|
كوتشنا ياكوتشنا خلص منك العلياني الحين جاء دورنا نحاسبك ونشكرك السلام عليكم ورحمة الله وبركاته كوتش سامي تكفى اخذني على قد عقلي انا شايب وقريب للخرف والامراض الله يكفيك شرها انت اسطوره وتاريخ رياضي وجماهيري قوي . و . معقوله قناة مثل روتانا ماتروج وتعلن عن انفرادها بلقائك ومع مين مع العلياني وبرنامج ياهلا ما احد درا عن هاللقاء الا نص الليل وحتى تركي العجمه اعلن عن اللقاء وكانه يقول ايش القصه وسؤال حاله يقول .. هوه فيه ايه انا متاكد الموضوع ماله علاقه لاهلال ولارياضه وقصفك في كل هالاتجاهات كان بعمد الاثاره وانتظار ردود الافعال واشغال الجميع في امور انت اول واحد متاكد انها تافهه اجل مساعد اخوان ومحمد ابن فيصل بندر بن محمد والشريان والاخير خليته يطامر في انصاف الليوله في البرامج الرياضيه وهو حتى في لقائه مه نواف بن فيصل ماكان يعرف كرة القدم تلعب باليد او بالرجل ماجد اللي ماجبت طاريه خلال سنوات عمرك في اللقاء مزعته وكانك في داخلك تقول مسيكين وش ابي فيه عموما كلها نظريات بخصوص هاللقاء ونتيجتها واحد ( انا عندي عيال وعاوز اعيش ) قبل اللقاء احسب سامي كرة قدم ومدرب ونجم جماهيري وبعد اللقاء تغيرت وجة نظري لان الموضوع اكبر انت شخص مهم ومفيد في غير الرياضه ويمكن على مستويات اكبر نرجع للكوره الله يقلقلها اشغلتنا خط الدفاع تحسن مقارنه بالموسم الماضي وتستحق الشكر على اللي قمت فيه ماعاد نشوف كور تنزل الارض ماعاد نشوف افلام رعب في العرضيات والاكيد انك حسنت من وضع الدفاع كثير مع الاخطاء اللي تصير الا ان وضعهم افضل هجوم نار اطراف خيال الخلل بس في المحاور عندك واحد مشلول اسمه كاستيلو ومع منتخبه شعله .. واتوقع مافيه مسانده له وعندك هرماش اللي مدري الي الان انت ايش مقتنع فيه .. صحيح مقاتل وضاغط من الطراز الاول لكن بدون فائده يعني فريق مسكر ومتكتل دفاعي والكوره مع الحارس والهجوم في ملعبك ليه تضغط عليه شوف لو مافيه دفاع احد يلوم الحارس اذا اخطاء اسحب هالشي على المحور لو مافيه محور من يلوم المدافعين المحور هو خط الدفاع الاول في الفريق وهذا الشي انتهى من الهلال بعد عزيز ورادوي .. وفيه اللي افضل منهم اللي هو الغنام بس الاصابات والحين رجع اللاعب طيب ليه مايلعب هرماش هو الخلل الوحيد في الفريق لامفيد دفاعيا ولايعرف ان يبني هجمه وماراح اقول لك جرب تلعب بالغنام او القرني او عطيف بداله لان ماهو معقول اطلب تجرب في فريقك لان مشجع طلب منك انا اطلب تحسبها .. عندك الغنام وفيه مباريات مع انديه ضعيفه ليه مايلعب وتشوف الفرق كوتشنا الغنام والقرني وعطيف يحتاجون فرصه كيف واللي اساسي غير مفيد يعني ماتبي لها حسبه اسئل الله العظيم تكفيني شر بعض اللي مطفين النور وردودهم |
الله يكتب اللي فيه خير للهلال ويوفقهم في مبارياتهم الجايه :ba1::ba: [ انا مولعه النور ترى :d ] |
شكرا لك ياشايبنا واسأل المولى عز وجل ان يطيل بعمرك ويبعد عنك الخرف والامراض ولكن عزيزي ابو زايد سامي زي ماقلت مايقدر يسوي شي بيوم وليلة الخلل الدفاعي موجود من بعد رحيل كوزمين حتى ايام قيرتس ولكن كان يغطيه او يستره قوة الهجوم الدفاع في تحسن نوعا ما من مباراة التعاون كاستيلو متحسن تحسن ملحوظ في مباراة التعاون كان هو الجندي المجهول وغطا كثير وشال اغلاط المسلم والفرج وماقصر ولكن الرجل لايلام تخيل كان كل اسبوعين يروح 18 ساعه بالجو لاجل منتخب بلاده يتلخبط نومه وبرنامجه كامل ولكن في مباراة التعاون شاهدناه متحسن تحسن ملحوظ وكلي امل ان نراه في المباريات القادمة افضل بكثييير وتذكر كلامي شكرا لك وتقبل مروري والسلام خير ختام |
إقتباس:
|
شكرنا باشايبنا موصوع استمتع بقراءته تبي الهلال يرجع قوي جدا نبي نحاور من كينة عزيز ورادوي وخميس ونبي ربع حارس وبتشوف الهلال بيطير خمسات وستات |
إقتباس:
ثانيا كاستلو نشاهده مع منتخبه لاعب مؤثر وممتاز اما في الهلال فهو كالمشلول لان مافيه احد يساعده وفي الموضوع طلبت تغيير هرماش لانه واضح هو الخلل .. اشوف لو مع كاستيلو محور دفاعي جيد راح يبدع لانه يبني الهجمه باسهل الطرق ويعترض الهجمات بطريقه سلسه وتابع لمساته تعرف انه جيد فقط يحتاج مسانده ليكون مبدع |
إقتباس:
الغنام يحتاج فقط 3 مباريات بدون اصابات وانا اجزم انه بيكون في المنتخب قبل مباراة العراق |
تصدقون الهريفي الي اغبى محلل رياضي يشوف الخلل اليوم في برنامج كوره قالها ما ادري بالخطاء او كان مسرح |
والله الكوري هو اللي مضيعنا الله |
المشكله في مكان الشهراني ياسر والزج في كاستلو عندي القرني افضل منه هرماش دائم متقدم حتى نيفيز تسعفه اهدافه الثابته |
كاستيلو هو الاشكال كله ...وهرماش اصلا ميزته ان فقط روحه ولاتحتاج له الا في مباريات الديربي . |
مشكلة الهلال راح تنحل بأذن الله اذا استمر المسلم 3 مباريات اساسي لان الخلل كله بالمرشدي الله يهديه مع الانسجام بين الكوري والمسلم راح تتعدل امور كثيره .. مع امنيتي رجوع البيشي ظهير يمين والشهراني يرجع لخانته ظهير يسار اما بخصوص سامي فأنا اعتبره قمر وخل الحثاله ان كان بها خير ترقى .. اجل شايب متعصب الشريان يطلع يقول من سامي؟ واضح انه نصراوي ياما عض الارض من سامي .. والله يرزقنا برود سامي اللي متحملهم سنين وناشبين له بالصغيره والكبيره ومطنشهم.. .. اخيرا الله يطول بعمرك ويرزقك الصحه .. اخوي ابوزايد |
حياك الله يا عم كلامك على متمه ، والمشكله الأهم حاليا المحاور ( خط الدفاع الاول الحقيقي ) عكس الهجوم بإذن الله ابو عبدالله بيطور الفريق واللاعبين ما راح يقصرون يارب وفق الزعيم ~ |
الحلول المطلوبه للفريق عاجلا ظهير ايمن ومحور الافضل ظهير الطائي عبدالرحمن الحسن ومحور القادسيه نايف هزازي واعطاء مشعل الحوطي والبقعاوي والبريك فرصة اللعب المتدرج بالظهير الايمن ومنح المرشدي والفضل والقحطاني وفلاته والفرحان بالمحور والكعبي بالوسط الايمن عندها سيكون لديك خيارات افضل لكل مركز ولن تضطر للعب بالوسط الايسر الفرج كظهير والشهراني الظهير الايسر باليمين والدعيع قلب الدفاع ظهير او محور وسيعطي الاعبون مالديهم لانهم يلعبون بمراكزهم (كارثة الهلال تغيير مراكز الاعبين) وشكرا |
المشكلة الأساسية تأتي تباعاً الوسط ثم الدفاع أول مرة أشوف وسط الهلال يتقدم بهذا الشكل ومعهم الأظهرة بالتقدم ويكملها بعد تقدم محاور الهلال ......!! حصار الفريق المقابل ليس بهذه الطريقة .... لابد من تقارب الخطوط ,,,,, أما الإندفاع من قبل الأظهرة ومن أمامهم أطراف الوسط ومعهم المحاور ماذا بقي للكابتن سامي ......عليك بالمثل الذي يقول اللي تكسبه العبه وأنت يا سامي هزمت النصر ..... برباعية بكأس ولي العهد ....!! وفزت على الإتحاد بالدوري ....... وكان عملك ممتاز فلماذا لا تعود لهذه الطريقة ......البرشلونية الدورتموندية وتثبتها حتى يتقنها الفريق تماماً ثم تبني تدريجيا عليها إي إضافات مثل سرعة نقل الكرة أو التحرك بدون كرة ...... وهكذا الله يوفق الهلال في مباراته القادمة أمام الشباب |
| الوقت المعتمد في المنتدى بتوقيت جرينتش +3.
الوقت الان » 02:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd