السلام عليكم ورحمة الله وبركاته

صباح/مساء الخيرااااات
كالعاده في صلب الموضوع

انا رأيت انتقادات كبيره جداا على الحارس المبدع عبدالله السديري
يكفيكم انه قاد الحراسه الهلاليه في كاس ولي العهد
وقادنا في اسيا الى ربع النهائي

محمد الدعيع وقفنا معه من البدايه وهو افضل حارس في اسيا الى الان
خالد شراحيلي وقفنا مع البدايه وهو الان الحارس الاول في الهلال
وان شاء الله بعد توقفه يعود لنا
وعبدالله السديري صغير في العمر وعنده الكثير من العطاءات
لازم نقف معه ونسانده
لكي يكون في المستقبل الحارس الاول في السعوديه بأذن الله

مو كل ما اخطأ انتقدناه وحطمنا معنوياته ويروح مستواه
وبعدين ما أحد يستفيد لا الهلال و لا اللاعب نفسه


ابي منكم كجماهير للملكي وانا أولكم

اننا نقف معاه لكي يستفيد الهلال و يستفيد اللاعب نفسه

ومشكورين

الوقوف مع الهلال وجميع منسوبيه مطلوب وهم يستحقون اقل لاعب في احتياط الهلال افضل من كثير من اساسيي انديه اخرى
وابو عبدالله اعجبني في ضمه البريك والدعيع والمرشدي والفضل والكعبي صحيح صغار بالسن لكن مطلب لتقوية الجهه اليمنى
واتمنى ان يكون الواكد والصالح وابو ملحه للحراسه والبقعاوي ومشعل الحوطي للظهير الايمن والعمار للظهير الايسر والزعاق لقلب الدفاع وسلطان الفرحان وفلاته والنجعي للمحور والقحطاني والقطام لصناعة اللعب والعلي للوسط الايمن والمنيع والسواط والجمعان للهجوم مشاركين بالدرجه الاعلى وذلك لاستمرارية نجومية لاعبي الهلال والتدرج بمشاركتهم في الفريق الاول .
اليوم وارجوا المعذره يؤكد لي صديق اهلاوي ويقسم ان لديه معلومات مؤكده بتقديم عرض كبير لوكيل ياسر وشبه اتفاق ؟ بغض النظر عن صحته من عدمه ما اريد توضيحه وشلون يقول الاهلاويون انهم لا يزايدون وهم من اغراء هوساوي لانه من الهلال ومن ترك الجيزاوي للنصر والى الان لم يجددوا لتيسير ويريدون المزايده على الهلال في لاعبيه ؟ وهل هذا من ضمن مخطط عرقلة الهلال وتشتيت تفكير الاداره والاعبين ؟ ولماذا لا يفاوضون السهلاوي واسامه ؟
وشكرا واعتذر على الشطحات مجددا

النقد الهادف لابد منه في تطوير مستواه

حبيبي
انا وقفت معه واسديت له النصائح
ودعيته لمشاهدة حارس منخب ايران ونادي الإستقلال يقرأ الكرة قبل وصولها

بالمختصر
السديري يصلح لكل شيئ إلا حراسة المرمى

المفروض السبيعي حارس اول
الشمري احتياط ثم السديري

السديري من افضل الحراس السعوديين حاليا
ويكفي انه ابدع و ابهر الكثير عندما شارك مع منتخبنا في كاس العالم للشباب
ومن يطالب في ابعاده عن الهلال.. ليس هلالي ..؟ نتمنى لجميع الهلاليين التوفيق والسداد وشكرا لك

السديري كان مشروع حارس خطير جدا ولازال ولكن عليه ان يتدارك نفسه
قبل ان يحترق كرته نعم هو انظلم لانه وضع كحارس اول لنادي كبير كالهلال
وهو في عمر صغير ولكن الظروف اجبرت الهلال على ذلك على طريقة مجبرا
اخاك لابطل او مكرها اخاك لابطل فتوقف شراحيلي كان هو السبب ولكن عبدالله
السديري عندما كان احتياطيا لشراحيلي كنا نراه اذا نزل لارض الملعب مجتهد ومثابر
ومقاتل ويسعى ويحاول ان يصحح ويعدل من اخطاءه ولكن عندما ضمن الخانة
بعد توقف شراحيلي اصبح كسولا وباردا ولايسعى لتصحيح اخطاءه ولعل اكبر دليل
شف جسمه الموسم ذا وشف كرشته وعلمني هل يصلح ان يكون الحارس الاول
لفريق كبير وعريق كالهلال وهذا جسمه شف كرشته وعلمني ؟؟!!
اخيرا شكرا لك على الموضوع الذي ينم على غيرتك على الكيان الهلالي
وتقبل مروري وتذكر ان الاختلاف في الرأي لايفسد للود قضية والسلام خير ختام

إقتباس الرسالة الأصلية كتبت بواسطة الــهلال 20 المفروض السبيعي حارس اول الشمري احتياط ثم السديري

ع أي أساس حطيت ع الترتيب ؟!
صحيح السبيعي ما أخذ فرصتهـ كاملهـ بس هذا مب معناهـ يكون الحارس الأول !
والشمراني لو إنهـ أفضل من السديري كان ما حطهـ سامي بدليل لسديري ~
عن نفسي أشوف الأهداف اللي تدخل مرمى الهلال مب سببها السديري فقط !
لو الكرهـ ما عدت الوسط والدفاع كان ما وصلت للحارس !
من رأيي كرهـ القدم لعبهـ جماعيهـ يعني أخطاها من الظلم تحميلها للاعب واحد فقط !

ما أقول إن السديري مالهـ أخطاء لكن من وجههـ نظري مب هو الوحيد اللي
يتحملها ، ومستواهـ ما شاء اللهـ كلما لهـ فـ تصاعد خصوصا إن الفريق بعد
بشكل عام فـ مستوي تصاعدي ،فـ الأفضل ندعمهـ ونساندهـ مثل ما قاعدين
نساند الفريق كامل وهو جزء من الفريق ولازم نشجعهـ لتقديم الأفضل ومواصلهـ
تحسين مستواهـ !

ختاما : هو صغير بالسن ويتأثر بمستوى اللاعبين بالملعب فـ إذا كانوا بيومهم كان بيومهـ وأبدع مثلهم ~
بالتوفيق لهـ ولجميع من يمثل الهلال ~
اللهـ يعطيكـ العافيهـ أخوي عاشق الكنق ع الطرح الجميل ~

السديري ينقصه الكثيير .. لكي نلقبه بحارس مميز ... للأسف لانجامل البعض ...
خروج خاطئ .. عدم التركيز دوماً .. الإنشغال الذهني بإنه الحارس الاساسي ,,
كلها اسقطت واضعفت من امكانياته ...
السبيعي اراه حارس جاهز تماماً لخوض المباريات ..
كما هو الحال بين المسلم والمرشدي .. حينما لعب المسلم اساسيا اثبت جدارته ...؟
لانجامل على حساب هلالنا ..,؟
المميز نقول انه مميز .. والمقصر نقول له انت مقصر ...
إمّآ ان يعدل مستواه .. او يعتذر عن خانته للبديل الجاهز ...
وشكراً

عبدالله السديري يبغا له الة تدريب الحراس الي مع أتلتيكو مدريد الإسباني

والله السديري اشوفة ذا الموسم كويس مو نفس الموسم الي راح يعني افضل بكثير والاهداف الي علية كلها من الدفاع ما فية الا هدف واحد بس حق الاتحاد الثاني كان يمدية يجيبها والسديري يمدية يتطور مستواة بس جيبو مدرب حراس على مستوى عالي زي هيجيتا حق النصر والله ان يبدع

السديري والله وانا اخوك داج ومافي راسه كوره مثله مثل المرشدي والزوري والنامي

معقوله حارس لنادي الهلال ويدخل فيه كل مباراه هدف

شوف العنزي كيف مغطي ع فريقه
وقبل لما كان معنا الدعيع تفاريس يقول كنت العب واانا مرتاح لان وراي الدعيع نسبه التسجيل فيه شبه مستحيله

السديري لاعب موهوب عنده الموهبه في الحراسه لاكن اضن ان المشكله في مدرب الحراس هو الي يعمل الفارق في الحارس

لابد من تغيير مدرب الحراس

السديري يحتاج الدعم من الجمهور والمسانده وباذن لله بيكون الحارس الاول في الهلال والمنتخب

وش ذا التطبيل للسديري !!!
السديري لا يصلح حتى حارس مخيم في الدقله !!
أشوف نلعب اخر واحد حارس أفضل من أننا نلعب بالسديري ...
في كل مباراة هدف معدل عالي جدا ...
ترى 2007 الدفاع الزوري والمرشدي ولكن من الحارس !! العملاق الدعيع في المباراه الختاميه للدوري مو السديري الي داخل عليه هدف ركنيه قدام سباهان وهدف أوت !!
بلاش تطبيل
السديري مدري من لعب عليه وقاله أنت حارس !!
السعودية كلها ما جائ فيها حارس غير الدعيع أما البقية كمبارس ..
واذا استمر وضع الحراسة في السعودية كذا ...
الأفضل أن الأندية كلها تطلب فتح مركز الحارس لحارس أجنبي ...
أجيب الحبسي والا غيره من الحراس المميزين واروح بطولة أسيا وأنا مرتاح
كل الي حققوا بطولات أسيا الاخيره تلقى الحارس مميز ...
وش ذنب النادي يجيب محترفين صح ويدفع ملايين وفي الاخير يجي زي السديري وتسجل فيه رباعية في الملز !!