|
مبارة فيها اربع كور في القائم والعارضه، تعني عدم توفيق فقط ! سلام عليكم تفاجأت كيف ان بعض الجماهير قلبت 180 درجه بسبب هزيمة الرائد .....وتجد من يحملها سامي بسبب اللعب بمهاجمين ..وتجد من يحملها ياسر مع أنه قدم مستوى كويس وهدد المرمى ....وتجد من يحملها الشلهوب وسوء مستواه في هذه المباراة !! لكن وبالرجعه للمباراة ....اول مباراة اشوفها في حياتي إن فريق يكون له 4 كور في القائم والعارضه ...غير الكور الي ابدع حارس الرائد في ردها ....غير قذائف نيفيز وهرماش والتي كانت تصدم بأجساد مدافعي الرائد المتراصين في خط 18.....يعني غزارة هجومية وهجمات مؤكدة ....ولكن لم يكتب للهلال الفوز في مباراة الامس ! دفاع الهلال مكشوف وضعيف ...هذه حقيقه ومثل جميع المباريات الماضية ....ولكن الفرق هذه المره أن الهلال لم يوفق بالتسجيل .....بل بالعكس شي مفرح ان ترى هذا الكم من الهجمات والفرص المحققه بعد ما كان الهلال يعاني الامرين في صناعة الهجمة وتهديد الفرق الاخرى ! والدليل مباراة العروبة والتي فاز فيها الهلال بثلاثية ...بينما تعادل الاهلي والنصر مع العروبة وإنهزم الاتحاد مع العروبة....,هذه تحسب للفريق ولسامي ! المطلوب الهدوء وعدم تضخيم الهزيمة ....ويفرق بين الزعيم والصدارة نقطة واحده فقط ! |
للرفع~~~~~~~~~~~~~~~~~~~~~~~~~~~~~~~~~~~~~~~~~~~ |
ككلنا كاجمهور الهلال ماتعودنا على هذا الكم من الاهداف في مرمى الزعيمم + المرشدي و الزوري و السديري اخذو فرصتهم وفوق فرصتهم لم يقدموو شي بالعكس هم كانو عاهه باالفريق ونقطة ضعف معروفه |
محد قلب بالعكس كلنا قلنا عدم توفيق لكن في الدفاع مشكله حتى وان فزنا يبقى الدفاع مصيبه كبيره بالتوفيق للملكي يعطيك العافيه |
من رأيي الخسارهـ هذي لها مميزات و فؤائد كثيرهـ أهمها : ١) - جت قبل التوقف مباشرهـ يعني فرصهـ لمعرفهـ الأخطاء وعلاجها ففترهـ التوقف ~ ٢)- خسارتنا فالجولات الأولى وليس فالنهايهـ ، يعني عندنا فرصهـ بعد لتعديل الوضع قبل فوات الآوان ~ ٣)- هالمباراهـ كشفت لنا من اللي المشجع الحقيقي للهلال وسامي ، فالمشجع الحقيقي بتلقاهـ واقف مع الفريق فالخسارهـ قبل الفوز ~ شوفوا الناحيهـ الإجابيهـ دايما وليس السلبيهـ فقط =) بالتوفيق للهلال وان شاء اللهـ بحقق جميع البطولات هالموسم ~ شكرا لكـ ~ |
من انا انا ماقد شفت هالكم الهائل من الفرصص المحققه حتى ايقنت ان السالفه عدم توفيق |
كلامك صحيح على الشق الهجومي.. لكن هل ولوج هدفين بمرمانا من الرائد حض ايضاً والا كيــف تصنفه؟؟ مع شكري وتقديري لجهدك |
إقتباس:
|
هذا اللي كـاتبه ربك ، يالله عسى هالمبـاراه خيره لنا وبأذن الله يواصل فريقنآ إنتصاراته بعد التوقــف |
كرة القدم فوز وخسارة وخسارة الرائد ليست نهاية المطاف ونحمد الله انها مبكرة لكن ايماننا بالقدر ومعرفتنا بقوانين المستديرة من فوز وخسارة لايعني التغافل عن الاخطاء القاتلة في منطقة المحور والاظهرة وقلبي الدفاع للاسف ان هذا الخلل حدث امام الفرق الكبيرة والصغيرة وهذا يعني انه ليس حالة عابرة او نتاج ضغط الخصم وانما هي مشكلة مزمنة تحتاج من سامي شجاعة بتبديل عناصر كثيرة في هذه المراكز فالجمهور مقتنع ان البدلاء لن يكونوا اسوأ من الحاليين ان لم يكونوا افضل منهم ننتظر قرار شجاع بالزج بالحافظ والمسلم او احدهما على الاقل ونقل الشهراني لليسار او اعادة سلمان الفرج للظهير الايسر |
انا ماانا بزعلان. على مستوى الهلال بالذات. الوسط والهجوم. لكن زعلان على انه. كيف. يلج في مرمانا هدفين ومن متذيل الترتيب. د وارجو ان ابوعبدالله ماعاد يتعودها ويستهين بأي فريق. كان من المفترض يلعب بالحاهز |
تعقيبا على الموضوع عارفين ان الحظ وقف ضد الهﻻل ﻻكن نقول لو نعوذ بالله من هذي الكلمه تسجلة هالهجمات وفاز الهﻻل 4 2 ابي مشكلة ال2 هذي اللي خشة في الهﻻل الدفاع مع المحاور الدفاعيه والحراسه معانااااااات الله يستر الآن والفريق يؤدي وفي الوصافه محارب من الاعﻻن وجماهير الفرق المنافسه فما بالكم اذا اخفق الفريق كلمه يرددها سامي تزعج الكثير من الجمهور الغيور (( دفاع الهﻻل من اقوى الدفاعات على مستوى المنطقه )) يابو عبدالله الخلل واضح والقادم مخيف بصراحه نبي رتم ثابت نبي فريق مطمأن نبي دفاع قوي دفاع ﻻ يقهر دفاع على الاقل اذا لم نفز في المباراة نتعادل ﻻ نخسر مدافع الاتحاد احمد عسيري افضل بكثير من صاحب الخبره والكبتن المرشدي الله يقلعه من الهﻻل نفسي لو مره يعرض على قائمة الانتقال خلنا نشوف من بيفاوضه آآآآه بس |
إقتباس:
سامي ذكي ولو تعطيه فرصه سنتين وتنسى فيها البطولات يبي يوصلنا لهالمرحله بس عاد وس بيصير على صحتنا بالسنتين الله اعلم. |
إقتباس:
هذا العضو زودها كثير مع الاسطورة سامي 1- اتهم سامي بسمسره 2- تكلم على الاعضاء البسو حفاظات !! 3- والان يحاول انه يدس السم في العسل وينكت هو وجهه اقولك يا.... احترم نفسك وتراك في منتدى الهلال وسامي رمز كبير واسطورة الهلال وجمهور الهلال مايرضى على سامي هالكلام وقلة الادب وبخصوص انك تقول ان سامي مدرب متعلم وليس متمكن !! سامي لديه الخبره الكافيه في عالم كورة القدم ويعرف كل صغير وكبيره وطور من نفسه كثير وتعلم من المدربين الي مرو عليه يوم كان لاعب واصبح اداري اربع سنوات وكان قريب من المدرب وجيرتس يقول ان سامي كان يزعجني بالأسئله عن امور فنيه وهذا يدل على ان سامي كان يطور نفسه ثم درب الهلال في بطولة كأس ولي العهد 6 مباريات قدم الهلال مستوى رائع وحقق البطوله ثم تعلم في نادي الفرنسي سنه كامله وانت الان تحاول تقلل من سامي بطريقه وسخه مثلك اتمنى من المشرفين حذف عضويتك ماتوقع عضو هلالي يستهزء بسامي بطريقه هذي ويتهم سامي بسمسره ويتكلم على الاعضاء الي دافعو عن سامي (( اتركو الحفاظات !! )) |
إقتباس:
يا اخوي الله يرضى عليك السديري في تطور في شي تغير هو بس يبي له الجمهور يوقف معه ويثق فيه وبالتالي يثق هو في نفسه اكثر من شاف مباراة الاهلي يصادق على كلامي بتقول لي مباراة وحدة بس اقول لك اذا كان هذا مستواه في مباراة جماهيرية ومستواه صار كذا يعني هذا يطمنك انه ممكن يقدم شي للهلال وهذا شي يبشر بخير ومن المعروف ان الفريق اذا كان دفاعك سيء ومتهالك كيف تبي يكون حارسك اكيد بيكون سيء الموضوع متوقف على مستوى الدفاع اذا كان الدفاع متماسك فهذا يشجع الحارس ويطمنه انه في امامه ناس تحميه وبالتالي يستطيع يقدم ما عنده والعكس نتمنى له التوفيق والثبات على هذا المستوى يوما ما ستشرق شمس الزعامة من جديد 54 |
| الوقت المعتمد في المنتدى بتوقيت جرينتش +3.
الوقت الان » 06:35 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd