقه النصر فقط .... تنظر للاعبين الهلال .. تمريرات مقطوعة .. ولا يوجد تفاهم بين اللاعبين ... و دفاع غير موجود في الخارطة و تغيير ( الشلهوب ) خطا حيث عبد العزيز كامكانيات حالية افضل حيث يلعب في الخانات الضيقة و يجيد التمرير و السرعة ..... (القحطاني )ادخاله دليل على ان سامي لا يقراء الفريق المقابل .. ضعف النصر الكرات العرضية .. جميع الاهداف من كرات عرضية ... ومفترض يدخل السالم ... سامي لابد من تغيير قناعاتك في الخطط ... و تلعب وفق مجريات المباريات .. والآن انت مع الفريق اكثر من 8 اشهر لم يتغير الدفاع و لم يتغير التكتيك عن 3 او 4 اساليب لعب لابد الفريق لديه الخيارات المتعددة .. و الدفاع يتغير طريقة لعبهم .. هذا تحليلي المتواضع .. و لا ننكر ان سامي الافضل من بعد جيرتس وسيصبح افضل مدربين الهلال .. متى ما حل مشكلة الدفاع . و القراءة السريعىه لمجريات اللعب .. و اللعب وفقها |
1- كاستلو+الكوري +السديري برااا 2-لازم اجانب بديل مثل رادوي 3-لازم كسار او الثنيان يجون مع الهلال حراس 4-العابد يبيله تأديب لانه شايف نفسه صكه في الاحتياط 5- يوسف السالم لازم يلعب موب ملطوع في الاحتياط 6-محور دفاعي لازم كريري الفرج ممتاز في الظهير لا تغير مكانه |
اهداء الفوز للنصر بسبب :alzaeem: السلام عليكم ورحمة الله وبركاته :- أولاً : الخسارة المباراة من النصر بسبب جميع الاعبين من الحرسة إلى الهجوم كان مافيه روح ولاتركيز وارتباك واضح وما نحمل المدرب كل شي اللاعببين ما طبقوا خطت المدرب رالتحرك والتمركز الصحيح . وبداية الدور الثاني لابد من التغيير في : 1- حراسة المرما 2- قلوب دفاع الثنين جديدين وأحضارمدافعين أقويا وحماس وتركيز مثل مدافع الرائد 3- النظر في المحاور والتكلم معهم والتنبيه لهم بالتغطيه الصحيحه وبذل مجهود أكثر 4- نواف العابد علامة استفهام على المستوي موقعه كرسي الحتياط والنظر فيه 5- الظهير البيشي وينه أو أحضار ظهير . والسلام عليكم |
هاردلك ي هلال الخساره ماتعني نهاية المشوار والدوري طويل واتمنى من الاداره تعطي فايز السبيعي حقه بالحراسه واتمنى جلب ظهير إيمن من ألاولمبي أو صالح القميزي لاعب الشباب ... وارجاع الشهراني لمكانه المعروف ( ظهير إيسر ) واتمنى الكابتنيه ماتجي العابد لانه ( يشوف نفسه ) وياليت بالانتقالات الشتويه يروح كاستيلو وجلب محور كلاعب الشباب فرناندو منقازو ومشكلة الدفاع من الحارس لانه مايتكلم مع الدفاع ومخليهم على راحتهم ... ومشكلة الهلال الحين ( الحراسه ثم الحراسه ) نتمنى اعطاء فهد الشمري او فايز السبيعي حراسة الزعيم .. وكل التوفيق في باقي المباريات ..... |
كل شي كان كوسي الا الحارس والدفاع المسلم نكبنا بهدف والسديري نكبنا بهدف والكوري نكبه ايضاء يجب تغيير الكوري وتعين مدافع خارج اسيا وتبديل المسلم با المرشدي والسديري بدل السبيعي وانا اضمن لكم الدوري واسيا ونسيان الحارس اذا امتلك احد لاعبينا الكره بعدم ترجيعها اليه وتغير ايضاء الفرج بدل الشهراني ومركز الشهراني الحالي تعيين فيه البيشي لازم نعطيه فرصه |
هاردلك يا زعماء وانا ارى ان الخسارة ماهي نهاية العالم والحمدلله ع كل شي المباراة كانت جميلة ولكن كان واضح الارتباك من لاعبين الهلال من بداية المباراة وعدم تفاهم خط الدفاع والحارس الوسط كان مقفلين عليه بشكل كبير وسامي اخطأ في تغييراته المفروض انه قرأها صح بالنسبة للحارس اللي قاهرني فيه انه ما يحب يجلس في مرماه مدري ليه والله مو في هذه المباراة في كل المباريات مدري هو عنده عقدة من المرمى والا ايش واللي قاهرني اكثر ان سامي واللاعبين ما يكلمونه بعد كل مباراة ان عندك وعندك وعندك اتمنى اعطاء فايز السبيعي فرصته الكاملة في المرمى والا جايبينه ليه كذا اسم بس بالنسبة للدفاع الصراحة الكوري ذا احس انه في حلبة مصارعة وليس بالملعب انا اتمنى النظر في الدفاع الحافظ لاعب ممتاز ولا بد العوده به الى الدفاع اما المسلم جاء من الموسم اللي راح وضيعه الهلال وهو حاطه بالدفاع لو انه جلس مع فريقه الاول احسن له لان بكل صراحة احنا نجيب لاعبين مؤثرين وممتازين ولكن للأسف نخليهم في الاحتياط الين ينزل مستواه السالم جبناه وحطينه بالاحتياط ليه زينة بس عشان نكوش ع اللاعبين بدون ما يستفاد منهم لا بد ان يكون هناك تنافس بين اللاعبين عشان كل لاعب يمسك مكانه ويكون هناك روح للاعب اما اني اعرف اني راح العب اساسي ولا في احد راح ينافسني ع مركزي اكيد اللاعب ما راح يلعب بالعكس يكون الوضع عادي اهم شي مستحقاتي المالية تنزل ع حسابي اتمنى بالتوفيق للزعيم ولا هي اول خسارة صح انه من المنافس التقليدي ولكن يمكن تكون هذه الهزيمة خير للهلال ونحن لا ندري |
1-هـرمــاش ثـم هــرمــاش ثــم هــرمــاش ... هو العله المزمنه... إحراج للدفاع( ولا مره استلم من الدفاع كوره عشان يبني هجمه) تعطيل للهجمات ( اذا فيه هجمه مرتده للهلال عطل اللعب ورجع الكوره للخلف) دولي ولايعرف ينظم الوسط . 2- سامي ..بعد ماتعبوا لاعبين النصر بدل تبديلات اراحت لاعبي النصر(مدرب النصر نزل لاعبين سريعين بعد تعب اللاعبين)وين عبدالعزيز الدوسري 3- السديري الكلام فيه ضايع واللي حطه بالهلال اشد منه ضياع |
رسالة الى سامي هل ترى فايز السبيعي ام ماذا ؟؟؟؟؟؟؟؟؟؟؟؟؟؟؟ |
رساله فقط لسامي .. كفى مجاملة للسديري السلام عليكم خوي سامي بعد التحية والاحترام اود منك يا خوي سامي ان اؤكد لك بانني قد علقت اكثر من مره في هذا الموقع وغيره من مواقع التواصل عن الاهداف التي وصلت الان الى ال (11) والتى ولجت مرمى الهلال بطرق سهله جدا وقلت حينها انه اذا كان المباراه فيها ثلاث هجمات اثنين منها اهداف فان الخلل ليس في الدفاع ولكن في الحراسه وكل مباريات الهلال كانت كل الاهداف تقريبا تأتي من اخطاء لا يرتكبه حراس ليسوا في دوري ركاء ولكن قد لا يرتكبونها من هم في دوري للحواري. وانا اتوقع ان الزج به هو ظلم له قبل ان يكون ظلم لكيان مثل الهلال. ولا زلت اقول ان الدفاع من وجه نظري لا يتحمل اكثر من 20 % من تلك الاهداف. ارجو ثم ارجو منك يا حبيبنا سامي انا تراجع كل الاهداف لترى الخلل جيدا كما ارجو كما يرجو كل عاشقي هذا الكيان ان لا نرى السديري وذلك بداية من مبارتنا القادمه ليكون اول خطوة للتصحيح .ووضعنا لازال ممتاز وامامنا وقت كبير للتدارك الاخطاء. ومن لا يعمل لا يخطيء. ودمتم |
ملعوب علينا ! والسبيعي اساسي في الجوله 11 مرححححححبا الدخل بالموضوع .. الهلال يهزم نفسه والسديري كارثه فعلا الهلال هزم نفسه والنصر استغل الاخطاء في الشوط الاول الهلال يلعب كثير على الخلف والسديري اكثر من الشمراني لمس للكوره !! الهلال يعتمد على نيفيز هو الدفاع والوسط والهجوم ! العابد كابتن !! ماذا قدم العابد لكي يحصل عليها اليس نيفيز احق منه كاستليو لاعب خشن ولم يظهر الا يومك ذا ؟ سامي يرى في السديري شي مانشوفه ! السبيعي احق منه بالحراسه ! ونقلا من الناقور فسامي اختار السبيعي اساسي وان شاءالله يثبت لنا انه الاحق انتقل لطرف الثاني النصر تكتيك ذكي من اداره النصر وهو غياب البرازليين تدرون ليه ! عشان ننسى اصابه العنزي وفعلا نسيناها :( النصر استغل ارتباك المدافعين وسجل هدفين النصر ماكان قوي الهلال المسيطر والمستحوذ والافضل في النهايه الف مبروك لنصر خساره الهلال كشفت لنا الكثير واتمنى من سامي تصحيحها والطريق طويل موضوعي كان سريع حسابي بتويتر : https://twitter.com/tu_h2 |
الهزيمه من النصر ستثبت تفوقنا..سامي كلنا معك..السديري مالك وجود بينا بسم الله الرحمن الرحيم السلام عليكم ورحمه الله وبركاته وبعد هاردلكم يازعماء الهزيمه الغير متوقعه والتي اتت بدون اي مستوى يذكر وهزيمتنا ستكون بمثابه اثبات التفوق الهلال في قادم الأيام ومباراه امس صدقوني لن تمر مرور الكرام لدى مدربنا الأسطوره سامي الجابر فهو اكثر شخص يهمه نجاح الهلال ولن يسكت او يقف متفرج وسترون افعاله قريبا من غربله ستتم خلال فتره الأنتقالات القادمه واتمنى من جميع الزعماء عدم الأكتراث للمباراه فهي من الماضي وكلها ثلاث نقاط ذهبت وستجلب لنا بطوله الدوري والبطولات الأخرى كلنا طالبنا بابعاد الحارس عبدالله السديري ويحيى المسلم عن الفريق وانا معكم في ابعادهم ولن يبقوا معنا وسيرحلون قريبا عن النادي بأذن الله وايضا اطالب بأبعاد الكوري وكاستيلو وهرماش والتعاقد مع كريري وقلبي دفاع اجانب من طراز عالي فنحن نريد ان نلعب بمحور واحد محور دفاعي واثنان مهاجمين وكريري افضل من يستطيع اغلاق منطقه المحور وحده فقط وايضا اتمنى اعطاء فهد الشمري الفرصه كامله اذا لم يتم التعاقد مع حارس الرائد الكسار هذي مطالبي للكوتش سامي وصدقوني سيطبقها قريبا ثانيا: كلنا رأينا افعال رئيس النصر فيصل بن تركي ولن اقول الأمير لأن الأمير امير بأفعاله وحبه للناس ومافعله رئيسهم من دفعه للشلهوب والتلفظ على سامي ينم عن حقد دفين بقلبه وحقد لايمتلكه قلب شخص مسؤول ومن هذا المنبراعلن وقوفي مع مدربنا ولاعبينا بكل قوه |
عندما يكون لديك حارس مرمى متمكن وشجاع ستجد دفاع قادر على تطوير نفسه وتصحيح اخطاءه والتاريخ القريب لدفاع الهلال يؤكد ان هذا المركز تناوب عليه الكثير من الاسماء ربما اقل امكانيات من الاسماء الموجوده لكنهم لم يكونو مشكله لا تجد حل كما يحدث الآن مع السديري العنزي حارس النصر لايقارن بعملاق آسيا الاسطوره(الدعيع) ومع ذلك خلق الفارق بجميع مباريات النصر باستثناء مباراه الاتفاق 2/2 هاردلك ازرقنا ومبروك لجارنا النصر المدرب القدير سامي الجابر نحن معك وثقتنا في قدراتك لاتتوقف على مباراه او حتى بطوله دوري تحياتي |
تــــــــــــــــــــــــــــــــــبــــــــــــــــــــــــــــــــــــــــــــــون الـــــــــــــــــــــــــــــصراحـــــــــــــــــة الهــــــــــــــــــــــلال لعــــــــــب مـــــــــــــبـــــــــــــــــــــــــبارة أمـــــــــــــــــس بـــــــــــــــدون (تـــــــــــــــــكــــــــــتيك) |
ااااه ياسامي المشكلة في دفاعات الهلال فقط عيدو المباراة دفاع جبااااان موعارف يخلص كرة سهلة |
السلام عليكم ورحمة الله وبركاته الهلال لعب بدون روح اضافة للطين بلّة الهفوات الدفاعية كل مبارات يستقبل المرمى الهلالي هدف او هدفين ؟! المحاور دورهم دفاعي ونراهم على الاطراف اغلب المباريات ؟! هبوط مستوى سالم الدوسري والعابد ؟! الحراسة السديري كمّل الناقص خروج غير موفق في كل مباراة ؟! |
الى من يحب الهلال فقط ....! [COLOR="red"]رساله من القلب لكل هلالي[COLOR="red"] الى كل من يعشق الهلال ..يعشق الهلال في جميع حالاته وليس في حاله الفوز فقط الى من يعشق الهلال بكل حواسه ويقف معه في حاله الخسارة قبل حاله الفوز خساره مباراه ليست نهايه المطاف فالدوري طويل وليست نهايه العالم فالهلال هو بطل الدوري ان شاء الله سوف نقف مع الهلال واثقين جدآ بنجومه ونحن معهم ومع الكوتش سامي ولن يمشي الهلال وحيدآ فنحن خلفه جمهور وفي خلف فريق بطل وسيظل بطلآ ومن لا يعرف الهلال فالهلال يظهر وقت المحن ونجومه تعشق التحدي # أتمناء من عشاق الهلال ان لا تقسو على الاعبين والأخطاء وارده في عالم كره القدم وهنا تكمن حلاوتها |
بكل تجرد وحيادية وروح رياضية ،،، مبروك للنصر وجماهرة وهاردلك لنا الخسارة السلام عليكم هاردلك لكل الزعماء الخسارة ... خسارة بطعم المر لان الهدف كان في اخر دقيقة ومن اخطاء لاعبينا ... ومبروك للنصر الفوز والثلاث نقاط. المهم والاهم يجب طي صفحة النصر واعتبار المباراة من الماضي مع الاستفادة منها في معالجة الأخطاء العديدة التي وقع فيها الكابتن سامي واللاعبين وحتى الإدارة. الدوري طويل وما راح يفوز فيه الا صاحب النفس الطويل والهلال من ابرز الاندية في هذا ... لذلك دوم الهلال منافس عتيد على الدوري من ابرز المرشحين لتحقيقة. النصر تتطور هذا الموسم ولكن ما توقع راح يحقق شي في هذا الموسم ...النصر فاز على الهلال لان مدرب النصر كان ذكي في المباراة ولعب على اخطاء الخط الخلفي للهلال والتي يعتبر اضعف الخطوط لحد الان ... لذلك على الكابتن سلمي مراجعة حساباتة والتركيز على هذا الخط في قادم الأيام وعنده فرصة في الانتقالات الشتوية لعمل الإضافة من خلال استقطاب دماء جديدة لتدعيم خطي الدفاع والمرمى اذا أراد ذلك وفقاً لقناعتة. التطور بالتوفيق لزعيم اسيا وكبيرها في بقية مباريات الدور الاول وان شاء الله نستعيد الصدارة قريباً. تقبلوا تحياتي عبدالله اليافعي سفيلد - بريطانيا |
سلامات ياجمهور الهلال وش صار لكم ؟!! خير ان شاء الله وش صار ؟!! الكل صار مفتي ومدرب وفني وعارف وش وذاا ياجمهور الهلال وش تغير وش حصل ؟ بين يوم وليله خلاص صار سامي كخه ؟!!! صار مايعرف يدرب ؟ صار مبتدئ؟ سلامات على هونكم بس ماتعودنا منكم على هالطفاقه وحدوا الله تراها مباراه وان خسرنا ماخسرنا بطوله انت يالمشجع الهلالي ماتمر عليك لحظات تحس فيها انك طفشت وتغير مزاجك ؟!! ترا الاعبين بشر مثلي مثلك يمكن مزاجهم زفت هاليله وابي اطلب منكم طلب بس ترجعون ل كلامكم قبل الديربي وش كان راح تعرفون انكم على خطاء وسلامتكم . |
المولد و كريري مطلب التعاقد معهم السلام عليكم هاردلك الخسارة المتوقعة في ضل المستوى السي و فترة التوقف المتكررة لكن هذا مايبرر مستى الدفاع النكبة صدقوني لو كان المرشدي و الزوري موجودين ماكان صار ذا الشي لكن مبارة مكتوبة ولابد لنا ان نرضى بالخسارة مثل مانرضي بالفوز وماهي نهاية مشوار والحمدلله علي كل حال بعدين استغرب من اللي يهاجمون سامي ترى سامي سنة اولي تدريب يعني ماراح احكم عليه حتى سنتين بالتدريب وهي طبعا قليلة المسلم طالبتوه بدل المرشدي وهاهو يبدع في الدفاع ارتباك زائد تمرير للحارس نكبة بكل ماتعنيه الكلمة ماني عارف كيف اتعاقدنا مع ذا الكوري بس الله يستر من القادم كاستيلو مايستحق ان يلعب مع الزعيم ذي 10 مبارة نواف العابد لازم يتركن احتياط وعنده الشلهوب و عزوز حلنا لابد نفعل هاشتاق ونطلب كريري والمولد كريري افضل بكثير من كاستيلو شوفو مستواه مع المنتخب بس حرام مانتعاقد معاه حل جذري للدفاع النكبة المولد لاحد يقول كبير في السن واصابته والله لو ناديه يقدر يعالجه كان عالجه في افضل مستشفى ولو جا للزعيم راح يتغير وراح تشوفن ابداع ومافي خوف ولا اهتزاز وقوة ولا الهدف الاول امس والله مايجي الا من الخبلان طيب تقولو ليش والحافظ وين راح راح اقلب المولد و الحافظ لازم يكونو في الدفاع منها كسب خبرة ودفاع متماسك اما كاستيلو و الكوري فمكانهم اوت اوت اوت ونستفيد من ان نجيب مدافع افريقي او برازيلي ونجيب معاهم لاعب العين عموري وسلامتكم |
ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟ -التنظيم الدفاعي فاشل بسبب تباطؤ اللاعبين وبرودتهم -يجب ان يحظرون مدافع بدل الكوري ومدافع محلي صلب ماهي أبرز السلبيات والإيجابيات التي دونتها على أداء الفريق خلال المباراة ..؟ -الحارس وكثرة اخطائه التي لا تعدل فيجب على المدرب ان يجعل الحارس فهد الشمري بديل له فهد حارس مبدع - تباطؤ الدفاع ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟ ومن اللاعب الذي ترى أنه لم يقدم المستوى المأمول ؟ نجم المباراة عادل هرماش الاعب الذي لم يكن في مستواه العابد\ ماهي رؤيتك الخاصه عن المباراة (( مساحة حره للعضو ))؟ الهلال في مستوى سيىء جدا فيجب على سامي ان يصحح اخطائة |
خط الظهر باكمله سيء ويا حسرتي على السديري السبيعي لا بد ان يلعب |
النصر " المحلي " , الهلال " العالمي " #تناقض ؟ #حرمان_الدوري_15_سنه_و_ما_يفعل النصر والصداره " المحليه " ! بعد خروج الهلال من اسيا قالوا بالتحديد الهلال " نادي محلي " ! سنوات عديده وهم يحاولون على البطولات " المحليه " و عندما تصدروا اعتبروا هذا " انجاز " < الحرمان و مايفعل ! الهلال بـ صدارة الدوري ؟ دوري جميل " ضعيف " ! النصر بـ صدارة الدوري ؟ دوري جميل " مثير وممتع " ! لماذا ؟ لانهم تعودوا دائماً في الصدارة " الهلال " وعندما احتل الصدارة نادي اخر قالوا " ممتع " الهلال انتصر ؟ دائماً وابداً " التحكيم " ! الهلال خسر ؟ لم يتكلمون عن " التحكيم " ابداً #ياساتر ! اخيراً : اذا خرج الهلال من اسيا قالوا فريق " محلي " وعندما تصدروا دوري جميل " المحلي " جن جنونهم #تناقض ! #حرماان_15_سنه :s3s::ap::s2: PIN:2ADC42BF @Ghrbh_ |
رسالة للكوتش (سامي) و(السديري) ^^ ** كلمه لذئب سامي .. لازالت انت محبوب جماهير الزعيم الاول والنجم الاسطوري السعودي الاول .. بتاريخك وانجازاتك .. وثقافتك وذكاءك المعتاد ... لكن ارجوا ان تحافظ على هذا الكنز ... بأختيارك للعناصر الافضل .. والتشكيل الافضل .. والخطط التكتيكيه المناسبه التي لا تخفى على مدرب مميز مثلك .. والشغل الاكبر على التهيئه النفسيه .. للاعبين الصغار اصحاب الخبره القليله .. لأن الجماهير مهما كان مستواى تفكيرها وعلى كافة الاصعدة ( عاطفيه .. عاطفيه.. عاطفيه..) تتأثر بنتائج الفريق سلبا وايجابا .. واحيانا تتنكر لكل عمل صحيح سابق .. بعد الهزيمه من منافس تقليدي.. وهذا حال جماهير العالم .. كلها .. ولا تلتفت لمكانة هذا النجم في المواقف السلبيه .. سواء كان رئيس او لاعب او مدرب .. بل تنظر لنتائج العمل ... احببتك وشجعتك وأعجبت بتفكيرك وذكائك .. واتمنى ان استمر على هذا الحب لك يا سام6 .. ولكن الهلال امانة .. وكيان حبه وتشجيعه فوق كل الاسامي والشخصيات .. ـــــــــــــــــــــــــــــــــــــــــــــــــــــــــــــــــــــــــــــــــــــ *************************************************** *** الى السديري مع احترامي لشخصك الكريم.. بالمختصر ,,, كل عيوب حراس كرة القدم فيك.. واقولها بتجرد وشفافيه .. (خواف ,, متردد,, توقيتك خاطئ دائما ,, لم ارى منك اي شئ يجعلك حارس الهلال الاول سوى الواسطه (والله اعلم) **** *** اخيرا .. (ذهب المرشدي والزوري .. وزادت اخطاء الدفاع بشكل اكبر .. ) اين المشكله ياجماهير الزعيم الصرحاء ..؟؟ :alzaeem::alzaeem: ياهلال يـبقى الفوز عنوان الابطال وانت الزعيم وعادتك دايم الفوز حرام تخسر وانت للمجد منزال والعز فيك من اول العهد مغرووز :alzaeem::alzaeem: |
بعد الخساره كل واحد يشرب كاسه شاهي وتعالو نتناقش بهدو وعقلانيه بسم الله الرحمن الرحيم السلام عليكم ورحمة الله وبركاته ي زعماء وزعيمات * اول شي هارد لكم الخساره ولازال الدوري طوويل * كثير من الجماهير الهلاليه بالمنتدى وخارج المنتدى اشوفهم حكمو على سامي الجابر انه مدرب فاشل (ومتدرب) واظن اللي يحكم على مدرب من 10 جولات هذا انسان الكوره بوادي وهوا بوادي ((خاصه اذا كان المدرب يقدم مستوا وسامي فاز بالخمسه والاربعه على الاتحاد والشباب وهذي مو اي مدرب يسويها)) * نعم سامي غلط في مباراة النصر بس ان شاءالله تكون هذي قرصة اذن ويحسن وضع القريق مع قدوم الانتقالات الشتويه * السديري مع احترامي الشديد له كشخص (( بس كلاعب حتى مع فريق حارتنا ماخليك تلعب )) كل الناس تتعلم من احطائها الا انت تزيد اخطاء * المسلم مااخس من المرشدي الا انت * سامي انت كابرت كثيرا بعدم اشراك السبيعي وهوا افضل من السديري بمليووووون مره * سامي انت كابرت بعدم اشراك الحافظ وهوا افضل من المسلم والمرشدي ... اقل شي عطيه فرصه يلعب * الشمراني اتمنى دعم هذا اللاعب اللي يقدمه للهلال شي كبير والجمهور اللي يقدمه لهذا اللاعب شي قليل جدا جدا جدا ,,, فهوا سجل قدام الاتحاد والاهلي والشباب والنصر ,, هوا يسجل ويصنع وبعلب بروح واصرار ولايحب الخساره ابدا ,, اتمنى دعمه من الامه الهلاليه * العابد وقعت العقد واخت فلوسك وسحبت على الفريق ... اتمنى من سامي سحب اشارة الكبتنيه من العابد ,,, انا اعرف الكابتن اللي يوجه فريقه ويتناقش مع الحكم ويكون فيادي في الملعب وشخصيته قوويه ,,, اما العابد زاد وزنه ونزل مستواه ويلعب مباراه كامله ومانشوفه بالملعب * مع كل الظروف الخاطئه اللي تصير من الكوتش سامي اتمنى ان ندعمه ونجي نهاية الموسم ونحاسبه على كل شي ,,, ي زعماء لاتعطون فرصه لجماهير الاصفرين والطحالب الهجوم على سامي فهذا مرادهم ,, سامي عنده شي كبير يقدمه للهلال ولكن يحتاج الدعم ,,, شفتو هجوم فيصل بن تركي عليه وهجوم جماهير الانديه الاخرى فلا تكونو مثلهم الدوري لسى طووويل ويستطيع الهلال تحقيقه ومافي شي صعب على الزعيم وعلى سامي * الكوره فوز وخساره واي فريق بالعالم لازم يخسر ,,, وان شاءالله تكون هذي الخساره خيره عشان تعدل اوضاع الفريق ** هذا مقطع للمعلق احمد الطيب وكلامه عن الهلال في مباراة يرشلونه امس http://youtu.be/ZpOOrfhWGrg |
لازم توصل للكوتش سامي بسم الله الرحمن الرحيم اول شي السلام عليكم .. انا حضرت مبارة الهلال والنصر وحرمت اني اروح مبارة ثانية للهلال الا اذا حسيت انه اللعيبة تحترق مثل مانحترق .. الحراسة :- انا اتمنا من الكوتش سامي ان يرجع الشمري وليس السبيعي لان السبيعي يناس والله اقل من مستوى السديري وانا شايف عليه اهداف كثيرة بغلطات بدائية وشوفو المباريات الاستعدادية بذا الموسم وبتعرفون ان السبيعي اقل من السديري اتمنى الشمري والله هذا كل ما اتيحت له الفرصة ابدع بس مدري ليش هو مظلوم كذا الدفاع:- يحيى المسلم قاضي يناس قاضي لا يستحق ان يرتدى فريق يحجم الهلال اتمنا الحافظ او المرشدي وهم ايضا ليس بمستوى الهلال لكن الى ان تأتي الانتقالات الشتويه المطلوب بالانتقالات الشتويه :- 1- التعاقد مع كريري لابد لابد واعارة كاستيلو وجلب جناح ايسر بديل للعابد ويكون بمستوى طيب الذكر ويليهامسون 2-التعاقد مع الجبرين واعارة هرماش وجلب مدافع صلب جدا او جلب اسامة المولد وابقاء هرماش يسامي لازم نتعاقد مع اسماء قوية نحن نريد اسيا نحن نريد فريق لايقهر مو فريق يخسر من الرائد فريق ب اي لحظة ممكن يسجل عليه هدف فريق 11 هدف في 9 مباريات !!!!! ايام كوزمين اخذنا الدوري وبشباكنا 7 اهداف وكان دفاعنا نامي هوساوي المرشدي الزوري لاكن كان هناك تنظيم دفاعي اتمنا اتمنا من سامي مراجعة امور الفريق والعابد هذا لازم تتكلم معه وتناظر سر المستوى الهزيل اين ايام العابد !! لازم زرع الروح باللعيبة مثل الشمراني يناس فيه 3 لعيبة لو تم اعطاءهم الفرصة راح يبدعون 1-عطيف اللي مكانه مثل هرماش 2-الظهير الايسر لل اولمبى لايحضرني اسمه 3- خالد الكعبي اتمنا ان تكون تشكيلة الهلال الشمري الشهراني اجنبي المولد اسيوي كريري الجبرين (عطيف , الفرج) اجنبي سريع ومهاري نيفيز سالم الشمراني (ياسر , السالم ) اللي بيقول غيرت جلد الفريق بقوله اللي الحين لا فيه تناغم ولا احس ب انهم فريق قادر على جلب اسيا او المنافسة ولا احد من المحترفين غير نيفيز المتاقلم اتمنا ان تكون هذي تشكيلة الهلال :smilie47: |
رب ضارة نافعة يامعشر الزعماء السلام عليكم و رحمة الله و بركاته الحمدلله على كل حال وكل شيئ مكتوب و مقدر و هارلدلنا يا زعماء آسيا خسرنا 3 نقاط دورية و هي ليست نهاية المطاف و لكن اتمنى مناقشة الاسباب من وجهة نظريالشخصية الاسباب هي كالآتي: 1- فترة التوقف اثرت على الفريق و في انخفاض مستوى فريقنا الهلالي ككل. 2- الدفاع الهلالي للاسف كان فيه ارتباك واضح و ايضا التباطؤ الي يرفع الضغط في تخليص الكرات. 3- الدفاع بالغ في المحافظة على الكرة 4- عدم وجود ضغط على حامل الكرة من لاعبين خط الوسط 5- غياب تام لاجنحة الفريق ( كابتن سالم و كابتن نواف) 6- النصر نجح في عزل المايسترو تياقو في وسط الملعب و عندما تحرر تياقو صنع هدف الهلال 7- مركز الحراسة بقيادة الداهية السديري. والله انا ما ادري وش الي يدور في ذهن هالحارس. خروج خاطيء و تشتيت للكرة خاطئ و تمرير الكرة ايضا خاطئ 8- المحاور للاسف لم نشاهدهم طيلة المباراة، عبارة عن اشباح في الملعب. 9- الكابتن نواف العابد عليه اكثر من علامة استفهام و المفترض وضعه في الاحتياط لمراجعة نفسه. ولله الحمد استقطبت الادارة الكابتن فايز السبيعي و الكابتن عبدالله الحافظ و الكابتن عبدالله عطيف. اتمنى ان نشاهدهم بدلا من السديري و المسلم و كاستيلو في قادم الايام. اتمنى ايضا ان يتم استقطاب قلب دفاع بدلا من الكوري هوان لانه سريع النرفزة و خشيت ان ينطرد في الشوط الثاني لقيامه بحركات كادت ان تعصف بدفاعاتنا اكثر و اكثر. اتمنى مشاركة الكابتن عبدالله الحافظ مع الفريق الاول و الكابتن عبدالله عطيف بدلا من الكوري كاستلو و احضار جناح ايسر اجنبي مثل ويلهامسون اذا ما استمر العابد على هذه المستويات و لان البديل الكابتن الشلهوب لا يستطيع لعب مباراة كاملة برتم واحد هارد لنا خسارة الثلاث نقاط و لعل اسباب هذه الهزيمة تجعل من الكوتش سامي ينتبه لنقاط الضعف و تكون هذه نقطة التحول للامام باذن الله اتمنى ان ارى ردودكم و مشاركاتم الهادفة و السلام خير ختام |
عبدالله الحافظ وين اختفي؟ السلام عليكم ورحمة الله وبركاته: انا بس حاب اعرف وين الحافظ؟؟ الكل يتكلم عن الدفاع الهلالي ومشكلة اللي تكاد تكون معظله! اتوقع انه لازم احلال في الدفاع والحراسه فلا بد من اقحام السبيعي والبيشي والحافظ وتحويل الشهراني لدفاع الايسر والمشكله الاكبر ان المدرب يكابر الايام الماضيه عدا المباراه الاخيرة مع النصر اتمني من الجابر عدم المكابرره فهي ليس لمصلحة الفريق الكل يعرف ان الجابر يكابر بااخطاء الدفاع المتفكك. والكل ايضا يدرك ان المقصود من المكابره هي غرز الثقه في الدفاع ولكن لم تنفع حتي الان!! علي العموم يبدو ان الجابر ادرك الموضوع في اخر مباراة واعترف في مشكلة الدفاع وهذا الامر قد يكون بداية التصحيح |
سقوط الهلال يسقط الاقنعه وليد الفراج مثال خرج لنا اليوم وليد الفراج بحله نصراويه فاقعة الصفار وهو يحاول التغطية على ما قام به رئيس النصر من تصرفات صبيانيه وبعيده عن الاخلاق والروح الرياضية وبدأ يضحك ويستغبي الناس على اساس هو الوحيد الفاهم ويزعم ان رئيس النصر عندما كان يشير باصبعه لم يكن يشير الى سامي رغم ان رئيس النصر نفسه اعترف بانه كان يشير ويتحدث اليه ثم بدأ يهون مما فعله رئيس النصر مع محمد الشلهوب من فعل يدل على انحطاط صاحبه ويبسط الموضوع وانه سلم عليه وكاننا عميان ولم يتطرق لا من قريب ولا من بعيد لما صدر من حسين عبد الغني من شتائم سمعها القاصي والداني يبدو ان فرحة الفوز على زعيم اسيا انستهم الاخلاق والمهنيه وما يدعونه من حياديه شكرا يا سامي فقد فضحتهم حتى وانت تخسر |
السلام عليكم صبحكم الله بالخير ... تمنيت هـ المواضيع تكون مطروحه من قبل عشان جمهور الهلال يبدي رايه الفني مابعد كل مباراه .... بالنسبه لي انا أقول التوفيق بيد الله سبحانه اولا واخيرا والهلال بكل صراحه لم يظهر بربع مستواه المعهود عنه في المباريات السابقه ... وانا حللت هـ الاشياء لعدة اسباب ... السبب الاول أن الفريق لم يهيء التهيئة النفسيه الصحيحه وشفنا الارتباك الواضح طوال فترات المباراهه ... السبب الثاني ضعف منطقة الدفاع والحراسه وخصوصا وأتمنى من الاداره بما أن فترة الانتقالات الشتويه على الابواب انها تبحث عن بديل للكوري اللذي اتضح انه ضعيف في ارتداد الهجمات على مرمى الهلال بالاضافه للمدافعين السعوديين الموجودين في قائمة الفريق أتمنى تغير جذري لخطوط الدفاع وانا اقصد المسلم + الكوري + المرشدي + الزوري..... السبب الثالث أن مدرب النصر قرأ المباراه جيدا ولو ترجعون لشريط المباراه وتناظرون الشوط الثاني خصوصا بعد تغيير نواف العابد واشراك اللاعب محمد الشلهوب قام المدير الفني لنادي النصر بأشراك يحيى الشهري ... لأنه عارف ان محمد الشلهوب ضعيف في المنطقه الخلفيه .... والسبب الرابع هو عدم خبرة الكأبتن سامي الجابر في المجال التدريبي ابو عبدالله يبيله وقت على شان نحكم عليه واتمنى م احد يقسى عليه بهـ الفترهه نبي نسانده ونوقف بصفه ... والسبب الخامس هو تغيير سالم الدوسري اللي كان الفريق بحاجه لاختراقاته في الجناح الايمن المفروض بدل نواف العابد مايشرك محمد الشلهوب يشرك يوسف السالم ... ويخرج عادل هرماش اللي كان تايهه طول المباراه ويشرك محمد الشلهوب ... ونتذكر ايام كالدرون كان يشترك محمد الشلهوب في مركز عادل هرماش وكان ناجح بهـ المركز خصوصا ان محمد الشلهوب عنده اللعب باللمسه الواحده الي يقدر من خلالها الفريق فك اشتباكات الدفاع للخصم .... وبهـ الطريقه وبهـ التغييرات يتحرر كل من تياقو نيفيز وناصر الشمراني ... انا اشوف الكابتن سامي الجابر يخاف من المغامرهه في اكثر الاحيان ... ي كابتن سامي الخساره بواحد مثل الخساره بعشره ... المفروض حررت لاعبين الوسط من الرقابه باشراك الشلهوب لانه مهاري بدل من هرماش ... وانا مع الكابتن سامي باخراج نواف العابد لاكن المفروض بدل نواف العابد يوسف السالم لتمكن الاخير من الكرات الهوائيه وتحرير ناصر الشمراني من الرقابه والابقاء على سالم الدوسري الي كان مشغل الجه اليسرى بالاضافه بالتعاون مع الشهراني ولو تلاحظون ان ياسر الشهراني بعد تغيير سالم الدوسري ماشفناه يتقدم كثير وكان الفريق بحاجه لهـ الشي لان الكابتن سامي اخرج العنصر النشط الي هو سالم الدوسري ...... امنيه من الكابتن سامي الجابر .... السديري هذا مافيه حارس غيرهـ ؟؟؟؟؟؟؟ ومشكور اخوي على الموضوع اللي اكثر من رائع |
لقد هرمنا وتعبنا ونحن صابرين على هذا السديري الى متى !! بالمختصر كل مشاكل الهلال في هذا الحراس وهنا تتأكد المقولة الحاااارس نصف الفريق. |
هاردلك للزعماء بأعتقادي ان الهلال بحاجة لقلبي دفاع اجنبي متمكن يجعل لاعبي الوسط والهجوم والحارس والجماهير والمدرب في راحة كاملة هذا بختصار |
| الوقت المعتمد في المنتدى بتوقيت جرينتش +3.
الوقت الان » 07:32 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd