اللي حصل اليوم ( مهزلة ) !! - نادي الهلال السعودي - شبكة الزعيم

أنا السعودي · #1 07/09/2013, 01:20 AM

بسم الله الرحمن الرحيم

تعودت الحضور للمباريات الودية في نادي الهلال لأنني ( أظن ) أنني كمشجع ( هلالي ) مرحب بحضوري لمؤازرة فريقي !!
لكن ما حصل اليوم أقول : وصلت الرسالة ( الإدارة الهلالية لا ترغب بتواجد الجمهور في النادي ) !!

اليوم حضرت للمباراة وحدثت مهازل تؤكد إما ( تسيب ) إداري أو ( طرده ) !!

بداية كانت تذاكر المباريات الودية ( خمسة ريال ) وقلنا استثمار لكن مباراتنا اليوم مع فريق ( سدير ) الودية تضاعفت قيمة التذكرة وصارت بـ ( عشرين ريال ) !!

ولما اشترينا التذكرة تفاجأنا لأول مرة بحضور رجال الأمن الصناعي !! وهم نسخة مطابقة لأخلاق أمن استاد الملك فهد !
أول قرار : يمنع دخول المشروبات ( حتى قارورة الماء ) ثاني قرار تفتيش استفزازي و أقل ما يقال عنه تفتيش مجرمين !!

لما دخلنا دخلوا اللي بعدنا بدون تذاكر !! ( الدعوى سرقة ) و بعد ما تعدينا البوابة لقينا المهازل : ( الدخول للمدرجات من باب واحد ) + ( الطريق إلى المدرجات فيه أمن صناعي للتأكد من دخول المعتقلين - أقصد المشجعين - ) + ( عند الشبك يتواجد أمن صناعي يمنع الأطفال من الوقوف بالقرب من الملعب )

ما حصل اليوم قمة المهزلة : أنا شخصيا كنت أعشق الحضور لنادي الهلال ( أفرش السجادة وأتكي فصفص و شاهي وسواليف و سعة صدر ) اليوم كأننا جمهور سدير ( قمة الاستفزاز )

ليت الإدارة الهلالية جعلت المباراة بدون جمهور ولا ( عنتنا ) علشان ( تذلنا ) !!

memo2000 · #2 07/09/2013, 01:22 AM

تتحسن الأمور في قادم الأيام

أنا السعودي · #3 07/09/2013, 01:25 AM

إقتباس

الرسالة الأصلية كتبت بواسطة memo2000


	تتحسن الأمور في قادم الأيام

ما نبي تتحسن !!

نبي نرجع زي أول : تدخل النادي كأنك داخل بيتك .

SCORPION-KING · #4 07/09/2013, 01:26 AM

إن كان هذا الحاصل فهي مشكلة كبيره صراحةً

وإن حصل يظل السؤال المحير .. لماذا كل هذا ؟!!

،،،

الهلالي بأمر الله · #5 07/09/2013, 01:28 AM

فرضاً صارت مشاكل .. ماكنت تفضل وجود الامن ؟
ان شاء الله تتحسن الاجراءات
ومبروك المستوى

أنا السعودي · #6 07/09/2013, 01:31 AM

إقتباس

الرسالة الأصلية كتبت بواسطة الهلالي بأمر الله


	فرضاً صارت مشاكل .. ماكنت تفضل وجود الامن ؟ ان شاء الله تتحسن الاجراءات ومبروك المستوى

أنت تتكلم عن جمهور فريقك !!

لعلمك جميع مباريات الهلال يتواجد دورية عند المدخل ( ما لهم دخل في التنظيم ) و سكيورتية هم اللي ينظمون ولو طلع ( واحد ) راعي مشاكل ( الدورية قريبة )

مو معقولة تعاقب الجمهور عشان واحد ( يمكن ) يسوي مشاكل

والشهادة لله من حضرت للنادي ما أذكر مرة احتجنا شرطة و يقبضون على مشجع ( هلالي )

أبوسعود الدوسري · #7 07/09/2013, 01:35 AM

فيه مندسين يحاولون ضرب اللاعبين بقوارير الماء

راكان الغامدي · #8 07/09/2013, 01:36 AM

والله اذا انك تحب الهلال فبادر بإبلاغ احد المشرفين او احد اداري الهلال بذهابك للملعب وابداء ملاحضاتك اما انك تتكلم في المنتدى فكأنك تقول لاحد يحضر وانا عن ذات نفسي والله لو ادري اني بلاقي قاتل ومقتول في المدرجات بحضر من حبي لفريقي

أنا السعودي · #9 07/09/2013, 01:41 AM

إقتباس

الرسالة الأصلية كتبت بواسطة راكان الغامدي


	والله اذا انك تحب الهلال فبادر بإبلاغ احد المشرفين او احد اداري الهلال بذهابك للملعب وابداء ملاحضاتك اما انك تتكلم في المنتدى فكأنك تقول لاحد يحضر وانا عن ذات نفسي والله لو ادري اني بلاقي قاتل ومقتول في المدرجات بحضر من حبي لفريقي

واضح من ردك أنك ما حضرت المباراة !!

للاسف لو كنت ( تحضر ) مباريات الهلال وحضرت هذي المباراة كان ما كان هذا ردك !!

مهتم7 · #10 07/09/2013, 01:43 AM

وباخل على فريقك بعشرين ريال اعتبرها مباراه رسميه ودفع!! كأنك تخوف الجمهور مايحضرون اي مباراه للهلال!!!!

أنا السعودي · #11 07/09/2013, 01:47 AM

إقتباس

الرسالة الأصلية كتبت بواسطة فوازالبقمي


	وباخل على فريقك بعشرين ريال اعتبرها مباراه رسميه ودفع!! كأنك تخوف الجمهور مايحضرون اي مباراه للهلال!!!!

هي على العشرين !

والله ما حصل يفوق قيمة تذكرة !

faisal الهلالي · #12 07/09/2013, 01:48 AM

الردود تضحك !!!
وش دخل باخل على فريقك الحضور !! والثاني يقول انك تحاول ماتخلي الجمهور يحضر ؟
هو شاف شي سيء قدامه وفضفض اللي بقلبه لعل وعسى يرجع الوضع مثل قبل !!
يعني مباراة وديه جزاني الله خير اني حاضر وتجيوتحطها بعشرين ريال وتسفزني وتمنعني من غراش المويه !!

هذا استفزاز واضح والمفروض ماينسكت عنه
لاهنت

أنا السعودي · #13 07/09/2013, 01:51 AM

إقتباس

الرسالة الأصلية كتبت بواسطة faisal الهلالي


	الردود تضحك !!! وش دخل باخل على فريقك الحضور !! والثاني يقول انك تحاول ماتخلي الجمهور يحضر ؟ هو شاف شي سيء قدامه وفضفض اللي بقلبه لعل وعسى يرجع الوضع مثل قبل !! يعني مباراة وديه جزاني الله خير اني حاضر وتجيوتحطها بعشرين ريال وتسفزني وتمنعني من غراش المويه !! هذا استفزاز واضح والمفروض ماينسكت عنه لاهنت

كنت أتمنى الإخوة حضروا المباراة قبل الرد

مسألة باخل على فريقك ( للتصحيح قيمة التذاكر للراعي الرسمي وليس للنادي )

Hilali =$, · #14 07/09/2013, 01:48 AM

ماختلفنا ياخوي .. موضوع التذاكر لو الود ودي يرفعونه ل30 بعد .. ,

اذا تبي نظام احترافي هذي انظمة احترافية , وبالعكس منها نفتك من دخول المندسين اللي يجون للنادي مع اخوياهم من باب "الفضآوة" , حالها حال مباريات الهلال الاسيوية اللي يكون فيها الدخول مجانا .. واقرب مثال مباراة اولسان والله ان من بدا بترديد الهتافات ضد لاعبين الهلال هم ناس كانو خلفي وماكانو هلالين نصرآوين واتحادين .., جاو للملعب مع اخوياهم الهلاليه

لكن من ناحية الامن , ياليت صوتك يوصل للادارة ويحاولون يضبطون وضعهم : )

نآآيف · #15 07/09/2013, 01:55 AM

والله من ناحيتي مافيه مشكله تخليها بفلوس ..
اهم شيء مايدخلون " المندسين "

لكن بصراحه حضرت مباراة اليوم ..
وأنصدمت من العسكر وتفتيشهم
وصار النظام مثل الأستاد والملز ، ماتدخل معك لا مويه ولا مشروب ..