مواقف طريفة حصلت لي - نادي الهلال السعودي - شبكة الزعيم

يوسف الثنيان 222 · #1 08/10/2013, 09:53 PM

بسم الله الرحمن الرحيم

والصلاة والسلام على رسول الله ، وعلى صحبه اجمعين ، وبعد :

ابدأ بتحية حارة صادقة لكل اعضاء وزوار منتدى شبكة الزعيم ، ولكل منتسب او مشجع للكيان الهلالي

حقيقة لاأجيد كتابة المواضيع او بالاحرى لاأجيد التعبير ولست ميال له ولكن هي مواقف حصلت معي وحبذا لو شاركتوني اياها .

اسمحولي ادخل بالعامية لأن الوصف صعب بالفصحى طبعا مواقف طريفة وخفيفة حصلت لي مع زميل نصراوي معي بالعمل وصل به التعصب الى حد الجنون اتمنى تتقبلونها مني وتتفاعلون معي بردودكم الطيبة طبعا الموضوع فيه قصف جبهات نوعا ما

- مرة كنا نتناقش عن البطولات الاسيوية فقالي انتم دائما تفشلونا برا وتنرقعون قلتله طيب بس فريقي جايب 6 بطولات اسيوية ماقدر على كسر رقمه اي فريق اسيوي الى هاللحظة قالي اغلب بطولاتكم الاسيوية ماخذينها يوم البطولة ماعندك احد قلتله طيب دام ماخذينها يوم ان البطولة ماعندك احد وين فريقك عنها ولا فريقك من الي ماعندك احد

- موقف ثاني مرة جاني وقالي انتم ابلشتونا بلقب نادي القرن كأنكم شاكين فيه رديت عليه قلتله مااتوقع لقب نادي القرن اخذ صيت وسمعة اكثر من جملة العالمية صعبه قوية مع ان اللقب جاء من الملعب ماجاء من المكاتب والترشيح

- موقف ثالث في مباراة الخمسة الشهيرة الي قبل موسمين او ثلاثة الي انتهت ب 5-3 للهلال على النصر قلتله رح ياابو خمسة لواني منك اداوم متلطم من الحياء قالي انا جبت فيك 3 اهداف ب ربع ساعه ولو زادت المباراة شوي جبت التعادل قلت انت تبيها بلو اجل قالي ايه قلت اجل خذ لو الحكم ماطرد الفريدي بذيك المباراة كان فزنا 8

- موقف اخر قالي انتم العام اقلتوا كومبواريه عشاننا هزمناكم يعني انتم ماتقيسون مدربينكم الا علينا قلتله وانتم اقلتم ماتورانا عشاننا هزمناكم والوليد بن بدر قبله وممدوح قبله وسببنا عزوف كبير لجماهير النصر عشاننا

- موقف اخر قال النصر من يوم طاح ماعاد فيه منتخب قلتله صحيح واكبر دليل تأهل المنتخب لكاس العالم 2006 النصر كان يلعب بنهائي كاس الملك وماخذ الدوري وولي العهد قالي لا بس معروف قلت لا والله من يوم اعتزل سامي الاسطورة ماشفنا منتخب ولا المنتخب يتاهل وياخذ بطولات والنصر يجيب الخامس والرابع بالدوري

- ومن اقوى الموقف الي مرت علي مع نفس الشخص مرة قالي فريقي عالمي وفريقك محلي قلتله ومن هو لاعبك الي تشوف انه عالمي بناء على كلامك قالي ماجد عبدالله قلتله حلو ليش ماجد عبدالله بنظرك عالمي قالي لانه شارك بالعالمية قلت حلو اجل على مقياسك ان سامي والدعيع عالميين اكثر من ماجد قالي لا قلت الا انت تقول ان ماجد عالمي عشانه شارك بالعالمية اجل سامي والدعيع شاركوا بكأس العالم 4 مرات اجل هم اكثر عالمية من ماجد حقكم

- اخر موقف حصل لي معه قبل كم يوم قالي انا متصدر الدوري قلتله بالجولة العاشرة راح نرجعكم لوضعكم الطبيعي باذن الله قالي مستحييل قلت وعدنا الجولة العاشرة وبعدين وش بلاكم ابلشتونا بالصدارة هذا وانتم متصدرين 3 اسابيع مااخذتم بطولة اجل لو تاخذون وش بتسوون ماانتم مكلمين احد قالي لا طبيعي ماسوينا شي قلت لا يااخي مسويين هاشتاق بتويتر متصدر لاتكلمني وراجين الدنيا رج استحوا على وجيهكم جماهير الفتح وهو جاي من الدرجة الاولى ماسووها العام

ختاما آمل وارجو من الله ان تنال المواقف اعجابكم واعذروني على الاخطاء وضعف التنسيق فاانا لااجيد الكتابة ولا الصياغة وشكرا لكم