^^^^

قدوم كروس = بيع دي ماريا 10000 ٪

كروس ممكن يلعب مكان الونسو ،، لكن انشيلوتي مستحيييل يحطه في هذا المركز

الريال ضيع على نفسه افضل صفقه (سواريز) ،، كان يمديهم عليه بس الله يصبرنا ،، الا ماسكه على لاعب له سنه ما لمس الكوره !!! وفوق هذا ما يجي ولا ربع سواريز

ياجماعة الخير والله ان فيني ضيقة بصدري كل ماشفت دي ماريا

والله ياجماعة شي يغبن وشي يقهر وشي يخليك تسب ريال مدريد وتسب السياسة اللي هو عليها وتسب الاعلام الهمجي المنافق الدجال وتسب ابو كل شي تشوفه خلاص توصل لمرحلة تحس انك تقول : لابوها كورة بحريقة الله يـ****
بيريز يرحم لي أمك !!

الى متى وسياستك هذي ! يا خي يكفي غطرسة وشوفة نفسس على حساب فريقك !
تشوف دي ماريا يهاجمونه الصحافة بداية الموسم والآن مرة ثانية رجعوا يهاجمونه وهو في كل الحالتين ماحصل ولا واحد يدافع عنه ! لا رئيس نادي ولا مسؤول فريق ولا حتى المتحدث بإسم النادي !
قلة ادب وقلة حيا وعدم احترام من كوادر النادي !

مافيه الا كارلو انشيلوتي هو اللي عزز له ورجع لنا دي ماريا لاعب اخر يحترق عشان الفريق واقسم بالله انه في نظري اللاعب رقم واحد !! قبل كريستيانو وقبل الجميع كلهم !!

لاعب حقق لنا بطولتين ! شعلة نشاط !!

والآن نلقاه يتشرشح بالاعلام الخايس الساذج المنافق ! ولا احد من النادي قام ودافع عنه !!!

أي فضيحه اللي احنا فيها !؟ ياخي طزز في بيريز وفي سياسته قسم بالله اني بديت اعوف هالرجل !

قد مايكحلها قد مايعميها ويفقع عيونها ماعاد يخلي شي !

ياخخي بكيييفه الرجال ماقال شي غلط ! ميسي افضل لاعب في العالم وجهة نظره هو حر فيها !!

وش دخلكم انتم يالاعلام !؟ وميسي لاعب كبير ليش التقليل هذا والحقد المبالغ فيه !!

يعني بالله التقرير اللي اعتقد ان الكل شافه اللي صدر من الاعلامي المرتزق المنافق الاسباني الخسيس ( بيدرول )

كمية سذاجه وقلة حيا وتسميم عقول وغطرسة وكل شي خايس بالدنيا !!

نسف دي ماريا من كل أفضاله ! لا وبعد قام يمن عليه ! انه ريال مدريد هو اللي طلعك لاعب مميز !!

يارجل اقسم بالله ان دي ماريا هو اللي رفع فريقك ورئيسك بعد ماكان يركض ورا العاشرة وماجابها الا دي ماريا وراموس

وثاني شي يتكلم لي عن ان دي ماريا يغار من بيل !! والله عيييب عيييب هالاشياء تحصل بالاعلام للاعب مميز بفريقنا ومانحصل ولا اي شخص او مسؤول بالنادي يقوم ويدافع عنه مثل ماحصل لما اتهموا بيريز بالرشاوي لكاس العالم بقطر

ما امداه تمر خمس ساعات الا والبيان صادر من النادي

طيب ليش مانشوف بيان صادر من النادي بحق لاعبنا المميز دي ماريا ؟

ولا عشانه مو كريستيانو ولا هو جاريث بيل ؟

والله ان اكثر شي اكرهه منذ سنين طويلة في ريال مدريد ! هي سياسة النادي .

وخصوصا سياسة النادي بحضرة بيريز .

ما انسى ابدا الى الان لحظة خروج النجم الفرنسي ( ميكليلي ) والطريقة البشعه والمخزية اللي فرطنا باللاعب فيها .

بعدها على طول اول مباراة اكلنا خمسسسسة صفر من اشبيلية !!

مين يتحمل هالفضايح !!

وبعدها قعدنا وتبهذلنا سنين عجاف لين ماجانا محور اسمه الونسو ! ولا كل اللي قبله ولا واحد فيهم عوض خروج ميكليلي .

والان يعود بيريز بنفس السيناريو واللي هو التفريط بالنجوم في المقابل تكديس لاعبين بمبالغ خياليه باكثر من مرركز !!


آآآآآآخ والله قلبي احس بينفجر من القهر

لان هذا الفريق وسياسته تعبنني وقسم بالله تعبت تعبت اقول يارب يارب متى يتعدلون !
ياخي خلونا نفرح شوي ونشوفكم مستقرين لو موسم واحد بس موسم واحد !!

لازم كل سنه تسوون افلام !!

والله يحرقهم هالاعلام الاسباني ! واقولها بالفم المليان وانا اتحمل مسؤولية هالكلام

دي ماريا مايستاهل نادي مثل ريال مدريد ماقدره ولا دافع عنه ولا حتى اعطاه شوي مما اعطا لهم وقدمه لهم هاللاعب المميز

روح والقلب داعي لك يادي ماريا .

ويا بيريز الله يسد نفسك مثل ماسديت نفسي .

قسم بالله مالي مزاج اشوف اخبار مدريد من عرفت هالسالفة .

حسبي الله ونعم الوكيل بس

هجوم الصحافة على دي ماريا ؟ , كان على ريال مدريد يطلع 200 بيان في اليوم الواحد دفاعاً عن الهجوم على اللاعبين أو الأخبار الغير صحيحة , ريال مدريد يصدر بيانات اللي فيها إتهامات بـ فضايح أو تزوير تقارير طبية مثل ما حصل مع بيل وغيرها التي تضر بـ سمعة النادي بـ شكل مُباشر وليس الدفاع عن اللاعبين , المتحدث بـ أسم النادي موجود وهو بوتراغينيو وليس مسؤول الدفاع عن هجوم الصحافة على اللاعبين.

دي ماريا ما قال هالكلام أساساً وتم تزوير التصريح بـ شكل خبيث من الصحافة ولكن دي ماريا يتحمل المسؤولية بـ الدفاع عن نفسه بـ النفي هذا التصريح أو تأكيده وليس ريال مدريد كما ذكرت.

دي ماريا يرفع ريال مدريد :d من متى لاعب واحد يرفع أسم ريال مدريد ؟ , أنت حددت اللي جابوا العاشرة في مباراة واحدة وما ذكرت اللاعبين اللي كانوا مُمتازين في مشوار البطولة وتقريباً الفريق كله بـ قيادة أنشيلوتي جاب العاشرة , دي ماريا وراموس لم يكونوا سوى حاسمين في المباريات ومو هم لـ وحدهم جابوا العاشرة.

بـ العكس سياسة بيريز في النادي رائعة جداً , رغم إنتقاد الكثير أنه يقوم بـ الإقتصاد أكثر شي , لكن الصحيح أن الإقتصاد هو جزء لا يتجزء من أجل تكوين فريق كبير وفوق كذا المميز عنده أنه قاعدة ما فيه لاعب أكثر من النادي أبداً.

ماكيليلي خرج بـ طلبه وكان السبب هو رفض الإدارة بـ زيادة راتبه , رغم أن ذلك الوقت كانت سياسة بيريز مُختلفة وكانت تضر الفريق أحياناً وماهي نفس السياسة الحالية اللي أشوفها هي الأفضل وبيريز جاء في الولاية الثانية بـ سياسة لـ مصلحة النادي.


ريال ما فرط بـ النجوم إلا بـ طلب منهم بـ الخروج مثل أوزيل اللي طلع بسبب طلبه وليس كما يتداول في ذلك الوقت أنه كان بسبب تعويض جزء من صفقة بيل , دي ماريا حالياً ما راح يطلع إلا بـ طلبه ولا أنشيلوتي ولا بيريز يبونه يطلع , دي ماريا هو جاب سيرة مستقبله لما قال في وقت بطولة كأس العالم أني ما أبغى أتكلم عن مُستقبلي لذلك هذا سبب اللي نشوفه في الصحافة , إذا دي ماريا فعلاً طلب الخروج فـ نقوله مع السلامة والقلب داعيلك , ريال مدريد ما يوقف على لاعب وفيه لاعب بـ يجي ويعوض مكانه , لكن ما ننكر اللي سواه.


:rose:

أولا حياكم الله .


بانسبه لكلام مشرفنا العزيز

أولا انا ما ذكرت انه كان يجب الرد عن طريق ( بيان ! ) لكن ..
كان بالإمكان الرد ع الاقل بتصريح علما اذا اعتبرنا ان برنامج سيئ الذكر بيدرول يعتبر هو برنامج واجهه لفريق ريال مدريد .
الشي الثاني دي ماريا حاليا في مهمة وطنية أكثر أهمية من انه يتنازل ويرد على مثل هذه الاشكال . ولكن !!
اقول لك مرة اخرى انه كان بالامكان ايضا خصوصا بان اللاعب غائب عن الفريق ان يأتي رد ايضا ولو من أصغر مسؤول في النادي ! لكي نحس ع الاقل ان الفريق خلفه رجال تدافع عليه خصوصا اذا عندك صحافة بذيئة جدا مثل الصحافة الاسبانية .

ومازلت اقول ان لو كان كريستيانو او بيل مكان دي ماريا ... ماكان أحد شاف هذه المهزله .

مشكلتك انك مستعجل او انك ماتبي تقرا كلامي بوضوح قبل ماترد

لما اقول ان ريال مدريد رفع الفريق , فأنا بكل تأكيد اقصد في هذي السنه لان في السنوات الماضية ولو اننا جبنا الدوري وكاس سوبر وكاس ملك لكن ماكانت طموح .
لكن بما ان العاشرة كانت طموح رئيسك ( المهزوز ) مع الاسف , أنا اجزم أن دي ماريا له الفضل بـ40% من حصول الفريق على هذي البطولة من بداية مشوارها الى المباراة النهائية ! وبإمكانك ترجع وتشوف الحلول اللي كان يقدمها لك هاللاعب .

وأتحدى لو مرة واحده !! شفت الاعلام اثنى عليه مثل ماكان يثني على اي لاعب اخر بالفريق ..
ولا حتى النادي اصلا عبره بزيادة مرتبه ..
في كل الحالتين هذا اللي خلاني اقول ان اللاعب صراحة لا يستاهل انه يجلس معنا ! صدق ماقدمنا له ولا شي من اللي قدمه لنا يروح يارجل يشوف له نادي يقدره واعلام يحترمه وحمران عيون تعرف كيف تدافع عن لاعبينها .

ههههههههه اذا هذا مو تفريط اجل وش مبدأ التفريط في نظرك ..!؟
ياررجل اذا عندك لاعب مميز ! وطلب منك زيادة مرتب ! اقل شي تسويه انك تزود له راتبه خصوصا اذا كان لاعب يعتبر في وقته أفضل لاعب بالعالم في مركزه !! وتروح تفرط لي فيه بهالطريقة المخزية!! وغيره اذا بغى يتمسك فيه بكل قوته يعطيه كل مايبي بدون حساب ! المهم ماتروح !

هذه هي السياسة اللي تحبها يالغالي ؟ تحضر لي لاعبين بدون ان ترجع للجهاز الفني وبالاخير نشوف تنسيقهم وبيعهم بخسارة وبأقل الاثمان ... من يتحمل مسؤولية هالأمور ؟


اخوي خلنا واقعيين يعني بالعقل هل اللاعب من نفسه بيتكلم كذا بدون مايتوجه له سؤال اصلا ؟

اللاعب سُئل عن مستقبله واجاب بهالاجابة اللي اشوف انها واقعية جدا ! السؤال في هالأجواء ابدا في مو في وقته وطبيعي يكون تفكير اي لاعب في هالبطولة على منتخب فريقه وبعد كل هذا لكل حادث حديث .

على اي اساس فسر هالتصريح انه يريد الخروج ؟

..


الله المستعان بس .

تصريح ؟ وبيريز بـ يقعد يجمع الصحفيين ويقعد يشرشحهم واحد واحد ؟ , طيب ليه مو وكيل أعمال دي ماريا هو اللي رد وللمعلومية إدارة ريال مدريد غاضبة على وكيل دي ماريا حسب أحدى المصادر الإسبانية , أن ليه ما يطلع وكيل أعماله يوقف هـ الإشاعات وينفيها بـ الإضافة أن إدارة ريال مدريد ماهي مستعدة تفرط بـ دي ماريا.

للمعلومية مورينهو تعرض لـ حملات وطلع بيان من راموس وكاسياس بـ نفي كل ما قيل حول أنهم عندهم مشاكل مع مورينهو ولكن وش صار بعدها ؟ أستمرت الصحافة بـ إصرار أنه لا زالت فيه مشاكل وبلبلة وكأنهم يقولون لهم بلوا البيان وأشربوا مويتها , رغم أن البيان رسمي من النادي وصدر من الموقع الرسمي.

وش مقياسك بأن الدوري والكأس ما كانت طموح حتى لو كان بسيط على الأقل ؟ أنت طالع من موسم بيليغريني الأسود وبدون بطولة وجبت مدرب جديد وحقق الكأس في بداية مشواره وكانت هي مرحلة بناء فريق , رغم أن الفريق وصل إلى نصف النهائي ولكن خرج بـ طريقة مخزية بـ أمر من الحكم وفي الموسم اللي حققنا في الدوري كان ناجح نسبياً حققت أفضل دوري في تاريخ الليغا وصلت نصف النهائي وخرجت بـ ركلات الترجيح ورغم الإرهاق بعد مواجهة الحسم ضد برشلونة وفي الموسم الثالث الكل عارف أن الفريق كان مُفكك في غرفة الملابس , بيريز أصبح رئيس مهزور بس عشان موضوع دي ماريا ؟ , إذا تبي الصدق لو أننا نبي نحط نسب للي جاب البطولة كان عطيت راموس 100% لأن سجل هدف التعادل اللي حافظ على آمال الريال بـ تحقيق البطولة , الفريق الكامل هو من حقق البطولة ماهو لاعب ولا إثنين وإذا تبي أقولك من اللي له فضل كبير راح أقولك أنشيلوتي , لو دي ماريا نعطيه مرتب زيادة كان علينا نعطي راتب زياده لـ مودريتش وراموس وبيبي وكارفاخال وألونسو وبنزيما وكريستيانو وخيسي لأنهم قدموا مستوى بطل :d والله إذا يبي يطلع الباب يوسع جمل الريال ما وقف على لاعب , بـ خصوص الإعلام لا أنت ولا دي ماريا يملكونه عشان يتكلمون عنه , المعروف عنه أن نجم الفريق هو اللي عليه الأضواء أكثر شي.

وكل من هب ودب طلب زيادة راتب قعدت أزود بـ راتبه ؟ , مين اللاعبين اللي جا الفريق بدون أي مشاورة بين الرئيس والجهاز الفني وخصوصاً في ولاية بيريز الثانية ؟ ومين اللي نسقناهم بـ خساير وبـ أقل الأثمان ؟ أقرب واحد أوزيل كان بـ قرار من بيريز والجهاز الفني وتم بيعه بـ قرابة 50 مليون يورو رغم أن موسمه الأخير ما كان في أفضل مستواياته.


حبيبي اللي بـ العقل هو أن اللاعب إذا يرغب بـ أنه يبقى مع النادي يقوله للصحافة وين المشكلة في الموضوع , بينما اللاعب اللي يبي يطلع ما راح يكون علنياً على الصحافة وراح يقول ما أعرف أي شي عن مستقبلي مثل كروس حالياً , يعني تتوقع اللاعب يفكر بـ البقاء مع النادي ؟ فيه إستثناء إذا كان اللاعب قاعد يهدد بـ أنه مُمكن يطلع من النادي عشان هو اللي يستفيد.


:rose: