|
بلا هياط .... بسم الله الرحمن الرحيم والسلام عليكم رحمة الله وبركاته بقولكم مقدمة كالعادة قبل لا أدخل بموضوعي .... أنا انسان لا أعرف شي بعلوم القبايل و سيرتهم و فخوذهم و وين يصير هذا الفخذ ووين يرجع ذاك .... اكثر شي ممكن اعده لك جدي و أبو جدي بس ....وغيره لا تسألني .... يعني اسمي الخامس بس.. اربع مسجلة بالبطاقة وواحد سمعته من جدتي قبل فترة ... اعرف لقبي و قبيلتي الكبرى وهي حرب و بعدها لا تسألني أي شي ... من زمان وانا اشوف اغلب البشر هذه سواليفهم .... فخذي وفخذك وهالقبيلة وتلك القبيلة و أنا ماحولك أحد :d:d يوم كنت عايش بجدة كنت مرتاح ياحليلهم ما يعرفون شي ولا يجيبون سيرة شي .... لكن لما رجعت المدينة صارت ترجع السيرة ... قبل فترة بالدوام عندي قامت مضاربة وصراخ و السبب اثنين من قبيلة وحدة اختلفوا مين البيت الي هم أمراء هذه القبيلة ...؟؟ :to: وكانوا يبون يحكموني :s2: وانا تحججت بأني مابي اكون طرف في الهوشه .. وغير القنوات الشعبية الي تجيب لك فخذ مين من فخذ مين و رقص و شعر و افتخار و علوم ,, وانت تحس انك جاهل و ثاني شي : أخوكم بالله ما يعرف بالأسلحة شي :d:d اذكر كنا نتسلى بالساكتون قبل كم سنة و بس ... (تحط) الرصاصة و تشيل الضامن و بعدها تعاير و تطلق اما على حق بيبسي ولا علبة مويه ..:d كل الي معي عندهم اسلحة ورشاشات و علوم الا أنا ..؟؟:s5s: و حتى بعض معارفي كان يدقني بالهرج بسبب اني ماعندي اسلحة و لا اعرفها ولا اعرف كيف تستخدم ...:d او كيف يوضع الرصاص ... وكان كل من له حاجة في نفسه علي فتح سيرة الرشاشات و الا المسدسات و لا اسعارها وعلومها ... حتى اثنين من اخواني راحوا اشتروا اسلحة من باب السير مع التييار .... ودارت الدنيا و الايام تروح ... وصار أمس يختلف عن اليوم ... واليوم يختلف عن بكرة ... وجت أحداث سوريا ... و قتل و مجازر و تفجيرات كل يوم ... كل خبر تشوف صورة طفل مقتول ولا اسرة مغدورة ... هذا يبيكي وهذا يستنجد ... و بانت معادن الرجال ... منهم من مضى و استوطن سوريا وقاتل في سبيل الله... فمنهم من قتل و استشهد .... ومنهم من ينتظر نصر الله ... أو الموت في سبيله ..... والبعض قدم ماله و جهز غازي ودعم مجاهد هناك.... ومنهم أمثالنا ...:confusedw: لا سوريا ولا جهاد ... لا مال لغازي ومجاهد ولا حتى محتاج ... نتحجج بقلة المال ولجائت الصيفية خرجت الأموال لدبي ولا ماليزيا ..؟؟ المهم بعد أحداث سوريا .... أقول حمدلله أني ما اعرف القبائل ولا افتخر فيه ...؟؟ أفتخر بقبيلة و حروبه و تاريخه في الحرب و قدامي أشوفهم صخر ما يتحركون ...؟؟ وين القبيلة وين الحميه وعلومها وين سيرة القبيلة الي وصلتوها للسماء ..؟؟ مفتخرين بحرب قبل مائة سنة ولا مائتين... و المشكلة الحرب بين بعض ...!! هذا ذابح ذاك ...؟ والسبب أما ناقة سايبه ولا ارض مختلفين عليها ..؟؟ وين أمرء القبائل و ين شجعان القبائل وين المتعصبين للقبائل وينهم من سوريا ...؟؟ وين أهل الخيل الي مزعجين بالخيل و تاريخها بالحروب ..؟؟ خيل وفرس و بالاخير تمشيها بالحوووش ..؟؟ فأقول بلا زعل بلا مهايطه:yes::yes::yes::yes::yes::yes: بلا شمري بلا حربي بلا عتيبي بلا مطيري بلا دوسري بلا جهيني .... مهايطه بالقبائل مانبي .. .. بلا سير لتاريخ القبيلة و شجاعته و لا نبي قصص خرافية للحروب و التضحيات فيها .... الشجاعه ماتت معهم و راحت .... و ثاني شي .... الي معه مسدس ولا رشاش وكل ابو طلعه و لا خرجه ولا جلسة جايب الأسلحة معه ...؟؟ كأنه ينتظر صياح المستغيث عشان يفزع ....!! سلاحك حطه بالي تخبره ..... قصدي حطه ببيتك و قفل عليه .... أقلقتونا رشاشات و اسلاحة و تهريب للاسلاحة و طلق و ازعاج و بالخير مالها فائدة ...!!! في الزواجات رجه و صجه و مصلحين فيها فرسان ور جال وكل من هب ودب علق الاسلاحة على جنبه ....:s5s: يعني رجال و الرجالة بدون سلاح ماتصير ....!!! أسلاحة ما تستخدم الا في مطاردة القماري و العصافير ...!! ووقت الجد و الحاجة مانشوفها ....!! أما أنك رجال تخرج و تجاهد بحكم أنك متمرس و خبرة وفارس ... ولا رجال تبيع سلاحك وترسل فلوسه لهم في سوريا يستفيدون منه ...!!! ولا أنك رجال تستحي على نفسك وتحط سلاحك ببيتك وتقفل عليه .... هياط و ازعاج مانبي ...:yes::yes::yes::yes: لا أحد يجي ويقولي عمر رضي الله عنه قال علموا أولادكم السباحة والرماية وركوب الخيل .... لأني راح أقولك كانت الرماية و ركوب الخيل تستخدم في علوم و جهاد وتحرير دول و اغاثة ضعيف و اقامة عدل .... مو نتعلم و نشتري و بالاخير نطارد فيها ضب و لا عصفور ...:s5s::s5s: و سلامتكم فكرة بالصدر حبيت أوصلها على عجل ..:rose: |
الله الله الله من زمان ماشفتك يا مرسال زعلان ومعصب كذا :d إقتناء السلاح له هدفين فقط إما لممارسة هواية الصيد وإما أن تملك سلاح حتى تحمي نفسك به في أوقات الأزمات وأما غيرها فهو لمجرد الهياط من النوع الفاخر :d إلا على طاري الساكتون . . أنا استخدم رصاص أبو سهم وأنت يا مرسال أي نوع تستخدم :d:d:d |
الله يستر منك انت ومواضيعك اللي مالها امان :d مااااااااش بديت اخاف منك :d |
ما فهمته من كلامك انك تطالبنا ان نحمل السلاح وأن يدعوا كل منا قبيله للجهاد من اجل تحرير بلاد العرب والمسلمين من الظلم والعدوان والبغي ! جاك السيسي وبشار :d .. سوف اشتاق لك يا مرسال s121s اقرأ يا رعاك الله :smilie47: من بعد احداث سوريا ومصر مؤخرا .. تعلمت درسين جميلين ممتعين :smilie47: 1 - سوريا .. يبدو ان العرب بلغونا رسالة مفادها .. ان من يعصي بشار فخاتمته شر موته واهله وقبيله ومن معه :s4s: 2 - مصر .. يبدو ان العرب طبقتين لا ثالث لهما ! .. جماعة اللي فوق والله يجعل كلامنا خفيف عليهم :smilie47: .. وجماعة اللي تحت .. والرساله تقول خلك تحت ولا تفكر ترفع رأسك والا ... :s3s: مرسال حدثنا رعاك الله عن النساء والمعازف وكتب الجنس وموائد الطعام s121s والحياة حلوة بس نفهمها :wub: يعطيك العافية ،، |
ههههههههههـ قصفك ابو عبد الرحمن من تحت السر ^_* يوجد من ابناء القباائل من ذهب هناك وقاتل واستشهد وهم كثر نسأل الله ان يتقبلهم شهداء،، ولكن البلاد الأن محكومه وليست مثل قبل كل واحد من امراء القبااائل يرفع العلم وتكفون لاتخلونا ^~* وخذ ياااقصيد ونخوه ،، يعني العتب ع اللي اكبر من شيوخ القباائل،،، شكرا مرساال،، |
يَ الله حيّوه :s2: من طوّل الغيبات جاب الغنايم :d الصراحة آني مي تو :s2: ماآعرف الوشسمه مثلك :s2: لآننا ماننفض ولله الحمد :d فـ مريحتن راسي :s2: قو آهيد يبو :d وحنا بيهايند يو :d تانكيو :s2: ودوك هـ الوردة :s2::rose: |
وعليكم السلام ورحمة الله وبركاتة وانا اتفق معك جمله وتفصيلاً وفعلاً اللي ما يقدر يروح وتحده الظروف عليه تجهيزهم ودعمهم بالمال |
ليه معصب عادي ههههه وبعدين كل واحد فخذه عنده اييييوا:s2: والنعم بالحربي ونحنو ايضا من قبيلة حرب يا اخ العرب .. بس برضو الواحد لازم يعرف اصلو وفصلو .. اما بالنسبه للأسلحه انا اخاف من شكلها فما بالك بصوتها احم احم لاحد يشطح ويقول مغبره .. انا عارفه جايبه معايا الصحراء الكبرى :s2: |
| الوقت المعتمد في المنتدى بتوقيت جرينتش +3.
الوقت الان » 04:25 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd