اللي حصل اليوم ( مهزلة ) !! - صفحة رقم 2 - نادي الهلال السعودي - شبكة الزعيم

lahe · #16 07/09/2013, 02:00 AM

يالغالي نبيك وصل عليه

ثانياً الحين ابيك تفكر معايا دقيقة بس،، افرض انه انت مشجع لاي نادي اخر وكاره لنادي الهلال وحضرت المباراه وفي راسك اشياء سيئه تعملها في الملعب من بيردك لو ماصار هذا كله؟!؟!

هذا كله من باب الحيطه والحذر من ماهو سيئ

الله يوفق هلالنا في قادم المباريات

اسطورة الملاعب9 · #17 07/09/2013, 02:02 AM

فيه ناس تكرهك في النادي

زي مباراة الهلال والغرافه في دور الـ8 في الرياض الي انتهت بـ 3-0 للهلال

انا اكلم السكرتي على الجوال اخليه يقص لي تذاكر واعطيه زياده شوي حق تعبه

وكان دايم يكلمني وهو مبسوط ويسولف

مباراة الغرافه اتصلت عليه تغيرت نبرت صوته قلت له ابي تذكرتين منصه للمباراة

قال لي وبدون نفس دق علي بعدين

وادق عليه يقول لي التذكره بـ 1000 ريال تبي او بعتها لغيرك

من 300 الى 1000

ومن مين ؟

من الي يشتغلون في النادي

قلت له خلها لك ودور غيري

يجب محاسبة اي شخص يستغل اسم النادي

s6o · #18 07/09/2013, 02:11 AM

انا حضرت المباراه وبصراحه اكثر شي استفزني اخلاق الامن الصناعي ياخي تحسه مغصوب على الجيه والتفتيش ناهيك عن طريقة التفتيش كأنك ارهابي وغصب بيطلع معك شي .. اتمنى مانشوف اللي صار مره ثانيه

خالد بنو هلال · #19 07/09/2013, 02:12 AM

هذي مشكلة الأمن عندنا في كل مكان

ينظرون لك على انك مشتبه فيه هههههه

وللأسف حتى النادي يتبع نفس السياسة بسبب قلة فهم وإدراك المسؤولين عن التنظيم للعلاقة بين النادي وجمهوره

نقول مثلا انت خايف ان واحد يرمي علبة ماء ... بسبب خوفك هذا تعاقب الجماهير كلها ..
بينما المفروض انت كمسؤول تحرص على ان الشي هذا ما يصير .. مثلاً توفر علب مياه غير مؤذية... مو تحرم الجماهير من شرب الماء

مثلا خايف ان واحد يدخل بقنبلة هههههه قصدي سكين ... وفر أجهزة فحص على الممرات ولا راح تكلفك مليارات
مو تذل جماهير ناديك وتفتشهم كأنهم مجرمين

وهكذا

مشكلة ربعنا ... موسوسين بالأمن وبنفس الوقت ما يعرفون ابسط قواعد الاحترام للإنسان أولا ناهيك عن انك جاي للنادي اللي تحبه

شخصياً ... آخر مره دخلت نادي الهلال قبل اكثر من عشر سنوات والسبب مثل ما ذكرت

والحمد لله من أيام ابو يعقوب ما طبيت ملاعب السعودية بكبرها ...

فشلهم في سوء التنظيم والعمل الاحترافي يبونا حنا اللي ندفع ثمنه من انسانيتنا وكرامتنا وحقوقنا حتى بالأمل والشرب ... معصي.

ثائرالهميجان · #20 07/09/2013, 02:12 AM

انا مع النظام ايا كان ولكن يجب ان يكون هناك تنظيم وبوفيه داخل الملعب موب معقول تصير ملعب النادي الصغير زي الملاعب الكبيره المياه البلاستيكيه الصغيره اذا رميتها ينشق القصدير الي عليها يعني استخدامها آمن اما التفتيش والسكرتيه والله ماينلامون من مايلاقونه كلنا ندخل ملاعب المباريات الرسميه وياصبرهم على بعض الجماهير
التذاكر والدخول يجب ان تتحسن في النادي حسب مانقل لي احد الاصدقاء الطابور طويل على التذاكر والعدد قليل وبعدها يسمح للدخول بدون تذاكر وهذا مايصلح لفريق كبير كالهلال يحضر له محبيه وكارهيه للتشجيع وللشماته
شكرا لك

ابومعلا · #21 07/09/2013, 02:30 AM

اذا الكلام فعلا حاصل ليش ما ينفع يكتبه في منتدى الزعيم ..ماهو المنتدى للزعماء ؟!!
المفترض اقلها اعتذار اذا حصل هالشيء من كذا مشجع ..
يعني فوق التفتيش فريقي يزرفني !!!!!!
ان شاء الله يشوفون حل ويتعدل الحال .

ABO-BALSH · #22 07/09/2013, 02:32 AM

وسع صدررررررك فريقك فايز بالعشره

الزعيم العنزي11 · #23 07/09/2013, 02:55 AM

يا أخوان اتمنى قبول النقد برحابة صدر
الرجال يقول صار معه موقف وهو متحمس ورايح يشجع فريقه
بصراحة افترض حسن النية واشوف الموضوع لازم يتم التعاطي معه بموضوعية
بعيد عن التشنج والدخول بالذمم
دمتم بالف خير

كي14قن · #24 07/09/2013, 02:59 AM

والله مشكله جاي تحظر لفريقك وتتفاجىء انها ب20 وﻻ تدخل بمويه وﻻ شي سلامات. وتقول له. يقول هذي من اﻻداره. ﻻ وديه بعد وسدير. معليش يعني مب معقول

ابومشاري الهلالي · #25 07/09/2013, 03:01 AM

لا ياخوي موب تدخل النادي كأنك داخل بيتك ابدا

الجمهور فيهم العاقل واللي مهوب عاقل وحماية الاثنين مسئوليه النادي

والعاقل يتحمل والله يعين الشكوى لله

الكبيتانو9 · #26 07/09/2013, 03:10 AM

يارجال تعوذ من بليس بس ولا تكبر اﻷمور

شـبـ الريح ـيـه · #27 07/09/2013, 03:12 AM

للأسف حضرت مباراة الرائد و حرمت احضر ودية في النادي بعد المهزلة اللي شفتها !!

احساس رادوي · #28 07/09/2013, 03:24 AM

# اولا لك الحق في طرح رايك لاسيما انك من جمهور الازرق

بخصوص التفتيش انا معه في بعض الجمهور جاي والشر مخاويه من جمهور الهلال او غيره
ولكن لا يعني انني مع التفتيش ارضى بطريقه تجعل الجمهور ينفر من حضور مباريات الازرق
ولكن ليكن بعضض الجماهير بالها وسيع
بخصوص التذاكر اجهل قيمتها الاساسيه لاني بنت وماحضرت اي مباراه ولا ادري بـ الاسعار

ولكن اتمنى من النادي او الشركه انها تراعي الجمهور ولا سيما انها وديه ومع فريق متواضع
قد يكون فوز الهلال بـ 10 يجعلني اكثر هدوء بـ النفد

ولكن لتعلم الاداره والشركه الراعيه
# ان جمهور الهلال هو من اوجد الهلال ضمن الكبار ان جمهوره هو من اوصله للبطولات
وان الحرب الاعلاميه عليه هو من جمهوره الكبير فلا تجرحوا هذا الجمهور لكي تخسروا جميع ماذكر

كي14قن · #29 07/09/2013, 03:26 AM

ايه والله ليتها من دون جمهور. تجلسني على صبه ساعتين ﻻ مويه وﻻ شي وتقولي عشرين ياخي انا جاي افلها تزرفني ليه ومع سدير بعد. مب معقول يعني

أمير بين الجماهير · #30 07/09/2013, 03:54 AM

لا ك سعر عادي انت تدعم ناديك عاادي ثاني ما احد ضربك على يدك وقال راح اذا انت ما تبي تروح في غيرك الجمهور الهلال ما يوقف عليك او علي وثالث وسع صدرك الامور تتحسن باذن الرحمن