|
ارحــمــونــا مــن نــقــاط الــتــفــتــيــش !! بعد التفجيرات الارهابية التي حدثت في الرياض مؤخراً نشرت سلطات الأمن السعودية نقاط التفتيش بشكل كبير جدا (ومزعج) بكل تأكيد للمواطنين.. وانا ومن خلال هذا الموضوع سأستعرض لكم بعض الملاحظات والمشاهدات لما يحدث لدينا في الظهران وبالتحديد من امام القنصلية الأمريكية الواقعة بجوار جامعة الملك فهد للبترول والمعادن التي اسكن فيها.. ومدخل هذه القنصلية يقع على نفس الشارع الذي ينتهي ببوابة الجامعة ويوجد نقطة تفتيش (بوليسية) على نفس هذا الشارع لتفتيش طلاب الجامعة ومنسوبيها من عزاب وعوائل.. بالأمس القريب توقفت عند هذا التفتيش قرابة 45 دقيقة حتى وصلني الدور مع العلم ان الوقت كان متأخر (الساعة 12 مساءً) ولكم ان تتخيلوا منظر السيارات المصطفة بامتداد اكثر من كيلو متر حتى ان الاشارات اقفلت وحركة السير انشلت تماما وكل هذا يحدث امام اعين الدوريات الذين يكتفون بـ(مطامر) الأرصفة للوصول للنقطة غير مكترثين بلخبطة السير.. اثناء وقوفي لفت نظري اشياء مخيفة لم اتخيل انها ستحدث في بلدنا.. @ شاهدت عائلة قادمة الى الجامعة بسيارة اجرة (ليموزين) ولما شاهد سائق هذه الأجرة زحمة التفتيش اعتذر للعائلة وطلب منهم النزول (وهذا من ابسط حقوقه..فهو رجل يبحث عن رزقه) المهم ان العائلة المكونة من امرأتين وشابين في 14 من العمر قدروا الموقف ونزلوا من السيارة استعداداً لإكمال رحلة الذهاب الى المنزل مشيأعلى الاقدام ولمسافة تزيد على الـ5 كيلوا مترات.. بعد نزولهم جاءتهم سيارة دورية مسرعة لانقاذهم (فاستبشرت خيراُ وقلت في نفسي ان هؤلاء العسكر فيهم من النخوة والفزعة حتى وهم على رأس العمل) ولكن المفاجأة انه طلب اثباتاتهم واخرجت له المرأة المسكينة بطاقة العائلة وبعد ذلك تركهم وقال (مالي دخل)..:upset: المهم ان هذه العائلة (دقوها كعابي) وحسبنا الله ونعم الوكيل.. @ احد الزملاء تأخر عن اختباره 20 دقيقة بسبب هذا التفتيش.. @ بعض الطلاب يستغلون وقت الانتظار الطويل بالمذاكرة وحل الواجبات.. @ الجميع لم يخف انزعاجه من نقاط التفتيش ومن هذه النقطة بالتحديد حتى انها اصبحت حديث المجالس.. ولا اريد التحدث عن مواقع نقاط التفتيش الاخرى في الطرق السريعة والرئيسة مثل طريق الظهران - الخبر وطريق الدمام - الخبر حيث تشاهد السيارات الواقفة على امتداد البصر وتتعطل مصالح المواطنين وتقطع ارزاق التكاسي وسيارات المطاعم للعزاب المساكين :cry: هذا غير نقاط التفتيش في الأماكن الحيوية مثل طريق كورنيش الخبر وشارع البيبسي والتفتيش هناك يتم باستخدام اسلحة الرشاشات وعن طريق مكافحة الشغب!!! ايضاً الحوراي لم تسلم.. ففي وسط الاحياء يوجد نقاط تفتيش مشدده وكأنك في عزة او اريحه ففي فلسطين..!!! (الله يديم علينا نعمة الامن) واني على يقين تام ان المسؤولين وعلى رأسهم سمو الأمير نايف بن عبدالعزيز وزير الداخلية لايرضون بهذا اطلاقاً فهم يسعون لحفظ الأمن وحماية المواطن والمقيم وتوفير الأحواء المريحة لهم.. وان مايحدث ماهو الا (بهدله) لمساكين لاحول لهم ولاقوة.. وان كان ولابد من هذه النقاط وبهذه الشدة فانا اقترح على مسؤولينا الكرام ان يتم زيادة عدد العسكر في كل نقطة وبدلا من تفتيش سيارتين او ثلاث في اللحظة الواحدة لماذا لايتم تفتيش 10 سيارات في نفس اللحظة؟!!! بهذه الطريقة سيستفيد الجميع بحيث زحمة السيارات عند النقطة سيخف وايضا سيستطيع رجال الأمن (اخذ راحتهم) في التفتيش.. وختاماً..اناشد جميع المسؤولين بالنظر في هذه القضية التي قد ينتج عنها عواقب وخيمة خصوصا في هذه الأوقات العصيبة والعلاقات المتوترة بين الحكومة وبعض المواطنين.. وفق الله الجميع لما يحب ويرضى.. وصلى الله على نبينا محمد وعلى اله وصحبه اجمعين.. اخوكم: فتى القصيم |
والله حاله ..:( :( الله يعينكم بس ياللي في الظهران والرياض وجدة ... حنا وبحائل ما سلمنا بعد .... بس أكيد أهون منكم .. ويا كثر ماقالوا (( ترجل :D )) : انزل من سيارتك وافتح شنطة السيـارة :D:D والله يديم علينا نعمة الأمن والأمــان .... |
اي والله شفت شلون يافتى اقسم بالله قلق من جد قلق هم وتفتيشاتهم ذي يالله انك تمشي كيلو الا وتلقالك تفتيش ياخي لو كان يريحونا من ذا القنصلية وينقولنها ولا يودونها اي محل ونفتك منهم ومن هالتفاتيش انا قبل امس كنت رايح لارامكو من الدوحة عاد تصدق اني قابلت 5 تفاتيش او تفتيشات :cool: |
[ALIGN=CENTER]على الاقل احنا اهون منكم ... مسافه تقريبا اثنين كليو (3) ثلاث نقاط تفتيش ... يعني اجي من اول نقطه واخلي الدبه ( الشنطه ) مفتوحه واخر واحد يسكرها الله لا يهينه ... والمشكله اذا جيت عند واحد تعرفه وقال لك اثباتك ... :eek::eek::eek: اقــــــــول فتى القصيم : اخبار صابر خله يتوسط لك عندهم ... :D انـــــــــحــــــــــــش ... [/ALIGN] |
كنهم عقب صكة القنصلية هجدوا شوي :) الا على فكرة.. يقولون ماسكين البارق ومفتشينه وصادروا منه كرتون كليجا يحسبونه متفجرات :D |
[ALIGN=CENTER]هلا وغلا بفتى القصيم :) . تصدق عاد واحد من الشباب اللي يدرسون في جامعة الملك فهد داق علي وقاعد يصيح :D يقول تفتيش تفتيش .. مـــا ألومك والله :) .. عندنا في الرياض وتحديدا في جنوبيها الشفاء وملحقاتها :D .. كــــل 100 متر تفتيش .. يالله رخصتك واستمارتك وافتح الشنطة .. تقول أعضاء القاعدة في الشفاء .. الواحد يبي يروح مشوار ما يأخذ فيه ألا 10 دقائق ولا يرجع الا بعد ســـاعة :eek: .. إقتباس:
تحياتي فــــــــــتى القصــــــــيم :) [/ALIGN] |
[ALIGN=CENTER]كله كوم وثباتك فك الشنطه كوم اخواني الصغار صارو يلعبون في البيت ويقلونها من كثر ما سمعوها الله يعين بس كل شيئ من اجل الامن يهون عووووويرف تذكر ذاك اليوم جيتك وانت في نقطه وتقولي اثباتك وقبلها انت متعشي عندنا تحياتي ساااااااام..,,[/ALIGN] |
الا ازيدك من الشعر بيت يا فتى الكليجا .. ذاك اليوم السواق الخبل حقنا ماسك خط الدمام - الخبر الساحلي .. وقبل جامعة فيصل فيه تفتيش الرجال على نياته يبي يوخر من المسار الأوسط الى المسار الأيمن ((اخف زحمه)) ... الا ذاك العسكري يلقطه ويمسكه ويقوله ((رخصه استماره )) ويمسكون لك السواق المسكين ويركبونه الدوريه ويوقف السياره على جنب .. ويدق علينا السواق ((الله يسلم شرايح سوا)) ويقعد يهذر وانا بصراحه مافهمت منه شي .. قلتله وينك قالي عند جامعه .. واجيله واشوف العسكري يقولي انت كفيله ((ياليت)) لا مو انا .. قالي مااتفاهم الا مع كفيله .. جيت قلتله يا شيخ ابعد عن الشر وغنيلوه... قلتله وش مسوي اول شي قال هذا مشتبه فيه .. قلت والله سواقنا من تنظيم القاعده وانا ما ادري ... طبعا ما مشونا الا لما جابلنا العسكري الصمرقع <<<ما احد يعرفها الا القصمان .. واثبتلنا انه كفوا يعني بحركته هذي يثبتلك انه يأدي الواجب .. ============================= يعني شف وين وصل فيهم الحد انهم اذا الواحد يبي يوخر عن زحمة التفتيش قالوا هذا اكيد مسوي شي ... وعلى طاري التأخير .. واحد يوم الأربعاء ماسك خط الرياض اخذه في (( ست ساعات ونص )) التأخير طبعاً من التفاتيش ..او التفتيشات (: تحياتي ابو بدر |
مساء الوررررررررررررررررررررررررررررررررررررررررررررررررررررررررررررررد @@ الآلية .. التي يقوم بها رجال الأمن .. في التفتيش .. آلية غبية جداً . والموضوع .. تحول لأستعراض .. أكثر من كونه .. تفتيش .. وبالأخص .. شارع العليا العام .. والتخصصي .. في الرياض . على العموم .. مايحدث ردة فعل طبيعية .. لأحداث حصلت .. والله لايعيدها . |
الشعب السعودي .. كل واحد يحط حرته بالثاني .. الجندي يكمخه الضابط .. و ما يلقى الا حن بيبرد حرته فينا .. بعدين بعضهم مسوي فاهم كل قبايل و عوائل السعودية .. من وين أنت ؟ يقرب لك فلان ؟؟ .. !! الي يسكنون بالدوحة و الحزام الذهبي أكثر من يتعذب من هالتفتيشات .. |
الخبـر -- الحزام الذهبي كله امريكـان لو تشوفون كيف لاعبين بالشوارع عندنـا لعب .. والله كل 3 شوارع تفتيش ... بس يلا لازم علشـان يتـم القبـض على المجرميـــن ... |
فتى القصيم مهما صار أو يصير لابد ... لابد أن نصبر الأمن مطلوب والأوضاع الراهنه تستوجب التدقيق في التفتيش والتقصي..تحياتي |
الله يعين بس هم ورى ما يفكونا وينقلون ذا القنصليه مكانها مو عاجبني يله تحمل الين تتخرج بس لا تكون لسى اوريا اوريا جبل :D ربنا يسهل وتستقر الاوضاع بسرعه |
الحال وووواحد كلنا بالهوى سووووووووووووووى عندنا بالشمال كذاااااااا بس تررررررى من شان مصلحتنا ومصلحة الووووطن الله يستر علينا وعلى بلدنا الحبيب جررررررريح الشمال |
| الوقت المعتمد في المنتدى بتوقيت جرينتش +3.
الوقت الان » 11:34 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd