|
هرماش من أيام إحترافه السابق مع الهلال وهو محور بالإسم ... دائماً متقدم مع الوسط والهجوم وتارك خانته ممر وطريق سريع للمرمى الهلالي .... محسوب علينا محور فقط وهو لايؤدي 50% من دور المحور .. ياليت نفتك منه لأن وجوده زي عدمه |
اخوي شووف المرشدي في الصورة 2 المحور + المرشدي سبب الاهداف |
الموسم الماضي الهلال فاوض الجبرين ولكن تعنت الاداره الرائديه ــ احنا نفاوض وغيرنا يخطف الصفقات ـــ اذا لم يتعاقد الهلال معه بيطير لاحد الانديه الغربيه ــ حتى النصر فاوضه الموسم الماضي ــ مستواه افضل من الغنام ـ والقرني ــ بمراحل ــ |
الجبرين مستواه كبيررر جدا ولاعب قوي .. ومناولاته ذكيه جداً شفناه قدام الشباب صنع هدفين من نص الملعب وقدام الهلال تفنن في قطع الكور حتى . من نيفيز من قابله من الاعبين المهارين يصتدم فيه وتنقطع كورته الصراحه .. لاعب قوي وذكي ومحور متميز .. يمكن الافضل مع غالب في السعوديه حالياً اتمنى من الهلال الاهتمام فيه وجلبه في يناير .. ف الهلال ماقصرر مع الرايد وبنعطيهم القرني والجهني هديه اما كاستلو والاهداف في الهلال فا اشوف كاستلو ضعيف جداً ومو عاجبه الوضع مع انه لاعب كبير انا اقول لو سامي يستخدمه قلب دفاع .. اتوقع بيقدم مستوى افضل من لعبه بالمحور فا هو لا يحب الحركه الكثيره وقلوب الدفاع لا يتحركون كثيراً ولكن منضبطين .. !! |
كلامك عين العقل لكن ننتظر قرارات سامي . |
شكرا على الموضوع كاستيلو لاعب جيد لكن انتظرووه في قادم المباريات اما هرماش فهو دينمو الفريق قاعد يتحرك في كل مكان والدليل كل المباريات هو نجمها مع نيفيز احنا لازم ندعم كل لاعب في نادي الزعيم وتقبل مروري:alzaeem: |
اولا خالد عزيز وش نسوي فيه صح انه محور صلب جداً جداً جداَ لكن كل مره يغيب عن التمارين والمبارايات ولا عليه من احد اكيد الاداره راح تنسقه وهو اصلا اللي خرب نفسه , وبالنسبه اتمنى سامي ان يجعل المحاور ثابتين او يتخركون لكن ليس للأمام بشكل مبالغ فيه والاخطاء يتحملها المحاور والدفاع والحراسه .. اما وسط الهلال وهجومه فهم ممتازين جداً جداً |
ي خوي تدري وش أكبر أخطاء شفته في المباراة : السديري والزوري والمرشدي بس والباقين بالأمان .. الخطة المناسبة اللي سواها الكوتش سامي : السبيعي الشهراني - الحافظ - هوان - سلطان الدعيع كاستيلو - هرماش عزوز - نيفيز - سالم ( بعد شفاء إصابته بعد أسبوع واللعب بعد عشرين يوم بسبب الحج ) ناصر |
مشكلة الفريق وباختصار هي في توظيف اللاعبين كاستيلو لازال في بدايته مع الفريق والدوري ماراح منه الا 6 جولات فقط تذكروا ويلي هامسون أول ما جاء للهلال كان في أول خمس جولات مختفي ومع الجولة السادسة ظهر مستواه في مباراة النصر وصنع هدف ياسر (الكوبري) في الخوجلي |
هرماش رئة الفريق ولكن كاستيلو مابعد يتعود على أجواء الدوري السعودي لكن يعيب هرماش عدم الرجوع لتأدية الأدوار الدفاعية |
أنا معك كاستيلو المفروض يتغير بس هرما ش لاعب مميز لو لقى لاعب يسانده مكان كاستيلو |
اجل الجبرين ساهم في فوز فريقه خخخخ سبب فوز الرايد بعد الله الحارس كسار يارجل شفت الحارس انت !!! لو تكشف عليه لجنة المنشطات قبل كل مباراه للهلال شرط ان تطلع ايجاابيه |
أشوف البعض يطالب بالتعاقد مع الجبرين والكسار بسبب أنهم أبدعوا في مباراة واحدة !! وينهم بالجولات السابقة !! نخش ع موضوع الاخ وانتقاده للمحاور .. زي ماهو معروف أن خانة المحور هي أهم الخانات في لعبة كرة القدم الحديثة هرماش يعتبر محور متقدم وكاستيلو متأخر .. يعيب ع كاستيلو البطء عدم التفاهم مع هرماش !! الزبدة اذا تبي دفاعك قوي لابد من تقوية المحاور !! |
نعم اتفق معك العله في المحور وليس فقط فالدفاع نعم المرشدي نكبه , نعم الزوري سيئ لكن يا جماعه الخير المحاور هم نكبه وفشيله وحرام يجلسون اساسيين |
يا رجل اتق الله بنفسك وخل عنك التضليل ع فشل لاعبك المفضل الصوره الاولى الكوره عند رجله الصوره الثانيه وين هوووووو بالضبط يا سيد المحليين ؟ انا اقول حسبي الله ع هالمرشدي الي بكل فتره وفتره يطلع لنا بفضيحه جديده ويشمت الناس فينا سؤالي لرئيس النادي الي يدعي الاحترافيه ولت يقبل المساومه عشان الفريدي مسكين ماعنده واسطه زي واسطه المرشدي الي مخليته يلعب غصب عن الكل بعد مباراه لخويا وفضائح المرشدي فيها ما حسيت ان اللاعب هذا يستحق الطرد ؟ او لايهمك مصير الهلال كل اهتمامك اعلام وفلاشات واس يتداول بكل محفل والفريق وانصاره وكل الي يضايقهم طز انا اقول اذا ما قدرت تشيل المرشدي اجل ايش تقدر عليه الفريدي و ولد ابن سعيد والعازمي عشان مبدعين رميتهم خارج اسوار النادي ؟ |
| الوقت المعتمد في المنتدى بتوقيت جرينتش +3.
الوقت الان » 10:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd