13/09/2013, 02:49 PM
|
| شاعر هلالي | | تاريخ التسجيل: 22/11/2003 المكان: قــصـ(الـهــلال)يدة
مشاركات: 4,103
| |
|
صرخة احتجاج ...!!!
ياليل/ ياساكن انفاس المحبين
ياليل/ وينك عن اللي مايحبون ..!
ان طال موالهم / ياليل ياعين
تتشجر اهاتهم / ويدندن الكون
ياليل/ قلبين / تخشع تحت صدرين
وقلبين متعلقه باهداب وعيون ..!
الدرب ماينتهي / لولا العناوين
والصبح ميعادكم ياللي تخونون ..!
وانا العناوين تاخذني على وين
اجاذب اهل الهوى يمكن ينامون ..!
الشعر(حالة عشق)والنوم تخمين
والعشق مغنى/على الاهات موزون
ازيّن السجن لاحلام المساجين
واواسي الليل كِنّ الليل مغبون
يطردني الذنب / ماخفت موازين
الذنب في كفتين الياس مضمون..!
وان خانني الياس بين الحين والحين
اقول يالله عسى احبابي يعودون
خبرني الليل عن جمرة وسكين
وخطوة تشق الصدر/ بالهون بالهون
عشانها صرت واقف بين نارين
القلب سجاد / واهدابي يمرون
واصحى وانا ماغفت بالليل لي عين
اصافح الصبح / شايل غصن زيتون
واقول ياليل هونك عــ المحبين
وين احتجاجك على اللي مايحبون ..!
/
/
|
الوضع العادي
