|
الحذر .. الحذر من عودة حقوي لقيادة المدرج الهلالي بسم الله .. يطفو على السطح اخبار تؤكد عودة ابراهيم حقوي لقيادة رابطة مشجعي الهلال .. بداية انا على يين ان جمهور الهلال لا يحتاج لقائد .. فهم على طبيعتهم يحبون .. ويشجعون بكل روحية وبكل حماس .. اعود للحقوي وخبر عودته للمدرج الهلالي بالتأكيد معطمكم يعلم ان حقوي كان في زمن أغبر فائد لرابطعة مشجعي الهلال .. وغادره لاسباب ماليه حقوي ذهب لقيادة جمهور النصر .. فشل النصر وفشل هو كذلك .. حقوي عاد ورحل لقيادة مدرج الشباب .. وفشل الشباب وفشل هو ايضا .. حقوي سبق وان تشاجر مع عدد من المشجعين ظلما واجحافا .. وصل به الغرور وكأنه ملك .. غايتي من هذا الموضوع .. هو مطالبة الادارة الهلال بعدم الموافقة على ابراهيم حقوي لقيادة الرابطة الهلالية .. اعلم اني سأنال انتقادا من البعض جراء هذا الموضوع .. لكن اتمنى ان لايصل الانتقاد الى الاستنقاص من شخصي اولا ومن صفتي ثانيا كمجشع اظني محب للكيان ومن ينتسب إليه .. عبدالعزيز العمران https://twitter.com/ |
السلام عليكم ~ بالبدايهـ عن نفسي أشوف الرابطهـ الحاليهـ فيها خير وقاعدهـ تحاول تطور المدرج الهلالي والدليل آخر عمل وهو توزيع العصا المضيئة + رفع شعار أنا هلالي أنا مثالي ! ( ما أدري إذا الرابطهـ هي نفسها مجلس الجمهور ولا بهـ فرق بينهم :d ، إن كان في فرق بين الرابطهـ ومجلس الجمهور الهلالي أتمنى حد يشرح لي الفرق وبكون شاكرهـ لهـ /ـا ^-^ ) أما بخصوص حقوي فـ من رأيي لو جاء رح يكون خطوهـ موفقهـ ،، لأن ما شاء اللهـ عليهـ يعرف كيف يخلي الجمهور متفاعل طول الـ ٩٠ دقيقهـ ! اللهـ يقدم اللي فيهـ الخير لهلالناااا وفاالهـ جميع البطولات ياا رب ~ عوافي ع الطرح ~ |
بالعكس إبراهيم حقوي إنسان محترم جداً ورئيس رابطة ممتاز جداً ... أنا أخالفك 100% أتمنى عودته فأنا أذكر رابطتنا أيام حقوي كانت أفضل بكثير من الرابطة الجديدة الي تجيب الهم |
الإستمرار على رابطتنا الحالية ومع أهازيج جديدة وتفاعل الجمهور أفضل من حقوي وغيره .. |
شكرا للتعقيب .. نختلف في الأراء ونتفق في حب الهلال |
رابطة الهلال الحاليه بدون هويه ولاقائد ... من غير المعقول أن جماهيرية الزعيم هي الأكبر في المنطقه ولانرى رابطه تساند بشكل فعال .. أرى ان عودة حقوي أفضل من الوضع الحالي نختلف ونجتمع في حب الزعيم |
أولاً شكراً على الطرح ثانياً اللي عطاك الخبر اخطئ حقوي يحضر ويشجع الكيان لافكر بالرابطه ولا غيرها وثالثا بناء على ايش قلت انه فشل مع النصر والشباب يااخي انا عمي عضو شرف بالشباب ولازال هو والإداره يطالبوه بعودة حقوي والنصر كذلك ابراهيم حقوي هو من قدم اعتذاره بعدين لانكابر هذا رأيك بس حبيت اصحح لك اللي ذكرته غير صحيح ومااحد ينكر ان ابراهيم قائد مميز جداً انا بالملاعب اكثر من 15 سنه عمري ماشفت من هالانسان اسائه ودايم احضر واشوفه ك مشجع حاضر والكل يطالب بعودته وهو يعتذر ويساند البطاطي والعفيفي انا عضو سابق بالمجلس وحالياً اعلامي هلالي لكن لابد من ان اقول الحق ومو عيب يروح حقوي للنصر البطاطي جاي من الاهلي والعفيفي من الوحده ورحبنا بحضورهم ونساندهم ونقف معهم من اجل الكيان مالنا علاقه بميولهم هم الآن يقودون رابطة الهلال واتمنى لهم التوفيق حبايب قلبي لكن اتمنى انك ماتقدم معلومه الين تتأكد منها وانا اخوك واعتذر على الاطاله يازعيم تقديري لك اخوك .. عبدالله بن عبدالرحمن القحطاني مراسل صحيفة هلالكم الإلكترونية @wafi_615 |
الرابطة مادامها جنب المنصة بتصير فاشلة المفروض الرابطة يرسلون خمس أشخاص يقودون الواجهه ويوجهون الجمهور الجمهور في الواجهه يحتاج توجيه وقيادة فقط وبعدها شوفوا كيف يولعون الملعب والدليل في دوري ابطال آسيا الجمهور يولع لأن الرابطة في الواجهة وكلكم تذكرون مباراة الغرافة وبونيودكور وغيرها وغيرها |
إقتباس:
هذا الكلام عين الصواب وهذا شيء نلاحظه كل يوم في مباريات الزعيم |
الخبر غير صحيح ومايوكد هو أن الرابطة حضرة مبارة نجران الاولمبي |
إقتباس:
|
والله خل عنك ايامه قبل 5 سنين لما احظر الملعب يحمسك وفلة وكان الحظور فل اما يوم راح الحظور قل اما يوم راح لنادي ثاني تراها عادي اعتبره زيه زي طقاقة اللي يدفع اكثر يروحلة انا مع حظور حقوي |
الأستاذ حقوي يكفيه هروبه عن المباراة النهائية ضد الاتحاد دون علم الادارة وأنا أول من كتب في هذا الموضوع بعدها تهجم علي بألفاظ لاتليق المشجع الهلالي يستحيل أن يذهب لفريق منافس مهما كان السبب فعمله يختلف عن أي مهنة أخرى ختاما مافي هالبلد الا هالولد |
ابتكلم بهذا الموضوع باتجاهين ,, الاول بخصوص قيادته للمدرج في السابق ,, كان حقوي مشعلل المدرجات بأهازيج جميله و تفاعل الجمهور معه كان ممتاز و كان معطي المدرج الازرق نوعا من الجمال . الاتجاه الثاني بخصوص اخلاقه ,, اشوف فيه ناس هنا تمدح اخلاقه , حقوي اساء للمدرج الهلالي و جمهوره بعد طرده من قيادة الرابطة , و لا ننسى تخلفه الكبير عن النهائي امام الاتحاد , و للمعلومية كانت تربطني فيه علاقه صداقة على وقت قيادته لرابطة الهلال و بعد انتقاله للجار انتهت علاقتي فيه بوابل من الالفاظ المشينه من المذكور اعلاه اخيرا قلتها في السابق و اقولها الحين حقوي عبد للريال لا اكثر |
.. الحقــوي , هذا الادمـي , اشلون يصير رئيس رابطة جمهور كبير زي الهلال .. بععدين طرحة للاهزوجآت صار قديم يعني مافيه تطور .. اهزوجآت تستحي انك تردد معــه .. , .. ، بخصوص الرآبطة سلملي على ., ( الرابطة البحرينيه ) طرب منتآز جدآ .. مع ذلك .. انا انقهرت انقهرت لمآ شالوا الالتراس تخيلوا الالتراس الى يومك ذا مسسسستمر ., .. شطحة بسيطة .., حلمــــــــــــي اني اشوف جمهور الهلال يسسسوي نفس حركة جمهور بروسيا دور تمــوند .. وتفاعلهم .. |
| الوقت المعتمد في المنتدى بتوقيت جرينتش +3.
الوقت الان » 08:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd