انا ما اعتقد انه احتياطي عشان الاخبار اللي يسربها ،، مع اني ما اشوف شي على الاقل الموسم الحالي ،، هو كل ما في الموضوع من وجهة نظري ان انشيلوتي ما يقدر يرجع كاسياس لانه يعرف ان انصار لوبيز بيلعنون ام امه :d فما عنده الا انه يكمل على لوبيز خصوصا وانه كان يقدم مستويات جميلة ،، وحاليا مستواه بدا ينزل لوبيز حارس كبير وفادنا كثير ،، بس والله اني انغبن اشوف اسطووووره جالسين نعدمه عشان سالفة والله طلع اخبار النادي(اذا هذا كان السبب) ،، اوكي عاقبه مباراة مبارتين بس مو تمسكه الدكة طول الموسم ،، لان اللي جالس يصير هو اعدام لكاسياس ،، انت جالس تحطه تحت ضغط نفسي ،، تحرمه اللعب واذا جت مبارايات حساسه (دوري الابطال) تقوم تلعبه اساسي وهو ما طق الكوره اسبوعين اقل تقدير :to: بالحاله هذي اي غلللللطة في اي مباراة بتمسك عليه وعاد الريال والصحافه ما يحتاج :laugh: واذا صحيح انشيلوتي يشوف ان لوبيز افضل من كاسياس فا من باب اولى تحط لوبيز في الابطال وكاسياس يشارك من فتره لفتره بالدوري :to: بس وش تقول !!!!

الرسالة الأصلية كتبت بواسطة Madr!d (مشاركة 21550185) عبدالله معليش عالمداخلة وتقبل رأيي , أنا صراحة أستغربت بـ كلامك بـ أشياء هي مب موجود أصلاً , أولها أنصار لوبيز , صراحة مدري مين هم أنصار لوبيز من خلال اللي أشوفه الصحافة وأغلب الإسبان يدعمون شي أسمه كاسياس ويكرهون لوبيز ! وأنا برأيي ما أشوف لوبيز مستواه نزل أبداً وبـ صراحة أغلب الأهداف اللي دخل مرمانا في الجولات السابقة يتحملها الدفاع المخيس اللي للحين قاعدين عليه وما تحسن ! كاسياس صحيح أسطورة ولكن الأساطير لازم يكونون أساسيين على الرغم من وجود أفضل منه وخصوصاً أنت تلعب بأسم النادي والنادي ما يعرف الأسطورة إذا ما يقدم شي للفريق , أيضاً أنت تعدم دييغو لوبيز وأنت تركنه في الدكة وتلعبه مباريات قليلة , بـ خصوص كاسياس تمسك عليه الصحافة أي غلط هذا شي غير موجود صراحة يعني أقرب مثال هدف اليوفي علينا كاسياس أرتكب غلطة ولا شفنا أحد يتكلم بالذات الصحافة لك :rose:

مبروك الفوز وهارد لك المستوى الغريب
الشوط الثاني كمية الفرص اللي علينا وعدم امتلاك الكورة وتشتت الوسط والدفاع ما شفتها من فترة طويلة ،
كأن الملعب مايل وكأن أسامي الفرق انعكست وهذا شي لازم الفريق يتداركه بأقرب وقت، 4 بلنتيات في مباراتين رقم كبير

نجي للفصفصة لاعب لاعب "براسي فلسفة :d" :

دييغو لوبيز: أبدع اليوم صحيح أخطأ عرضية أو عرضيتين لكن شال أهداف محققة ومنها التسديدة اللي لمسها بأطراف أصابعه
وراحت للقائم، استغرب من اللي يحملونه هدف سانشيز لأن تقدمه كان طبيعي وذكي لو عدت الكورة من فاران وهذا اللي صار
ومستواه الفترة الأخيرة ممتاز نزل شي بسيط لكن يبقى أفضل من كاسياس حاليا

كارفخال: لاعب ما نضج للآن مستواه جميل هجوميا ودفاعيا جيد لكن فيه بعض التشتت أفضل أربيلوا بمكانه في المباريات الصعبة
(أربيلوا): لاعب "ماكر" وخبيث" ضعيف هجوميا ما أحد ينكر هالشي لكنه يدافع بشكل ممتاز للغاية
بيبي: مستواه جيد إلى حد ما وفي تحسن الفترة الأخيرة باستثناء ركلة الجزاء والخطأ المتهور من بيبي كالعادة
راموس: القيصر الفترة الأخيرة ما هو راموس اللي نعرفه وإن شاء الله يرجع لمستواه في القريب العاجل
كوينتراو: البرتغالي رائع باختصار يعرف متى يهاجم وكيف يدافع والله يستر عليه من الإصابات
(مارسيلو): اليوم كان بأقل من مستواه المعتاد ودفاعه دايما مهزوز وضربة الجزاء أشوفها قاسية على مارسيلو وعلى الميرنغي

ألونسو: وش أقول وش أخلي :ba1: لاعبي المفضل في عالم المستديرة الحالي مسمار توازن مستواه بعد الإصابة لا يزال متوهج
وشفنا كيف كان وسط الريال فيه فراغ أيام إصابته وبعد إخراجه الشوط الثاني في مباراة اليوم، نموذج المحور المتكامل
(أياراميندي): لاعب فيه من شبه ألونسو بالركض ولكنه بعيد بعد المشرق عن المغرب في المستوى، أتمنى كاسيميرو ياخذ فرصة أكبر.
مودريتش: جميل الكرواتي باختصار ما قصر ويأدي المطلوب منه على أكمل وجه واستحق المكان الأساسي بمستواه
دي ماريا: الأرجنتيني اليوم تايه في الملعب وما ينلام مركز جديد ممكن يناسب معيض لأن دفاعه جيد

بيل: النفاثة الويلزية بدا يشكل جبهة مرعبة أخيرا ويستعيد شي من بريقه والقادم مرعب أكثر s121s
رونالدو: صاروخ ماديرا فوق الوصف هالموسم ناوي على شر ما شاء الله :smilie47:
بنزيما: أنا من أكبر مناصريه، لاعب موهوب جدا :smilie47: ويتميز بالصناعة بشكل كبير وهذا يفيد بيل وكريس

------------------------------------

* جميل إن أنشيلوتي جالس يجرب بالتكتيك ويغير باللاعبين حاليا لحد ما يوصل للتركيب الأمثل للاعبين
واللي أشوفه مبدئيا بهالشكل وممكن يتغير مع الوقت وبحسب المباراة:
دييغو لوبيز، مارسيلو، راموس، بيبي، أربيلوا(كارفخال)، ألونسو، مودريتش(خضيرة)، الدون، ايسكو(مودريتش)، بيل(معيض)، بنزيما

هلا مدريد :ba1: ومن فوز لفوز بإذن الله :smilie47:

الرسالة الأصلية كتبت بواسطة Abdullah-88 (مشاركة 21550207) اكيد يابعد قلبي كل واحد له وجهة نظر وانا احترم كلامك اولا ،، انا اقصد انصار لوبيز الجماهير مو الصحافه ثانيا ،، هدف اليوفي كيف غلطة كاسياس ومن الاساس الدفاع ماقام بواجبه ؟ لا من مارسيلو اولا ،، ولا من قلوب الدفاع بالمتابعه ،، الكوره كانت صعبه ،، كاسياس صحيح حارس كبير بس اي حارس ممكن يجي فيه هدف ،، و غلطة عن غلطة تفرق ،، كاسياس صد الكوره وكان لازم على الدفاع انهم يتابعون ،، ولو اعتبرنا انها كانت غلطة كاسياس فهل تقارنها بغلطة لوبيز ضد البرسا ؟؟ انا على فكره ما اقول ان لوبيز مقصر او انه نكبه او اي شي من هالقبيل ،، يمكن كلامي انفهم بالصوره هذي ،، بس انا اللي كنت حاب اوصله هو - كاسياس احتراما لتاريخه لازم نوقف معه بالزين والشين ،، نزل مستواه فتره ،، طلع اخبار للصحافه ما كان مفروض يطلعها ،، موب على طووول نجحده ونخليه مثل اللي مايسوا شي :d عاقبه مورينيو ،، بدا يحسن من وضعه ،، يحاول يرجع لمستواه ،، وش نبي اكثر ؟ يعني اي لاعب ينزل مستواه او يطلع اخبار او اي شي من هالقبيل على طول نحطه بالبلاك لست ؟!! :d لك :rose:

الرسالة الأصلية كتبت بواسطة Madr!d (مشاركة 21550250) حتى يا عزيزي الجماهير أغلبية الجماهير الإسبانية يقدسون شي أسمه إيكر شوف عشان أكون صريح معاك أنا لو أشوف لاعب يطلع أخبار النادي المفروض يُعاقب ومُمكن تستدعي للطرد لأنك أنت أولاً ما أحترمت النادي وثانياً أنت تشوف نفسك أكبر من النادي , خلنا نقولك ليش دييغو لوبيز يلعب أكثر من كاسياس , أولاً كاسياس نص موسم ما لعب في الموسم الماضي , ثانياً كاسياس مب أجهز من لوبيز عشان يشارك ما أقصد من الناحية البدنية لا أقصد لـ خوض المباريات , هذا سببين مُهمين ولكن أنشيلوتي قاعد يعطيه فرصة بالتشامبيونز ليق وإذا بدع وصار أفضل من لوبيز تقدر تقول يستاهل يلعب مباريات في الليغا , أنا متأكد لو كاسياس لعب بـ مستوى ثابت ومُمتاز يقدر يحط دييغو لوبيز عالدكة في أغلب المباريات أو بعضها لك :rose: